من زوجها مثل زوجي

ا

انهارالجنان

New member
إنضم
2008/09/28
المشاركات
23
السلام عليكم حبايبي
انابغيت اقولكم مشكلتي مع زوجي واللي عندها حل اوراي ياليت ماتبخل علي
بصراحه بيننا مشاكل كثيره بس المشكله اللي محيرتني وانا اقول اللي محيرتني لان
فيه مشاكل اكبرمنهابس ماابي اطول عليكم
مشكلتي اني اذا طلعت من الاربعين الاحظ ان زوجي متقرف مني :icon28:وكانه يغصب نفسه علي ومايبيني الاحظ هاشي صراحه اول حمل لي كنت اقول متى بالد وارتاح وارجع اتكشخله وطول الاربعين وانااهتم بنفسي اهتمام غيرطبيعي باكلي وبشرتي وجسمي وفعلاتغيرت وصرت احلى منقبل وجبت كوافيره وصبغت وغيرت شكلي لكن يوم رحت عنده انصدمت:icon1366: من تعامله معي كان يتهرب وقت النوم واذاشافني لابسه ومتزينه يجاملني بكم كلمه وبعدين يطلع من البيت صراحه انصدمت وتعبت نفسيتي بس ابكي ولاادري ليش يعاملني كذا واذاسالته يجيب اعذار ماهي مقنعه وبعد فتره حسيت انه بدا يرجعلي بس مو مثل اول ولمعلومكم في ولادتي الاولى ماكنت اعرف ليش كان يعاملني كذالين ولدت الولادهالثانيه وبعدالاربعين سوا نفس السالفه بس الولاده الثانيه كان عندي اكتئاب ويوم شفت تعامله معي ونفس طريقته الاولى عرفت انه عشان الولاده واستمرمعي الاكتئاب ست شهوروتعبت مره وهالحين انا مااحب احد يجيبلي سيره الحمل والولاده وهوهالحين يقولي احملي واناصراحه كل مااذكر تعامله معي بعد الولاده اتراجع عن فكره الحمل وش ريكم كيف اتعامل مع الانسان هذا لاتقولولي صارحيه وتكلمي معاه انا المره الاولى كنت منصدمه وكنت ابكي ويشوفني ولاقالي شي يتهرب ويجيب اعذار مالهاداعي ولاتدخل بالعقل ومثل ماقلتلكم اناماتاكدت انه متقرف مني اللابعد الحمل الثاني وهذا وانامالي الاطفلين اجل لوخمسه ولاسته وش بيسوي بيحذفني بالشارع :sadwalk:حسبي الله ونعم الوكيل
 
تلقينه شايف ولادة بفيديو ومنصدم ... العلم عند الله

بس يا الغاليه اذا تبين تعرفين شنو يفكر فيه لازم تسالينه اذا ماتبين تسالينه بتضلين محتارة ومهموومه

وممكن يكون تفكيرج مو صح

الله يهدي سركم ان شاءالله
 
الله يكون في عونك ... انا بعد ولادتي الاولى صدمتي اكبر من صدمتج قالي ليش تبين ترجعين البيت ....... ؟؟؟؟؟؟؟ يعني ليش ؟؟؟ لان كان ماخذ راحته بالسهر والطلعات وغيره وما يبي احد يحكره بس يا اختي انج ما تسالينه هذا مو حل ومع هذا لازم تعرفين ؟ يمكن في شي ما يبي يقوله ولما تقولين له انج لازم تعرفين يفتح قلبه ولا تنسين موضوع تضييق الرحم يمكن يفيد واعذري صراحتي وكان الله في عونج
 
حبيتي من قالك اني ماسالته انا سالته عشرين الف مره ويتهرب ويجيب اعذار ماهي مقنعه ابد
اختي منال الليل بالنسبه لتظييق انا متاكده ان موقصده الشي هذا لانه يحاول يتهرب وهو ماجرب شي
 
الله يهديه... يمكن شاف الولاده او حضر معك الولاده؟؟ فهو خايف يقربك و انتي توها جراحتك ماطابت 100%
 
