ممكن مســـــاعده

[همومي اتعبتني]

بعد التحيه والاحترام
اخواتي العزيزات ممكن مساعدة
انا بنت عمري 24 ....
بصراحه انا من كنت صغيره متربيه مع اولاد خالي يعني كل ماجو في الاجازات اكون عندهم 24 ساعة كبرنا فهمنا الحياه تغطينا من الشباب
واكبرهم اسمه محمد كنت انا اقرب وحده له حتى من امه ولحد الان لدرجة يحكي لي كل اسراره حتى اللي فيها طيش شباب وطبعا بينا مكالمه بالجوال
المهم هو يحبني وكان وده يشوفني اتفقنا انا واياه نتقابل في زواج اخته فتقابلنا وبصراحه كنت باموت ما ادري كيف كانت جرائتي الزم علي حتى باسني ع فمي
المهم لما شافني انهبل علي وفي نفس الليله قرر انه يتزوج وكلم امه وكلموني انهم يبغوني انا وما قدرت ارد لهم وكلموا اهلي واعلنا الموافقه ولحد لان ما كلم ابوي منتظر اجازت الاسبوع اللي نهايه شهر 4 المهم صار يتصل علي يوميا
سؤالي كيف احاول اثقل واخفف من هالمكالمات مع انا متعودين من زمان انه يكلمني وكيف ارد عليه مع اني معدومه الرومنسيه
ملاحظه / هوبدون وظيفه جالس يدور ع وظيفه
ارجوووووووووووووووكم ساعدوني

 

[ساندرى]

حبيبتي ادا خطبك وملكتي كلميه عادي باي وقت ترى الي قولك لا ولى لاتكثرين خرطي با العكس يتعود عليك تصبحي عاده عنده حتى لاتزوجتي راح حتى لو تنامي يوم عند اهلك راح يتصل وكلمك كنه ماتزوجتم بس اهم شي انه يحبك موت مافيه احلى من كدا تبغي اكلمك على الخاص راح ممكن تستفيدي ترى اعرف وحده كان يحبها ولد خالها لما وهي صغيره اهله يبون يخطبوله غيرها رفظ قال لو تجيبوا ملكت جمال ماخدتها انخطبت انجن مات بكى وتعب وهي عادي مو معترفه بحب لكن راد الله انها رفضت الخطيب بعد الموافقه لمشاكل بينهم جاء وتقدملها سيده رغم ان اهلها رفضوه وبكى عندهم فخافوا من دنبه وافقوا عليه مدلعها دلع دلع للحين يموت عليها متزوجين لهم ثلاث سنين لجات عند اهلها يكلمها بالسعات راح الدوام يكلمها ضامنه هي انه يموت فيها من غير الهدايا قولوا ماشاء الله لكنها تعرف كيف تعامله لحظت اشياء اشياء منها واستفدت بس اهم شي انه يملك شجعيه على الوظيفه وهو اهم شي يخطب

 

[ذبول انثى]

حبيبتي


حاولي ماتكلميه بإستمرار مع انكم متعودين على بعض لاكن حاولي تشغلي نفسك قولي مشغولة الحين معليش

حتى يحس بلهفة لك اكثر اذا غبت عنه

والله يوفقك وييسر امرك

 

[ana 6]

الله يوفقك بالعكس عاااادي مرررررره كلميه اهم شي انك تحبون بعض ورح تتزوجون

اماا الرومنسيه مايحتاج احد يتعلمها اذا انتي تحبينه رح تعاملينه برقه وحب وهذي قمه الرومنسيه


الله يسعدكم ويهنيكم ويزقكم الذريه الصالحه ويرزقه بالوظفيه اللي يتمناها

 

[صمت الجوري]

حبيبتي


حاولي ماتكلميه بإستمرار مع انكم متعودين على بعض لاكن حاولي تشغلي نفسك قولي مشغولة الحين معليش

حتى يحس بلهفة لك اكثر اذا غبت عنه

والله يوفقك وييسر امرك

انا مع كلام

 

[دلوعه ولودي]

انا مع اختي ساندري كلامه صحيح
بعدين صدق بعد زواج مالك طعم لاتكلمينه كل يوم على الاقل في سبوع مرتين يكفي عشان يتلهف عليك صدقيني بعدين مالك اهميه عنده انتي فكري صح لافكرين بعطفيتك@الله يتمم زوجكم على خير ويخليكم البعض

 

[ANGE]

الله يوفقك ويسهل امورك ويسخركم لبعض اثقلي عليه وخلي الرومانسيه والحركات بعد الملكه ابتغي مرضاة الله اولا ربي يرضى عليك ويسعدك

 

[ياربي انصرني]

اسمحي لي اتكلم معك وبصراحه ----انتي تربيتي معهم وانتم صغار هذا شئ طبيعي وعادي ولكن بعد البلوغ ووصولك انتي وهو لسن التكليف -----تعرفين مامعنى سن التكليف هو انك محاسبه من بلوغك الى هذه اللحظه من مكالمات وغيره ويعتبر شرعا رجل اجنبي عنك----

وانتي ارخصتي نفسك كثير يوم قابلتيه وقبلك على فمك وهذا حراااااااااااااااااااااااااااااااااااااااااااام وستحاسبين عليه اذا لم تندمين وتستغفرين وتتوبين الى الله التوبه النصوح0000

واذا كان يحبك المفروض يتقدم لك قبل ان يقابلك من ورا اهلك وتتجرئين على ذلم انتي اندفعتي كثير

وعليك الان ان تتوقفين نهائيا عن المكالمات وغيرها مالم يعقد عليك-----لانه رجل اجنبي عنك ولايجوز المكالمات
وهذا مو من عندي من عند رب العالمين----

واذا تملكتي انصحك ان تقللين من المكالمات والمقابلات -------خاصة اذا كان مدة الزواج مطوله ----- لان الفتور
والبرود وكثرة المشاكل والنقاشات بتداهم حياتك في تلك الفتره لانكم استنفذتوا طاقتكم بالكلام لذلك لاتطول مدة الملكه خاصة انكم عارفين بعض ومكالمات قبل الخطبه يعني تعرفينه وتعرفين حياته000

 

[همومي اتعبتني]

الله يجزاكم خير
بس كيف اتعامل معه وش اقوله عشان اخفف من المكالمات
معليش سامحوني
والله ما لي احد بعد الله غيركم