ممكن تساعدون امي؟؟

[ابتسامة أمل]

السلام عليكم ورحمه الله وبركاته....
كيفكم يااغلى اخوات ان شاء الله بخير يارب:bye1:​

اولا انا هذا اول موضوع ليا في المنتدى....فاممكن تقبلوني كا اخت بينكم...ويعلم الله انو حبيتكم لانو بجد حسيت بالحب الموجود بينكم....
ثاني حاجة انا مو متزوجه وكثير منكم راح يستغرب انو حاطه موضوع في قسم الاستشارات الزوجيه...بس انا كتبت هذا الموضوع رغبه من الوالده انو تساعدوها...
امممممم...اشرحلكم اكثر>>استحملوني بس عشان يتوضح الموضوع اكثر...انا امي على قدر متوسط من التعليم بس هيا افضل ام في الدنيا كلها بحكمتها وحنانها وبحكم انو انا بنتها الوحيدة والكبيرة...بس هااا ترا مو كبيرة مرة عمري بس 24 ...المهم بعد ماشتركت بي المنتدى كنت اخليها تجلس جنبي واقرا المواضيع بصوت عالى عشان في مواضيع كثيرة مشاء الله بي المنتدى جدا مفيده.....فاهيا حبت انو اقلكم مشكلتها ونحاول نساعدها​

وانا وامي الله يحفظها يعني بجد مثل الصاحبات(مشاء الله وهذا من فضل ربي) يعني كل واحدة فينا بئر غميق لسر الاخرى فا مابيننا اي حواجز في هذه المواضيع ...ثاني حاجة امي تزوجت صغيرة فاكمان مافي فرق كبير بيننا بالعمر....​

اوكى الحين بعد مافهمتوي وضعي ح اقولكم مشكله امي واتمنى الاقي الحل عندكم من بعد الله سبحانه وتعالى...​

المشكله تبدا من فرق العمر الكبير بين امي وابوي تقريبا الفرق بينهم 20 سنه مشاء الله بس لي الاسف ماحست ماما بالفرق الا بعد ماكبرو شوي بالعمر وابوي الله يحفظه يارب من النوع اللي مايحب النقاش الكثير ولا الكلام الكثير فاي نقاش يتحول على طول لمشكله كبيرة...غير كذا هوا الله يحفظه من النوع الجدي جدا ...وابدا ابدا ماتقولي له انو انت غلطان لو هوا غلطان خلااااص لاتقولي...ودايما يحسس امي بانها اقل منه ذكاء مع انو هيا ابدا مو كذا ...ماادري بس في نقطه دايما ابوي يكررها يقلها انتي صغيرة وشايفه نفسك على وتبغين تمشين كلمتك...وفي مشكله كمان كلنا بنعاني منها اممممم يعني هوا عنده عزة النفس والمكابرة ومستحيل مستحيل يتنازل ...مثال على كذا دائما يقول لي امي اولادي(انا واخواني الاثنين) ليش مايجلسوي معايا كثير ...كيف نجلس معاه وهو 24 ساعه في غرفته مايخرج منها واذا جينا عنده عشان نحسسه انو هوا واحشنا ومشتاقين لي كلامه يقول خلااااااص ماابغى الكلام الكثير... ولو هوا خلااااص حس انو لازم يجلس معانا في الصاله مثلا عارفين ايش يعمل يحط نفسه انو راح يجلس على الكمبيوتر اللي في الصاله واحنا نشوفه انو مايسوي في الكمبيوتر حاجه بس بتحجج به عاد احنا نفهم ونسوي نفسنا انو عادي وانت صادق ....تخيلوا.. بس ياحبي له بكل عيوبه والله والله ماكتبت الموضوع الا رغبه من امي...يعني انا بقلها انو خلاااص استحملي وكل رجال فيه عيوب...بس هيا مشاء الله عليها تقول انو هيا توها صغيرة ودها تعيش مثل زمان حب ورومانسيات ودها يكون بينهم نقاش واخذ وعطاء...بس عارفين امي من النوع الدلوع شوي<<راح تضحك لمن تشوف اش كاتبه عنها...يعني مثلا انا واخوي دايما نقلها اش رايك اعملي له مفاجاءة لمن يجي من السفر مثلا ونقلها اش تسوي وناخذ اخونا الصغير ونروح عند جدة بس هيا ماترضى الله يهديها تقول طيب هوا ليش مايسوي ليش كل شي انا...​

نقطه مهمه...انا ممكن كتبت وجه نظر امي ...بس برضو انا بقول كل شخص فيه عيوب ...امي ايضا من النوع الي جدا عصبي مشاء الله عليها ماتناقش الا بصوت عالي ...وانا بقلها على هذه النقاط بس تقلي مااقدر استحمل ينرفزني:nosweat:​

انا عارفه انو طولت عليكم ...مع انو حاولت بس اكتب النقاط المهه للمشكله...​

اتمنى انو تساعدونا :clap: <<تضامن مع الوالده​

احبك يااحن ام في الدنيا ويا اعظم اب في الوجود....
في انتظار ردودكم اخواتي :in_love:​

استغفر الله الذي لاالله الا هوا واتوب اليه...​

 

[&دره&]

وعليكم السلام ورحمة الله وبركاته

ابتسامة امل

بما انه والدك كبير بالسن ووالدتك صغيره فهذي اهي المشكله

اهو اخذها حيل صغير عشان هالوقت اللي الحين

عشان تحسسه انه بعده صغير وانه بعده شباب:smoke1:

واغلب الرياييل جذي عندهم كلمتهم اهي الصح ولازم تمشي

ولانه امج صغيره ودلوعه:msn-wink: مثل ما قلتي اذا كلمته وقالت رايها يحسب انها بتمشي رايها وبتلغي كلمته ودووره

وليش اهي ما تسوى له مفاجآت ..من متى الرياييل يعبرون عن شعورهم ويسوون مفاجآت:shutup:

خل تتوكل على الله وتعيش ابوج باجواء رومانسيه وخل تعيد له الشباب:clap:

وانتي واخوج لي حسيتوا انه فاضي قبل لا يسوي تمثيليته ويقعد عالكمبيوتر

سووا شاي قهوه وموالح وحلو ونادوا يقعد معاكم قولوله يبا نبيك تقعد معانا قعده عائليه :icon30:

ولا تفتحون معاه مواضيع نقاشيه تخليه يعند معاكم ويتمسك برايه وتخترب القعده:crazy:

لا سولفوا عن دراستكم عن مواقف صارت لكم ويومها خلو سوالف وضحك :msn-wink:

والله يوفقكم ويهدي سركم :msn-wink:

 

[ابتسامة أمل]

اللهم ااااامين...درة الله يجزاك الف خير على الرد....بالفعل كلامك ريح امي كثير ...الله يريح بالك يارب....

بانتظار باقي الاخوات....

 

[((شوق القصيم))]

ابتسامة امل


انا معجبة بيك وباسلوبك وبتعاونك مع والدتك


واتمنى ان بنتي لما توصل سنك نكون انا وياها صديقات

ما شاء الله عليك الله يحفظك لاهلك ..

وبصراحه مدام انك بنتهم اكيد هم من الشخصيات المميزه والحلوة

ولازم تعرفي ان الزوجه والزوج في هذي المرحلة من السن يمرون بتغيرات جسميه ونفسية >>>>>>>زي مرحلة البلوغ عند الاطفال

يعني لازم يصير بينهم تصادم في النقاشات ويصير كل واحد متحسس من الثاني ........
والحل بيد امك انها تكون اكثر حنية وعطف على ابوك لان الازواج في هذا السن يبغون الاهتمام الزايد والمبالغ فيه من كل الي حولهم سواء منكم او من والدتك

الله يوفقك ويسر امرك وامر اهلك

 

[شموخ قلب]

يارب تصير بنتي مثلك لما تكبر في حرصها على سعادتي
ماشاء الله تبارك الله عليك
الله يوفقك ويسهل على امك مشكلتها
الحين ماعندي رد للمشكلة بس اعجبني حرصك وحبيت ادعي لك ولامك

 

[ابتسامة أمل]

اللهم ااامين..شوق القصيم...بجد مااعرف كيف اشكرك على الكلام الحلو اللي قلتيه...وهذا ان دل دل على ذوقك وطيب اصلك ياقلبي....

ويارب يارب ربي يحفظلك بنتك واكيد راح تصير باذن المولى زي ماتحبي واكثر لانو حضرتك امها...

وبالفعل يالغاليه النقطه اللي قلتيها جدا مهمه نبهتينا عليها...

لا املك الا الدعاء لكِ ...الله يجزاك الف خير...ويرزقك كل ماتتمنى يارب..

ممكن تشاركونا اخواتي بارائكم...في الانتظار...

 

[ابتسامة أمل]

شموخ قلب...مشكورة على الدعوة الحلوة....
وربي يحفظلك بنتك يارب ويوفقكم ويرزقكم ماتتمنو يارب العالمين.....

وانا في الانتظار...