بادئ الموضوع تاريخ البدء
  • المشاهدات 13,767
  • الردود 16
الحالة
مغلق و غير مفتوح للمزيد من الردود.

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
السلام عليكم

كيفكم حبايبي؟؟
انا عضوه جديده عندكم يادوب تفعلت عضويتي وبسرعه البرق شاركت
اعتذر لكم كون اولى مشاركاتي استفسار لكن القادم اجمل بعون الله

الموضوع واضح وضوح الشمس لكن بفصل لكم فيه واتمنى الاقي العون ولكم دعوه بظهر الغيب

السالفه ومافيها ان اخوي قريب بيتزوج واتفقوا انهم راح يحطون فرح كبير نوعاً ما
بدينا نستعد من ملابس وبيت ووو لكن انصدمت لمى عرفت ان استعدادات الفرح علينا:tears:
وانا اكبر اخواتي:tears:
وامي مالها بهالشغلات ابد ابد ولاعاجبها الموضوع وقالت لاخوي دبر نفسك بنفسك :tears:
هوماقصر لكن توهق اكييييييييييييد رجال مايعرف بشغل الحريم ولايسأل ويحط فلوسه بدون مايقارن الاسعار المهم الفكه:thumbdown:
انا عرفت بالصدفه وسألت عاد رحمته وقلت انا اتكفل لك بكل شي بس انت ودني للقاعه وماعليك الا التوصيل والدفع بس:harhar1:

الان توقفت ما ادري ايش اصلح وايش اخلي
فكرت بالاستقبال بس مالقيت الا تقليد حابه باتبكار شي جديد ويبيض الوجه..
فكرت بالحلويات وشفت كذا محل مختص لكن احترت بالاسعار وهم قالو بيتكفلون بالتزين وو.. للاسف ما اقتنعت بافكارهم
فكرت بالطاولات وتنظيمها وايش اقدم عليها؟؟قالو لي القهوه والشاي خلاص راحت موضتهم لازم تجيبين صبابات وتحطين بس شموع وبسكويت والا صحون شوكولا الصينيه (نفس فكرة النافوره) وملحقاتها؟؟ هل الفكره تمام والا كيف؟؟
التقديم للعصيرات والموالح والحلى للقهوه متى اقدمه وكيف؟؟؟ وايش الافضل من الموالح
والصاله وتنظيمها وهذا اهم شي عشان العروس تعرف زفتها وتختار طريقة الطلة..وايش الجديد به؟؟
دورت محلات تتكفل بامور الطاولات والكراسي والموظفات للاستقبال وعاملات النظافه مالقيت الكل مزحوم ورفضوا طلبي:busted_red: والان مالقيت احد:sadwalk:
بالنسبه للعشاء فكرت اطلب بوفيه(ومو من مطاعم لالا ابي من حريم يصلحون بوفيهات بالبيوت واحب اساعد العمل النسائي الوطني:shiny:) بس بدون حلى احنا اللي نتكفل به وسويت اتفاق مبدئ ولا اخترت الاطباق فقط الرئيسيه والمعتاده وقررت اني ادبر لي معاونات اوجرسونات عند الاطباق عشان يوزعون ويقدمون احسن من حوسه الناس والتنثير النعمه اخاف الذنب يصير علي:tears:
و لسى مافكرت بالطريقه لان كل زواج احضره القى طريقه جديده:thumbdown: يعني مو معقول اول واحد بالعائله يصير زواجه تقليد والا شي اقل من عادي:thumbdown:خاصه انهم يعرفون اني واياه اللي متكفلين بكل الامور:icon30:
بالنسبه للتوزيعات بعد العشاء..حجزت التوزيعات العاديه وراح اوزعها على الطاولات عشان الكل ياخذ مو مثل العاده يتزاحمون عند البوابه واغلب الناس ماتاخذ بسبب اللي اخذ اكثر من حبه:busted_red:
الوداعيه ايش اخلي طريقتها؟؟ مجتمعنا متعود على سله عند البوابه الخارجيه وفيها الاغراض..ما اعجبتني فكرتهم:shutup: لكن فكرت وشريت مطويات دينيه ايش اضيف لها؟؟

هذا بشكل عام اللي فكرت فيه..ما ادري ناقص والا صح علي التخطيط؟؟
احتاج مساعتدكم بارقام محلات تساعدني وعندها افكار وسعرها معقول والمهم تعاملهم راقي مع الزباين:blush-anim-cl:
اذا عندكم ارقام طباخات شغلهم نظيف وامينات بلغوني حتى لو اكثر من وحده ماعندي مشكله اقسم الشغل بينهم:blush-anim-cl:
ابي افكار وومساندات بكل صغيره وكبيره للحفل
زي ماقلت لكم ماعندي اي خبره ولا معلومه بس اسمع من الناس نص الكلام ويشفرون الباقي عشان يتميزون..
ابي ابين لهم قدراي وكيف اني اقدر اتحمل المسؤليه
النقطه الاخيره انا من سكان الرياض..والزواج باول شهر 8
باقي شهر وكم يوم:schmoll:

الله يخلييييييكم ويرزقكم ابي عونتكم وكان الله في عون العبد ماكان العبد في عون اخيه:bigsmile:
اعتذر عن الهذرة الزايده لكن متورررررررررررررطه
بانتظاركم احبتي
 
التعديل الأخير:
إنضم
5 يونيو 2008
المشاركات
172
مستوى التفاعل
0
النقاط
0
حبيبتي اولا الله يوفق اخوك ويجمع بينهم بخير..........
الطاولات تكون عليها علب منديل مغلفه بتل وشرايط ومكتوب عليها اسم العروسين ومزهرية جوري احمر وابيض طبيعي ونافورة الشوكولاته
القهوه والشاي صبابات يكونوا جنب الضيوف والعصير كل شوي يجددون
كمان تسوي فكره حلوه تقدموا تشيز كيك وكوفي
مع الزفه تقدموا ورد طبيعي والكوشه تطلبوا تصميمها كأنها كوخ ريفي الكرسي خشب وحوالينه احواض ورد هم يعرفوا والله راح يكون شكلها حلو
والزفه حلو تكون مافيها موسيقى لأنو فيه زفات كثير حلوه بدون موسيقى
والطاولات تكون بيج وذهبي مفرش بيج وعليها تل ذهبي
التمر راح تلاقي افكار حلوه عند تمور الصالحيه
والمعجنات فيه حركات غريبه وحلوه لتقديمها انتي لما تروحي للمحل تختاري الشكل اللي يعجبك
حبيبتي هذي اشياء بسيطه مو عارفه كيف افيدك بس اتمنى اكون قدمت شي يساعدك الله يوفق اخوك ويسهل اموره ياااااارب
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
حصه المملوحه الله يجزاك خير ويحقق مرادك
اعجبتني فكرة التشيزكيك
بالنسبه للزفه والكوشه العروس متكفله بها واكيد بدون موسيقى وهذا شرط اخوي
التمور بصراااااااااحه ماجت على بالي ابد

ممكن تفيديني ببعض المحلات المختصه سواء بالحلويات او الموالح او التجهيزات

كل الحب والاحترام
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
حبيبتي انتي من وين أنا برسلك موقع علا الخاص ممكن يساعدونك كثير وانا من ضمنهم

انا بدوري أعطي الأفكار وانتي تصممين

الله يوفق أخوك ويهنيه
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
حبيبتي انا من الرياض
محتاجه ترشدوني لمحلات مضمونه ومجربه
ولا استغني عن افكاركم:in_love:

ماقلتوا لي تخطيطي صحيح والا ناقص؟؟
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
اسيره الامل

كل الشكر لي غزيزتي
لكن تمنيت لو افدتيني بشي
مثلا تخطيطي صحيح؟؟ ناقصه شي؟؟
افكار من عندك او اقتراحات؟؟
على الاقل دعوه تجبر الخاطر
.
.
اكرر فخري بمرورك الغالي
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
ياااااااااااالــهي
33 زوار مقابل 6 ردود منها 4 لي ؟؟
ماهقيتها منك والله

