معلومات راجيه الرضا
- إنضم
- 18 فبراير 2017
- المشاركات
- 14,542
- مستوى التفاعل
- 9,665
- النقاط
- 113
من طرق التفكير الضارة
من طرق التفكير الضارة اللي اتسربت لينا سواء من الميديا أو طرق التربية الخاطئة أو بعض كتب التنمية البشرية ... إنك تبقى متخيل إنك لما هتوصل لمرحلة معينة في حياتك هترتاح ...
- إنك لما تخلص دراسة هترتاح
- إنك لما تلاقي شغل هترتاح
- إنك لما تتجوز هترتاح
- إنك لما يبقى معاك فلوس كتير هترتاح
- وهكذا ...
ايه ده، يعني أنا مش هرتاح خالص؟
لو الراحة بالنسبالك معناها السكون والتوقف عن الحركة والسعي ... فده تصور خاطئ عن الطبيعة الديناميكية للحياة ... وهو ده ما يسمى نفسيا بالـ Static Thinking واللي يعتبر مصدر أغلب التشوهات المعرفية أو طرق التفكير الخاطئة ...
لو عايز تفهم يعني ايه Dynamic Thinking أو الطبيعة الديناميكية للحياة ... تقدر تشبه الحياة بمباراة كرة القدم ...
مباراة كرة قدم ... يعني ببساطة ما ينفعش تبطل لعب طول ما الماتش شغال ... واللحظة اللي هتبطل فيها لعب، الفريق التاني هيجيب فيك اجوان ... وهكذا الحياة ...
- لو بطلت تهتم بتحسين إيمانك ... إيمانك هينقص تلقائيا لأن الشيطان والدنيا مش هيسيبوك.
- لو بطلت تهتم بتحسين مستواك المادي ... مستواك المادي هينقص تلقائيا لأن متطلبات الحياة بتزيد باستمرار.
- لو بطلت تهتم بتحسين مهاراتك في الشغل ... مهاراتك هتضعف والطلب عليك هيقل في السوق لأن غيرك هيسبقك.
- لو بطلت تهتم بتحسين صحتك ... صحتك هتقل تلقائيا بسبب تقدم العمر.
- لو بطلت تهتم بعلاقتك بزوجتك/زوجك وأولادك ... علاقتك بيهم هتضعف تلقائيا لأنهم ليهم اهتمامات أخرى بتشدهم غصب عنهم.
- وهكذا ...
فالخلاصة ... إنك طول مانت عايش لازم هتفضل تتحرك وتسعى وتهتم عشان تقدر على الأقل تحافظ على مستواك ... وطول مانت بتتحرك طول ما هتحس إنك عايش ومبسوط ...
لكن اللحظة اللي هتبطل تتحرك وتسعى فيها ... هي اللحظة اللي مستواك فيها هيبدأ ينزل تلقائيا ... لأن هي دي طبيعة الحياة ...
فلو متخيل، إنك لما هتوصل لمرحلة معينة في حياتك، هتقدر توقف سعي وحركة ... فانت محتاج تراجع تصورك ده يا صديقي ... لأنه تصور لا يناسب طبيعة الحياة ... وبالتالي مش هتعرف تعيشها ...
محمد حسان
- إنك لما تخلص دراسة هترتاح
- إنك لما تلاقي شغل هترتاح
- إنك لما تتجوز هترتاح
- إنك لما يبقى معاك فلوس كتير هترتاح
- وهكذا ...
ايه ده، يعني أنا مش هرتاح خالص؟
لو الراحة بالنسبالك معناها السكون والتوقف عن الحركة والسعي ... فده تصور خاطئ عن الطبيعة الديناميكية للحياة ... وهو ده ما يسمى نفسيا بالـ Static Thinking واللي يعتبر مصدر أغلب التشوهات المعرفية أو طرق التفكير الخاطئة ...
لو عايز تفهم يعني ايه Dynamic Thinking أو الطبيعة الديناميكية للحياة ... تقدر تشبه الحياة بمباراة كرة القدم ...
مباراة كرة قدم ... يعني ببساطة ما ينفعش تبطل لعب طول ما الماتش شغال ... واللحظة اللي هتبطل فيها لعب، الفريق التاني هيجيب فيك اجوان ... وهكذا الحياة ...
- لو بطلت تهتم بتحسين إيمانك ... إيمانك هينقص تلقائيا لأن الشيطان والدنيا مش هيسيبوك.
- لو بطلت تهتم بتحسين مستواك المادي ... مستواك المادي هينقص تلقائيا لأن متطلبات الحياة بتزيد باستمرار.
- لو بطلت تهتم بتحسين مهاراتك في الشغل ... مهاراتك هتضعف والطلب عليك هيقل في السوق لأن غيرك هيسبقك.
- لو بطلت تهتم بتحسين صحتك ... صحتك هتقل تلقائيا بسبب تقدم العمر.
- لو بطلت تهتم بعلاقتك بزوجتك/زوجك وأولادك ... علاقتك بيهم هتضعف تلقائيا لأنهم ليهم اهتمامات أخرى بتشدهم غصب عنهم.
- وهكذا ...
فالخلاصة ... إنك طول مانت عايش لازم هتفضل تتحرك وتسعى وتهتم عشان تقدر على الأقل تحافظ على مستواك ... وطول مانت بتتحرك طول ما هتحس إنك عايش ومبسوط ...
لكن اللحظة اللي هتبطل تتحرك وتسعى فيها ... هي اللحظة اللي مستواك فيها هيبدأ ينزل تلقائيا ... لأن هي دي طبيعة الحياة ...
فلو متخيل، إنك لما هتوصل لمرحلة معينة في حياتك، هتقدر توقف سعي وحركة ... فانت محتاج تراجع تصورك ده يا صديقي ... لأنه تصور لا يناسب طبيعة الحياة ... وبالتالي مش هتعرف تعيشها ...
محمد حسان
اسم الموضوع : من طرق التفكير الضارة
|
المصدر : منتدى الصحة النفسية