مرحبآ !

من خلال التسجيل في صفحات نسوة يمكنك ذلك من المشاركه وتبادل الآفكار الأيحابيه مع زميلاتك

آشتركي معنا الآن !

مفتاح كسر قلبك

راجيه الرضا

مراقبة و متميزة أقسام نسوة
إنضم
18 فبراير 2017
المشاركات
13,446
مشاعرك المفرطة في علاقاتك هي مفتاح كسرة قلبك ، وهي اللي بتسمح لأي شخص إنه يأذيك ويتملك منك

هل ده معناه إنك تبقى إنسان بلا مشاعر وتحكم عقلك بس ؟

اكيد لأ ، لان المشاعر أجمل حاجة ممكن تكون موجودة في الإنسان ، وهي اللي بتخلق كل التصرفات الجميلة اللي بنتعامل بيها في حياتنا ، زي الرحمة والحنية والحب والتسامح

لكن مينفعش مشاعرك تكون هي اللي بتحركك وعقلك ماشي وراها ، بمعنى إن لازم مشاعرك يبقى ليها كبير ترجعله وكبيرها هو العقل ، يكون هو ابوها ومسؤول عنها ، هو اللي بيقومها لو اخطأت ، وبيدافع عنها لو حد أذاها ، لانها مندفعه وممكن تعملك مشاكل كتير

فكرة إنك تسيب نفسك لمشاعرك تقودك ، زي فكرة إنك ماشي بعربية من غير فرامل في الحالتين هيحصل خساير و هتتأذي

علاقاتك وتعاملاتك كلها ، لازم تكون بميزان كفه للمشاعر وكفه لعقلك مينفعش كفه تتفوق على التانية إلا في استثناءات محدودة جدًا

الخلاصة من أرض الواقع :

مشاعرك متحكمة فيك = هتتأذي
عقلك متحكم فيك = هتصون نفسك
عقلك ومشاعرك متوازنين = هتتأذي شوية بس هتصون نفسك اكتر

#أحمد_يسري
 
أعلى