من الغلطان انا والا زوجي ؟؟؟؟

وحيده في دنياي

وحيده في دنياي

New member
إنضم
2010/06/24
المشاركات
3,606
يااخوتيزوصشئ
ابغى منكم انكم تقولون لي من الغلطان
بصراحه انا زوجي بخييييييييل
ومايعطيني رصيد شحن ومايوديني بيت اهلي
لو امي تبكي وتعبانه
امس كانت تبكي طبعا ابوي متعبها ويكلم عليها
ويعطي بنات الحررااام بالالاف وهي لا والقهر انه يعلمها باللي يسويه
ولاقدرت اروح لها يقول اوديك واذا قلت ايه
قال لا
يبي يقهرني
المهم انا طفشت ودي اكلمها ماعندها رصيد ولاانا عندي
كان عندي رصيد 1 ريال ونص
كلمت اختي وقلت لها ادخلي معي على
دردشة ( ... ) ولقبي كذا
لان الماسنجر عندي خربان ويعلق
وهو مايرى بالدردشه
يوم طلع دخلت معها شوي ورجع
وشاف اني داخله وسوى سالفه ماصارت
ماادري وش اسوي
قلت له السالفه
حتى محادثة الماسنجر واختي تكلمني عندي
وهي تقولي وش فيه يفصل
وانا اقولها من الماسنجر
مو من النت
لكنه شكك فيني وقام يقول اتقي الله انتي في رمضان قلت له انا ماعندي رصيد واهلي حالتهم حاله مع امي وانا ماشفتها بعد ماتعبت
قام طلع ولارجع اا اخر الليل
ومافيه فايده
قلت له : دامك مو واثق فيني ودني بيت اهلي
قال لا وبكيفي
يبغى يطفشني لما يطلع وانا اجلس لحالي
طيب وش اسوي هذي امي ولازم اطمن عليها باي طريقه لو امه سوى اعظم لانها صارت تعبانه بعد سوالف ابوي والله اني اكلمها وهي تقول قلبي يعورني وهي فيها السكر والضغط

قلبه قوي ولا يهمه احد غير اهله ونفسه


انا افكر اروح بيت اهلي واتركه
لانه يشك فيني بعد اللي صار
لكن المشكله ابوي ملعوز امي وخواتي
ومطفشهم ولايبغى احد
حتى احنا البنات يكرهنا ويتمنى لنا الموت
هو يقول لامي
احسن لهم قبرهم

مدري وش اسوي والمشكله مافيه مكان اروح
 
اممم ..

طيب يالغلاا تعالي له بالهداوه ..

قولي له هذي امي وحيدتي اذا ماقمت انا فيها من اللي بقووم فيها

وهي تعبانه ومحتاجه لي .. مايكفي انها تعبت علي وربتني وعرستني ..

ويووم احتاجتني وانا اقدر ما توديني انت .. لييه طيب ..

ع الاقل قولي له ودني لو ساعه وحده لهاا اهم شيء اطمن عليها ..

قولي له هذي امي تعرف وش معنى امي ..

لو انت معك بنت وقالت بنتك تبي تجي تشووف ابوها وامها وزوجها رفض لها ولا تشوفهاا

بالامانه مارااح تنقهر او تشتاق حق بنتك او بقوول شيء ..

يعني حط نفسك مكاني وهذي بعد امي جنتي وناري .. والجنه تحت اقدامهاا ..

وتبيني ما ارووح ليش وش اللي يمنع انك ماتوديني ..

قولي له لو ع الاقل اشتري لي شحن اكلمها واشووف وش فيها يعني مايصير

لا اشووف امي ولا ادق عليهاا ..

والله يحنن قلبه ياارب ويوديك حق امك يالغلاا ..
 
حبيبتي الرجال ماهمه إلا نفسه حاولي ماتمشكلين معه علشان اهلك ولاتتركين زوجك وخلك ذكيه بالتعامل لتكسبيه
 
معليش تقبلي ردي ..قريت موضوعك مافي مشكله مايشك فيك
ياقلبي اللي يشك مو من مره وحده يقول على المسن يتكلم في كل شئ في الطالعه والنازله
واذا على اهلك قولي معليش من حقي اشوف اهلي ..وبس
تقبلي مروري : )​
 
لا تتركين بيتك مرة في مرة وبطولة بال وطريقة حلوة
مو من اول محاولة تيسين
لا والله لو رحتي بيت ابوكي وهو يبغا الفكة منكم والله العظيم لا يكرهك عيشتك
اصبري وخليكي سياسية وحاولي انك تقولين حرام عليك ليش كذا ومن هاذا الكلام وخلي اسلوبك سلس
لا تيسين من الحياة وكل شئ بلقوة ما في شئ يجي بالقوة صدقيني
 
نغم الحياة قال:
لا تتركين بيتك مرة في مرة وبطولة بال وطريقة حلوة
مو من اول محاولة تيسين
لا والله لو رحتي بيت ابوكي وهو يبغا الفكة منكم والله العظيم لا يكرهك عيشتك
اصبري وخليكي سياسية وحاولي انك تقولين حرام عليك ليش كذا ومن هاذا الكلام وخلي اسلوبك سلس
لا تيسين من الحياة وكل شئ بلقوة ما في شئ يجي بالقوة صدقيني
أنقر للتوسيع...


ايه بس هو يشك فيني
وانا الحمد لله من دون مدح مااحب اغلط
لو ماعندي اطر ولا اغلط
واحنا في شهر فضيل شهر عباده مو هستره
وقلة ادب
وانا كرهي اللي يشكك فيني
وبااخلاقي
دامه واثق فيني ليه يشك فيني
هذا اللي ذابحني
حسبي الله ونعم الوكيل بس


الله يعطيك العافيه اختي على ردك
 
حبيبتي انتي ما سويتي جريمة انتي كلمتي اهلج عالماسن يعني عااادي

اذا حب يتفاهم فهميه مره وحدة بسسسسس ولاتمين تعيدين وزيدين لان انتي معاج الحق ولا تخبرينه عن سوف ابووج ابدا

والله ثم والله هالرجاال بالسياااسة يجون لا تصارخين ولا تجادلين واحضنيييه واعطيه حقة على اكمل وجه في الفراش عقب اطلبي يمكن اول مره يرفض بس الثاانية ما رح يرفض باذن الله وابئ ابلييني لو رفض

ربي يسخره لج
 
شوفي اي رجال يشوف حرمتو على الدردشة يزعل بصرحة
بيني وبينك
يمكن هاذ ا الشئ الي خلاة يسوي هاذي الحركات
انتي لما تشوفين زوجك هادئ وريق تكلمي معا وبرري موقفك انا عارفة انو شئ يقهر بس مو تيسين بسرعة والله الرجال يزعلون وهاذي ردة فعل متوقعة واكيدة اختي لازم تحاولين انك تفهمين زوجك على هاذي الشئ بقولين فهمتو بس صدقين مرة في مرة وراح ينسي
 
هذا شوه ما فيه احساس
حرام عليه الي يسويه فيج
اختي انتي رمسيه بأسلوب حلو وفهميه انه امج محتاجة لج وقولي له انت تستانس يوم انا ما اروح الاهلي قولي له حرام عليك
والسموحه
 
الله يكون بعونك ووسعى بالك احنا فى شهر كريم
 
ماادري بس انا من وجهة نظري لاتبررين له موقفك كثير عشان لايشك أكثر خلاص فهمتيه مره تكفي وخليك واثقه من نفسك صدقيني لو شاك فيك مايخليك ولا لحظه في البيت انتي بررتي تصرفك مع انه كان غلط بس لاتعطين الموضوع اكبر من حجمه هذي نقطه والنقطه الثانيه الله اعلم يمكن زوجك من النوع اللي يحب يتمنن ويذل ويحب انك تترجينه عشان يسوي اللي تبينه يعني يمكن كان يبيك تقولين الله الله يخليك وتبوسين راسه وتاخذين رضاه وتتحللينه بعدين يرضى يمكن كذا ويمكن لا يحب انه لما يقولك لا تمشين عادي ولا كأنك مقهوره وتتكلمين وتتصرفين بشكل طبيعي عشان ماتوضحين انك انقهرتي وبعدين لما تشوفينه رايق سايسيه جربي الطريقتين معه والله يهدي ويسخره لك يارب
 
الله يسهل امرنا وامرج يااختي
 
السلام عليكم ورحمة الله وبركاته

تبين نصيحتي مع زوجك الي مافيه فايده ..... تطلقي....

الرجال غيره رجال لاكن امك مالك غيرها وهو تقولين بخيل ويشك فيج

شتبين فيه ومايهتم فيج اذا زعلتي خلاص تطلقي وخلصي نفسج ترى

الحل بيدينج وحيل سهل

الجوري
لكم مودتي
 
أحساسي كتلوني قال:
الله يعينج عليه حبيبتي بس وقفيه عند حده لان كذا


وايد بتمادئ عليج​
أنقر للتوسيع...

يعطيك العافيه على ردك
انا مااكلمه ومااعطيه وجه
وزياده ماراح اطبخ له واذا بطبخ
مكرونيه وشوربه وبس
لاني احس نفسي ولاشي
يطلع ويتاخر ويرجع
واذا جى قام يصارخ يبغى اكله
طفشت وربي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل