مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

ممكن رأيكم في هالموضوع ..؟

دمووعي ألم

New member
إنضم
9 مايو 2008
المشاركات
84
السلام عليكم عزيزاتي ..

ممكن اعرف رايكم في هالموضوع ( للمتزوجات بس ) ..

إذا في يوم جاء الزوج من الخارج و كنتي انتي مثلا تسوين له شغلة طالبها سواء طبخة حلوة او حتى شغله من الكمبيوتر تخلصينها له و تأخرتي اشوي و ما تنلامين انك تأخرتي ( لان عندك عذر و هو عارف هالعذر) وما بقى لك الا القليل من الوقت يمكن 5 دقايق او اقل .. و شافك و ظل يصرخ و يهين و يعصب عليك و قدام الكل و قدام عيالك الصغار و يقول كل كلمه جارحة مثلا انتي مو قد هالشي و عمرك ما تلتزمين و هاذي اخر مرة اطلب منك شي و لامرة سويتي لي حاجه بوقتها و لانك و لانك ..:tears:

و انتي سكتي عنه ولا رديتي عليه .. و ااخر شي و قبل هال5 دقايق خلصتي و سلمتيه هالشي الا اهو اخذها و راح و بعد اشوي جاء يحضنك و يبي يبوسك و يقول لك شكلك وااايد متوترة اليوم ولا كأنه قبل اشوي اهانك و عصب عليك ...؟

اشلون تتصرفين معاه او مع هالشخصية ( لا تنسين انك عمرك ما قصرتي في شي و كل اللي يطلبه تنفذينه ؟؟ ):tears::tears:
 
إنضم
28 فبراير 2008
المشاركات
988
هذي طبيعة اغلب الرجال .............
واحمدي ربك انه جاء يعتذر ويحضن بعد غيره ياخذ الشغله ويعلق عليها بعد ........... مو عاجبته ؟؟؟؟؟؟؟؟
شفتي شلون...........
........... احمدي ربك
 
إنضم
6 نوفمبر 2006
المشاركات
4,051
اختي حسسيه بخطأه لا تسكتي لانه راح يتمادى مره ثانيه ولكن حسسيه بطريقة بدون صراخ وانك زعلانه من اسلوبه معك وهو يعرف سبب تأخرك وفقك الله
 

umnouf

New member
إنضم
24 مارس 2008
المشاركات
61
حبيبتي الشي الحلو الي سويتيه انج مارديتي عليه وهو معصب:icon28: صح انه غلط عليج بس لو كنتي رديتي جان صارت مشكله.. كلمه منج وكلمه منه ووو...........كبر الموضوع.
بس لو رمقتيه بنظره سريعه وخاطفه فيها نوع من العتب والحزن :sad_1:
هو حس بغلطته لما حضنج لكنه يحس على دمه وما يعيدها لا .. إذا ما وقفتيه عند حده راح يعيدها كل مره حاولي انج تعبريله عن استيائج من اسلوبه خذيه على يمب بحيث عيالكم ما يسمعونكم قوليله انج تبينه في كلمه وامسكيه من ايده مثل ما تمسكين الطفل وقوديه الي غرفة النوم وضعي ظهره باتجاه السرير وتركي يده ببطء وانضري برقه الى عينيه وارفعي ايدج على كتفه وبكل رقه اضغطي على كتفه علشان يجلس على حافة السرير مع استمرار النظر الى عينيه وجلسي امامه او يمبه وامسكي كفيه وخبريه انج تحبينه وان الحياه الزوجيه مبنيه على الحب والموده والإحترام .. قوليه اذا طلبت منك تيبلي شي ونسيته او تاخرت لسبب ما وصرخت عليك جدام العيال ورميت عليك كلام جارح شو راح يكون موقفك..وفهميه ان الي يسويه غلط بالأخص جدام العيال اوجدام اي شخص ثاني قوليله المشكله راح تنتهي اهنيه واول ما يطلع من الغرفه يبدا ميثاق يديد بانه يسيطر على انفعالاته ويقدرج اكثر .. فهميه لكن بدون صراخ وعصبيه وكوني حاسمه معاه في نفس الوقت:flex:
قوليله انج مب مجبوره تسوين شغله لكنج تسوينه علشان انتي تبين تريحينه وتساعدينه وانج بالمقابل تاخذيلج كم كلمه تسم البدن بدل ما يشكرج..:no:
قوليله إذا يحس انج مب قد المسؤليه لا يعطيج شغله وخليه هو يحس بالمسؤليه ويخلص شغله بنفسه..
مثل ما تحترمينه لازم يحترمج ويقدرج
والله يوفجج ويهدي زوجج انشاء الله:bye1:
 
أعلى