على العموم اعتذر اني طرحت لكم مشكلتي
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
انا من نسبه لي في زواج أختي صغيره دخلت سوق شريت لونين من القماش بلفه الكامله يعني 12 متر لقماش واحد لعرضين وقماش ذهبي لماع وفضي 6 أمتار طبعا أستعرت كرسي العريض ورحت القاعه وتفننت مع اضافه تحف انا شاريتها من محلات ستي بلازه شريت من عندهم كور ذهبيه وفضيه وحمراء
طبعا ثبت القمشه دمجته مع بعض من سقف حتا الأرض بعدين حطيت الكرسي وغطيتها بقماش الأبيض
وثبت الكور متناثره علا ستاره يعني كوره ممسوكه بخيط شفاف طرف الخيط ثبته في سقف القاعه
طبعا الكرسي مغطا بلقماش الأبيض في زاويه الكرسي حطيت قطعه قماش مربعه موجه بلون الأحمر بلشك جاهزه
ثبتها علا الكرسي والباقي يخرج من الكرسي
طبعا الأرضيه غطيتها بلقماش الأبيض حولين الكوشه وجبت الأضائه علا شكل كور نثرتها علا الأرضيه
غير الورد المتناثر الطبيعي
سدقين انا مسويتها مكان أحد يسدق انه انا مسويتها
وشرايك
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
ياحياتي يارموش نمله

لو الكوشه انا فنانه فيها وعندي افكار ولا تكلف ودايم الدوم اصلها لاقاربي طبعا بمعاونات وكل شخص يحط لمسته
لكن الكوشه على العروس بس هي تبي تعرف الستايل وتصلحها على ذوقها

طيب ماقلتي مخططي ناقص؟؟
تذكرين لي محلات استفيد منها؟؟
وشي زي كذا

الله يرضى عليك ويرزقك ماتمنين
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
حبيبتي أنا عندي الاهم شيء بنسبه لي لو موموجود في الفرح أنا ماحضره عرفتي أكيد أطقاقات خخخخخخ

بدأ لك 1- تروحين محلات الزينه للحفلات وتدخلين علا كم محل ياليت تروحين الي في حي شفاء بيكون أرخص
تطلبين منهم تزين طاولات بلمفارش وتختارين لون والكوشه أيضا 0
ملاحضه0000القاعه أو القصر أحيانا يوفرولك المفارش الطاولات تكون موجوده
طبعا تروحين شارع سلوم حي الخزان لي شارع يكون في الألعااااااااااااااب الأطفال أسفل الشارع بيكون محل الزينه
يبيع بلجمله روحيله وشتري أحجار ملونه اختاري لون الي يناسبلك لأنك بتنثرين في الطاولات الحفل
طبعا بيكون عنده او محل أبو ريالين خخخخخ قزاز يكون طويله ودائريه أتفقي مع المحل انك تاخذين علا عدد الطاولات الحفل بلأجار (سدقين زواج اختي أستأجرناها 150ريال للوحده من محل تزين الحفلات أخذنا 30حبه علا عدد طاولات الاماميه طبعا هم الي عبوه مويه ملونه) بس في المحل أبو ريالين لقيته الوحده سعرها 10ريال والله أرتعت يوم صادفته أنتي خذيه بعدين عبيها بشوي من المصاقيل أو قطع القزاز الملون بتلاقينه في المحل الي ذكرته سابقا بعدين جيبي مويه ولونيه بلون الكوشه وحطيه في وسط الطاوله واذا أمكن أحطي فقط ورده واحده
2- بنسبه للحلويات التوزيع نصيحتي وانا المجربه روحي المحلات ابو ريالين أو محلات التحف تعرفين المناضر البراويز العريضه أشتريها وغطيهاالصوره بورق القلي وحطي علا طرف الزاويه مجسم أو تفنن علا جزأ من أجزاء شكل الكوشه حلوووووو لانه بيكون تصليحك أرخص بكثير من أستأجارك من المحل
من ناحيه الحلويات عندك تمور الصالحيه-نسيت شو أسم الثاني بس أذا ذكرته بخبرك
الفطاير نفس الحركه بيكون مع الشاي ونعناع
ومن ناحيه القهوجيه في وحده أسمها أم حنان معها ربعها أنتي تتصلين معاهم تتفقين ان يكون القهوه وشاي ونعناع في ترامس في كل كاوله مع البيالات والفناجيل وتختارين انتي اللون وشكل وتخبرينهم ( زواج أختي نسينا هالنقطه) تنبهينهم أن هناك فيه دلال القهوه تصبون الي جالسين علا الممر
كمان تشوفين هل صاحب القاعه بيوفر لك الي تفتش علا الجوالات والي تضبط علا العبايه وطبعا تتأكدين لصبابات علا لبسهم يوحدون لبسهم


