ملف المشاريع الصغيره الخاصه بربات البيوت

[nar_W_ma]

ياليت اقدر

السلام عليكم اخواتي

والله افكاركم حلوه

وياليت اقدر اسوي اي مشروع يسوي لي دخل
لانه من جد انا بحاجته لانه علي دين وقاعده اسدد فيه

قصتي طويله بقولها لكم انشاء الله اذا لقيت الجراءه

انا حاولت اخلط العود والمخلط وبالفعل انا مشهوره بين اهلي بعطوراتي اللي اخلطها لنفسي
بس المشكله عندنا هنا انه اذا انتي اللي مخلطه الطيب وطلبتي فيه سعر يتغالونه لانه منك
مايدرون ان الزين ثمنه فيه

مامشت معي يعني كانت على نطاق ضيق جداااااااا

اتمنى اللي عندها لي مشروع يناسبني تقول لي حتى لو طباعة ملفات في البيت او اي شي

شكرا لكم

 

[rymm]

اعجبتني الشيال بس
الموديلات كيف اذا فيه احد نتعاون مع بعض ونتبادل الافكار

 

[مكرونه]

السلام عليكم اخواتي انا خريجة كلية التربية الفنية وبدأت مشروع فكرته بسيطة وجميلة وهي عمل بعض البضائع التي تباع في محلات ابوريالين واللي نسميها في مصر محلات 2 ونص والبضائع دي مثل عمل حافظة لعلب المناديل او الشموع الرومانسيه الملونه وافكار اخرى اللي تحب تعرف اكتر انا تحت امرها وجزاك الله خيرا اختي على الفكره

 

[حبروورق]

ماشاءالله عليكم افكاركم روووووعه وتحير
الله يوفقنا واياكم

 

[ام أثير]

ما شاء الله ويعطيكم العافيه

ومن نجاح الى نجاح يارب

 

[الجمال المستحيل]

روعة متابعينك عزيزتي

 

[ام الآء]

السلام عليكم ورحمة الله وبركاته

بارك الله فيك وفيما طرحت

ورزقك من حيث لا تحتسبين

سأفكر جديا بأول مشروع ومشروع الفيونكات

وفق الله الجميع لما يحب ويرضى,,

 

[wegdan]

ما شاء الله تبارك الله وياريت تزيدينا بأفكارك الحلوة

 

[فهون]

السلام عليكم ورحمه الله وبركاته اخواتي انافكرت اخيط واصمم فساتين بنات صغار يعني من تحت اثنى عشر سنه صراحه احب التصميم اشتريت ماكينة خياطه والحمدالله لكن ايش اللي وقف في طريقي تعبت وانا ادور احد اعلمني الخياطه واتمنى انكم تساعدوني والله المعين:clap::clap:

 

[المهاجره]

أنا بصراحه يا بنات أحب التجاره موت
بس زوجي في كل حاجه يعارضني غصبته مرتين
أول مره اشتغلت عضوه في شركة مكياج ودخلت ارباح
لدرجة انهم اتصلوا علي يبغوني مديره ويعطون زوجي 5000
لانه هو اللي بيدور فيني
قام آخر شئ هاوشهم وقالهم لاعاد تتصلون ولاتجون مره
ثانيه
المره الثانيه غصبته رحنا سوق الجمله اشترينا بدل بناتي
وبعناها على المقربين كبدايه انا فرحت بس هو قطع
الموضوع من جذوره
ياربيه انا عندي مشاريع اكثر من اللي طرحتوها
شسوي بزوجي علشان يوافق دلوني على طريقه

 

[الذربـــه]

السلام عليكم

ما شاء الله تبارك الرحمن

افكار حلوة و بزنس يشجع

الغالية بزنس ومن ... وينج نتريا باقي افكارج

و الله يعطيكن العافية يا بنات و يرزقكن من اوسع ابوابه

 

[shamashemo]

بسم الله الرحمن الرحيم، شو رأيكم في فكرة قطع شوكولاته مغلفة بطريقة راقية ، حيث عندي طريقة عمل هذه الشوكولاته ، بس اعتقد ان الموضوع يباله رخصة صحية وتجارية ، ومن عندها افكار قريبة من هذه الفكرة يا ريت تتحفني بها ، ودمتم سالمين

 

[يانفس توبي]

صباااااح الخير


بناااات انا عندي سرداااب وودي استغله شنو تنصحوووني

اسوي ؟؟؟؟؟؟؟ ابي افكااااركم الحلوه


على العمووم الفكره اللي طرت علي بالي اني أأأجر

صالتي الكبيره اللي بالسرداااب حق وحده تحط مكياااج

وماابي منها ايجااار كلللش بس يكون اتفاقي معاها انه كل وحده تحط لها المكياج اخذ منها مبلغ مثلا تحط المكياج بعشره دينار للبنات اخليها تحط بعشرين ديناار والمبلغ بيني وبينها وبجذيه ماتخسر شي اكون وفرت لها المكان وبالمجان


ماادري فيدوني بلييييزحلوه الفكره والا لا

 

[أم خماس]

موضوع حلو ومميز وطريقة العرض حلوه ومبسطة..

جزاك الله خير يا اختي على الموضوع..

بس أتمنى لو أشوف مشاريع جديده ومبتكرة، لأن البياعة العادية يا كثرها في البلاد..

خاصة بياعة البيوت..

عندج مشروع للي تحب التصميم باستخدام الفوتوشوب؟ لأني أعتبرها هوايتي الوحيدة..

حاولت أصمم بطاقات أعراس وكروت.. بس ما عرفت أعرضهم على أحد..

ما عندي الشجاعة اللازمة.. فشو أفكارج بخصوص ها الموضوع؟؟

انا من اول المشعين لج انتي اول شي صمميلج كم من بطاقه وكم من ديزاين واتفقي مع اي مطبعه اذا تبين اسامي مطابع بعد بقدر اساعدج
واعرضيعم في المنتديات في القسم التجاري ك بدايه
وعلى اهلج واصدقائج حتى لوانتي تدرسين بعد حلو عندج ربيعاتج يسسون لج دعايه وبيكون شي مميز ان شاء الله
على عرس اخوي اتصلت في وحده طلع ما عندها محل بس تشتغل وماشاء الله عليها شو افكار و شغل مرتب
وما عندها محل تتفق وياج في اي مول او كوفي شوب

شدي حيلج وراوينا من تصاميمج




ام خماس

 

[أم خماس]

موضوع روعه بس يباله جرأه
يعني موضوع الدروس الخصوصيه <<<< كل الجيران بيجيبوا عيالهم بس عند الدفع مستحيل أصلا عيب تطلبي فلوس

أنا جربت هالموضوع من قبل وخلاااااااااص توبه تعب عالفاضي

خلي الدفع مقدم او النص اقل شي وهذا من حقج يا اختي

 

[أم خماس]

السلام عليكم اخواتي

والله افكاركم حلوه

وياليت اقدر اسوي اي مشروع يسوي لي دخل
لانه من جد انا بحاجته لانه علي دين وقاعده اسدد فيه

قصتي طويله بقولها لكم انشاء الله اذا لقيت الجراءه

انا حاولت اخلط العود والمخلط وبالفعل انا مشهوره بين اهلي بعطوراتي اللي اخلطها لنفسي
بس المشكله عندنا هنا انه اذا انتي اللي مخلطه الطيب وطلبتي فيه سعر يتغالونه لانه منك
مايدرون ان الزين ثمنه فيه

مامشت معي يعني كانت على نطاق ضيق جداااااااا

اتمنى اللي عندها لي مشروع يناسبني تقول لي حتى لو طباعة ملفات في البيت او اي شي

شكرا لكم

لا يأس مع الحياة حبيبتي حاولي
وسوي اشياء ثانيه حاولي تسوين دخون واذا تبين الطريقه خبريني عالخاص ان شاء الله ما بنقصر معاج

وفى الصحيح : " من فرج عن مسلم كربة من كرب الدنيا فرج الله عنه كربة من كرب يوم القيامة " (رواه الشيخان من حديث ابن عمر، كما في اللؤلؤ والمرجان، برقم 1667).

 

[أم خماس]

بسم الله الرحمن الرحيم، شو رأيكم في فكرة قطع شوكولاته مغلفة بطريقة راقية ، حيث عندي طريقة عمل هذه الشوكولاته ، بس اعتقد ان الموضوع يباله رخصة صحية وتجارية ، ومن عندها افكار قريبة من هذه الفكرة يا ريت تتحفني بها ، ودمتم سالمين

انتي من وين حبيبتي ؟؟

تقدرين تشتغلين وانتي قاعده في البيت اتسوين كم من نموذج من شغلج وتحطينه في المنتديات اهم شي يكون الشوكلت يديد وانتي شوفي اذا مشا شغلج الحين الناس قامت تدور الشي المميز والراقي

اول شي تطرشين لي اوكي

 

[Lovely Princess]

الله يوفقكم اخواتي على النصائح الرائعة
بس احنا طمعانين بالمزيد

 

[ضـــ القمر ـــي]

الله أفكاركم مرة حلوة ماشاء الله
كم مرة فكرت اسوي كذا بس ماعندي جرأة
لكن عجبتني فكرة البخور والدخون
تكفون اللي عندها خلفية تساعدني

 

[’’عزف’’]

والله افكار حلوووووووه

انا ودي بمشروووع جذي

يسلي وله دخل زين

انا موب محتاجه الحمدالله

بس ملل جلسة البيت وودي يكون لي دخل احس انا تعبانه فيه

لو شي بسيط ... حتى لو خلطة عطور او دخون

والي تحب تساعدني راح ادعي لها من كل قلبي...