من دجاجلة هذا الزمن "السوشيال ميديا"

[راجيه الرضا]

((( أكبر دجال في هذا الزمان..! )))
..
---
لكل زمان دجاله .. ودجال هذا الزمان بلا منازع قولا واحدا هو ( السوشيال ميديا ) :

اولا : ( بيوت مفضوحة ) .. سؤال هو انا ليه اقول مراتى اني بحبها اصلا على السوشيال ميديا ؟.. وليه هى تقول لى قدام كل الدنيا انى احسن اختيارتها ؟.. ببساطة لاننا بنقول للناس .. مش لنفسنا .. لاننا لو صادقين فعلا مش هنحتاج نعمل ده ..!
.
ثانيا : ( كارثة التكسب من السوشيال ميديا ) .. اللي خلت بنات كتير تتعري وترقص .. وامهات تسقف .. واباء يدوروا وشهم الناحية التانية .. اللى خلت ازواج شمال يعملوا دويتوهات توصف ادق تفاصيل حياتهم بما فيها السريرية .. حلم الفلوس والشهرة .. والناس اللى لسه موصلتش .. اللى بتشوف الكلام ده وتتفتن .. وبتشوف الناس الناقصة وهي طالعه تتنطط بفلوسها ..!
.
وهنا بقى ثالثا وهى الاهم : ( الناس اللى شافوا ناس من قاع المجتمع بقوا بلوجرز وانفلوينسرز ويوتيوبرز ) صور الفيلل .. واللاند روفر .. وحفلات المشاهير والاعلانات .. العين تشوف .. والقلب يشتهى .. والموضوع يبان سهل .. والسبب "مد العين" ..!

( السوشيال ميديا ) هو الراعى الرسمى لمد العين، الناسف للرضا والجالب للسخط والتذمر على كل النعم .. و { لا تمدن عينيك الي ما متعنا به ازواجا منهم زهرة الحياة الدنيا لنفتنهم فيه ورزق ربك خير وابقى } .

#مما_قرأت

 

[راجيه الرضا]

هذا المقال لا يهدف إلى مهاجمة السوشيال ميديا ككل بل الجوانب المظلمة فقط فالسوشيال ميديا ككوب حسبما ملئته أن خيرا فخيرا وإن شرا فشرا بالعكس السوشيال ميديا باب عظيم من ابواب الخير
إن حسن استخدامه