بكملك
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
طبعا تتأكدين لصبابات المداخن والكاسات العصير طبعا أنتي تجيبين العصير والعود بس ياليت العود يكون معك لانهم مايحطون كله يخلون كسره صغيره وياخذون الباقي
وياليتك تتكلين علا خدامه احد خواتك تكون موجوده في المطبخ حتا تشرف وتراقب لانه بعضهم يخشون

من ناحيه العشاء ياليته يكون من مطاعم مثل نافوره- او الي أسمها الماسيه او رومانسيه مادري نسيت أسمها
تختارين من عندهم الاكلات من مشاوي والنواع صواني والمقبلات والحلا طبعا تخلين بعض أقاربك يفزعون يصلحون شعبيات لاننسا مياه صحه شرب أبو ريال بمكانك تطبعين أسم المعرس والعروسه فيها
طبعا أذا طلعو بيكون هناك طاوله في الوسط دفتر التوقيع أو تجراف يكون طاوله مزخرفه ومن المحل الي سبق ذكره
بتلاقين عنده علاقيات صغيره تعبينه مطويات وشريط دين وشوكولاته تسكرينه بدباسه وثبتين بطاقه عليه بيت شعر يشمل أسم العروسه والعريس وتسوين نفس الحركه كميه كبيره -طبعا نفس المحل بتلاقين اشكال كثيره الي تعبين فيه الحلويات صغيره

من ناحيه الطقاقات أتصلي عليهم وتفقي معاهم أنه أول شوطين مدح في العريس والعروسه وانه مافي راحه بين شوطين وخلك شديده معاهم طبعا اكدي الأورق والعود الي محرمه لا يجبونه مانبيه ويكون لبسهم محتشم


هاذا الي عندي أي سؤال أنا حاضره حبيبتي الله يوفق العرسان
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
:icon26:ياااااااااااه يافرحتي بردك بردتي قلبي والله الله يبرد على قلبك

اختي اللي اعرفه ان الناس ماتحضر اذا عرفت ان فيه طقاقات ورقص ومن هالشي؟؟:sly:
بشاورهم واذا فيه والا اخليه دي جي بعد العشاء فيكون اللي بيطلع الله يحفظه ولا يخرب علينا
طيب نصحيني بفرقه معينه؟؟

قصدك شارع السويلم؟؟رحت له واخذت بعض الاغراض
بالنسبة للمفارش اتفقت مع العروس انها تحدد اللون على اساس يوم الخميس راح اخلص شغل الطاولات والصاله
قررت يكون على الطاوله طاسات الشوكولا الصينيه مع ملحقاتها بعدد الكراسي..
اتفقت مع القاعه يكون الطاولات متفاوته بحيث فيها اللي يكون 3 كراسي واكبر عدد 8 كراسي والباقي تحديد الون والستايل..
بالنسبة للعشاء ماحبيت فكرة المطاعم ابد ابي شي جديد والكل يسأل عنه :icon30: اتفقت مع 4 طباخات مشهورات وحددت لهم اشكال الصحون والبوادي كل وحده بتكلف 1000 الى 2000 على حسب الطلب وبكذا صار عدد الابلام 30 ل15 نوع وعدد الصياني 10 و4 صحون ومن الطباخ نوعين رز 4صحون وسط
ومن سوبواي طلبت 4 السانويتش العملاق مقسم على صينيتين راح اخليه باول البوفيه مع الخبز والحمص والقراميش..
واتفقت مع 2 يصلحون تحليه 8 انواع من كل نوع حبتين كبار و3 نوافير شوكولا مع مافينز وبسكوت ومارشيملو وفواكه ويكون نظام سيدين عشان الزحمه..
وحجزت بعدد الطاولات مفارش على ليموني والكراسي تفاحي وبعددهم اخذت شموع كبيره راح اشعلها قبل مانفتح الطاله
..على كذا تمام والا؟؟

