ممكن تنصحووني

[قلبي ماعشق غيره]

السلاام عليكم اخباركم خوااتي
اتمنى انكم اتفيدووني
انا متزوجه واللحين عمري 19 سنه يعني مب صغيره بس ماعرف الحيااه وكيف اتصرف مع زوجي ومحتااجه حق نصااايحكم خوواتي .....
انا توني متزوجه ماصار لي سنه بس اتصيدني واايد مشاكل بيني وبين ريلي وهو يغلط علي بالحجي واايد وانا لي جا يراضيني ارضى بسرعه واخر مره مارضيت وابي اوقفى عند حده مب عاارفه ومااقدر اقوول حق هلي لانه واايد ايخاافون علي لاني اصغير وبعيده عنهم .....

انشاءالله اتفيدوني وبكون مممنونه لكم .....

 

[نورة التميميه]

أهلين اختي انتي لسى في بدايه حياتك ولازم الحياه ما تخلوا من المشاكل اغلب البنات وانا منهم بدايه حياتي كانت مشاكل جدا بسيطه لو نظرتي للمضمون لكن انتي من كلامك واضح ان المشكله بسيطه والله اعلم ولكن خذي مني هذي النصيحه من أخت محبه الرجل مهما كان اقوى من المرأه في كل شيء ومهما كان تنازلي عن كل شيء حتى لو كان هو المخطيء حتى تستمر حياتك وناقشيه بهدوء حتى تتوصلوا لحل لمشكلتكم .
ودمتي في حفظ الله ورعايته ( :

 

[سمو الأميرة]

خليج ثابته على موقفج اذا غلط عليج .. علميه أن في علاقة احترام من بينكم و ما يصير يقلل من احترامج بكلامه ..
بس لا تشيلين هم لأن أغلب الرجال طبعهم جذي و اسلوبهم جذي بين بعضهم و ما يعرفون أن المرأة غير و ما يناسبها هالكلام .. هو يفكر أنه عادي يكلمج و يمزح معاج كأنج واحد من اصحابه ..
صدقيني مشكلتج بسيطة .. و أنا كنت أعاني من نفس الشي مع زوجي .. و بقول لج شو صار معايه بس عشان أفيدج .. بس لا تسوين مثلي و تتوهقين ..
في مرة زعلت عليه بالقو .. فعلاً علق علي تعليق سخيف جان اقول له .. اذا انا مب عاجبتك خلني في حالي و روح شوف لك و حدة غيري تعجبك .. و دموعي نزلت و حالتي حالة .. قلت له ع الأقل عاملني مثل ما أعاملك .. أنا من عرفتك ولا مرة غلطت عليك بالكلام .. يعني ليش انته تغلط علي ؟!..
طبعاً هو انصدم و ما توقع ان هالكلمة البسيطة بالنسبة له بتجرحني .. و اعتذر و قال اسمحيلي انا ما أعرف شو الاسلوب اللي امزح فيه معاج و خلاص لا تزعلين.. و الحمدلله لحد الحين ما كرر نفس الكلام ..
فحاولي انتي تعرفين ليش هو يكلمج بهالطريقة يمكن هو متعود على هالأسلوب مع كل الناس .. و بعدين اشرحي له أنه ما يصير هالكلام بينكم و ان هالشي يضايقج و كيف أنج بتكونين شاكرة له اذا ما كرر هالشي ..

و بالتوفيق

 

[إرتـــدآد]

بما انك تدخلين النت إذا ادخلي على مواقع تطوير الذات وكيفيه التعامل مع الزوج
في الكثيــر من الامــور اهم نقطــه لاتكوني ضعيفه وليس معنى كلمه ضعيفه ان تكوني متسلطه

واتمنى منك عرض مشكلتك بشكل اوضح لكي نتمكن من مساعدتك او معرفه الخلل من ..من؟

ربي يشرح صدرك ويســر امرك
في حفظ الله
سبحان الله وبحمده سبحان الله العظيم عدد كل شئ

 

[قلبي ماعشق غيره]

والله اختي هو يسبني ويغلط علي وماينزل روحه عشاان ايراضيني ايقول انا بنزل كرامته قلت له بين المره وريلهاا مافي كرااامه لازم انتنازل عن اشياا وهو مب مقتنع ومااخذ ابخاطر ع الاقل

 

[قلبي ماعشق غيره]

السالفه يااا اختي صدقيني انهاا ماتسوى هالزعل والكلام الي قاله علي زوجي هو من قطر وانا من البحرين واللحين انا في بيت هلي زيااره هو واعدني لي نزل الراتب ياخذ لي جوال الي ابغيه لان جووالي اخترب قلت له مب مشكله طبعاا كل وحده اتحب ريلها ياخذ لهاا ويدلعهاا خصوصا بدايه زوجهم وللعلم انا جداااااااً اقدر ظرووف زووجي وماااضغط عليه ونزل الراتب وهو خذله طراد وتلفوون نظرا ان تاخر راتبه انا قمت خذت لي جوال من افلووسي بعد ماخذ له انا قلت له انا شنو بتااخذ لي انت واعدني بس انا خذت جوال ابيك تاخذ لي لاب توب قاام يصرخ علي ويقولي انا مابصرف عليج ومابسويلج نفس ماسويت ق ذيج (( هو كان خاطب وحده قلبي وموافقوا اهلها عليه ويعني هو كان امدلعهاا خل عليه اديون ابسبتهاا )) ايقولي شنو بستفيد منج وانا دلعتهاا مااستفدت منهاا شي قلت له جوف انا من انا زوجتك مو اي وحده وبعدين قالي لا والله انتي بتمين نفس ماانتي مابغير حالتج نظرا ان هلي ناس على قدهم قلت وقعد ايسبني وسوري على هالكلام ايقولي يالخايسه يالوصخه يالزفته وكلام كثيييير وسكره في وجهي هذا الكلام طبعااا صار يكرره علي اكثير وانا اساامحه بس هالمره حابه اوقفه عند حدده مابي الشي يطااول ومن الكلامني اليوم يبغيني اكوون عاادي من غير مايعتذر او ياخذ ابخااطري ويقول انه اينزل من نفسه وكرامته اذا قالي اسف ولا خذ ابخاطري قلت له ان بين المره وريلهاا مافي كرامه وبعدين قلت له انا بسكر والله ايساامحك وعقبهاا حسيت روحي مقهوره وتميت اصييييح وماادري شااسوي تعبت من قلة احترامه لي

 

[سمو الأميرة]

الله يعينج .. شكلة ريلج متعقد نفسياً و حاط حرته من خطيبته الأولى فيج انتي ..
بس خليج ذكية و حاولي تثبتين له أنج انتي غير .. و اقري مواضيع المنتدى و بوصلة الشخصية عشان تفهمين شخصيته زين ..
و جربي تغيرين اسلوب تصرفج معاه المرة الياية اذا اسلوبج اللي تتبعينه الحين ما نفع .. يعني اذا صار موقف ثاني معاه التزمي الصمت .. ولا تردين ولا تقولين شي .. خليه يطلع اللي في قلبه .. وبعدين يوم بينتبه انج ما رديتي ولا قلتي شي بيحس بغلطه .. و يمكن هو من النوع اللي ما يعتذر بالكلام لكن يمكن يعتذر بالتصرفات ..
لكن المهم أنج تصبرين عليه و لا تعطينه سبب يغلط عليج بالكلام .. كوني أحسن و أحلى زوجه عشان نفسج انتي لأنج انتي تستاهلين كل خير .. خليج واثقة و لا يهمج أي كلمة يقولها .. كوني مبتسمة و مرحة و اعتبري اسلوبه مجرد مزاح..
و كثري من الاستغفاااااااااار .. صدقيني بترتاحين
و الله يوفقج