حبيبتي ما فيه انسان ما فيه عيوب ....فديتج انتي ذكرتي عيوب زوجج بس ما ذكرتي لنا شلون موقفج منها؟؟؟؟
يعني عالجتيها بالسياسة وطوله البال ؟؟ ولا على طول كرهتيه ومابيك وطلقني؟؟؟؟
فديتج هالكلام مايصير....اذا كل وحده بتهد زوجها لعيوب فيه ما تمت وحدة على ذمة زوجها....
انا من وجهة نظري ما شوف عيوبه تخليج تطلبين الطلاق ..في ألف طريقة وأسلوب تتعاملين فيها مع زوجج وتحاولين تغيرينه حبة حبة ويصير تمام التمام باذن الله ....
انتي حامل وفي شهورج الأولى عشان جي صايرة حساسة ...صعبة تتخذين أي قرار حاليا....وبعدين مبين زوجج يحبج واااااااايد لما كان يحن عليج ترجعين من بيت هلج ....ياما حريم وقت الوحام رياييلهم يقطونهم عند اهلهم وما يسألون فيهم....
انتي اعترفتي بنفسج انه كان طيب ويحبج وقت الملكة,,شلي تغير؟؟؟ اسألي نفسج...
شوفي انا عن نفسي ملكتي كانت شهرين وكانت من اروع ما يكون بس أول ما تزوجت ريلي كرهني فالدنيا من كثر ما كان يتحكم فيني ...لدرجة مرة حاول يضربني عشان بس أروح معاه ازور حد من اهله..وطبعا في امه خير يمد يده علي...صج زوجي واحبه بس والله لو يسويها لا أمسخر الدنيا فيه....
انتي المفروض من البداية ماااااااااااااااااااااتسمحين لزوجج يضربج لاي سبب كان ...غلطتي لما سمحتي له يمد يده,,,,
وبعدين على سالفة البنات عااااااااااااادي ,,,,كل الرياييل خاطرهم خلفتهم كلها اولاد ...وهاي الشي الرسول عليه أفضل الصلوات والسلام ذاكره...لا تستغربين ....
انتي لو ذكية بتحببين زوجج بالبنوتة الله يحفظها قبل لا تجي وقولي له حديث الرسول((خيركم من بكر بأنثى )) أتمنى يكون نص الحديث صح...وحطي يده على بطنج وقولي أتمنى بنوتتنا تطلع حلوة لأبوها وتاخذ قوة شخصيته ويا حظها بأبوها ....وبنشتري لها ذهب وندلعها ونحطلها شرايط وتاخذها معاك الجمعية وتلعبها و و و الخ....اسحبيه معاج السوق وخليه يختار لها شغلات حلوة وقولي بنصبغ الغرفة وردي والله شحلات هالفستان على بنوتتنا وبنحطلها نقش الحنا وندلعها ونجيب لها اخو يكسر راسها خخخخخ(((أدري ما فهمتي شي بس حببي زوجج بالبنت وكله تكلمي عنها عشان صج يشتاق لها من ألحين))
يعني تخلينه بذكائج يحب بنته ويشتاق انها تكون بحضنه,,,
موضوع المصروف هم بعد غلطاااااااااااااااانة,,انتي بنفسج تقولين اهلي شايليني,,,ليش ان شاء الله؟؟؟؟ متزوجة الأخ ديكور...؟؟؟ عودي الريال يصرف عليج ياقلبي ,,شوي شوي ..بدلع بكلام حلو باسلوب راقي تاخذين كل شي من ريلج...مب من اول مرة ما عطاج قمتي تصحين وكلمتي أهلج يصرفون عليج....واذا على قولتج ريلج بخيل (((مال البخيل ياكله العيار))) صيري عيارة ولهلوبة واخذي حقج وطالبي به بهدووووووووووووووووء وبكل رقة....
يهددج بالزوجة الثانية اضحكي وقولي ماااااااااااااااتقدر يا حبيبي ,,,وين تحصل مثلي وفي جمالي ودلعي ...وعطيه ظهرج وانتي ماشية,,,
ريلج من كلامج حسيته (((شمالي شرقي)) والأكيد انه شرقي ..يبيله وحده قويه تصلبه مب ضعيفة وكله مسوية روحها ضحية....
حبيبة قلبي توكم في اول الطريق ...عادي تصير بينكم مشاكل أول سنة ....عاااااااااادي ....والله مشاكلج مع زوجج اللي كتبتيها فالبداية ولا شي بالنسبة لأول سنه زواج لي مع زوجي ....كرهت ريلي لدرجة كنت أبيه يفارقني ويرجعني بيت اهلي وهاي بسبب جهل مني بالعلاقة الزوجية والحمدالله قرينا وتثقفنا وسألنا عشان بس نعمر بيوتنا ونربي عيالنا....والحمدالله ريلي الحين عسل فديت قلبه....
لا طلاق ولا غيره ....انتي روحي لأهلج كم يوم ..راجعي حساباتج ...شوفي انتي شتبين من زوجج وهو شيبي ....غيري نفسج وتفكيرج وتعااااااااااااملج مع زوجج وبعدين شوفي شلون ريلج بيتغير من نفسه....
ربي ريلج على يدج من الحين...ترا اكبر شنب فالدنيا تجيب راسه مرة ...صدقيني مااتطنز بس هاي المرة الذكية اللي تفكر صح ...مو بس تصيح وتتذمر جنها ياهل ....
(((في شغلة بذكرها وفكري فيها عدل مدل))ألحين انتي حامل والوحام ترا يكره المرة فالجماع ...انتبهي تتمنعين عن زوجج ..انتبهي ...ترا اغلب المشاكل بين الأزواج تبتدي من الفراش,,,الريال يقول في نفسه هاي ما ريحتني فالفراش ليش اريحها في حياتها ...؟؟بتلقينه كله معصب ومتنرفز ومعور راسج..اضغطي على نفسج وامتصي عصبية زوجج من خلال العلاقة الخاصة,,,مبين انكم منفصلين جنسيا ولا ما صارت كل هالبلبلة وفكر بالزواج مرة ثانية....
حبيبتي أدري عورت راسج بس حسيتج اختي ويبيلج كم طراق محترم عشان تصحصحين....تبين حياتج مثل ما تتخيلينها لاااااااازم تتعبين وانتي تحطين الأساس ...الدنيا ما قامت بيوم وليلة....
موفقه حياتي ...
