منو سوت عمليه قيصريه ؟؟؟؟؟

[بدور التماسي]

السلام عليكم اخواتي .....

اشحالكم يالغوالي؟؟؟؟؟

انا ولله الحمد عندي 3 عيال ربي يحفظهم ويحفظلكم عيالكم ؟؟؟؟

وكلهم قيصري الحمدلله ,,,,,,بعيالي الاثنين العمليه كانت وايد زينه وماتعبت من ناحيه

الخياطه والجرح ,,,لكن بعمليتي الحين تعبت بالمره كنت احس بوجع فضيع من العمليه جهه

اليمين بس واحس بحرقه واقولهم يقولون طبيعي بعد اسبوع طلعت من المستشفي وزاد

الوجع وانتفخت العمليه جهه اليمين الين ماطلع منها الصديد ونظفوها لي الله لايوريكم عذاب

وقعدت اسبوع عندهم ينظفون الجرح ويعطوني مضاد حيوي بالوريد ,,,والحين طلعت صارلي

اسبوعين كل يوم اسير انظف الجرح بس فمكان واحد مو كامل العمليه ؟؟؟ادري طولت عليكم

بس ابي اعرف منو التهبت عندها العمليه وشو سوت خاصه اني احس مكان العمليه جهه

اليمين تعورني مرات واحسها رطبه لو سالت الدكتوره بالنظر واللمس تقولي عادي :8:

فديتكم منو عندها خبره تخبرني الحينه بخلص الاربعين بعد 5 ايام والجرح مالتام:8:

بعضهم قالولي حطي المر او اشربيه ؟؟؟؟وبعضهم قالولي حطي علي الجرح عسل اصلي

وبعضهم قالولي عن زيت اسمه زيت النوب انه وايد زين ؟؟؟؟

الي عندها خلفيه لاتقصر معاي ,,,,الله يجزاكم الف خير :1:

 

[جنون بيبي]

انا امي دايم تولدقيصري وكانت دايم تحط ع الجرح عسل ..

الله يقومك بالسلامه ياااارب..

 

[بدور التماسي]

تسلمين غناتي علي الرد بس الجرح يكون ملتهب ؟؟؟

....والله يوفقج بحياتج ويرزقج بالذريه الصالحه

 

[حياة الروووح]

انا قيصري بس الى الان ابغى افهم وماني فاهمة شيء و حسيته انه من وحدة لوحدة يختلف خصوصا انه اول ولادة .. وي الهبلة مو فاهمة حاجة .. ربي يشفيك و يعافيك ان شاء الله . انا قالوا بمنقوع المر اسويه وماني عارفة ليش .. والحمدلله الالم راح تقريبا بس في شوي من داخل الم خفيف احسه لما اقوم واجلس احيانا و لما اعطس او اضحك او اكح .. والان لي 11 يوم من الولادة ..

 

[o.o]

الله يعينج بس احسن لاتحطين شي الا لو كان بوصفه من الدكاتره