من ولدت .. صرت عجااااااازة :(**تم الرد**

[aso0ola]

السلام عليكم صبايآ

مشكلتى مشكلة مع ابو العيال ابتدا يظايج مني

انا ولدت صار لي 3شهور
ومن ولدت وانا صرت كسلانه عياااااااااازة بمعنى الكلمة مارتب
والبيت الله لايوريكم
وبو العيال صار يطفش مني .. ويقول شو هالوساخه وليش ماترتبين البيت
انا احس ابنى ماخذ كل وقتى وان نام .. اما انى انام او ارتاح اشوف تلفزيون ولا عالنت
اتكااااااسل ارتب

حتى خوات زوجي وعمتي يظايجون من عدم ترتيبي .. وانا اتظايق بس ماااااقدر
حاولت ارتب يوم ويومين بس بعدها اتعايز
ارتب يوم و10 لا


شو الحل ساعدوووووني في ترتيب بيتى اول باول
بجد مظايقه .. وماريد زوجي يزعل منى ونظرته صوبي تتغير

 

[^غلا دبي^]

عزيزتي


الوقت اللي بتقضينه على الانترنت اولى انج ترتبين بيتج فيه

ولا تنسين ان الشياطين تتجمع على الوصخ



حاولي تقسمين الوقت بين الاحتياجات


واهم شي وقت ما تستعملين الادوات رجعي كل شي مكانه لانه هالطريقه تقلل من الفوضى

​

 

[^غلا دبي^]

عزيزتي


الوقت اللي بتقضينه على الانترنت اولى انج ترتبين بيتج فيه

ولا تنسين ان الشياطين تتجمع على الوصخ



حاولي تقسمين الوقت بين الاحتياجات


واهم شي وقت ما تستعملين الادوات رجعي كل شي مكانه لانه هالطريقه تقلل من الفوضى

​

 

[defa]

نامي بدري و قومي بدري رتبي بيتك أول ماتقومين من النوم
انصحك بتناول فيتامينات يمكن عندك نقص فيتامينات لانه يخليك مرهقه وتعبانه وعشلاتك مشدوده
ثم عليك بتناول القهوه بعد الاستيقاظ مباشره

 

[عآشقة زوجهآ]

الله يعييييييييينك يارب

روحي سوي تشييك كامل على صحتك يمكن على قول الاخت عندك نقص فيتامينات او فقر دم الله يكفييييك الشر يارب
وانا صارلي نفس الشي وطلع معاي فقر دم ولله الحمد تعالجت ورجع كل شششي طبيعي

واتمنى هالموضوع يفيدك http://www.niswh.com/vb/showthread.php?p=5950011#post5950011

 

[أحاسيس مجروحة]

قد يكون عندك كسل في الغدة أنا كنت كذا أحس نفسي ما أقدر أتحرك ولا أسوي ولا شي ولما رحت للدكتورة حللتلي الغدة وصار عندي كسل فيها الغدة في الإنسان هي مثل البنزين في السيارة فالسيارة لا تستطيع أن تتحرك من دون بنزين

 

[دمعةشوق]

.

الكسل يولد كسل مثله واشد ...

حذااري حذااري قبل ان يقع الفاس بالرااس ..!!

​

.

 

[أسماء زكي الدين]

مشكلتك يا عزيزتي أنك لا تقومين بكل عمل أولا بأول

أنت الآن في بداية حياتك الزوجية وأسرتك صغيرة والشغل عليك قليل وستتمنين رجوع هذه الايام لما كان ابنك صغير والشغل قليل والوقت طويل.

هيا عزيزتي اساعدك لتنظفي بيتك وترتبيه لتستمتعي بحياتك بعدها ..


قولي لي بيتك كم غرفة؟

زوجك متى يخرج للعمل ومتى يعود إلى البيت؟؟

ممكن تستعيني بأختك مثلا أو أخت زوجك تمسك لك ابنك ساعتين في يوم أو ثلاثة؟​

 

[أم ديدي وبروك]

قبل لااتزوج كنت كسوووووله وبعد الزواج ماحد انشط مني
واااااجب عليج تقومين باداءك في البيت وواجب عليج رحت زوجج
والله يوفقج

 

[الأميييره]

انصحك اختي قبل ماتخصرين زوجك
احسن وقت لتنظيف البيت الصباح ادا كان زوجك في العمل
سبحان الله الصباح يكون فيه بركه فاستغليها اختي
اعتبري ان فيه احد جايك ويش راح تسوي اكيد بتقومي تنظفي بيتك صح الله يوفقك

 

[شماليه متطرفه]

اف والله نفس المعاااناه بس بديت اتغلب على بعض منها
==
على فكررره لازم تقووولين لزوجك انك بتستردين صحتك بس يصبر عليك وقولي له ان السبب تلخبط بسيط ونقص فيتامين علشان يلتمس لك العذر وماهقوتي يلتمس

 

[فتاة هادئه]

ياقلبي كلنا في الهواء سوا انا مثلك مااطيق الشغل معني كنت قبل يضرب فيني المثل بشدة نظافتي وحبي لترتيب بس الحين تغيرت ميه وثمانين درجه والكل لاحظ مو عارفه وش صاير فيني كله تعبانه ودايخه بس اجيب خدامة اهلي تنظف بيتي في الاسبوع مره والله بيعينا .........

 

[am yazed]

حبيبتي حتى انا كسلانه وقتى مع عيالي
لكن حاولي تنظمين نفسك ولدك بعده صغير خليه في السرير وانتي رتبي بعدين ماعندك اطفال بحوسون إذا نظفتي ورتبتي خلاص نظفي المطبخ ورتبيه وكل ماخلصتي منه رجعي الاغراض مكانه وغرفة الجلوس نظفيها زين مره في الاسبوع ويومي بالمكنسه الكهربائيه بسرعه وحتى باقي غرف البيت كذالك
وإذا الكسل شديد يمكن عندك نقص فيتامينات​

 

[أحلى تشكيلية]

شوفي حبيبتي اولا نظمي نومك وحاولي تخلي شل البيت الصباح بجد

الصباح فيه بركه تخلصي الشغل وانتي مرتاحه عيالك يا نايمين يا بالمدرسه

وزوجك مو عندك لو اشتغلي كل ساعه غرفه مايجي الظهر الا وانتي مخلصه

والغسيل قسميه على 3مرات بالاسبوع او مرتين وبعده طبعا الكوي

او انك تعملي جدول المطبخ والله يكرمك الحمامات بالليل اذا كنتي تسهرين

والبيت بالنهار مافيه اسهل من ترتيب البيت والغسيل على المغرب او العشا اذا ما وراكي

خرجه .. ...

والله يساعدك واذا ابد ما قدرتي جيبيلك شغاله من الي يشتغلو بالساعه

للمطبخ والحمامات والكوي وباقي البيت خليه عليكي ..​

 

[فاقدة أختها]

لا توجل عمل اليوم للغد
كل شي اذا تكوم يصير مالك نفس تسوي شي بس اذا نظفتي اول باول مارح تتاكسلي وافحصي يمكن يكون عندك فقر دم من جد

 

[همسة وصل]

الاخوات ماقصروا والله يكون بعونك
نصيحة لكي اختي ان تطبقي حديث الرسول صلى الله عليه وسلم وسترين اثر ذلك فى حياتك عن تجربة
عن على رضىي الله عنه أن رسول الله صلى الله علية وسلم "قال حين طلبت منه فاطمة رضي الله عنها خادما"
(الاأدلكماعلى ماهو خير لكمامن خادم؟اذا أتيما الى فراشكما أوأخذتما مضاجعكما,فكبرا أربعا وثلاثين,وسبحا ثلاثا"وثلاثين واحمدا ثلاثا"وثلاثين فهذا خيرلكما من خادم"

طبقي السنة النبوية النشاط والبركة فى الوقت والعمل والراحة النفسية بأذن الله عز وجل