من تررد الله لايردلها دعوه ااامين

[فرحتي]

مشكلتي ان اهل زوجي عند الخطبه اشترطوا ان اسكن معهم ااااااااااااااااااااه ووافقت للاسف حتى اهلي كذلك لكن بعد انجاب اطفالي الثلاثه والله العظيم يامسلمات كرررهت حياتي تدخل في كل شي حتى خادمتهم اخذوها لسانهم بذيء دائما اسمع عبارات الشتم لي بدون سبب عند نزولي وهم لا يعلمون لايطيقون المعاشره بالمعررروف سألتكم بالله هل يجوز لي ان أطلب لي منزل خاص ررررررررررررررردو علي ماذا افعل

 

[اعلامية طموحة]

حسبي الله ونعم الوكيل ..

قبل ما تطلبي البيت (اللي هو من حقك) .. لازم تطالبي بشخصيتك .. وين شخصيتك ؟؟

من اخذها منك وبأي حق ؟؟

حبيبتي لازم تستعيدي ثقتج بنفسج قبل كل شي .. وتردي الكلمه بمليون كلمه مب شرط تشتمي .. بس اذا حد شتمك قوليله أوقف عند حدك ..

ماخبرتينا كيف تعامل زوجك معاك؟​

 

[هدوءالقمر]

حبيبتي البيت حق من حقوقك على زوجك
لازم تدخلين الفكرة برآسه..وتقنعينه إنكم تكملون حياتكم ببيتكم الخاص..والله كان زوجي مومقتنع بالموضوع واقنعته بصعوبة ويوم طلعنا استانس وانبسط وقال ليتنا من زمان طالعين ..

اهتمي بزوجك وعيالك وبطريقة طلعتك من بيتهم ولا تضيعين وقتك معهم بالمشاكل ..لا يدرون عن موضوع طلعتك إلا إذا طلعتوا علشان مايخربوت عليك ..وإذا طلعتي لا تقطعين فيهم ترى حتى هم بيتغيرون معاك للأفضل وبيحترمونك أكثر

والله يوفقك

 

[ثلاثينه محرومه]

حسبي الله فيهم
مايضيع الوحده الا اذا عاشت مع اهل زوجها ضاعت حقوقها وضاعت الخصوصيه
الله يفرج همك

 

[مجاهدة المعاصي]

انا والله ودي افيدك بس انا لي تقريبا تسع شهور متزوجه وعايشه مع اهل زوجي
وماانكر ان فيه مواقف تصير تضايقني .. بس والله لما افكرفيها اقول اريح بكثييير من اني اتحمل بيت كامل لحالي واشيل مسؤليه ويصير كل شي بوجهي
يعني حتى اطفالك حلو تخلينهم عندهم اذا بغيتي تداومين او تطلعين او تسافرين ومارح يستنكرون لانه البيت اللي عاشو فيه
لكن ارجع واقول كلــــــــــــه يعتمد على سكان البيت وطبعهم
وانا متاكده ان العشره ولدت في قلوبهم غلا لك .. حاولي تتفاهمين معهم بالطيبه
واذا مانفع معهم اقترحي الموضوع على زوجك بالاقناع وان شاءالله بيقتنع ((بس نصيحه لااااااتوضحين لزوجك انك تبين تبعدين عن اهله )) لان الرجااال يحب يبين قدام زوجته ان صلته باهله قويه ويحاول يثبت هالشي دايم
بالعكس امدحيهم واذا فيه شي منهم ضرك صدقيني بيشوفه بعينه ماراح يضيع حقك بس دااااائماااا فكري بطريق الموده قبل طريق الانتقام

واتمنى لك حياااه سعيده ومستقره وين ماتكونين

اختك بالله

 

[مستعينة بخالقي]

الله يعينك والله كفوا الاخوات ووفو بردودهم السنعه
ومابقدر افيدك مثلهم لاكن بدعيلك هنا وبظهر الغيب كذلك
اسأل العظيم ان يعينك ويوفقك ويسدد خطاك ويجعل زوجك واهله لك مثل ماتحبين

 

[كرامتي بالدنيا]

البيت من حقك وخاصه بعد زيادة عدد الاطفال لكن حاوري زوجك بهدوء وحاولي تقنعينه ولا تجينه بالتهديد والشدة،،،الله يصلح حالك بمايشاء ويكتب لك اللي فيه الخير دنيا واخره

 

[المعلمة الراقية]

حسبي الله فيهم
بتضيع سنوات عمرك الباقية ان انت استمريت على هذا الوضع ولن تنالين حقوقك بالصمت والاستسلام هذا اللي عندي والله يفرج همك
:e130:​

 

[نحله تايهه]

ياحبيبتي حتى انا عليشه مع أهل زوجي ولاااااااازم تسمعين كلمه من هنا وكلمه من هناك

أول حياتي كان يضايقني كلااامهم وأبكي ويعورني بطني من التفكير والهم وتعبت

وبعدين صرت اطنش ولا القي لكلامهم باااااال لاني اذا رديت عليهم صارت مشكله وقالو لزوجي وصارت بيني وبينه مشاااكل ولا أفتكيت

أقولك عيشي حياااااتك ولا كأنهم موجودين لا يجيك مرض القولون العصبي

وطبعا البيت من حقوقك بس يبيلك اسلوب حلو تقنعين زوجك فيه

والله يلهمنا هالأسلوب عشان نعيش لحاااالنا

والله يوفقك.

