قطوه قطر
New member
- إنضم
- 2010/01/07
- المشاركات
- 202
السلام عليكم ورحمه الله وبركاته
حبيت اطرح هالموضوع للبنوتات اللي عندهم هموم او مثل حالتي يعيشون وقت فراغ ومب عارفين كيف يقضونه واللي تاخر بهم الزواج واتمنى من تطبق هالافكار ان ربي يحقق كل امالها ويسر لها كل عسير
سبب طرحي للموضوع ( اكثر البنات يعانون من فراغ ومشاكل وتنتظر الفرج من الله تعالى )
على فكره انا اول وحده اعاني من فراغ ومشاكل خاصه فيني وللاسف اسوي معاصي تكون بنظري صغيره ووادعي الله يرزقني
واللي استنتجته ان لازم اصلح من ذاتي واغير تفكيري واترك المعاصي
وراح اذكر لكم يابنات المعاصي اللي بنظرنا صغيره وعاديه لكنها حرام ووكل ماستمرينا فيها راح نغضب ربنا ونتهاون في اداء الصلاوات والعبادات
اللي هي
1- سماع الاغاني ( تقريبا اغلب البنات اذا مب كلهم يسمعون الاغاني ويحفظون كلمات الاغنيه واغلب وقتهم يسمعون اغاني وكلنا نعرف ان الاغاني حرام وعن تجربه ماورا الاغاني الا الاثم بذكر لكم امثله
وحده اسمعت اغنيه يتغزل بها المطرب لمفاتن المراه فحبت تستعرض انوثتها وتبرجت وراحت السوق وبكذا قامت بمعصيه اخرى الا وهي تفتن الرجال وتحرك غرائزهم بعدها تطور الامر وغازلها شاب وللاسف البنت صدقت انه طاح فشباكها واسرته بجمالها فعطاها الرقم واتصلت لتجرب حظها وبكذا قامت بمعصيه اكبر الا وهي تكلم شاب غريب عنها وبعدها قد يتطور الامر الى الزنا والعياذ بالله
2- الغيبه او الحش او العقار ( طبعا اغلب البنات ماتحلى سوالفهم الا بالكلام على الناس مثلا راحت عزيمه وشافت بنات وردت تتكلم عنهم الا ذي لبسها كذا الا ذي كان شكلها كذا
واللي طايحين فيه البنات للاسف هو سب المطربات والمذيعات مثلا حليمه لما ظهرت بالام بي سي اكثر البنات كانوا يسبون فيها وماقصروا بالحش بذمتكم يابنات هذي تستاهل تاخذ ون سيئات بسبتها ولا تعتقدون الشباب اللي يمدحون فيها وفجمالها يفكرون ياخذون وحده مثلها عاصيه متبرجه تفكيرهم ترا شهواني فياليت يابنات تنتبهون لهالنقطه وتثقون فانفسكم وتخلون الحش تراه من الكبائر راح اذكر لكم حديث لتوضح لكم الصوره اكثر
قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! )شيسوى عليك تدخلي النار بسبه حش وعقار
لازم يابنات نتحكم فعمرنا وفلسانا ياما نقول خير او نصمت اعرف يابنات ساعات نشوف شي ومانقدر نسكت بس لازم نحاول ندرب انفسنا
3- حب المسلسلات والروايات ( كلنا تقريبا نتعاطف مع المسلسلات والروايات الرومنسيه و خلنا نحاول ناخذ الشي المفيد ونستمتع بس نضع حدود لخيالنا وتفكيرنا وكلنا نعرف ان الواقع شي وهاللي نشوفه شي ثاني
4- البويات والبنوتات وهالسوالف لازم نبعدعنها ومانايدها ابد