انهار الجنان

قلبتي علي المواجع

انا من اول ما احمل زوجي ينقلب علي ..وما يطيق حتى لمسني ...وما حصل هذا اللي في اخر حملتين

تقولين هو اللي يتوحم !!!!! ويعاملني معاملة جافة جدا جدا

يعني انا اصلا في الحمل اتعب كثير ... يصيبني جفاف من كثرة الترجيع و يضطرون يركبون علي مغذي وينخفض عندي الضعط بشكل كبير يعني افقد التوازن مع دوخة فظيعة والام في المعدة تخليني ما اقدر حتى اتحرك من مكاني من شدة الالم ... وهو الله لا يوريك وجهه...كأني انا مسوية جريمة

ويظل طول الشهور التعسة وهو بهذه الحالة ..وانا حالتي النفسية سيئة جدا

وكنت اعد الايام ..اقول ان شاء الله بس تنتهي الشهور التسعة والد اكيد راح يتغير

هو من الحملة الرابعة وهو نفسية تغيرت ...ولكن لما ولدت الحمد لله رجع طبيعي

ولكن في الحمل الاخير ...صار اني حملت ...وكالعادة تغير وصار يعاملني بجفاف ...وصارت عنده ظروف في شغله ..وظروف وفاة والده ...يعني صارت الظروف عليه مجتمعة .... قلت يمكن يتغير اذا ولدت ...وكنت من جانبي غلطانه ...كان المفروض اني اصارحة واقول له ليش تعاملني بهذه الطريقة ...لكني ما كنت ابغي احرجة ...وهو كان يظن اني مو منتبهه لمعاملته لي

المهم بعد الولاده الاخيرة ... صار شرخ عميق في علاقتنا بعد ما كنا مضرب مثل للعلاقة المثالية

حتى بعد الولاده كان باااااااااااااااااااااااارد جدا معي

ظلينا متباعدين عن بعض ...ودون ان نحاول ان نفتح الموضوع

حتى لو كانت بيننا علاقة زوجية ...لكن تحسين انها تأدية واجب فقط لا غير

لكن في الاخير وبعد 9 شهور من الولاده صار الانفجار ...ما قدرت اتحمل ..حسيت ان حياتي راح تنهار ...طلعت اللي في قلبي كله

ولكن للاسف بعد ايش ...بعد ما تأثرت قلوبنا

والى الان انا ما ادري بالضبط ليش يعاملني في فترة الحمل بهذا الجفاف

لما اصريت اني اعرف السبب ...قال لي صدقيني انا نفسي ما ادري ليش تتغير نفسيتي

ويرجع يقول لي انت تتوهمين انا ما فيني شي

الان اذا جاب طاري الحمل ...اقول له انسى اني احمل مرة ثانية

اذا تبغي عيال اهون علي ازوجك ولا انك تحطم اعصابي مثل ما سويت لي في الحملتين الاخيرييتين

الى الان وانا اشعر بحزن اذا تذكرت ذيك الايام

والله ظلينا سنوات الى ان رجعنا طبيعين في مشاعرنا

وانا هنا اقول لك ...لا تسكتي عزيزتي

لازم تفتحين الموضوع مع زوجك و ما تتركينه الا اذا قال لك وش اللي يغيره عليك

قولي له ما راح ازعل اذا قلت لي السبب ...بالعكس ...انا اذا كان فيني شي مو عاجبك راح اصلحة

قولي له لا تحاول تغاور و تخدعني ..انا انثى وعندي حاسة قوية اتجاة اي تغير في مشاعرك اتجاهي

مهما حاولت انك تغطي هذه المشاعر وما تبينها انا اشعر بها واتعذب

خلنا نتصارح من الان قبل ان تكبر الفجوة بيننا وذيك الساعة ما في شي راح يرجع طبيعي

وخليك حنونه معه في الكلام ولكن اصري على ان تعرفي السبب او ..انه يحسن معاملته معك

وانا واثقة بان هناك الكثير مثل زوجي وزوجك والله يعين المراة

ولكن ما في احسن من المصارحة عزيزتي

وربي يوفقك
 
عنقود عنب مشكوره عالنصيحه وان شاءالله راح اجرب نصيحتك
قمر الكون مشكوره عالدعوه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل