مملكة ومحتاااااااااااااااااارة في مشكلتي ساعدوني ؟؟

[بحرالصمت]

صباح الخير ...أتمنى احد يساعدني انا متملكة ليه 10 ايام يكلمني زوجي يوميا لمدة 4 ساعات

والحمدلله اسلوبه كسر الحواجز الي بيننا بس بدا يدخل في مواضيع اخجل منها وقلت مافيه حل

الا اتجاهل اتصاله واحيان اقول مشغوله ومن هذا القبيل المهم جا يوم وقررت اقوله نحدد وقت معين

يكلمني فيه وما نطول وزعل يقول انا زوجك ومن حقي اي وقت اتصل قلت له صحيح بس اهلي يتضايقون من المكالمات الزايده يعني قلتها بكل ذووق قام زعل يقول ماعاد اتصل فيك متى ما شفتي
فرصه مناسبه كلميني انا انتظرك قلت زعلت قال لا ؟ تخيلو ا اليوم الثاني جاني فرصه ارسلت رساله

اتصلت مقفل جواله بالله انا غلطانه وشو الحل ؟؟؟؟؟؟؟؟؟؟ محتاااااااااااااااارة
:8:

 

[شوكولاتةكندر]

صباح الورد
أنا لماملكت كان زوجي مثل خطيبك فكنت أتضايق من كلامه وصرت أقفل جوالي أو أقول أنا نايمه أو عندي أحد ماأقدر أتكلم لأني حسيته يتمادى حتى وصل إنه يطلب ممارسة الجنس عبر الهاتف صراحه كرهت ذيك الفترة وصرت أشيل هم وقت المكالمة والتزم الصمت وهو يسولف
نصيحه لله هو الآن جالس يبرمجك على كيفه لاتهتمين لزعله لأنه بيخليه سلاح له كل مابغى شي منك زعل عشان تلبينه له قولي الشئ اللي مقتنعه فيه ابغى اسويه واللي مو مقتنعه تحلم تشوفه وخليك على رأيك
الله يوفقني وياك وكل مسلمة

 

[ام لينا وليان]

صح انه زوجك وله كامل الحق فيك بس اذا هو مستعجل يعجل بالزواج افضل وماعليك منه اليوم يزعل وبكره يرضى بعض الرجال ترى يسوي هالحركه اختبار لزوجته ويشوف كيف درجه تماديها معاه انتبهي

 

[رتال الجنوب]

هلاحبيبتي لا تحتارين ولا شي ترا ايام الملكه ما تتعوض استمتعي قد ما تقدري وادا على المكالمات عادي كلميه مدامك مملكه خلاص انتي زوجته كلميه واستانسي ولا تخلينه يزعل عشان مكالمه الله يهديك مافي اوقات بين الزوجه وزوجها عادي يتصل باي وقت لا تحرمينه من كلامك الحلو وحاولي تخليه ياجل المواضيع الي ما تبينها باسلوب حلو ترى الرجال زي الطفل يحب الدلع ويبيالي تحسسه بحبها ومدامه هو الي يتصل حلو غيرك يتمنو احد يعبرهم وتلاقيها هي الي تدوره الله يسخره لك ويصلح بينكم ويجمعكم على خير تقبلي مروري

 

[~عيون الريم~]

حبيبتي خليك صررررررررريحة معاه وبدون خجل
قولي له انا ما احبك تتكلم في هذي الأشياء وانت بكذا بتكرهني بالزواج ما صار لنا 4 ايام لاحقين بعدين لا يكون غرضك من الزواج هذي العلاقة الخاصة وبس الزواج فيه اشياء ثانية اهم واسمى منها وبرضوا في مسؤوليات كثيرة
خلنا نعيش فترة الملكة بحلاوتها وبراءتها وخجله
ولو بتفاتحني مرة ثانية بهالموضوع باقفل الخط
صدقيني انك راح تكبرين بعينه حتى لو سوى نفسه زعلان

 

[أم الأقمـــــار]

طيب واذا دخل في العميق ايش المشكله ؟!!

هذا زوجك

حرام جرحتيه احس

تدلعي عليه وماطلي فيه لادخل في العميق وخليه يقول اللي يقوله

ترى بعض الرجال اذا صدت الوحده عنهم يكرهونها

ولاتحددين له متى يتصل

اذا اتصل وانتي ماتبغين ارسلي له مسج قولي شوي اكلمك عندي ناس

يعني تعذري بدون مايفهم انك ماتبينه

ارسلي له مسج واكتبي له وحشتني حبيبي ماتوقعت اني ماأقدر اصبر عنك .. يوم بس اللي فقدتك حسيتها سنين وودي اطير لاحضاااااااانك


.
.

عووووووضيه ترى الحين البنات في كل مكان والفتن كثيره لاتلف عليه وحده وتاخذه منك

 

[نضوج أنثى]

عزيزتي خليني اقولك شي طبيعة الرجال ما يحب الأنثى تقوله لا بطريقه مباشره واللي سويتيه مرره غلط انتي كذا تبعدينه عنك بدون ماتحسين وتسوين بينكم حواجز اسلوبك معليه ماكان حلو إنتي لو ماتبينه يطول معاك مو تقولين له مباشره بوجهه لا اوقات ردي اوقات لا تردين واعتذري بأي عذر ماكنت عند الجوال ، نايمه ، في ضيوف عندنا ، كنت برا ، اهلي يبوني ، الأعذار كثيره بذووق ولباقه حتى مايحس إنه ثقيل عليك وبنفس الوقت يشتاق لك أما بخصوص الجرأه هذي تختلف من رجل لثاني يعني انا صديقتي تصوري ملك عليها وعلى طول بنفس اليوم اول مره يشوفها اعطاها بوسه إنتي حاولي تطلعين نفسك من الموضوع بحجة الخجل لو قالك كلام اسكتي لو سألك عن سبب سكوتك قولي له خجلانه مااتعودت على هالكلام اعطيني فرصه اتعود عليك كل ماجب لك طاري حاولي تغيرين الموضوع بدلع على اساس انك خجلانه يتولع فيك اكثر ويراعيك ويبدأ هو يعلمك الجرأه كثير بنات الله يهديهم ماخذين الموضوع عيب او تأنيب ضمير مافيها شي حبيباتي بس لأنك مو متعوده وهذي مع الوقت هو بيفهمها ويصبر عليك لين تاخذين ع الوضع وهذا ابسط حقوقه حاولوا تنبسطون مو تقلبوها زعل انتي هالفتره بياخذ عنك انطباع حاولي يكون حلو مثلا قال اعطيني بووسه قولي مره ثانيه مو الحين يقولك ليه قولي له انا استحي بس احاول عشانك بس تصرفك جرح كبريائه واعطتيه احساس انك ماتبينه الرجال دائما يحب يكون مرغوب حاولي تصلحين اللي عملتيه وقولي له انا مو قصدي بس انا انحرج من كلامك وفكرت كيف اتخلص من الإحراج فقلت هالكلام والله يتمم لك على خير

 

[دلوعة سومي]

لا انت غلطاانه ياحبيبتي ’
من اولها وتقولينن حدد موعد صعبه كانك مغصوبه عليه هو مو فاهم انك ماتبينه يتكلم ب هالمواضيع
وتراك احسسن من غيرك ماشاء الله ياكثر مواضيع البنات هنا خطيبي مطنشني وكذا احمدي ربك
وعيشي وانبسطي
وارسلي له مسج طيبي خاطره
والله يوفقك
تراي مملكه زيك

 

[حناااان الكون]

بصراااحه أخطأتي بس معذوره لأن ما عرفتي تتصرفين ولخبطتي الأمور ع نفسك , أتصاله مافيه أي حاجة وبأي وقت يتصل ولزومك تتقبلين أتصاله بأي وقت مافي أي مانع لكن المشكلة بالمواضيع اللي تدور بينكم حاولي أنتي تتحاورين معه وتسولفين معه بحذر ولا تكشفين شخصيتك له حلوه الأمثى تكون غامضه وما تكون كتاب مفتوح لكن لا كلمك بالأمور الثانية قولي له بدري ع الأمور الثانية أحس برجفه بجسمي أو أنتي صرفي الموضوع بحكمه منك وغيري السيرة حتى لو قالك ليه وهذا من حقي قولي ليه الزواج علاقة سامية بين طرفين ما راح يكون قائم ع الشي هذا وبس بعدين الختصاصيين والأستشاريين بالأمور هذه يفضلون التحاور بالأمر هذا قبل الزواج بـ 2 أو 3 أسابيع من باب التهيئة لكن مالنا من ملكنا إلا 10 أيام ونتكلم بالشي ذا تحسسني أن حياتك ما راح تتغير هي هي كأنك عزوبي لكن الشي الجديد الأمر ذا ......... نصيحه لك (( الكلمه اللي تستحين منها بديها )) قوليها بكل ذوق وبهدوء لكن شي بخاطرك لا تكتمينه عشان أنك خايفه ع زعله لأن الرجال يحب المرأة تشتري زعله وترضي غروره لكن هو ما يعرف يشتري رضاها هذه طبيعة الرجل إلا البار بأمه ..... لا تخسرين زوجك وراحتك المستقبلية والسبب خجلك (( الصراحه راحه ))​

 

[محبة مكة]

عزيزتي خليني اقولك شي طبيعة الرجال ما يحب الأنثى تقوله لا بطريقه مباشره واللي سويتيه مرره غلط انتي كذا تبعدينه عنك بدون ماتحسين وتسوين بينكم حواجز اسلوبك معليه ماكان حلو إنتي لو ماتبينه يطول معاك مو تقولين له مباشره بوجهه لا اوقات ردي اوقات لا تردين واعتذري بأي عذر ماكنت عند الجوال ، نايمه ، في ضيوف عندنا ، كنت برا ، اهلي يبوني ، الأعذار كثيره بذووق ولباقه حتى مايحس إنه ثقيل عليك وبنفس الوقت يشتاق لك أما بخصوص الجرأه هذي تختلف من رجل لثاني يعني انا صديقتي تصوري ملك عليها وعلى طول بنفس اليوم اول مره يشوفها اعطاها بوسه إنتي حاولي تطلعين نفسك من الموضوع بحجة الخجل لو قالك كلام اسكتي لو سألك عن سبب سكوتك قولي له خجلانه مااتعودت على هالكلام اعطيني فرصه اتعود عليك كل ماجب لك طاري حاولي تغيرين الموضوع بدلع على اساس انك خجلانه يتولع فيك اكثر ويراعيك ويبدأ هو يعلمك الجرأه كثير بنات الله يهديهم ماخذين الموضوع عيب او تأنيب ضمير مافيها شي حبيباتي بس لأنك مو متعوده وهذي مع الوقت هو بيفهمها ويصبر عليك لين تاخذين ع الوضع وهذا ابسط حقوقه حاولوا تنبسطون مو تقلبوها زعل انتي هالفتره بياخذ عنك انطباع حاولي يكون حلو مثلا قال اعطيني بووسه قولي مره ثانيه مو الحين يقولك ليه قولي له انا استحي بس احاول عشانك بس تصرفك جرح كبريائه واعطتيه احساس انك ماتبينه الرجال دائما يحب يكون مرغوب حاولي تصلحين اللي عملتيه وقولي له انا مو قصدي بس انا انحرج من كلامك وفكرت كيف اتخلص من الإحراج فقلت هالكلام والله يتمم لك على خير

انا معاها
واضيف الاسلوب الاسلوب

 

[ترتيل88]

وانا متلك والله يا اختي مملكة واستحي كتيررررر لما يحكي معي بهاي الامور مرة ارخي ومرة شدي
لمن يحكي معي هو يحكي وانا اسمع بس احكي اه او لاء ههههههه والله اضحك ع حالي بس شو بدنا نعمل
بزعل بعاود يرجع لحالو ويحكيلي اسف حبيبتي .......لازم يفهم اني استحي ..........يعني اخلي يحكييييي لما يرتاح هوا خطي ...وينبسط

 

[بحرالصمت]

يعطيكم العافيه على نصايحكم والله ارسلت له رسالة شوووووووووووووق بعدين وعدته اكلمه العصر والى الحين

مارد عليه واتصل مقفل جوووووووووووووووووووواله والله ندمت بعد ما شفت كلامكم بس الجهل وضغوط اهلي

عليه خلاني اتصرف كذا وذا على الزواج باقي ما حدد والسالفه مطوله ماعنده ماده ومقدره بس مووقته يقفل الجوال

عيشني حلم انه مافيه احلى منه في الكون وفي اول موقف يهرب طيب يعطيني فرصه نتناقش بسوي الي عليه

بتصل وارسل لين يرد عشان ما يلومني بعدين صح ؟؟؟

نفسيتي تعبانه وخففتوا عليه اللهم اجعل لك من ردة عليه مخرجا من كل هم وارزقها اللهم الجنه ......

 

[دلع قلبه]

انتي جرحتي كبرياء رجل
اعتذري واكيد انه يشوف مسجاتك
نصيحه لاتحسسينه انك القائد المسيطر مثلا حسيتي المكالمة طولت تقدرين بدلع تقولين بطلع السوق تسمحي لي
بنزل لاهلي تسمح لي منها تسكرين ومنها تحسسينه انه القائد
وطبيعي اول الوقت بيكون متحمس لك وبعدها بتخف ساعات المكالمات هذا اذا ماوصلت لااسابيع وايام
اعطيه وبحياء تمنعي قليلا واعطي قليلا
لانك لو مااعطيتي راح يبحث عن اخرى فلا تكونين السبب..
انصحك بعد تتطلعين على الانماط وتعرفين نمطه وتعرفين كيف التعامل معه..

 

[مجنونه زعلاته]

انا لمن كنت مملكه ماتصدقين كانت ملكتي سنه وست اشهور ووالله من اول مكالمه الين ماجا موعد زواجنا وهو يقول كلام مافي وحده ماتخجل تسمعه( بس طبعا حلال بين الزوجين ) ......... واقلك بصراحه اول مره تضاااايقت لدرجه اني صرت خايفه ان الوالد يكون حاط تصنت في جوالي ..... شوفي لأي درجه ..... ومااخفي عليك انه كان يعصب لمن يشوفني ماني متفاعله معاه ..... بس قفل من هنا وعلى طول استنيت الفجر يطلع ودقيت على خالتي مررره قريبه مني يعني اقدر اتكلم معاها بكل شي ()
المهم قالتلي لا ولا ولا تسوين ولاتقولين اي شي يقلك عليه لانه بعد الزواج حيقعد يتعيب فيك .....
بس مدري اش صار وخلاني مااسوي كلامها ابصراحه عليه اسلوب فضيييع ... شال الحيا مني وكسر الحواجز بأسلوب راقي وصرت مااتضايق وصار الوضع عادي ............ والى الان واحنا نتذكر مغامراتنا وحركاتنا ومكالمتنا ووالله ماتعيب فيا ولاشي بس كل رجال وتفكيره ........بس من جد ايام رووووعه ....

واسمحيلي اسلوبك خطأ لو كلامك هذا لبنت بقلك عادي بس هذا رجاااال مايصير تقولي له كل كلمه قلتيها له ........ ونصيحه تقري كثير وتثقفي نفسك في كل شي عن التعامل مع الرجل .........


والله يوفقك وعقبال الفرحه الكبيره ان شاءالله ؛؛؛​

 

[زهووور الامل]

تكفين ترى زوجك على ما عودتيه
اذا غلطتي لا تطولين تتاسفين ولا تتاسفين بالصريح
خليك ثقيله ودلوعه
انا دلعته ايام الملكه ولي 6 سنوات متزوجه واحسه يتدلع علي وانا الانثى بحاجه للدلع
بس تعبت معه حتى خف الدلع الحمد لله.................
وترى هو الان متعطش للكلام ال......... اكثر شي وما بيفكك كل مره بيفتح الموضوع بس انت الله يعينك صرفي شوي واسكتي شوي ومره قولي اول مره اسمع هالشي ما اعرف تجيهلي عليه
والله يكون في عونك.. بتتزوجون ان شاء الله ويصير هذا ماضي تضحكون اذا تذكرتوه

 

[الليدي نوني]

حبيبتي

غلطانه بصراحه

احلى شي فـ الملكه المكالمات والكلام اللي بالي بالك :22:

لا تقولين قليلة حيا :39:

بس بجد

انا كنت مثلك وليه يتكلم وليه جريء :30:

والمفروض يحترم مشاعري

بس الحين لما اتذكر :8:

احس ان له طعم فـ ذيك الفتره

ماتحسين بـ هذا الشي الحين طبيعي

بس والله بعد الزواج تندمين على كل لحظه فوتيها :8:

ايام الملكه لا يمكن تنعاد

مستحييييييييييييييييل :8:

احسن شي عيشيها بـ كل تفاصيلها

والله حتى زوجك لا يمكن ينسى هذيك الايام

والله بعد ماتتزوجين تتذكرين كلامي

ايام الملكه لها طعم خاااص

لا يمكن باقي تحسين فيه بعد الزواج

وعلى فكره استمتعي بـ لهفة زوجك واهتمامه لك

لانك بتفقدين اغلبها بعد الزواج

:8:

على فكره ترى والله بعضهم يرجع لك حركاتك فيه ايام الملكه

وانا كذا زوجي

كان يداريني

بس الحين

مطلع عيني

بس فديته:32:


الله يجمعكم على خير

وييسر امورك يا قمر​

 

[بحرالصمت]

الكل يقول غلطانه وانا راضيه ومعترفه والله لو الود ودي اكلمه متى اتصل بس المحيط العائلي ما يساعد

افكارهم متعبه صح حريصين بس بشدة وانا اكون مضغوطه لما اكلمه كأني اسرق ما كأنه زوجي ..

المهم الحمدلله عدت على خير وغرقته بالاتصالات والرسايل اني مقدر استغني عنه واتصلت عليه وانا محطمه

ماراح يرد ورد عليه وخنقتني العبره من الفرحه بس شاطرة ضغطت على نفسي لين ما اعتذرت وهو في الاخير

بكى لأني فهمته اني مالي ذنب في شئ كله من اهلي ما نعيني ....وعدني يتصل وانا انتظر ؟؟؟؟

نــــــــــــد مــــــــــــــــــــــــــــانـــــــــــــه على تصرفي الاحمق ..... بس جات في صالحي اهئ اهئ

سلمت اناملكن ياأجمل نساء حواء على المعلومات الخطيرة فديتكم ..

 

[كرز توت]

الكل يقول غلطانه وانا راضيه ومعترفه والله لو الود ودي اكلمه متى اتصل بس المحيط العائلي ما يساعد

افكارهم متعبه صح حريصين بس بشدة وانا اكون مضغوطه لما اكلمه كأني اسرق ما كأنه زوجي ..

المهم الحمدلله عدت على خير وغرقته بالاتصالات والرسايل اني مقدر استغني عنه واتصلت عليه وانا محطمه

ماراح يرد ورد عليه وخنقتني العبره من الفرحه بس شاطرة ضغطت على نفسي لين ما اعتذرت وهو في الاخير

بكى لأني فهمته اني مالي ذنب في شئ كله من اهلي ما نعيني ....وعدني يتصل وانا انتظر ؟؟؟؟

نــــــــــــد مــــــــــــــــــــــــــــانـــــــــــــه على تصرفي الاحمق ..... بس جات في صالحي اهئ اهئ

سلمت اناملكن ياأجمل نساء حواء على المعلومات الخطيرة فديتكم ..

ربي يووفقكم ويسعدكم ويهنيكم

 

[حنين24]

ياااالله .. اشبكم يابناااات دا زوجها يعني حلالهااااا .. اذا ماتكلم معاها بدي الاشياااااء مع مين يتكلم ( طبعا بحدود)
حبيبتي .. اذا مااديتو وجه من دحينا صدقيني بيدورها عند غيرك .. ووقتها ماينفع الندم .. عفي سمعو وبصرو عن اي شي ثاني ..

الله يوفقك ..

 

[حلاوة وشقاوة]

صح انه زوجك وله كامل الحق فيك بس اذا هو مستعجل يعجل بالزواج افضل وماعليك منه اليوم يزعل وبكره يرضى بعض الرجال ترى يسوي هالحركه اختبار لزوجته ويشوف كيف درجه تماديها معاه انتبهي

برافو عليكي وحده فاهمه الرجال صح..:icon30:
انتبهي تراه يبغا يشوفك من اي نوعيه من البنات ويختبر ثقافتك وخبرتك في الحاجات هذي ..عشان يعرف اذا كنتي متعوده تسويها قبله..