بالنسبة للدفتر اتوقع مختص بالعروس لانه تذكار لها وبرضو الكوشه والزفه لكن اللي اعرفه انها راح تحط ليزر ازرق:shutup:
طيب بالنسبه للشاي والقهوه مو دقه قديمه فوق الطاولات؟؟
القهوجيات اتفقنا معهم ضمن اجار القاعه 30 وحده 10للقاعه 5 بالمطبخ واستعدادته 2 بالاستقبال 3التنظيم و التوزيع(يتحاسبون على كل شيي ) و10 للعشاء وكل بزيه الخاص (اخذت الاقترح من عمتي مسويته بزواج بنتها) ومع الاجار الماء والعصيرات والمشروبات الغازيه..
ملحقات الشاي والقهوه اتفقت مع الاوبرا ومع الذواق وجولينار وجهينه ومابعد عربنت لهم قالو اكدي قبل اسبوعين وحاسبي
ونصائحك باخذها بعين الاعتبار

نسيت اقولك ان عدد الدعوات 600 من غير دعوات الاطفال(لهم مهرجان خاص من اهل العروس بصاله صغيره من استقبال الى العشاء)
برايك العشاء يكفي والا ازيده؟؟

ليتك من اهلي تساعديني بالمقاضي :icon1366:
 
التعديل الأخير:

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
هههههههههههههههههههههههههههههه
أعتبريني من هلك اي مساعده أنا حاضره حبيبتي
بنسبه لطقاقات جيبي طقاقه بدون أدوات موسيقيه والله ماخبرت زواج في قاعه بدون طق طقه هههههههههه
بنسبه فرقه معينه هم يختلفون مادري يمكن عاجبيني وتكون لك موحلو الأذواق تختلف طيب أنتي ماحضرتي زواج
وناسبلك طق أساليهم أفضل من أنتي تاخذين من وحده
بنسبه لدجيه عنديلك وحده مره كويسه تقريبا سعرها 2000ريال ببحث عن الرقم برسله لك بس صاحبتها منتكاريا فهمتيني بس مره حلووووووووووووووووووووو
بنسبه لصبابات أنا شفت وأفضل الترامس والفناجيل والبيالات علا طااااااااااااااااااااااااااوله لييييييش
لأن لو خليتيهم صبابات يدورون علا طاوله يصبون تكون مغثه الي واقفه تسلم المكان ضيق ماحد ياخذ راحته في شرب أنشاء الله فهمتيني

أنا فضل المطعم علا العشا ء لأنه أي خطأ لسمح الله بيكون هم المسؤولين علا المشكله حتا بيون هم الي بيرتبون الطاولات بيز طعام فهمتيني
لأنه الحريم لو جابو أكلهم مين الي برتبه بتكونين مشغوله علا الأخر

أنا موجوده في أي وقت حبيبتي
 

جولينار

New member
إنضم
23 يونيو 2008
المشاركات
18
مستوى التفاعل
0
النقاط
0
الشرف لي اختي..الله لايحرمك الاجر

بس ببين نقطه ان الترتيب راح يساعدوننا عليه اتراك زملاء اخوي وبيضيفون الديكورات والثلج المنحوت والفاكهه مع النوافير.. والطاولات اكيد وهذا مجاني بدون اتعاب يعني صاله الطعام وبكل لوازمه ماوصل ب15 الف الي هي ميزانيته المجهزه(اكثر الناس قالو ماتكفي)
والطباخات اضمنهم ان شاء الله..حتى بتأكدد قبل الزواج بيومين احتياطاً
وابشرك حجزت طقاقات وسعرهم حلو قالت تعالي احضري فرح بيقيمونه بكره واسـاذنت لي من صاحبه الفرح واذا عجبني بعربن لهم..وانتظر منك رقم صاحبة الدي جي لو احجتجت..
الى الان مو مقتنعه ابد بفكره القهوه والشاي على الطاولات وبعدين القاعه كبيره والصبابات يكفون والتوزيعات على بناتنا يحبون هالحركات..
كنت ادور منسقه حفلات وكويس اني ما حصلت

احس ناقص شي بتجهيزاتي مو عارفه ايش؟؟
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
ههههههههههههههههههههههههههههههههههههههههه
عرفت شو نتي ناسيه من تجهيزات؟؟؟؟؟؟؟؟؟؟؟؟؟؟؟؟؟؟؟؟؟؟

أقول



لايكون ناسيه عمرك من ناحيه فستانك الكسوارات الجزمه أختيارك التسريحه والمكياج


ههههههههههههههههههههههههه

الله يوفقكم أذا حبيتي مساعده فأنا موجوده
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى