مليت من الرياض وين نطلع؟؟

[تربية ذاتية]

هاذي العباررة اسمعها مية مرة اذا بغيت اطلع

زوووجي يكره الرياض

وكل ماقلت ابي اطلع يرفض


ساعدوني رجاااء
وتفاعلو مع همي

كيف اقدر اغير الشي اللي ماابيه في زوجي

لكم مني خااالص الدعاء​

 

[فلوووور]

حاولي معه بأسلوب يعني مثلا سوي الغداء وقولي له ممكن نطلع بر الثمامه أو قولي له مانبي نتمشى بس عشان تتغير نفسياتنا وش رااايك نروح كافي أو مطعم نروووق وإنت ياااحبيبتي حاااولي بأكثر من أسلوب معه وحاولي تتعرفي على شخصيته واستعملي الأسلوب الأمثل معه..
الله يهديييه ويسخره لك ياااااارب..

 

[شماليه متطرفه]

اشوى
على بالي بس زوجي اللي يكره الرياض
===
الريااااااااااض علشان تتمشين لازم تدفعين
لانها صحراء تجيب الهم
===
الله يرحم الجنوب حتى لو فتحتي الشباك تصير تمشيه ضباب ومطر واجواء

 

[جراده شياكه]

آآآآآآآآآآآآآه بس اليوم نفسيتي تعبانه
يا حر يا برد وطفش

 

[ورده ملكيه]

الله الرياض علا كبرها ممله اجل شنقول عن بريدة؟؟
كل شهر ننزل الرياض ونغير جو الله يعين

 

[أم أياد]

الله يعينك حبيبتي
والله هو بعد ما ينلام الواحد أذا طلع بالحر تطلع روحه لكن ما يمنع أنه يمشيك
روحوا للمولاات الكبيرة هذا اتمشية بالرياض ، يمكن هذا احسن ما فيها
رواحوا مكتبات لاتقولين وش اسوي فيها اشتري كتب في كتب للمرأة وفي كتب دينية وثقافية .أنا اعتبر روحتي لجرير تمشية :31: بعدها اروح بسكن روبانز :32:لازم وارجع البيت وعلى النت أو التلفزيون
كمان عندك حدايق عوائل وفيه نسائية تواعدي انت وصديقاتك أو جاراتك واطلعوا بالعكس الطلعة مع الصديقات رووووووووعة ........ (شكل أهلك مو عندك والا ما تقولين وين اروح)هههه

هذي طلعاتي بالرياض لان الجو ما يساعد انك تورحين البر..
اتمنى اني افدتك... يالتوفيق حبيبتي

 

[تربية ذاتية]

تسلمممو يالغوالي والله رددوكم وسعت خاطري
بس:​

1- الثمامة مايدانيها؟ بعيدة وحقت الدشير!
2- الحدايق يقول للاجانب والجو مو زين
3- بالعربي ماااايحب المشاوويير!!!!!!

يارب استرها معاي والله اخاف يجي يوم واطفش ومن الطفش تطلع مني كلماات اندم عليها​

 

[Ms.RoZa]

الي مايحب الرياض ليش يقعد فيها
روحو وسعو علينا الله يوسع عليكم دنيا واخره < ~ كله ولا الرياض يتكلمون فيها هع

وبعدين اذا كانت الرياض ممله اجل وشو الي زين ؟

اصلا الي يعرف لها ويعيش فيها ماعاد يبي غيرها كل شي هنا متيسر ومتوفر الحمدلله
وهذي العاصمه مالنا عنها غناة بس انتم حركو سياراتكم وتلقون كل شي حولكم وقريب

واذا معصبين من الزحام ياحلالات من يوديكم الصين
عشان تعرفون وشو الزحام والإنفجار السكاني ع اصوله

الله يخلي الرياض للي يحبونها ويخليهم لها يارب
فدييتها وفديت غبارها وصخبها واهلها وكل شي فيها

 

[Ms.RoZa]

الا صحيح .. صاحبة الموضوع يتهيألي ان المشكله في زوجك
واضح انه بيتوتي ومايحب الطلعات الكثيره وقاعد يدور اقرب شماعه
هيئي له الجـو والأسلوب الحلو وبيني له قد ايش انتي متملله واختاري المكان الحلو
وان شاءالله بيطلعك .. الله يفرج لك يارب

 

[جروح مخفيه]

فعلا العيشه في الرياض
لاتطاق
كرهت اليوم اللي عرفتها فيه
وكرهت حياتي فيها
عايشه بغرررررررررررربه في الرياض
غير كذا مالي احد فيها لا اهل لا صديقات
الله المستعااااااااااان
​

 

[LALA2008]

ياااااااااااااااااااااااحبي للرياض بكل عيووووووووووووووووبه الثمامه لحالها فله ووناسه فديت ترابها

 

[الوردوالياسمن]

لاحول ولاقوه الابالله

 

[am lamo]

كلش الا الرياض لاحد يسبها الا مايبيها يخفف عليها كيفي نفسك على البيت روحي امشي رياضه 0اقرائي كتب 0تعرفي على جيران0زوري اهلك خاصه امك تحتاج من يوسع صدرها0

 

[جراده شياكه]

وين نتمشى زحمه المولات والمنتزهات حر وكتمه
وزوجي مايحب يطلع يكره المولات

 

[باربي الصغيره]

زوجي كان مثل زوجك يقل الرياض حر ومافيها اماكن نتمشى وفي النهايه قلت له ياتمشيني ياننقل من الرياض ووصاريتحجج بس سوي هذي الطريقه وان شاء الله تضبط معاكي قولي له اختار توديني مثلا منتزه السلام او الثمامه وخليكي جاده شويتين ورررربي يوفقك

 

[*ملكة الحب*]

الله لايخلينا من الرياض واهلها

المشكله في زوجك هذا طبعه ولا الرياض مليانه مولات ومطاعم وكفيات

 

[اهواااه]

غالياتي شو رايكم نتعمق بالموضوع شويتين ..

بشرط بدون زعل وخلونا واقعيين اوك وبلاش تعصب (ندري ان كل وحده تحب المدينة اللي تربت وتعودت عليها) *_^

الرياض بهذا الوقت حارة جداً جداً وجوها جاف >> هالكلام ما عليه غبار

تيب اللي حابة تطلع مع زوجها طلعة خاصة ووناسة وتغير من جو البيت وحكرته ما تلاقي غير مولات او مطاعم

تيب اللي زوجها راتبه ع قد حاله وياللا ممشي الاجار والفواتير ومصاريف البيت وميزانية زوجته هذا غير السيارة والاولاد "وفوق هذا اهاليهم مش بالرياض"

وكانوا مرررا طفشانين ويبغوا يغيروا جوا ويتمشوا
>> يعني حالتهم صعبــة


اذا قلنا منتزهات >> الثمامة وسلام مرررا حــر وما تشجع هالفتره
اذا قلنا المرسى او الاستراحات >> مرررا غالية ويبغالها ميزانية وغير كذا حلاتها بالجمعة مو بنفرين خخخخ
اذا قلنا المولات ,,و زوجها يكره المولات كغيره من الرجال ,, هذا غير الحركتات اللي تصير هاليومين اللي ترفع الضغط والغيره معاً >> هل من المعقول حتروح المول كل ما طفشت!!
اذا قلنا مطاعم او كوفي >> هل يعقل حيروحوا مطاعم كل شويه برضوا صعبة كمان

تيب شو الحل !! ياللا جاوبوني

ماكو حل غير تبني علاقات مع صديقاتها او جاراتها "هذا اذا توفر ولقيت ناس طاوعوها" >> من شان يروحوا المجمعات والمراكز النسائية التي تشتهر بها عاصمتنا الحبيبة

اما مع زوجها اقول اصبري مالك الا بيتك "سوي لك جو خاص"

وبسس

اللي عندها تعليق او إضافة تتفضل​

 

[القمر الوحيد]

من تريد أن تقضي على الملل وتقلل المشاكل مع زوجها
وتجد البركة في وقتها وانشراح في صدرها وتبحث عن صحبة طيبة بلا مصالح دنيوية فلتسجل بدور تحفيظ القرآن إما صباحي أو مسائي ..

هي ساعة ونصف باليوم فقط ولكنها تحوي من الخير الشيء الكثير ..​

 

[لا كوست]

اشوى
على بالي بس زوجي اللي يكره الرياض
===
الريااااااااااض علشان تتمشين لازم تدفعين
لانها صحراء تجيب الهم
===
الله يرحم الجنوب حتى لو فتحتي الشباك تصير تمشيه ضباب ومطر واجواايش رايك نتبادل انا بالجنوب واكرهاااااااااااا واموت بالرياض

 

[oscarlady]

اختي الكريمه اتوقع والله اعلم زوجك شرقي..طبعه بيتوتي..وانت اتوقع شخصيه غربيه ..المهم افهمي زوجك باسلوب لبق بان هذه حاجة ملحة لديك بتغيير الجو ولاتتنازلي عن ذلك..فعندما يدرك اصرارك طبعا بلباقة مو بالشده ..حاولي بوقت روقانه يتفهم حاجتك للتغيير وهذا من حقك..فراح ان شاالله يتنازل اكيد..طيب شوفي بحسب شخصية زوجك وين يلقى المكان اللي يوسع صدره فيه؟؟
يمكن يحب يطلع شاليهات؟ يمكن يحب الخصوصية عشان كذا مايحب جو المولات وازعاجها!
الله يسخره لك يارب..إذا كان شرقي فنصيييحه ماراح يطلعك إلا إذا شرطت يكون لك وقت خاص..ويلقى منك صرامه وقوة في هالشئ وانك ماراح تتنازليين(شماليه اشتغلت هههه) طبعا باللين اختي الكريمه
بالتووفيق