ممكن مساعده

[حلو القصيد]

سلام عليكم
كيف اموركم ان شاءالله تمام وباحسن حال يارب
انا محتاجتكم وعلى فكره اول مره اطرح موضوع
انا ام جديده عندي ولد ربي يحفظه قولو امين
وهو ذا لحين عمره سنه وسته شهور وبدا يفهم ويستوعب ويخرب ويحوس ويعاند وياكرهي لعناده احس اني ودي اربيه تربيه حلوه بس سؤالي
شلون اصير حنونه وصارمه لي هيبه ورهبه وبنفس الوقت العب معه واحن عليه


بليييييييييييييييييز من عندها خبره لاتبخل علي
لان كل اللي حولي من خوات وحريم خوان اللي ماسكه واللي فاكه مره
بنتظار ردودكم لاتخجلوني

 

[حلو القصيد]

يمه منكم شفيكم ولاوحده ردت
خلاص زعلانه لاتحاولون بجد زعلت

 

[هوى الشمال]

هلا أختي حلو القصيد الله لايجيب الزعل ؛؛؛
المهم أنا بحكيلك عن تجربتي الشخصيه ,,انتبهي تستخدمين الضرب بكثره يعني لاتخلين يدك تتعود على الضرب والطفل يتعود عليه ويصير ولا هامه شيء ويصير عنيد وشقي زياده
خلي الضرب آخر حل ,,
إذا غلط نبهيه وقوليله عيب ولمن تكلمينه تكونين جالسه عنده ووجهك بوجهه عشان يعرف إن الكلام موجهه له..
وإذا كررها نفس الشيء نبههيه بس شدي في نبرة صوتك عن المره الأولى وهدديه ترا بأضربك,, وإذا سواها الله يعينك أول شيء تعلمينه إن هذا غلط وتضربينه على إيده وشدي شوي ,,,
وفي عقاب ثاني جربته وكان مفيد جدا هو إنك تختارين مكان بالبيت وتخصصينه للعقاب يعني مكان يكون بعيد عن مكان جلستكم تحسين إنه منزوي وثاني شيء يكون تحت نظرك يعني تشوفيه ويشوفك <<لازم
وأي شيء يسويه خذيه وجلسيه بالمكان وقوليله ليش سويت كذا خلاص خليك قاعد وتسمين المكان بأسم مثلا مكان العقاب مكان الأدب المهم يوم تهددينه فيه يعرفه على طول,,وأنتبهي لاتتهاونين حاولي تجلسينه غصب وروحي بعيد وقوليله ماتقوم لأنك قليت أدبك ,,,طبعا دقايق مو أكثر لأن الطفل مايصبر عن الحركه وإجباره على الجلوس في مكان معين طبعا على الأرض يخليه عقاب بالنسبه لهم,,,
أنا هذا الشيء أسويع ولدي عمره3 سنوات والله يحزن يوم يجلس فيه ويقولي ماما أبغى أقوم وأنا لاء يترجاني بعدين أقوله خلاص وعلى طول أناديه وأضمه وأبوسه وعاد ينبسط وكأنه كان مسجون وجاه الفرج
ولاتنسين تسمعينه كلام يعني أنت مو شاطر أنت مو حلو وإذا خلص عقابه حبيه وقوليله إنت شاطر إنت بطل وصدقيني بتخف شقاوته ,,,
وعندي بنت أصغر منه تصدقين تخاف من مكان العقاب مع إنها ماعمره جربته بس أهددها فيه,,
وأحيان أهددها بالضرب وتخاف وتتراجع عن الخطأ مع إنها ماجربت الضرب أتوقع لو جربت الضرب ماكانت تخاف ,,,
وطبعا عيالي ماشاء الله لاقوة إلا بالله الكل يمدح في هداوتهم ,,ودايم يقولون عيالك غير ,,,
يعني مافيهم شقاوة العيال اللي ترفع الضغط ,,
والله يخليلك ولدك ويحفظه لك,,,,,,,,
آسفه على الإطاله ’’’’واتمنى إنك أستفدتي من تجربتي
ودمتي بحفظ الرحمن,,
​

 

[حلو القصيد]

مشكوره ياقلبي ما قصرتي

والله يخلي لك عيالك يارب ويحفظهم
بالعكس احس اني استفدت