ممكن مسااااعده أخواااتي...

[ربي أغفر لي]

السلام عليكم عزيزاتي,,


أحترت وموعااارفه وين أثبت موضوعي
يكون بهالقسم او قسم الزوج والزواج
بس إن شالله مايزعلون مني المشرفات
وياليت تساعدوني,,
خواتي انا أول كنت أعاني من إفرازات وكانت تضايقني وزرت الدكتوره وعطتني تحاميل خف فتره ورجع
هالشي ساعات يكون بكثره وساعات يكون أقل..وطبعاًزيارتي لها كانت تقريباً من سنه وشوي..
وبحكم ظروفي المآديه موقاااادره أروح لدكتوره ولاقادره على مصاريف العلاج
وحبيت أسأل هل التشطيف بالماء الدافىء والملح الخشن يساعد ويقلل من كميه الافرازات وإذا ينفع كم مره اسويها..لاني احياناً احس بزي الانتفاخ بالرحم أدري انه هواء بالرحم رغم اني اعتني بنفسي وقت الدوره بس ماامتنع عن الحامض او المشروبات الغازيه ولااكثرها وقت وقت
ياليت تساعدوني والله اني بهم وطفشانه.. كنت راح أتسلف من أمي علشان ازورالدكتوره بس تسلفت منها مره علشان ولدي تعبان وقلت أخر الشهر ارجعها وصار أخر الشهر واستحيت اعطيها قدام خواتي ماأبيهم ينظرون لي بنظرة الشفقه اللي تعودت عليهاوخليت الفلوس بغرفة امي وطلعت ودقيت قلتها الفلوس بالدولاب وماقصرتي الله يطول بعمرك..توقعت هالشي بيكون بيني وبينها بس قبل
أمس سالفه على سالفه وقلت الايام هاذي أعوذ بالله كلها امراض وامراض صايره الفلوس للمستوصفات والصيدليات ..ردت أختي الصغيره وقالت
اي خلاص وانتي أخر الشهر خلولكم فلوس وقت الحاجه لاتتورطون قالتها لي وإهي تناظر أمي..والله حزت بخاطرررري
وتضايقت ولاجاني النوم كان ودي هالشي بيني وبين أمي ولاانحرج قدامهم كلهم..اللي يسمعها يقول انا نلعب بالفلوس ولانسافرفيها نتمتع آآآآخ يابنات والله الكلمه جرحتني كثير
ماكان لها اي داعي واهي عارفه وضعي
الله يلعن الحاجه وإهي اقرب الناس
قالت كذا..بنات ابيكم تساعدوني بطريقه لوبسيطه تمشي حالي هالشهر
غسول او طريقة المويه الدافيه والملح
اي شي ولاامد يدي عندي امرض ولااحتاج لاأحد الله يفرجها علي من اوسع ابواب رزقك يارب الله يغنيني عنهم ولايحوجني لااحد..آسفه على الاطاله واعذروني
على هالكلام بس بقلبي ولاقدرت اقوله لزوجي يكفي اني انجرحت ماابيه يكره اهلي علشان هالكلمه ويحس بالضعف,,

 

[ربي أغفر لي]

ردوعلي الله يجزاكم خير

 

[مريوم الحلوه]

الله يزرقج

عليج بالاستغفاااااااااااااااااار
اانااا وربي مرات تجيلي ضيقه ماديه وربي اكثر من الاستغفار والله مااظل كم يوم الا يجي لنا خير كذا سبحان الله ومبلغ وقدره
وبخصوص الالتهابات الملح الخشن مع الماي لدافي كويس جدااا
انا استشاري نساء ولاده نصحني فيه
وبعد انصحج بالبابونج مغلي كويس تتنقعي في لان كويس للاتهابات
واذا انتي ع قد حالج
ومن السعوديه روحي ع المركز الصحي ورح يصرفون لج مضاد حيوي ومرهم
لان اعرف وحده راحت ع المركزالصحي وقالت ان عندها التهاب ومن هالكلام وعطوهااا وشي عدل
واذا ع الغسول مافي احسن من الماء والملح
يعني الحكومه بتعطيج مب شرط مستوصف خاص

 

[جميلة وجذابة]

اختي الحبيبة ما يهمك اللي انقال

بضمك بحضني كاخت لك واقول تراها امك مهما صار تحبك وتتمنى لك الخير

اوقات الناس تعرف السر من غير ما احنا نكون قاصدين فضحه

ومين بعد الله يستر غير الام

معلش انسي الموضوع وخليكي كبيرة

ودوم رددي كل صباح ومساء سبع مرات
اللهم اني اعوذ بك من الهم والحزن واعوذ بك من العجز والكسل واعوذ بك من البخل والجبن وغلبة الدين وقهر الرجال

والله رح تلاحظين الفرق باذن الله

اما بخصوص الرحم وهذا عن تجربة من امي الله يرحمها واللي كانت تنصح بيها اخواتي كلهم

وكانت تنفع كثيييير معاهم واسالي بنفسك حتى

تاخذين ثوم وتشيلين القشر طبعا وتحطيه على مقلاة بيها زيت زيتون

تحركيه شوي بس دقيقة او دقيقتين بالكثير

بس تا يسخن شوي

بعدين تستعملينه كتحميلة ومباشرة تروحين تنامين

لين ما تلاحظين الشفاء ان شاء الله واللي ما بياخذ وقت سرعان ما بتبان النتيجة ان شاء الله

طريقة اخرى لكنها تاتي بعد الطريقة السابقة يعني الاولى اقوى

المهم بتاخذين الخزاما حزمة منها وتحطينها تغلي بالماي

ولما تغلي غلي بتاخذي القدر وتحطيه تحتك انتي لابسة عباية من غير ولا شي لا كيلوت ولا شي وخلي بخارها يطلع

بعدين بتاخذين وريقات وزهرات الخزاما من الماي وتلفيها بثوب قطني وتحطينها على فوطة بكيلوتك وتدفين حالك زييييين وتنامين

ورح تلاحظين بنفسك كل الخبث يطلع وينظف الرحم وترتاحين وتصير ريحتك طالعة تجنن اقصد المنطقة الحساسة

رجاء ابغاكي بس تدعين لامي بالرحمة

لانها كانت تنصح بيها كل النساء ومن بينهم اخواتي

 

[جميلة وجذابة]

الطريقة الاولى اختي لعلاج البرد بالرحم

الطريقة الثانية للتخلص من الافرازات المهبلية التي بها رائحة

اما اذا كانت افرازاتك من غير رائحة فهذه افرازات طبيعية تنتج عن الاخصاب خصوصا بعد انتهاء الدورة

لا تنزعجي منها فهذا امر طبيعي

واتمنى لك الشفاء العاجل

توكلي على الله

 

[ربي أغفر لي]

مريوم الله يجزاك ألف خير ياقلبي
جميله جزاك الله ألف خير يالغاليه
والله يجعلها بميزان حسناتك
والله يغفرلوالدتك ويسكنها الفردوس الاعلى
مشكورات ويعطيكم ألف عافيه

 

[دلع قلبه]

عزيزتي مو لازم تروحين مستوصف اهلي
اذا انتي من السعوديه في مراكز صحيه في اغلب الاحياء روحي لها وبتستفيدين بإذن الله
وممكن تروحين طوارئ لشميسي ولا مدينة الملك فهد الطبيه..
واطلبي من الله وحده شفائك..

اسمعي هذه المحاضرة ستثلج صدرك بإذن الله

http://www.naqatube.com/view_video.php?viewkey=08a121333e1481aff2d0&page=1&viewtype=basic&category=