منو تحب ريلها اكثر من ماهو يحبها

[بزه المرتزه]

والله يا بلقيسيات اني تعبت
احس اني وايد ضاغطه على نفسي من التفكير!
زوجي باختصار بارد المشاعر! انا مابي لظلمه و اقول ان مو زين لا حرام! اهو ساعات يبين محبته بالهدايا والسفرات، بس انا ابي اسمع ابي كلام حلو!
ذيك الليله صار موقف والله حز بخاطري وخلاني جد افكر اني اغير شخصيتي.
كنت متجهزه حق زوجي وانتو عارفين الوحده لما تجهز شنو تبي!
فكنت لابسه شي جديد ومسويه حركات
المهم دش الرجال وابتسم، فتحلي الكمبيوتر وقالي شوفي كم شغله منزلهم على ما اسبح قتله اوكي! ليلحين ماكو شي وانا خذيت الموضوع عادي!
مع ان المفروض هالشي يتاجل لما الرجال يشوف زوجته لابستله وكاشخه!!
قعد جنبي وقام يشوف معاي، انا شوي شوي قمت اتحرش لان مو معقوله شايف كل هذا و موفاهم!!
بعدها قالي انا مشغول شوي بدش المنتدى وبجيج سبقيني الغرفه!!!!
طيب ليش؟! تاجل كل هذا عشان منتدى وكم برنامج منزلهم ويتوريني اياهم!!
انا زعلت و مشيت قتله لا تجي، ولا كنه سامعني منمدج الاخ بالكمبيوتر انا كرهت التكنولوجيا منه والله!
وسويت نفسي ببدل ملابسي على امل انه يجي يراضيني ويقولي كلمه طيبه، ابد ولا شي!
انا عصبت صج! وفعلا بدلت ورحت الغرفه ومريت جنبه ولا حتى رفع راسه!!!
والله اني احتريت، بعد ما خلص قالي انتي انانيه!!!!!!!!!!!!!
نعم!! حط اللوم علي! طيب ليش انا انانيه؟!! انت الاناني لانك ماتركت الكمبيوتر! قالي لو انتي لاهيه بتلفونج ما اقول شي بس انتي عصبتي ومشيتي لاني لهيت شوي مع اني بلغتج اني مشغول وبجي!
اهو مو فاهم ولا حاس! المرا لما تكون بهالوضع تبي تحس انها مرغوبه من ناحية زوجها! مويقولها روحي بعدين اجي!!
من بعدها قمت البس بجامات الدوره الشهريه مع ان ليلحين ما اجى موعدها!
قالي شنو عليج الدوره قتله لا، قال ليش لابسه البجاما! قتله لانه نفس الشي اذا لبست البجاما او غيرها! قالي الشي مزاج!! يعني معقوله اذا المرا احتاجت هالشي الرجال مايعطيها الا على حسب مزاجه!
وهو لما يجيني اي وقت مستحيل اقوله لا!!!!
الحين منو الاناني فينا!
يابلقيسيات الوضع طبيعي وانا حساساه والا ايش؟؟
علموني!
انا بيني وبين نفسي قلت بتغير، بعامله مثل مايعاملني عشان يحس شوي
شرايكم

 

[أسماء زكي الدين]

أختي الحياة بين الزوجين ليست كلها هكذا ... وليست واحدة بواحدة

لا بد أن تتفهمي نفسية زوجك ...

زوجك لم يكن مستعد نفسيا للموضوع ...

وكان لا بد أن ترسلي له رسالة تلمحي له بذلك قبل حضوره للبيت ومع ذلك عليك أن تكوني مستعدة لأن يعود للبيت وهو متعب ومرهق أو يشغل باله شاغل ...

حبيبتي اهدئي وإلتمسي العذر لزوجك ولا تحولي نفسك مع الوقت لنكدية يتضايق منك زوجك ويتذكر التعب فقط عندما تردي على خاطره

 

[العطاء الخالد]

والله العظيم حتى زوجي مرات يتصرف هيك وان كان الموقف مختلف فنفس التعامل تمام

مو زوجك وبس هم هيك كلهم ارتااحي

 

[شهد البحراني]

وريلي من نفس الطينه يعني كلام الحب وغيره بالقطاره بس حنون وطيب ومو مقصر معاي الله يحفظه...ولدي قبل كمن يوم يقول ماما انا احبج مووت قلت لبوه اسمع الكلام الحلو ولدي رومنسي اكثر ولدي الله يحفظه عمرة 3 سنوات وشهرين بس دوم ع لسانه احبك مووت ..احبك امووت فيك ..احبك اكثر...هونيها ياختي وتهون​

 

[Miss Baskoota]

حبيبتي عادي لاتكبرين الموضوع
يمكن الريال ماله مزاج
و الله يوفقكم

 

[أختكم المسلمة]

عادي حبيبتي كلنا فالهوى سوى قبل كنت نفسج اتحسس من هالاشياء وصررت اتسائل عنها حتى اني عرضت مشكلتي كم من مره اهني فالمنتدى
مع الايام صرت احس ان هالاشياء عاديه بين اي زوجين
وانا نفسج زوجي ابد ما يقول لي كلمه حلوه او يبين لي اني مرغوبه
لا تشغلي بالج
والله يعينج

 

[بزه المرتزه]

بعد قلبي والله هونتو علي
مادري ليش وقتها جاني احساس اني ما اجذبه واني ما ااثر فيه سواء كشخت او لا
اني مو مرغوبه منه
بس يمكن مثل ماقلتو الريال مزاجي
الله يعينا عليهم ويصبرنا

 

[حكاية مساء]

بذكرى الزواج لابسه شي وايد حلو وراح ونام وخلاني


يعني هذا الطبع فيهم كلهم

والكلام الحلو ناسيته صرت اشبع روحي في الافلام والمسلسلات واذا سالتني ليه تشوفين اقول ابغى الكلام الحلو اتخيل انه ليا وبعدين احس فيه يعصب وصار يعطيني شوي شوي ههههههه