التعيسه
New member
- إنضم
- 2014/02/22
- المشاركات
- 456
السلام عليكم
بنت عاشت بريئة ومسالمة محبه للحياة تحب اهلهة بصورة مو طبيعيه ومتعلقه بيهم يغلطون إخوانها بحقهة وتسامح تحاول دائما ان لا تكون عبئا في اي شي على امهة وابوهة وماتعبتهم بتربيتها الكل يشهد من الأهل والأقارب والجيران والأصدقاء أنها اهده بنت وعاقله ومريحة التزمت رب العالمين والصلاة والصوم أكثر من كل إخوانها لدرجة يضحكون عليهة مرات ويسموهة الشيخ كبرت البنت وتزوجت وكانت أريح وحده بزواجها لا كلفت اهلهة ولا زوجهة بمصاريف قنوعه جداً تزوجت وابتعدت عن اهلهة وأهل زوجهة وبالرغم من كثر مشاكلهة مع زوجهة ماوصلت مشاكلهة لا لاهلهة ولا اهل زوجهة لان ماتحب تزعج احد وتقهر احد تكتم وتتحمل وتتمنه ترجع او تنفصل بس ترجع تسكت لخاطر امهة وابوهة مو حابه تحملهم قهر وتعب ،،،، ضحت بكل شي تحبه حته لا تزعل اهلهة ومن تزوجت ضحت أكثر حته تريح زوجها ولما ولدت ضحت أكثر واكثر حته ترتاح بنتهة ونست نفسهة وماسوت اي. شي الي يريحهة هي ،،، انتبهت على نفسهة بعد كل ها لسنين والتضحيات شنو توصلت ،،،، شافت في المرآة بنت مختلفه فرمتهة الأيام محمله بالأمراض وهي بعمر العشرينات وجه تعبان ضعف خمول إهمال نفسيه محطمة عايشه على المهدئات ،،،، وبعد كل هذا لما تطلب نصيحة ومساعده من اي احد يجاوبون نفس الجواب خلص تحملي هذا نصيبج ،،،، لا ترجعي لاهلج لا يتعبون لا تتركي زوجج لا يتعب تتحملي لخاطر طفلج أسكتي وتجنبي المجتمع ،،،،،، طيب وبعدين وين البنت من كل ها لحلول وين راحتهة وين تضحياتهة ماكو رد جميل ماكو ولو كلمة طيبه تطيب الخاطر ماكو حل يريح هالبنت ،،،، صحت البنت على نفسهة ووجدت أنها فضلت الناس كلهة وجبت كل الناس الا نفسهة مع العلم هي أكثر شخص يستحق الحب والاحترام ،،،، بدت تكره الناس تكره المجتمع تفضل نفسهة مااحد يهمهة حته اقرب الناس طفلهة لان. أعطت الكثير وما حصلت شي صارت تبحث في داخلهة على صفات بشريه للحب والاحترام والتضحية والعطف من الي كانت تتحله بي زمان لكن انتهت تلاشت ها لمشاعر ماتت مع الأسف تحولت لشخص أناني مستعد الان يخرب الدنيا لخاطر يريح نفسه ،،،،عرفتو منو هالبنت أكيد ،،،،، بس اطلب منكم قرائه الفاتحة على هالبنت البريئة الي ماتت داخل الشيطان الجديد ،،،،،،،
بنت عاشت بريئة ومسالمة محبه للحياة تحب اهلهة بصورة مو طبيعيه ومتعلقه بيهم يغلطون إخوانها بحقهة وتسامح تحاول دائما ان لا تكون عبئا في اي شي على امهة وابوهة وماتعبتهم بتربيتها الكل يشهد من الأهل والأقارب والجيران والأصدقاء أنها اهده بنت وعاقله ومريحة التزمت رب العالمين والصلاة والصوم أكثر من كل إخوانها لدرجة يضحكون عليهة مرات ويسموهة الشيخ كبرت البنت وتزوجت وكانت أريح وحده بزواجها لا كلفت اهلهة ولا زوجهة بمصاريف قنوعه جداً تزوجت وابتعدت عن اهلهة وأهل زوجهة وبالرغم من كثر مشاكلهة مع زوجهة ماوصلت مشاكلهة لا لاهلهة ولا اهل زوجهة لان ماتحب تزعج احد وتقهر احد تكتم وتتحمل وتتمنه ترجع او تنفصل بس ترجع تسكت لخاطر امهة وابوهة مو حابه تحملهم قهر وتعب ،،،، ضحت بكل شي تحبه حته لا تزعل اهلهة ومن تزوجت ضحت أكثر حته تريح زوجها ولما ولدت ضحت أكثر واكثر حته ترتاح بنتهة ونست نفسهة وماسوت اي. شي الي يريحهة هي ،،، انتبهت على نفسهة بعد كل ها لسنين والتضحيات شنو توصلت ،،،، شافت في المرآة بنت مختلفه فرمتهة الأيام محمله بالأمراض وهي بعمر العشرينات وجه تعبان ضعف خمول إهمال نفسيه محطمة عايشه على المهدئات ،،،، وبعد كل هذا لما تطلب نصيحة ومساعده من اي احد يجاوبون نفس الجواب خلص تحملي هذا نصيبج ،،،، لا ترجعي لاهلج لا يتعبون لا تتركي زوجج لا يتعب تتحملي لخاطر طفلج أسكتي وتجنبي المجتمع ،،،،،، طيب وبعدين وين البنت من كل ها لحلول وين راحتهة وين تضحياتهة ماكو رد جميل ماكو ولو كلمة طيبه تطيب الخاطر ماكو حل يريح هالبنت ،،،، صحت البنت على نفسهة ووجدت أنها فضلت الناس كلهة وجبت كل الناس الا نفسهة مع العلم هي أكثر شخص يستحق الحب والاحترام ،،،، بدت تكره الناس تكره المجتمع تفضل نفسهة مااحد يهمهة حته اقرب الناس طفلهة لان. أعطت الكثير وما حصلت شي صارت تبحث في داخلهة على صفات بشريه للحب والاحترام والتضحية والعطف من الي كانت تتحله بي زمان لكن انتهت تلاشت ها لمشاعر ماتت مع الأسف تحولت لشخص أناني مستعد الان يخرب الدنيا لخاطر يريح نفسه ،،،،عرفتو منو هالبنت أكيد ،،،،، بس اطلب منكم قرائه الفاتحة على هالبنت البريئة الي ماتت داخل الشيطان الجديد ،،،،،،،
