ممكن مساعده

[شع شع]

السلام عليكم
بصراحه بدخل با الموضوع على طول
اختى متزوجه من 3 سنوات
طيب من بعد زواجه بسنتين امي تساله عن الذهب حقها تقول عندي عندي
اخر شيء اكتشفنا انه بايعه الذهب حقه لزوجه عشان اشياء عاديه
وانتم تعرفون البدو كل شيء ولا ان البنت تبيع الذهب حقها انا توني دريت با الموضوع
بصراحه امي كانت حاسه
ولو تدري راح تقلب الدنياء علينا
المهم توكله على الله وعلمتها انه باعت الذهب حقه امي عصبت بس سكتات تبي تفتح الموضوع بعد عرسي شلون وكيف مو عارفه
خصوصا اني بتزوج اخو زوجها وهي خايفه من المشاكل الي بتصير
شرايكم وش الحل انا قلت له اشرطي عليه يشترى ذهب له بس هو راتبه جد جد ما يساعد عشان راتبه 3 الف ريال يلا يكفيهم هم ولدهم مدري والله وش الحل تكفون ساعدوني احس اني سباب المشكله اني علمت امي بس قلت اقول لمي احسن لا هي تقول وتكسر بخاطره امي وتهاوشها خصوصا انه هي الكبيره فا ما حبيت ان اختى تتهزاء من قبل اي احد

 

[رائدة التميز]

مرحبا حبيبتي
أنا رايي دام الذهب إنباع خلاص لاتسون مشكله وتخربون على البنت بيتها
خلي الوالده تقعد معاها وتخليها تسترجع حقها بالطيب من زوجها وبعدين الحريم لهم أساليب كثير يقدرون يأخذون من الرجال اللي يبونه وإنتي فاهمه
يعني تدخلكم بيزيد المشكله ومارح يحلها

 

[طيبه 24]

فعلا دام الذهب انباع حرام تخرب حياة البنت عشان ماديات ومظاهر تتعوض
ترى عمر الماديات ما تكون سعادة الانسان ،، الحب والتفاهم هي السعاده

 

[ياربي انصرني]

مشكلتنا اننا نحبس انفسنا بعادات وتقاليد لم ينزل الله بها من سلطان000


ياختي امك درت عن اختك وانتي عليك ان تهدينها وتقولين لها ان تحل الموضوع برويه بدون مشاكل

وقبل ماتتصرف اي تصرف تسئل اختك عن الاسباب يمكن كانوا يمرون بضائقه وان شاء الله بيعوضهاربي مدام اختك الحمد لله مبسوطه ومرتاحه مع زوجها مافي داعي اثارة المشاكل اقنعي امك بذلك ومادام اختك بصحه وعافيه الحمد لله الذهب يتعوض ان شاء الله000

 

[احلى جنه]

ياأختي مافي داعي لهذا كله اذ هي متفاهمه مع زوجه موغصب عنها فالرجاء عدم التدخل بين الزوجين ومع الزمن اذ تحسنت اموره الماليه اكيد راح يعوضها

 

[sesebombom]

الي صار صار واذا وضعه ما يسمح يشتري غيره من وين بده يجيبلها
انا برأي اذا زوجها كويس وابن ناس لا تتأسف عالذهب ولا تندم
اذا وضعه بيتحسن لحاله راح يعوضها بس لا احد يتدخل في الموضوع الامر خاص بينهم والذهب من حقها تتصرف فيه مثل مابدها وامك تزعل شوي بعدين بتراضوها الام بضل حنونه وماراح يطول زعلها

 

[لمو 55]

أنتم شكلكم نفسنا بدو خلَّص وأنا بعدزواجي بشهر تقريبًا بعت ذهبي وبرغبة مني ولأني أول وحدة تتزوج ما كان عندي خلفية إنه مهم وبالأصح لأني ما أحب لبسه كثير بس في االمناسبات الكبار وأمي شالت بخاطرها عشان هالموضوع وبعدين فهمتها إني دخلت بمشروع معه وأنا صادقة لأن هو كل تفكيره ليش تخزنين الذهب يعني مخه تجاري بحت والحمدلله كل ما بغيت منه ذهب عشان مناسبة كذا والا كذا جابلي وما قصر معي يعني تجي لأمها باسلوب ولزوجها بعد تقوله في المناسبة الفلانيه أبغى ألبس ذهب إشترلي لو طقم واحد عشان ما أحس إني قليلة عن الحريم ومن هالكلام والله يفتح عى قلبها وييسر أمورها يارب ...

 

[شع شع]

كلامكم كله على عيني وراسي حتى انا قلت لمي الكلام هذا كله قبل لا اشوف ردودكم واحسن حل قلت لمي لا تتدخلين بينهم هم كيفهم وانا وربي من كل قلبي جالسه اهدي امي ما تسوى عشان ذهب
بس بحاول معه مره ومرتين وثلاثه وان شاء الله تقتنع بس انتم ادعولي ان الله يسر الامر هذا ويسترى على
مششكورين يا بنات وربي كلامكم ريحني مره

 

[راوية الورد]

قولي اهم شئ يكونون متفاهمين ويكون طيب معاها مو مهم الذهب

اهم شئ الراحه النفسيه

وقولي تدخلها راح يسبب مشاكل مالها داعي

مااحد يدري انها باعته مايحتاج يكبر الموضوع

 

[رواق الخريف]

المرأة الحكيمة ماتدخل اهلها في حياتها مع زوجها


وكذلك تتعرف على طبع زوجها وتكون ذكية إذا يستاهل عليه

بالعافيه وإذا مايستاهل تنتبه وكل دقه بتعليمه ..





أنا بعت ذهبي وتصرفت به ولم يتدخل أحد في ذلك ..


أخبري والدتك أن الذهب سيعود ولكن بعد وقت ..

 

[سماهر88]

ما شاء الله تبارك الله عليكم يالبدو صراحه ذهبكم من جد خساره تبيعونه يستاهل من يخليه للزمن
او يدخل فيه مشروع تجاري اوالاسهم
ماهوب مثلنا يالحضراذا كثرنا ماجا ولاعشرين الف ولا يسوا من يبيعه
تستاهلون والله >>>>>>>>>>وماعلينا زود
المهم الذهب وراح خلاص والمشاكل ماهيب مرجعته بالعكس يمكن يحرم يعوضها
خليها تفاهم معه بالحسنا
والف والف والف مبرووووك ياشع شع وحياه سعيده

 

[قلبي مملكة بنتي]

الذهب مو شي اساسي تخربون بيتها علشانه خلاص انباع وكلامكم لاراح يقدم ولا يخر خلوها تعيش مدام هي مبسوطه بحياتها