ممكن تنصحوني

[om.saarah]

بنات انا ودي تشورون علي

عندي بناتي الكبيره قريب تكمل 5 سنوات والصغيره 3 سنوات

لهم فتره كل مره يروحون عند عماتهم بيت جدهم ينامون خميس وجمعه

وانا رافضه بس ابوهم يقول عادي اهلي المهم قدرت اقنع زوجي انه مبيات لا لو زياره ممكن

وبحكم اني انا ماقدر ازورهم ومشاكل بينا كبيره زوجي يوديهم وانا اعرفه لو البنات صاحو

يبون يباتون بيخليهم مع اصرار اهله

الزبده انا الحين احاول احبب بناتي في بيتنا ماخلي شي الا واجيبه لهم واحاول ماعصب عليهم
مره قالو لي ماما نبي ننام جنبج قلت لاه حبيايبي ماينفع انتو عندكم غرفتكم

قالو عند عماتنا حلو كلنا ننام جنب بعض طبعا اهل زوجي من النوع ينامون بالارض وجنب بعض
فبناتي يحسون بالامان اكثر بهالطريقه فقلت شكلي بصير اقعد وياهم في غرفتهم اليين ينامون
وبكون جنبهم وانومهم بحضني وحولي بس اخاف اتوهق عقب يتعودون او اصير اهمل زوجي

ويتضايق بحكم ان الطفل ماله امان في سالفه النوم ممكن ينام على طول وممكن ياخذ وقت

شورو علي وش اسوي ابي اسوي اي شي بس علشان يبطلون مبيات عند بيت جدهم

خصوصا ان عيالهم وايد ماشاء الله واخاف على بناتي

عطوني افكار بعد شلون انبهها عن التحرشات

انا مره قلت لهم ترى عيب حد يمسكم هني

بس وقت الحمام تغسلون انتو او ماما او عمه بس

وقت ثاني لا واحس بنتي الكبيره فهت وقالت ليش

قلت لها لانه عيب حبيبتي قالت زين وحاسه انها متنحه فديتها

والثانيه

ماكني قلت شي

 

[ملكة الجوري]

الله يخليهم لك يارب........انتي فهمي زوجك هالشي وقولي البنت تلازم امهااا دايم .....مالها مصلحه بالنوم ابد
اذا اصرو ع النوم خليهم من بكرا يروحو لهم ويتغدو عندهم مع ابوهم او معك.....

 

[om.saarah]

تسلمين يالغلا

بس مشكلتهم لا راحو مارضو يرجعون يتمون يبكون وابوهم يرحمهم ويخليهم

انا ابي اقنعهم واحببهم في البيت

 

[أحلى أحساس]

قوولي انتم بنات كبيرات
لازم تنامون بغرفتكم واذا نمتو بغرفتكم
اجيبلكم بكرا هديه حلوه
واذا نامو من بكرا وديهم السوق
يشترون العاب وبس
تحيااتي

 

[أسماء زكي الدين]

ربنا يحفظهم لك ويبارك لك فيهم

غاليتي ... ليست الاشياء هي ما تحببهم في البيت ...

وحبهم للمبيت في بيت جدهم ليس بسبب اشياء ...وأنت قلتيها هم بيحبوا يناموا مع الجميع في مكان واحد ..

وهذا تصرف غير صحي ... ولا بد أن يشب الاطفال على قوانين ... لأن هذا فيه صالحهم وصلاحهم ...

وأول الأبواب أن تتفقي مع أبوهم على ضرورة احترام القوانين ..

لا تهاجمي أهله ولا تهاجميه ..

قولي له هن بنات ومن شب على شيء شاب عليه .... فإن تعودن في الصغر المبيت بجانب أبناء العمة والعم فغدا يشبوا ويكون مالا يحمد عقباه ...

وقولي له إن العناية بالبنات شيء خاص لا تقوم به إلا الأم ...
وأفهميه أن حتى تشب البنات مطيعات لابد أن يوضع لهن قوانين ولا يستغللن أحد الوالدين لسعادة مؤقته فإدا لن تستطيعا إجبارهما على شيء لذا كان لابد من تعويديهم على ألا يباتا خارج البيت ... ولا خارج غرفتيهما ...

أما البنتين ... فأغدقي عليهما بالحنان والحب والعواطف فهي الشيء الوحيد الذي لا يمكن شراؤه ولا استبداله ... خاصة إذا كان من قلب الام ..

فعوديهما على نظام وطقوس للنوم .. وخلي وقت الاستعداد للنوم ممتع ومسل ... ولا تضعي في نفسك أنك داخله تحدي مع البيات في بيت الجد ... بل إن هدفك الاسمى أن تجعلي من البيت ملجأ لطفلتاك ومكان لسعادتهما ...

أهتمي بغرفتهما ...
وكذلك وقت الاستيقاظ الصباحي
ودعيهما يهتمان بها ...

أجعلي في كل وقت نشاط يجعلهما تواقتان لللحظة التالية ...

فمثلا أبدأي معهما قبل الذهاب لبيت الجد بساعة مثلا رسم لوحة كبيييييييييرة معا وقولي لهما أنك ستعلقينها لهما في الغرفة فور الانتهاء منها .. وأنكما ستكملان منها بعد عودتهما ... وأثناء خروجهما مع الوالد استودعيهما الله وقبليهما وقولي لهما: سأشتاق إليكما حتى تعودا إلي سليمتين

 

[فلونه الصغيره]

سوري حبيبتي انتي الام تقدرين تغيرين كل شي بيدك
سواء بالاصرار او الصرااخ
وانا من راايي البنات ماايروحن الا مععاك او مع ابوهم
يعني شغلت نص يوم وبسسس
بدون مبييت
بعدين حبيبتي صفي نيتك مع اهل زوجك ابدي بالتساامح
وروحي لهم
ماافيه شي بدنيى يسوى على هالقطااعه
لاحول ولاقوة الا بالله ​

 

[عطار]

حبيبتي ابكون صريحه معاك البنت مالها بيته بعيد عن أمها مهما كانت الاسباب وبعدين تقولين بينكم مشاكل كيف تفلتين بناتك عندهم انت ما تسمعين عن تحرش الاقارب وغير كذا الواحد متاذي من عياله
مو يجيب عيال عليهم .
فهميهم بالقوة والا بالين انه مبيت برى البيت مافي لو تموتون وقولي لزوجك هذا الكلام ترى البنت اذا تعودت على شيء من صغرها صعب يتغير على كبرها .