معلومة طبية هامة وخطيرة

[راجيه الرضا]

معلومة طبية طالما كررناها ونكررها كل فترة ليفهما الجميع
وحصلت وفاة بسببها
أى مريض بيشتكى من ألم فى المنطقة العليا فى منتصف البطن(هتلاقوا صوره في الكومنتات) لازم يعمل رسم قلب مش هيكلفك حاجه ومجانا في المستشفيات الحكومية لحالات الطوارئ
مهم جدا لإستبعاد وجود قصور أو جلطات بشرايين القلب والمرضي في الغالب بيفتكروها حموضه أو حرقان في المعده و ياخدو كيس فوار راني أو حقنة زانتاك للمعده او امبول مسكن ثم يموت بعدها بدقائق معدودة .
وبالاخص فى الأحوال الاتيه و تبقى جريمة لو ماعملتش رسم قلب :
1.مريض يعانى من مرض السكر (مهما كان سن المريض أو قصر و طول فترة السكر).
2.مريض يعانى من ارتفاع ضغط الدم.
3.مريض يعانى من ارتفاع فى دهون الدم .
4.المرضى كبار السن.
5.المدخنين حتي لو عمره 18 سنه
6.مريض عنده تاريخ مرضى فى العائله لقصور بشرايين القلب او المخ او الاطراف.
7.مريض عنده تاريخ عائلى لموت مفاجئ غير معروف السبب.
8.مريض عنده ألم فى منطقة أعلى البطن مصحوب بعرق غزير أو انخفاض شديد بضغط الدم.

طبيب الطوارئ هيفحصك ويقيم حالتك ومدي الخطوره ويعمل رسم قلب إذا لزم الأمر لإستبعاد وجود أي قصور بشرايين القلب أو جلطه وانت في الطريق خد 4 أقراص إسبرين أطفال إمضغهم و خلي بالك الوقت هنا من ذهب كل ما المريض إتلحق بدري
?️بنبه تاني مش كل ألم في الصدر يعني جلطه لا ، في أسباب كتير جدا تعمل الألم دا لكن كل ألم في الصدر لازم يحترم جدا و نخاف منه و الوحيد اللي يطمنك هو فحص دكتور ليك وعمل رسم قلب لو رأي الطبيب ذلك
هتلاقوا صورة توضيحيه في أول تعليق لطبيعه ألم الصدر اللي بنتكلم عليها

#محمد_السباعي