موانع الحمل للبكرية

ك

كبرياء طفلة

New member
إنضم
2010/07/14
المشاركات
18
صباح الخير ع الجميع

انا زواجي بعد 3شهور وماملكت ملكتي قبل الزواج بشهر
المهم انه انا مو حابة احمل باول سنة زواج او ع الاقل اول 6 شهور وبحكم اني ماملكت ومافاتحت خطيبي بالموضوع انا حابة اعرف منكم طرق طبيعية لمنع الحمل او ع الاقل طرق غير مضرة غير العزل او العد لان هالامور لازم يتففقون عليها الازواج من قبل وانا ماراح اقدر اكلمه في موضوع زي كذا اول ما املك


انا سمعت عن الكزبرة الناشفة تغلينها
تنفع للبكرية؟؟؟؟

وكمان سمعت عن حبوب الرضاعة خيفية وتمنع الحمل
تنفع؟؟؟

واش اسمها وافضل الانواع؟؟

انا ماابغى امنع الحمل نهائي بس لان عندي دراسة وباقي لي سنة وحاكون بعيدة عن زوجي انا في مدينة وهو بمدينة ثانية فاحبة انبسط بهالسنة مو حابة يكون فيها حمل ونفستة شينة وامتحانات


ياليت اللي جربت او عندها معلومة ماتبخل علي ​
 
حبوب منع الحمل هي الحل الصراحة بس لازم تتفقي مع خطيبك ولازم تبدأي قبل الفرح بفترة شهرين او تلاته شهور عشان لو ماناسبتك تغيريها بدل ماتتعبي في شهر العسل بس بما انو ماتقدري قبل ماتتفقوا مع بعض انصحك تستخدموا الواقي الين ماتتفقوا مع بعض وبعدها على طول استخدمي الحبوب بس تستخدموا الواقي في كل مرة لاتتهاونوا لانو من مرة وحدة ممكن تحملي لاتقولي مو وقت تخصيب ولا شي انتبهي

حبوب الرضاعه ماانصحك فيها لسببين الاول انو بس فيها هرمون واحد والسبب التاني انها احتمال كبير انها تطول الدورة وكمان ينزل عليك دم حتى بعد ماتخلص الدورة


وانا الصراحة معاك وبقوة إنك ماتحملي على الأقل السنة الأولى انبسطي في حياتك وخلصي دراستك

استخيري قبل ماتستخدمي اي شي

والله يوفقك ويسعدك ويكتب لك الخير
 
مافي الا الحبوب منع الحمل بس ترى لها اضرار اكثر ممكن تجيب لك العقم

وانتي توكلي على ربي هذه رزقة من ربي ولاتفكري بها الشي لانه اذا ربي راد تحملين تحملين حتى لو تاخذي حبوب او مركبة لولب

هذي ارادة ربي ومافي شي يمنع ارادته

بس انتي ادعي ربي في صلاتك ياخر لك الحمل لحد ماتكوني مستعدة لللامومة وربك كريم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل