منتجات ليل ...؟؟؟

[طيري الأخضر]

السلام عليكم

تنبيه هاااام

مدري شلون ابدا الموضوع من الضيقة اللي فيني
لكن بقولكم
الشي اللي ضيق صدري وقطع قلبي من الآلم
تخيلو منتجات ليل
من جيل استحمام ومعطر وصابون سائل
كلها عادة وين يكون مكانها الطبيعي؟؟
طبعا الحمام>> ((التواليت))
وانتو بالكرامة صح
طيب قلنا الصابون السائل ماشي عشانه احتمال كبير ينحط في المغاسل
لكن جل الإستحمام والمعطر
افكورس بالتواليت وانتو بالكرامه
لكن ذي الغلطة ما تغتفر صفة من صفات الله سبحانه تعالى جل جلاله
موجود على المنتج!!!
حاجة المفروض ما نغفل عنها
ولا تغتفر من جد قعدت ساعة استغفر مع انوه مالي ذنب
بس والله تألمت
مكتوب عبد الصمد القرشي
و((الصمد))صفة من صفات ربي سبحانه وتعالى
انا اول ما قريت المكتوب على طول طلعت المنتج برى التواليت وانتو بالكرامه ونبهت اهلي وطلعوه
والله ضاقت صدورنا
م
ن
ق
و
ل​

 

[بزنس ومن]

جزاك الله خير والله هذي مصيبه
المفروض الواحد ينتبه لها

 

[om.ahmad]

رد : منتجات ليل ...؟؟؟

يزاج الله خير على التنبيه..
:bye1:

 

[طيري الأخضر]

رد : منتجات ليل ...؟؟؟

بزنس وومن وام احمد مشكورين على المرور

 

[العذوبة]

رد : منتجات ليل ...؟؟؟

يزاج الله خير علي التنبيه غاليتي

الحمد لله انا ماعندي هالمنتوجات

 

[طيري الأخضر]

رد : منتجات ليل ...؟؟؟

الحمدالله انا بعد ماشريت منهم كانو يبيعونهم طوال رمضان في مارينا مال

 

[القلب الكبير]

رد : منتجات ليل ...؟؟؟

جزاك الله خيرا يا طيري الاخضر

الصمد اسم من اسماء الله الحسنى

حبيت اضيف شغله بعد .. احنا غافلين عنها .. خاصه الكويتيات

تدرون يا بنات ان المفروض ما اندخل شنطنا و افلوسنا التواليت و الحمامات .. خاصه بالمجمعات التجاريه و الاسواق

سالوني ليش ؟


لأن الله يسلمكم اوراقنا النقديه ( الاوراق النقدية الكويتيه )

مكتوب عليها ( وبالله نستعين )
الله ... الله .. الله

:frown: :tears: :frown:

انتبهو يا بنات انتبهو

 

[طيري الأخضر]

رد : منتجات ليل ...؟؟؟

وي وي وي :no:

مشكورة يالقلب الكبير على التنبيه

وإحنا يا غافلين لكم الله ما ندري شالسالفه

تسلمين حبيبتي :bye1:

 

[some1]

رد : منتجات ليل ...؟؟؟

"الــــدال على الخير كفاعلـــه " ،، وشكرا" على الإفـــادة ،،، وجزاك الله كل الخيـــر ،،،

 

[reema]

رد : منتجات ليل ...؟؟؟

لا حول ولا قوة إلا بالله
استغفر الله العظيم
مشكورة اختي على التنبيه
والله يجزيكِ الخير


في تنبيه ثاني اتمنى الكل ينتبه له

عبوة مطهر الأرضيات والمراحيض (أكرمكم الله) العبوة من ماركة (DAC)

تحمل شعار مستشفيات السعودي الألماني

وتعاونًا بين الشركتين... حطوا شعار المستشفى على العبوة

والشعار هو ( نحن بعون الله نرعاكم )​

http

 

[العذوبة]

رد : منتجات ليل ...؟؟؟

يزاج الله خير القلب الكبير علي التنبيه

وياليت خواتنا الكويتيات ان ينتبهو له الشي

ياليت انخلي هالصفحه حج التنبيه لها الموضوووووووع لانه مهم جدا وان شالله كل وحده تعرف شي اتحطه في هالصفحه علشان الكل ينتبه والناشر له الاجر والثواب عند الله ........ها شورايكم

يعني الي يعرف اي شي احنا غافلين عنه يرجي التنبيه عنه هنا في هذه الصفحه

والله يجازي الجميع خير علي هذا الحرص

 

[طيري الأخضر]

رد : منتجات ليل ...؟؟؟

خووووووووووووووووش فكرة يالحزينة

شرايكم بنات :msn-wink:​

 

[oxford]

عزيزتي مشكورة على تنبيهك

بالنسبة للفلوس اساسا منهي انها تدخل التواليت وانتم بكرامه

اما بالنسبة للمنتجات هذي تقدرين تفرغينها بعلب ثانيه موجوده عندك بالبيت وتدخلينها التواليت

او انك تجيبين مزيل او اي شي وتحكين الكلمة الين تختفي عشان مايكون فيها اثم

بس فعلا لاحول ولاقوة الا بالله

احترامي للجميع

 

[بنت اللواء]

حضرة الأخوات الأميرات الأمر بسيط جدا 0
أي منتج أو عبوة مكانها الحمام( أعزكم الله ) ومكتوب عليها اسم الله يكون تصرفي كاالآتي:
1-استخدم قلم شيني أسود permenantيعني لون ثابت لاينمسح بسهولة0
2-أو أزيل الاستيكر إذا كان من السهل إزالته0
3-وإذا استعصى الأمر يتم تغيير العبوة بأخرى0


أما بالنسبة للنقود وإدخالها للحمام فجائز وأذكر إني قرأت فتوى بهذا الشان من إدارة الفتوى والتشريع في الكويت ردا على استفسارات المواطنين بعد ان تم إصدار نسخة جديدة من النقود في الكويت مكتوب عليها وبالله نستعين 0

 

[احساسي غريب]

مشكورة اختي على التنبيه

 

[الوردة المحمدية]

السؤال : شو هذا المنتج اللي من عبدالصمد القرشي ؟ لأني أدور على منتجات ليل !
ملاحظة : بالنسبة للنقود ولفظ الجلالة اذا كانت مخباية أي قلادة تحت اللبس أو نقود في المحفظة فاعتقد ان هناك مشايخ أجازوا ذلك (يعني مثلا يوم بنسير الحمام -عزكم الله - وين بنحط شنطنا مثلا)

اقتراح : ممكن أي المشرفين يتكرم ويحط لنا افتاء لأحد المشايخ عشان ما نيلس نفتي على كيفنا!!

والسموحة

 

[عضو سابق]

جزاكم الله كل الخير اخواتي على التنبيه

بارك الله فيكم

 

[هدأة الغسق]

من زمان مرة سمعت قصة أبلة في مدرسة إبتدائية ..دخلت الحمام ولقيت ريال سعودي مفرود على الحوض.

وبعد قليل خرجت بنت صغيرة من الحمام غسلت يدها وشالت الريال .

سألتها الأبلة ليش خليتي الريال برة ؟

قالت لها : مكتوب فيه لاإله إلا الله .

سبحان الله البنت صغيرة وكأنها في الصف الأول ..

بالنسبة للشنط .. من زمان سمعت فتوى ما أذكر والله هي لمين بس قال مادام الكتب والأذكار محفوظة جوة الشنطة مافيها مشكلة .

لكن مايصير ندخل الخلاء بورقة فيها إسم الله مكشوف .

زي علب الصابون والمطهرات اليي مكتوب عنها في الموضوع .

 

[ام العاش]

يزاج الله خير

 

[أم غايـــة]

جزاك الله خير ... فعلا نبهتيني أنا بعد حاطه في الحمام تكرمون للأسف .. مسك عبدالصمد القرشي ..