 

[مملكة الأحزان]

اااااااااااخ ياخيتي انتي مثلي ضعفنا نفسنا لهم وسكنا عندهم وةلا جانا الا الغثى منهم حسبي الله ونعم الوكيل


اقل قليل انك تطلبي بيت لحالك ولاترضي باقل من كذا اصلا لو رحتي المحكمه وقلتي هالكلام للشيخ يطالب زوجك بفتح بيت مستقل لك اذاكان مقتدر لاترجعين لهم والله شخصيتك بتضيع قدام عيالك وبيصير و يسبوك مثل اهلابوهم تراي مثلك بالضبط بس حسبنا الله ونعم الوكيل

 

[اوراق متناثره]

حبيبتى الله يكتبلك اللى فيه خير لك ولعيالك
ويسمح امرك يـــــــــــــــــــــــــــــااااااارب

 

[أحــ حلا ــلى]

الله يساعدك

ويفرج همك

 

[نافله]

خواتي الله يهديكم ليش اتحسبون عليهم ضبطوا نفسكم شوي ........ صح كلامكم في اهل لو تسون ما تسون ما يبين فيهم بس ربكم بينصركم اذا انتوا على حق وعليكم بالهدايه السنعه

 

[احلام منسيه]

عندنا وعندك خير نصيحه لاي وحده بتتزوج لا تسكنين مع اهل زوجك لو كان قصر وحتى لو كان لكي باب مستقل بس الي يربط بينكم جدار ابعدي بعيد لان حبهم واحترامهم لكي بيزيد

كم اتمنى اطلع ببيت بعيد لو غرفتين بس صار صعب تعود الزوج على وجوده بين اهله يخلي السكن برا من المستحيلات الا بمعجزه من عند الله

 

[فص ملح وذاب]

الله يفرجها

 

[سماهر الحربي]

حبيبتي لازم اول شئ تهدين نفسك
وبعدين بالحكمه والتوكل علي رب العالمين كل شئ يتصلح باذن الله
اولا اتكلمي مع زوجك بهدوء وفهميه وضعك وبعدين شوفي احد بقربلك ويحبه زوجك يتكلم معاه ويقنعه
والله يوفقك ويفرج همك

 

[daydream]

اكيد البيت حق من حقوقك بس حاولي تلاقين الاسلوب المناسب لاقناع زوجك والله يوفقك ..

 

[روح الوفى]

عزيزتي فروحة في البداية انتي وافقتي على ان تسكنين معهم وهذا شرط لهم واللي اولة شرط اخرة نور لذلك عليكي ان تخبرين زوجك مثلا ان المكان اصبح صغير والعيال كبروا وبطريقتك الخاصة تقنعينة وبدون ازعاج او مشاكل اذا وافق وظروفة تسمح خير واذا مايقدر اصبري وتوكلي على الله وعليك بالدعاء وصدقيني الله بيكون معك
حبيبتي اخذي الموضوع ببساطة ووسعي صدرك

 

[مرمورة]

غاليتي لن ينفعك ان تضعي يدك على خدك وتنقهري

ولا أن تواجهي زوجك وأهله بطلبك الإنصال عنهم

الحل هو في التخطيط وإقناع زوجك بهدوء وبينك وبينه تدريجيا بإنكما ستكونان أسعد ي بيت مستقل

أنظري ماالأشياء التي تهمه أكثر من غيرها (الجنس...الطعام....حسن تربية الأطفال...)

وأقنعيه تدريجيا أن انفرادكما بشقة مستقلة سيمكنك من أن تبدعي فيها وأن نصيبه من السعادة والراحة سيكون أكبر

وصدقيني كثرة الدق بذكاء تفك اللحام

فرج الله همك

 

[بنوتة حلوة]

ياأختي ثلاث أولاد الله يخليهم لك كافيه انك تطلعين من عندهم طبعا اذا كان البيت ضيق عليك علشان تعلليل في الضيق أما غير هذا اقولك تجنبيهم واذا نزلتي عندهم تكون في مشاكل قللي من الطلعه عندهم والله يسهل لك امرك

بس بما أنه شرط منهم فما بيدك حيله