من يساعدني في معاملتي لاولادي .. ؟

[غااليه]

تعبت من كثر التفكير في هذا الموضوع لدرجه اني فكرت اعرض عيالي لدكتور نفسي تخيلوا .. انا اولادي ما يسمعوا الكلام مع انهم كبار اعمارهم ( 15-14-10-9) واتبعت معاهم كل الطرق لا تقولوا قصرت معاهم لا والله عطيتهم كل اهتمامي وكنت اقعد معاهم واتكلم مع كل واحد لحاله واستعطفهم اقول لهم اني تعبت منكم ويبكون علي وعقب ينسون اللي صارواذا طلبت منهم شئ يقولون لي ان شاء الله بس ابدا ما ينفذونه ينسونه .. عاقبتهم وما نفع .. ضربتهم وما نفع .. كلمتهم وما نفع .. احس في خلل فيهم ما ادري والله اني اجلس ادعي لهم في صلاتي وابكي ويشوفوني وما يتأثرون ..الكلام اعيده عليهم تقريبا كل دقيقه وكل لحظه لدرجه اني خلاص تعبت صرت اكره الكلام معاهم وما اعرف اي طريقه باقي عشان اتبعها معاهم ؟؟ ياااااريت القى لي اخصائيه في هذا المجال تساعدني قبل لا يضيعون اولادي مني ؟؟
وجزاكم الله خير .. وما تقصروون مقدما لجميع من يقدم لي النصيحه ..

 

[ام الشيخ الصغير]

فيه كتاب اكثر من رائع

( اطفال مزعجون ) للدكتور : مصطفى ابو سعد

باذن الله بيساعدك ....

ودوري كتب اخرى

 

[غااليه]

مشكوره يا ام الشيخ الصغير وان شاء الله بادور الكتاب

 

[ام الشيخ الصغير]

يا قلبي انتي ..... ماسويت شي ..... اخجلتيني

 

[ضَوءْ]

رد مكرر

 

[ضَوءْ]

آختي اهم شي في التربيه

الثبات على موقف واحد

اللي زعلك اليوم لاتمررينه بكره لاي سبب


فيه كتاب اسمه
التربيه المثاليه للابناء للدكتور هايم جينو

اذا بالك طويل اقرأي الكتاب وطبقي اللي فيه وخليه اسلوب حياتك معاهم

ومع الدعاء في صلاتك واخر الليل بإذن الواحد الاحد ربي بيهديهم لك


وحابه اركز على نقطتين

احنا للاسف نبي اطفالنا بالريموت كنترول يتحركون ويتصرفون وفق رغباتنا

طفلك هذا انسان مثله مثلك له رغباته وشخصيته

مو تابع لأحد

احنا نتعامل مع رجل الغد وام مستقبليه

وحده من صديقاتي تقفل المطبخ عن ولدهااا وعمره اربع سنين ولاتسمح له يدخل المطبخ نهائي حتى لو هي موجوده

للاسف هي كذا تعلم ولدها ان المطبخ من المحرمات على الرجل لمن يكبر ويصير اعتمادي بكل شي ولما اناقشها تقول مايهمني لما يكبر اهم شي ارتاح انا الان ؟؟؟؟؟؟؟؟؟؟

ليش وش المانع انه يدخل ويقطع معك ويغسل ويرتب الاطباق واحيان يخلط الكيك بعد وكله تحت نظري

وش المانع يرتب اغراضه الخاصه ونص وقته يروح بتنسيق وترتيب غرفته

والله نص مشاكل الاطفال سببها وقت الفراغ

نايم او يلعب بلاي ستيشن او يناظر بالتي في

ماعنده احساس بالسئوليه ابدااا


لاتقولون اطفال

اطفال بعمر 4 سنوات حفظه للقرآن لانه تربى كرجل وتحمل مسئوليه من صغره

آتمنى اانا فعلا نستشعر هالشي

حتى الطفل له واجبات لازم يقوم فيها وبعدها يعيش طفولته باقي يوومه

اللي بوصله

التربيه اسلوب متكامل ياخذ الطفل مساحه كامله من الحريه فيه

ربي يهديهم لك واعذري اطالتي

 

[غااليه]

اختي ضـــوء .... مشكوره يا قلبي على ردك الحلو وكلامك صح وواقعي 100%
بس انا انسانه متفهمه مع اولادي واولادي كبار مش صغار بس عيبهم انهم لو يسمعون كلمتي ويقولون ان شاء الله ما يعملون الا اللي يبغونه اعطيكي مثال // رن جوال ولدي وعمره 15 على طول صكر الخط ونزل قلت له وين رايح قال لي تحت يعني بالبيت مش طالع وكانت الساعه 2 الظهر ، نزلت وراه الا هو طالع من البيت مكلمه ولد عمه بالشارع انا شكيت بالموضوع وجلست انتظره عند الباب لما رجع وشافني ما عرف يرد .. جلست معاه وحاولت بالكلام وبالسياسه اعرف ليش كذب علي وايش يبي منه ولد عمه ما عرفت الحل اللي اتبعته معاه اني عاقبته في غرفته ما كان يطلع الا للصلاه ويرجع غرفته بس والله من كثر ما اتبع هالعقاب معاهم احسه ما عاد يأثر فيهم وتعودوا عليه ..
هو يعرف اني ما احب يماشي ولد عمه عشان كذا هو يقابله بالسر ما يقول امي معاها حق وهو يجيه من وراه مشاكل لكن شلون اقنعه واخليه هو يبتعد عنه ؟؟ ..الله يهديهم يارب ويصلحهم لي
مشكوره حبيبتي والله يجزيك خير على ردك