5- جمع الصلوات او التاخر فيها ( حاولي تكون صلاتج فوقتها من اول ماتسمعين الموذن تتوضين وبعد ماينتهي تصلين صدقوني يابنات مافي احلى من انا نعود نفسنا على المحافظه على الصلوات في وقتها وبعد لازم نستشعر عظمه الله ونخشع فصلاتنا ومانسرح ونتعوذ من الشيطان قبلها
طبعا ذكرت بعض المعاصي اللي نتستهين بها للاسف
فياليت يابنات نترك المعاصي واعتقد اكثركم مثقفات وفاهمات وتعرفون ان الحلال بين والحرام بين فماله داعي نقول بكره بنعقل او ماشابه ذلك وخلك قويه وقولي من الان لا للمعاصي
وتذكري دايما ( كن لله كمايريد يكن لك الله فوق ماتريد )
طبعا الحين انا ذكرت بعض المعاصي اللي لازم نتركها ونجاهد انفسنا على تركها
نجي للشي الثاني بعد ماتركنا المعاصي وتبنا توبه صادقه
في بنات للاسف يتوبوا رغبه فالحصول على شي وبعد ماتحصل على هالشي ترجع مثل قبل
وهذا شي حرام وماتدرين شلون ربي بيجازيج فلازم تكون نيتنا صادقه بالتقرب الى الله و ترك المعاصي
الحين باذكر لكم برنامج لنعيد تاهيل ذاتنا ونتقرب من الله وعسى ربي يتقبل منا وياليت لو تشاركون فطرح افكار ولك الاجر طبعا وتذكري من دعا الى هدى كان له اجر من تبعه فراح تجزين على الخير اللي قمتي به وعلى اجور من قاموا به
راح اقسم البرامج اللي بنقوم فيها الى 3 اقسام
برامج روحيه ( اللي هي العبادات المحافظه على الصلوات فوقتها وقراءه القران والصدقه والاستغفار وقيام الفجر 00 الخ )
برامج تثقيفيه ( تتثقفين فالدين اكثر ادخلي منتديات ومواقع الشيوخ مثلا موقع الشيخ محمد العريفي راح تستفيدين حقا - صيد الفوائد - انا مسلمه -
دخلي اليوتيوب واستمعي الي القران بعده اصوات صدقيني بتحسين بصفاء ذهني ووبراحه
استبدلي سماع الاغاني بالقران استبدلي قراه الروايات التافهه بالتثقف فالدين
شاركينا بهالمنتدى ببعض المواضيع اللي استفدتي منها شاركينا بنصايحج
روحي مكتبه جرير واشتري كتب تربيه ودينيه واقراي الشي المفيد
برامج جماليه ( اهتمي بجمالج بالطريقه الصحيحه وخلي لك بعض العادات مثلا اول ماتصحي تشربي ماي وتغسلين وجهج بماي الورد و اخذيلك شور ودلعي نفسك اهتمي بغرفتك لاتخلين حد يهتم فيها غيرك خليها غرفه تدل على انها غرفه بنوته دلوعه صاالحه مب تافهه وبعد ماتاخذين الشور وتلبسين نظفي غرفتك ورتبي فراشك وبخري غرفتك وشغلي القران خلي غرفتك اي حد يدخلها يحس براحه نفسيه مارسي الرياضه واهتمي بغذائك حاولي تصلحين بعض العيوب اللي فيج - اقراي عن بعض المواضيع اللي بتفيدج بالزواج وخلي هدفج تثقيف نفسج مب اثاره شهوتج او غيره - اقري عن زوجات الرسول صلى الله عليه وسلم - اقري عن بعض مواضيع الامومه عشان تكون عندك خلفيه بالتربيه وتذكري كل ماقريتي وتثقفتي بتفيدين نفسك اكثر واكثر وحاولي تنوعين بقراءتج عشان ماتملين
برامج تطوعيه ( تعلمي طبخه وخلي صديقاتك او خواتج بعد يطبخون اكلات وجمعيهم ووديهم للعمال او للي فمحطات البترول - شريتي لك اكل من مطعم وماكلتيه كله جمعيه وايضا وزعيه
كل ماتطلعين تصدقي باللي ربج يقدرج عليه -ساعدي اهلك باللي تقدرين عليه )
واهم من ذا كله بر الواادين لاتنسين هالشي خلك دائما طائعه لهم فرحي قلبهم قعدي معاهم خصصي لهم من وقتج
خلي بشنطتج كتيب اذكار الصباح والمساء وقران ومسباح استغفري دايما خلي لسانج رطب بذكر الله
جوالج حملي فيه بدل الاغاني سور بالاصوات اللي تحبينها تفكري في الايات خلي تفكيرج دائما لصالحج وفالخير
تقربي اللي الله بالنوافل - قيام الليله - صلاه الضحى
دربي نفسك عليهم بالتدريج
لاتغمض عينك الا وانتي حامده لله متفائله بان الغد افضل من اليوم
وخلك مثال البنت الخلوقه الصالحه
وصدقيني متى مارضى الله عنك سيرضي عنك الناس وتذكري نعم الله عليك دائما
واوصيكم بالاستغفار
اتمنى موضوعي يكون متكامل و تستفيدوا منه ويالله يارب ارزق كل بنت قرات موضوعي ونوت تتقرب منك باللي تتمناه وابعد عنها الشيطان واجعلها من عبادك الصالحين
تذكير ( اللي حابه تستفيد اكثر تقرا في مواضيعي موضوع كنت طارحته سابقا لعل وعسى يفيدك ويقدم لك شي اللي هو بعنوان( كوني قمر زمانك )
http://www.niswh.com/vb/showthread.php?t=248365
واسال الله ان يكون هالموضوع في ميزان حسناتي ويكون شاهدا علي يوم العرض
واتمنى تردون علي لاني تعبت حقااا في سرد افكاري وعصر مخي واتمنى ان تدعون لي لعلكم اقرب منزله مني لله بالزوج الصالح عاجلا غير اجلا والتوفيق
ويعطيكم العافيه
حبيت اطرح هالموضوع للبنوتات اللي عندهم هموم او مثل حالتي يعيشون وقت فراغ ومب عارفين كيف يقضونه واللي تاخر بهم الزواج واتمنى من تطبق هالافكار ان ربي يحقق كل امالها ويسر لها كل عسير
سبب طرحي للموضوع ( اكثر البنات يعانون من فراغ ومشاكل وتنتظر الفرج من الله تعالى )
على فكره انا اول وحده اعاني من فراغ ومشاكل خاصه فيني وللاسف اسوي معاصي تكون بنظري صغيره ووادعي الله يرزقني
واللي استنتجته ان لازم اصلح من ذاتي واغير تفكيري واترك المعاصي
وراح اذكر لكم يابنات المعاصي اللي بنظرنا صغيره وعاديه لكنها حرام ووكل ماستمرينا فيها راح نغضب ربنا ونتهاون في اداء الصلاوات والعبادات
اللي هي
1- سماع الاغاني ( تقريبا اغلب البنات اذا مب كلهم يسمعون الاغاني ويحفظون كلمات الاغنيه واغلب وقتهم يسمعون اغاني وكلنا نعرف ان الاغاني حرام وعن تجربه ماورا الاغاني الا الاثم بذكر لكم امثله
وحده اسمعت اغنيه يتغزل بها المطرب لمفاتن المراه فحبت تستعرض انوثتها وتبرجت وراحت السوق وبكذا قامت بمعصيه اخرى الا وهي تفتن الرجال وتحرك غرائزهم بعدها تطور الامر وغازلها شاب وللاسف البنت صدقت انه طاح فشباكها واسرته بجمالها فعطاها الرقم واتصلت لتجرب حظها وبكذا قامت بمعصيه اكبر الا وهي تكلم شاب غريب عنها وبعدها قد يتطور الامر الى الزنا والعياذ بالله
2- الغيبه او الحش او العقار ( طبعا اغلب البنات ماتحلى سوالفهم الا بالكلام على الناس مثلا راحت عزيمه وشافت بنات وردت تتكلم عنهم الا ذي لبسها كذا الا ذي كان شكلها كذا
واللي طايحين فيه البنات للاسف هو سب المطربات والمذيعات مثلا حليمه لما ظهرت بالام بي سي اكثر البنات كانوا يسبون فيها وماقصروا بالحش بذمتكم يابنات هذي تستاهل تاخذ ون سيئات بسبتها ولا تعتقدون الشباب اللي يمدحون فيها وفجمالها يفكرون ياخذون وحده مثلها عاصيه متبرجه تفكيرهم ترا شهواني فياليت يابنات تنتبهون لهالنقطه وتثقون فانفسكم وتخلون الحش تراه من الكبائر راح اذكر لكم حديث لتوضح لكم الصوره اكثر
قال رسول الله: ( إن المفلس من أمتي يأتي يوم القيامة بصلاة وصيام وزكاة، ويأتي قد شتم هذا، وقذف هذا، وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه أخذ من خطاياهم فطرحت عليه، ثم طرح في النار! )شيسوى عليك تدخلي النار بسبه حش وعقار
لازم يابنات نتحكم فعمرنا وفلسانا ياما نقول خير او نصمت اعرف يابنات ساعات نشوف شي ومانقدر نسكت بس لازم نحاول ندرب انفسنا
3- حب المسلسلات والروايات ( كلنا تقريبا نتعاطف مع المسلسلات والروايات الرومنسيه و خلنا نحاول ناخذ الشي المفيد ونستمتع بس نضع حدود لخيالنا وتفكيرنا وكلنا نعرف ان الواقع شي وهاللي نشوفه شي ثاني
4- البويات والبنوتات وهالسوالف لازم نبعدعنها ومانايدها ابد
5- جمع الصلوات او التاخر فيها ( حاولي تكون صلاتج فوقتها من اول ماتسمعين الموذن تتوضين وبعد ماينتهي تصلين صدقوني يابنات مافي احلى من انا نعود نفسنا على المحافظه على الصلوات في وقتها وبعد لازم نستشعر عظمه الله ونخشع فصلاتنا ومانسرح ونتعوذ من الشيطان قبلها
طبعا ذكرت بعض المعاصي اللي نتستهين بها للاسف
فياليت يابنات نترك المعاصي واعتقد اكثركم مثقفات وفاهمات وتعرفون ان الحلال بين والحرام بين فماله داعي نقول بكره بنعقل او ماشابه ذلك وخلك قويه وقولي من الان لا للمعاصي
وتذكري دايما ( كن لله كمايريد يكن لك الله فوق ماتريد )
طبعا الحين انا ذكرت بعض المعاصي اللي لازم نتركها ونجاهد انفسنا على تركها
نجي للشي الثاني بعد ماتركنا المعاصي وتبنا توبه صادقه
في بنات للاسف يتوبوا رغبه فالحصول على شي وبعد ماتحصل على هالشي ترجع مثل قبل
وهذا شي حرام وماتدرين شلون ربي بيجازيج فلازم تكون نيتنا صادقه بالتقرب الى الله و ترك المعاصي
الحين باذكر لكم برنامج لنعيد تاهيل ذاتنا ونتقرب من الله وعسى ربي يتقبل منا وياليت لو تشاركون فطرح افكار ولك الاجر طبعا وتذكري من دعا الى هدى كان له اجر من تبعه فراح تجزين على الخير اللي قمتي به وعلى اجور من قاموا به
راح اقسم البرامج اللي بنقوم فيها الى 3 اقسام
برامج روحيه ( اللي هي العبادات المحافظه على الصلوات فوقتها وقراءه القران والصدقه والاستغفار وقيام الفجر 00 الخ )
برامج تثقيفيه ( تتثقفين فالدين اكثر ادخلي منتديات ومواقع الشيوخ مثلا موقع الشيخ محمد العريفي راح تستفيدين حقا - صيد الفوائد - انا مسلمه -
دخلي اليوتيوب واستمعي الي القران بعده اصوات صدقيني بتحسين بصفاء ذهني ووبراحه
استبدلي سماع الاغاني بالقران استبدلي قراه الروايات التافهه بالتثقف فالدين
شاركينا بهالمنتدى ببعض المواضيع اللي استفدتي منها شاركينا بنصايحج
روحي مكتبه جرير واشتري كتب تربيه ودينيه واقراي الشي المفيد
برامج جماليه ( اهتمي بجمالج بالطريقه الصحيحه وخلي لك بعض العادات مثلا اول ماتصحي تشربي ماي وتغسلين وجهج بماي الورد و اخذيلك شور ودلعي نفسك اهتمي بغرفتك لاتخلين حد يهتم فيها غيرك خليها غرفه تدل على انها غرفه بنوته دلوعه صاالحه مب تافهه وبعد ماتاخذين الشور وتلبسين نظفي غرفتك ورتبي فراشك وبخري غرفتك وشغلي القران خلي غرفتك اي حد يدخلها يحس براحه نفسيه مارسي الرياضه واهتمي بغذائك حاولي تصلحين بعض العيوب اللي فيج - اقراي عن بعض المواضيع اللي بتفيدج بالزواج وخلي هدفج تثقيف نفسج مب اثاره شهوتج او غيره - اقري عن زوجات الرسول صلى الله عليه وسلم - اقري عن بعض مواضيع الامومه عشان تكون عندك خلفيه بالتربيه وتذكري كل ماقريتي وتثقفتي بتفيدين نفسك اكثر واكثر وحاولي تنوعين بقراءتج عشان ماتملين
برامج تطوعيه ( تعلمي طبخه وخلي صديقاتك او خواتج بعد يطبخون اكلات وجمعيهم ووديهم للعمال او للي فمحطات البترول - شريتي لك اكل من مطعم وماكلتيه كله جمعيه وايضا وزعيه
كل ماتطلعين تصدقي باللي ربج يقدرج عليه -ساعدي اهلك باللي تقدرين عليه )
واهم من ذا كله بر الواادين لاتنسين هالشي خلك دائما طائعه لهم فرحي قلبهم قعدي معاهم خصصي لهم من وقتج
خلي بشنطتج كتيب اذكار الصباح والمساء وقران ومسباح استغفري دايما خلي لسانج رطب بذكر الله
جوالج حملي فيه بدل الاغاني سور بالاصوات اللي تحبينها تفكري في الايات خلي تفكيرج دائما لصالحج وفالخير
تقربي اللي الله بالنوافل - قيام الليله - صلاه الضحى
دربي نفسك عليهم بالتدريج
لاتغمض عينك الا وانتي حامده لله متفائله بان الغد افضل من اليوم
وخلك مثال البنت الخلوقه الصالحه
وصدقيني متى مارضى الله عنك سيرضي عنك الناس وتذكري نعم الله عليك دائما
واوصيكم بالاستغفار
اتمنى موضوعي يكون متكامل و تستفيدوا منه ويالله يارب ارزق كل بنت قرات موضوعي ونوت تتقرب منك باللي تتمناه وابعد عنها الشيطان واجعلها من عبادك الصالحين
تذكير ( اللي حابه تستفيد اكثر تقرا في مواضيعي موضوع كنت طارحته سابقا لعل وعسى يفيدك ويقدم لك شي اللي هو بعنوان( كوني قمر زمانك )
http://www.niswh.com/vb/showthread.php?t=248365
واسال الله ان يكون هالموضوع في ميزان حسناتي ويكون شاهدا علي يوم العرض
واتمنى تردون علي لاني تعبت حقااا في سرد افكاري وعصر مخي واتمنى ان تدعون لي لعلكم اقرب منزله مني لله بالزوج الصالح عاجلا غير اجلا والتوفيق
ويعطيكم العافيه
