بادئ الموضوع تاريخ البدء
  • المشاهدات 904
  • الردود 8

نفوووله

New member
إنضم
26 مايو 2008
المشاركات
1,691
مستوى التفاعل
0
النقاط
0
الإقامة
مملكة البحرين
ماعاد له داعي تجيني ولا أجيك
مادام رحت وخاطرك طاب مني ...
ياصاحبي قلبي ترى من اليوم ناسيك
خاب الرجا منك وخيبت ظني ..
غدرت بقلبكان بالحيل يغليك
غرك كلامي العذب مع صغر سني ..
كنت أحسبك سيفي اذا ضقت أناديك
أثر البلا سيفي هو اللي طعني

**********

ماعاد تفرق لو تجي صدمتي فيك ..
صدمات عمري زودتني مناعه ..
متساوية عندي إذا قلت ما أبيك ..
كل شي أحبه متوقع ضياعه

**********

احذر تبيع اللي من الناس شاريك ..
وافطن على اللي مايودك موده ..
دور على اللي من الناس يغليك
واترك النذل العن ابو جد جده ..
ترى الزمن اليوم مثل الشبابيك ..
تفتح على كيفك وتسد اللي تسده

**********

يوم بعتني مشيت بدروبي حزينة
مدري أداري دمعة العين ولا موت القلب وسنينه ..
جيتك بطيب القلب وكرم الأخلاق
ومشيت منك بنفس مكسوره وحزينه ..
أدري حبيبي الخطا ماهو خطاك الخطا
من قلب عطاك دفا حبه وعمره وسنينه

**********
ماكنت شي وشلون ازعل لفرقاك
عادي وجودك كان وان رحت عادي
جايز اكون اول تعاطفت وياك
لكن فبالي كان تركك وكادي
لاتنفعل لاتثور لاتبرر خطاك
ماينفع الغرقان مد الايااادي'

**********

طال البعاد ولع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالايام مرره

**********

الالم والهم والخوف الدفين
والشقى والضيم واهات العنا
والاسى والظلم والدمع الحزين
كلها اسماء والمعنا (انا )...

**********

لو الزمن مره يجينى على الكيف
مقدار ما يفهم لبيب الا شاره
بشرت غلطاتى بحسن التصاريف
واخذت من نفسي لنفسي بشاره
وش يحرج الرجال غير المو اقيف
اللي تنزل هيبته واعتباره
والله لو تعرض رقبتى على السيف
أهون علي من الندم والخساره !!!

**********

الحين بس أقدر آخذ قراري
اللي من محيرني من العام لليوم
بعدك ونكرانك ورد اعتباري
ثلاث حاجات بها القلب مهموم

**********

((مسكين قلبي هو بدى منه تقصير هوناقصك يعني تجي تستغله...!!))

**********

زفـــــــت لـــى الفــــــرقا تبـــــاشير حلـــــمى والـــــــحمد للة مابـــــــقى لــــــى كـــــود حســــرات


**********

خلاص يكفيني معاناة وياك
ارحل وبرحل مابقا شي فيني
اتعبتني وياك واتعبني رضاك
واتعبت قلبي ياشقاي ونيني
محدن ترى فيني يسوي سواياك
محدن غيرك اهمومه تجيني

**********

فجري اللي تبينه من غيابك وغيبي
اصلا القلب ..ما بقى به شظايا
واتركي لي جروحي جعلها ما تطيبي
ولاتخلين عندي ..منك اية.. بقاياا !!
غلطتي واحتملها يوم اعامل بطيبي
واحسب الناس مثلي واضحين النوايا..!!


**********


شفت المقفي وربي ما أتبعه لو خطوتين
وأصبعي وهواصبعي لامن غدرني أبقطعه
بأسألك سؤال واحد والجواب بكلمتين
لاصار قدرك والهوي خصمين من تاقف معه
ياخي عز الكرامه وانت دايم مستهين
ياخي ضرسك لو يعورك بذمتك ما تشلعه

**********



سلامتك معاد لي رغبة فيك لاصد قلبي صد من دون رجعه ..

**********



مجبور نضحك يازمن العجايب ....
دام البشر صار بوجه وجهين....
غصب علينا نبتسم للمصايب.....
دنيا نسايرها على العسر واللين....
منها بكى طفل صغير وشايب....
وياما ضحك منها عليها مجانين....


**********


مع السلامه

مانبي غير
فرقااك

دامك مقفي
مالنا
فيك
قدره

**********



دنيا تضيق وفزعة الله قريبه
وعند الفرج مايخذ الضيق ساعة ....


**********



لا فـاضــت أحــزانــي ولا زاد هـمـي
ولا إنشـويـت مـن الـفـراق وتحــرقــت

لا مـت مـن صـدك ولا فــار دمــي
لأن الحكــايـة كلــهـا مضـيــعة وقــت


**********

لله يسهل لقلبك سكة الفرقا وانا على قولتك ربي يوفقني

**********

قلب مشالك بالوفى يوم يغليك ماهو بعاجز لي تكبرت ينساك


**********

ما دام طعت الوقت فيني واقفيت

تحمل اللي يجيك لا جيت تايب


**********



كفي دموعك مال للاحزان ميعاد
مادام هذي رغبتي فاهجريني
انتي سراب وكلمة الحب تنعاد
ماودي احرج خاطرك وافهميني
نفس الظروف ووقتنا كله عناد
ابلتمس لك عذر واعذريني

**********


لا همني قربك ولاهمني رضاك
والله ولا ذكري بقلبي تجيبك
الصد عندي من بقايا عطايات
لا بوك لابو كل طاري يجــــيبك

**********



هــذا الــزمــن حــاكم وأنــا فيــه
محكــوم
مــاهمنــي كبــر الفضــا
وأتســاعه
مــدام دمعــي جــف والقلــب
مصـدوم
بقــول للأحـزان سمعــا (ن)
وطــاعه
ومــدامني عشـــت الــزمن دوم
محـــروم
شيصيــر لوضـاقت علـــي كـل
ســاعه؟

**********


لا تحسب ان القلب هام وضمنته..


نذر علي ان ذلني ما اعترف فيه..


**********


لاتنتظر منا الرجوع انتهينا
كم واحدن قبلك تكبر وعفنــــــــــاه ؟

**********



أنهنت في حبــك وانا حــر ما أنهان
والحــر ما يرجع لشخص يهينــه
والله احبــك حب والقلب ما خان
حا فظ عهوود الحب يومك تبينه !
بس للاسف ما أقدر على حب خوان
يمشى يشيل اسمى وباجر يهينه !!!

**********

عشرة عمر معك انتهت وانتهينا
وآخر دقايقها دموع الوداعي
شيٍ طبيعي نفترق من بعضنا
فرقا وراها ما اظن اجتماعي
غرّت بنا الايام غصبٍ علينا
واستعجل المكتوب طوى شراعي
ورد المحبه فرّطت به يدينا
واصبح هوانا مرجعه للضياعي
لابد ما تنسي حدينا السنينا
والا بقلبي جروحه وساعي

**********



لاتنصدم لو شفت بعيوني الموت ..!!
قبلك اشوف الموت .. داخل كياني
تعبت ارتب لك من احساسي بيوت
تعبت افكر كيف قلبك رماني..!
لا تكسر أغصاني لجل تقطف التوت
ياخي دخيلك ماتلاحظ مكــــــاني ..؟!

**********


انا لاجتني الزله من الجاهل وهو كذاب
تركت القافله تمشي وراها تنبح كلابه
ترى بدري على مثلي تعيب وساسها معياب
ياليت اللي يعيبني يحاول يستر ثيابه

**********

تعشق معي عشره وفينـا تفننـت

هـذا تبسملـه وهـذا شطبـتـه

انا ترى لااقفيـت قفيّـت مابنـت

والشخص لامني كرهته كرهتـه

ما اذل نفسي وارخي الراس يابنت

واللي بغا فراقي تـرى ماجبرتـه

**********


نفسي عزيزه وافهم العلم لاهنـت

الـذل مايـوم ٍ بعمـري تبعـتـه

رفضت غيرك وانت بالحب مالنت

ياقرد حظي يوم غيرك رفضتـه

واذا الغلا يرجع على معرفة نت

انسى الذي بينـي وبينـك كتبتـه

**********


حسبي عليك بجرح قلبي تمكنـت

ادخلت سم الغدر فيـه وجرحتـه

وانا نسيت اني عرفتك على النت

كنت اعتقدك اوفى عشير ٍعرفته

واثر الغلا زوّال ياسرع ماخنـت

كم واحد ٍ غيري بزيفـك عشقتـه


**********
انــــــــا نسيــــــتك ورب البـــيت نسـاني
ماعاد بـه شــــــي مابيــــنك ومابيـــــــني

**********

اعتلي يانفس واعقل ياخفوق
.وارقدي ياعين وارحل ياهوى
بنصحك ياقلب لايطويك شوق
روحته مع جيته عند سوى
من يحطك تحت لاتعليه فوق
ومن يحطك فوق يبشر لانوى
الكرامة مايوطيها أمخلوق
والنجم لاطاح قالوله هوى

**********


أبتركك للغير منهو يسليك
وأببتعد وأنسى ماضي مسيرك

دامك هويت الغير فالله يهنيك
وأنا باعيش أذكر على الدوم خيرك

خلك معه خلك.. يمكن يراعيك
بس لاتجيني لامن خلاك وحب غيرك

**********
 
إنضم
30 سبتمبر 2007
المشاركات
1,331
مستوى التفاعل
0
النقاط
0
العمر
32
الإقامة
في عــز أبـــــــــوي
ماعاد له داعي تجيني ولا أجيك
مادام رحت وخاطرك طاب مني ...
ياصاحبي قلبي ترى من اليوم ناسيك
خاب الرجا منك وخيبت ظني ..
غدرت بقلبكان بالحيل يغليك
غرك كلامي العذب مع صغر سني ..
كنت أحسبك سيفي اذا ضقت أناديك
أثر البلا سيفي هو اللي طعني



نفـــــــــــــــــــــــــــــــــــوله مو غريب عليك هالابداع
يسلملي ايدينك اللي نقلت هالابداع
لاعدمناك عزيزتي
 

فردوس

New member
إنضم
28 فبراير 2008
المشاركات
168
مستوى التفاعل
0
النقاط
0
مسجااات كلها روووعه

لاعدمناكِ عزيزتي
 

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى