ممكن استاذه نجوى والله ضروري ** تم الرد **

[بسكولاته]

السلام عليكم ورحمة الله وبركاته
حياك الله استاذه نجوى
صراحه انا عندي مشكله او ماهي مشكله صراحه مادري وش هي

المهم

ياستاذه
انا عندي ولد وهو اول واحد عمره سنتين الا شهر ب 25 -11 يكمل السنتين طبعن ماعندي غيره
هو عصبي وحار وماعنده صبر ابد وعنيد درجه اولا وكثير الصياح على اي شي يصيح وذكي بسم الله على قلبه وخواف درجه اولى بس يبي يبين انه مو خواف على صغر سنه يغار من ابوه ومن اختي الصغيره اما اذا اخذت اي طفل صغير مايهتم ولا يفكر يسوي فيه شي هادي عند الناس
ويتكلم بصوت عالي مدلل نفسه مع اني احول ماسوي له شي
ابغى تقوليلي كيف اتعامل معه لان والله متعب مره
هو عند الناس هادي جدا ومايزعجني الا بصياحه يجلس يلعب لوحده اذا كان فيه رمل واذا ماكان فيه شي يروح يجلس مع العيال الكبار يا يجلس يشوف تلفزيون او يجلس عندهم عند الجهاز او يجلس عند ابوه او يروح عند الشباب يعني مايهتم لصغار مايناضرهم ابد الا اذا كان مافيه احد غيرهم ومايلعب مع اللي كبره يلعب مع الصغار ومايناضر في البنات اهم شي عنده العيال كلامه مو مره يعني مو كل شي يقول اسمي واسم ابوه حتى الان ماقالها يعني يقول ليش وخله وحار وهذا
الاكل ماقدرتاعلمه انه ياكل بنفسه متعب مره يجلس يلعب فيه ولدي كل يحبه ويهتم فيه الكبير والصغير مع انه مسالم مع الناس الاطفال اللي بعمره يغارون منه


باعطيك معلومات عن نفسي يمكن تساعدك في حل مشكلة ولدي
انا عصبيه وعنيده وخوافه بس مابين يعني اذا ماقلت اني خوافه مينتبهون لي الناس يرفع ضغطي ولدي اغلب الوقت

وابوه باااارد جدا متكل علي بكل شي
اذا ضربت الولد او هوشت يجلس يضحك ابوه يعني خربه علي ابوه مره وتعبت من ابوه وانا اقوله لاتضحك لا ضربت الولد او هوشته يقول ماقدر يعجبني


وبس ياليت تساعدني دكتوره واذا عندك اي سوال انا جاهزه

بس اهم شي اقدر اسطر على ولدي حتى ابوه ماسيطر عليه اقوله احيانن هواشه اذا سوى شي غلط يقول توه ماجاه وقت الهوش
بس تعبت منهم الله يعين


والله يعطيك العافيه ويرزقك الجنه

 

[أ.نجوى ناجي]

بصراحة قرأت الموضوع مرتين ومالقيت أي مشكلة , الطفل يقوم بتصرفات الصغار في هذا السن ولا ارى به أي شئ ..

 

[بسكولاته]

مشكوره استاذه

انا فاهمه ان كل الموضوع وتصرفاته طبيعيه

بس ابي تقوليلي كيف اتعامل مع عصبيته وخوفه

والعناد كيف اعوده ياكل بنفسه لان تعبت منه

وكيفيت التعامل مع الطفل الذكي

والله يعطيك العافيه

 

[أ.نجوى ناجي]

ياحبيبة قلبي كل شئ بالتدريج فلن يتعلم الطفل أن يأكل بمفرده فجأه والعناد والعصبية تحتاج منكِ الهدوء لأن كل هذه التصرفات تصرفات مكتسبة من المحيطين بالطفل وليست صفات متأصله فيه , غيري من نفسكِ وتعاملكِ معه حتى يتغير هو

 

[بسكولاته]

مشكوره استاذه نجوى

وان شاء الله احول اخفف من عصبيتي