معلقة في بيت اهلي.. وهذه قصة معاناتي.. ارجوكم انصحوني وادعوا لي.. ((الجزء الثاني))

[فتاة الأمل]

السلام عليكم ورحمة الله وبركاته​

كيف حالكم اخواتي الغاليات؟؟​

انا اختكم.. فتاة الامل​

صار لي معلقة في بيت اهلي ست شهور.. بعد ماطلعني زوجي من بيتي وتركني انا وولده بدون مايتصل او يصرف علينا..​

وانا بعد ماعمل معي هالحركة ((وليست اول مرة)) طلبت منه الطلاق مع شرح الاسباب اللي كنت اعاني منها..​

ونزلت قصتي بالتفصيل قبل فترة على هذا الرابط:
​

http://www.niswh.com/vb/showthread.php?t=255557​

وهذة هي تكملة قصتي.. او بالاصح مااستجد من احداث:
​

اتصل اخوي على زوجي علشان يعرف وش سالفته ليش مااتصل ولا سأل عني ولا عن ابنه.. فرد زوجي علي اخوي باسلوب هجومي وقال له انت اختك ((يقصد انا)) كذابة وهي ارتكبت خطأ كبير في حقي.. قال له اخوي وش هالخطأ؟؟ قال زوجي اسألها وخلها هي تقول لك وش سوت!!! ((يعني زوجي اتهمني اتهام كبير في حقي وكان غامض في كلامه ومتهجم مع اخوي))​

قال له اخوي طيب خلاص اذا هي غلطانة عطها ورقة طلاقها.. قال لا ماراح اطلق!!​

قال له اخوي طيب ليش ماتجي تشوف ولدك ولاتصرف عليه.. قال زوجي اخاف اذا جيت تردوني وماتفتحون لي الباب!!!! وانت السبب ((يقصد اخوي)) اللي مايخلي زوجتي ترد علي ((وهو اصلا ماتصل غير مره وحدة فقط مثل ماذكرت..وانا مستغربة منه كيف يقول هالكلام عني وعن اهلي))!!​

طيب ليش هو مايشوف نفسه وش سوى فيني.. مايكفي انه اللحين طاردني من بيتي ومعلقني عند اهلي..​

وبعدها بايام اتصل اخوي عليه اكثر من مرة بس زوجي كان مطنشة ومايرد عليه..​

بعدها بفترة اتصل اخو زوجي (الاخ الكبير اللي بمنزلة ابوه الله يرحمه) على جوالي مرتين كواسطة خير وكمحاولة انه يصلح الامور بيني انا وزوجي، وكل مره كان يجلس يحكي معي ساعتين وانا كنت اقوله كل اللي بخاطري واشرح له الاسباب اللي خلتني اطلب الطلاق.. وهو كان يحاول يهديني ويقول معليش كل البيوت فيها مشاكل وزوجك طيب بس انه يكابر والطلاق شي كبير وخطير بالعكس المفروض انك تصبرين على زوجك...... الخ من هالكلام.. وامه نفس الشي اتصلت على امي وقالت لها نفس الكلام.. وصاحب الشأن اللي هو زوجي مافكر يتنازل ويتصل الى الان!!​

وفي نهاية الاتصال الاول لاخو زوجي طلب مني انه يجي وياخذ ولدي علشان يشوفونه.. واخذ ولدي المغرب ورجعه الساعة 12:30 بالليل ولقيت بشنطة ولدي الف ريال.. بس ماادري هل هالمصروف هذا من زوجي او من اخوه..​

بس بعد كم يوم في الاتصال الثاني قال لي: ((متى تصيرين جاهزة علشان يجي زوجك ياخذك؟؟))!!!!!!!​

انا حسيت انها قوية وانصدمت من كلامه!!! وشلون بهالبساطة يقولها لي!!! وطبعا انا رفضت.. وحاول يقنعني وقال باعطيك فرصة ثلاث ايام تفكرين على راحتك بعدين باتصل عليك..​

وبعدها بيومين كتبت رسالة بالجوال وارسلتها له.. وكان هذا بمثابة ردي:​

((شكرا وبيض الله وجهك.. كنت واسطة خير وما قصرت.. انا فكرت واستخرت.. بس انا اسفة.. انا ماارتحت وتعبت نفسيتي وماأبي ارجع.. ماأقدر انسى بسهوله كيف زوجي طلعني من بيتي اكثر من مرة والمرة الاخيرة ماسأل عني ولاعن ولده فترة طويلة.. ولا فيه اي مباردة من طرفه تخليني اتفائل وارتاح له.. بالعكس هو ساكت ولا ادري وش عنده.. اذا هو صادق وقلبه صافي يبي يرجعني ونعيش مع بعض باحترام وبأمان يحل الموضوع مع اهلي اللي هو بنفسه حطني عندهم.. انا حبيته وحبيت اهله واحترمتهم فاذا هو مستحيل يحترم اهلي انا بعد مستحيل اعيش معه واعرض نفسي للتجريح وللألم مرة ثانية.. وانا مااعتبر نفسي طلبت شي.. انا تحملت واتنازلت كثير بس مالقيت نتيجة غير زيادة كبريائه.. وارجوكم انا خلاص تعبت وماابغى اتكلم زيادة بالموضوع مع اي احد..))​

والحمدلله احس اني ارتحت نفسيا يوم ارسلت هالرسالة.. بس احيانا تجيني لحظات ضعف واحس بالحنين الى بيتي وزوجي.. واحيانا اقول لا انا ماابغى ارجع للحياة الاولى اللي كنت عايشتها معه الا في حالة حصل تحسن وتغيرت حياتنا للأفضل.. وهالشي الى الان ماظن راح يصير بناءعلى موقف زوجي السلبي..​

بس يا اخواتي​

قولولي..وش رايكم بردة فعلي؟؟​

وهل انا غلطت يوم طلبت منهم يحلون الموضوع مع اهلي ((ابوي واخوي))؟؟​

لانهم اهل زوجي اعترضوا على هالنقطة وقالوا ان هالموضوع بينها وبين زوجها وماله داعي تدخل اهلها.. هذا بالاضافة الى ان زوجي يكره الدخول لبيت اهلي ولا يحترم ابوي وشايل عليه ((واقسم بالله مافيه سبب او مبرر يخليه يعامل ابوي بهالطريقة المخزية.. مثل ما انا ذكرت في الجزء الاول من قصتي))..​

والغريب انهم هم اتصلوا وتدخلوا بالمشكلة ((امه واخوه)) وزوجي صاحب الشأن ماتصل علي ولا على اهلي.. يعني باختصار وش هالتناقض!!!!!​

ارجوكم اخواتي انصحوني​

وادعوا لي ربي يفرج كربتي ويزيل همي ويختار لي الخيرة​

والله ست شهور من عمري الم وعذاب.. تعبت والله تعبت!!!​

 

[ياربي انصرني]

كثفي اتصالك بالواحد الاحد ------وتعلقي بربك ------وهو وحده بيخرجك من ماألم بك من هموم الى الفرج

انتي بذلتي مابوسعك واجتهدتي وحاولتي 000توكلي على ربي -----واسئلي الله ان يفرج همك000

 

[انا اعترض]

الله يعينج اختي ..
اطلبي منه يشرف واطلعي بره معاه واتفاهمي وياه بعيد عن كل الناس .. وحطي شروط لرجعتج .. ارجع بشرط وتوافق على شروطي عند ابوي واخوي .. واستخيري يا اختي .. ان شاء الله تنفرج كربتج

 

[سديم العنزي]

زين ماكتبتي برسالتك .. اذا هو مابادر ولا حاول يحل المشكلة وشلون ترجعين له ؟

زوجك يعاني من مشكلة نفسية .. بدليل انه مو قادر ينسى الشرط اللي كتبه ابوك يوم الملكه

والله مدري شقولك .. اذا ينفع النقاش معاه كلميه انتي وحلوا المشكلة مع بعض

الله يفرج همك خيتي .. ويكتب لك اللي فيه الخير ..

ويسخر لك قلب زوجك ويرده لك رداً جميلاً

 

[huda khalifa]

الله يعينج اختي

 

[أجمل احساس1]

الله يعينك ويكتب لك اللي فيه الخير

 

[فتاة الأمل]

يعطيكم العافية اخواتي على مروركم ومشاركتكم لي
ربي يسعدكم ويبعد عنكم كل شر..​

انا بسبب طول المدة ((6 شهور)) طفشششششششت وتعبت نفسيتي وما احس اني عايشة حياتي بشكل طبيعي..
فعلشان كذا انا اللحين افكر بحل بس محتارة:

***هل استمر على موقفي واترك الموضوع بيد ابوي واخوي؟؟
***او انا احط حد لمعاناتي واتصل عليه واتكلم معه للمرة الاخيرة واتفاهم معه على حل نهائي؟؟​

وهل انا واهلي غلطنا يوم طلبنا انه زوجي هو اللي المفروض يبادر ويحل الموضوع مع ابوي واخوي؟؟​

والله اني اتجننت :icon1366::icon1366:


​

 

[خط القلم]

كثفي اتصالك بالواحد الاحد ------وتعلقي بربك ------وهو وحده بيخرجك من ماألم بك من هموم الى الفرج

انتي بذلتي مابوسعك واجتهدتي وحاولتي 000توكلي على ربي -----واسئلي الله ان يفرج همك000

أحسنتي أخيه

يعطيكم العافية اخواتي على مروركم ومشاركتكم لي
ربي يسعدكم ويبعد عنكم كل شر..

انا بسبب طول المدة ((6 شهور)) طفشششششششت وتعبت نفسيتي وما احس اني عايشة حياتي بشكل طبيعي..
فعلشان كذا انا اللحين افكر بحل بس محتارة:

***هل استمر على موقفي واترك الموضوع بيد ابوي واخوي؟؟
***او انا احط حد لمعاناتي واتصل عليه واتكلم معه للمرة الاخيرة واتفاهم معه على حل نهائي؟؟

وهل انا واهلي غلطنا يوم طلبنا انه زوجي هو اللي المفروض يبادر ويحل الموضوع مع ابوي واخوي؟؟


والله اني اتجننت :icon1366::icon1366:​

أنتي استخيري ووكلي أمرك لرب العالمين وأي شئ ترتاحين له اختاريه...​

 

[لغيرك لاتخليني]

انا اشوف اللي سوتيه صح وخلاص خلي الموضوع على اهلك افضل منشان
يخاف ولا يكررها لان الطرد صعب وانا اشوف رسالتك حلوه
الله يجيب اللي فيه خير لك​

 

[زوجة تـــوتـــو]

اللي سويتيه هو عين العقل خلي اهلك هم اللي يتدخلوا وبنت خالتي نفس مشكلتك بس انتي احسن منها

هي كل مارجعت له تحمل وتجيب نونو والحين صار عندها خمسة اطفال وكانت ماتخلي اهلها يتدخلوا

بس هي وهو اللي يحلون الموضوع والمره الاخيره خلت اهلها يتصرفوا معاه بس مافيه فايده هو مريض

نفس تصرفات زوجك سبحان الله والحين معاد صارت تطيقه ورفعت عليه قضيه بحكم الطلاق

وللحين وهو يتهرب من الجلسات معلقه لها سنه ومستحيل ترجع له وانتي ياأختي انتبهي

ولا عاد ترجعين له اطلبي الطلاق افضل لك هذا اللي انا اشوفه وابصم لك بالعشره انه مو انسان

طبيعي يا انه مريض مرض نفسي او بالمخدرات ابتعدي من الحين افضلك قبل لايجي عليك

اطفال كثير وفي الاخير تندمين واذا فرضا رجعتي انتبهي لاتجيبي طفل ثاني الين ماتشوفين وضعك كيف

لاتسوين مثل بنت خالتي الحين ندمانه اشد الندم تقول ياليتني تطلقت وماعندي ولاطفل منه والحين

كل طفل بجهه الله يلم شملها بعيالها ادعوا لها الحين هي في ظروف مايعلم فيها الا الله صارت

عندها نسيه والحين تاكل حبوب نفسيه الله يشفيها يارب ويوفق اختنا في الله فتاة الامل

 

[zaaaam77]

الله يفرج همك

 

[فتاة الأمل]

الله يجزاكم خير اخواتي على مروركم



لغيرك لا تخليني وزوجة توتو
والله كلامكم ريحني وخفف عني الحيرة والهم اللي انا فيه
ربي يسعدكم دنيا واخرة ويبعد عنكم كل هم وغم..




​

 

[احلىحلاوه]

صراحه الي مثل زوجك مايستاهل انك تسوين كذا علشانه

 

[وهم79]

الي سويته عين العقل ولا تظهفي وخلك قويه الي ما يحترم اهلك موب محترمك نهائي
قدري اهلك زوجك واهله يقدروهم
وهو الي محتاج لك موب انتي المحتاجه له ثقي تماما كان يبيكي ويبي ولده رح يحترم اهلك ويكلم ابوكي

 

[فتاة الأمل]

احلى حلاوة ووهم 79

معكم حق حبيباتي
الله يريح قلوبكم ويحقق امانيكم ويكتب لي ولكم كل خير


​

 

[حزن الحجآز]

حبيبتي فتاة الامل ..

ماقصرتي اعطيتيه اكثر من فرصه .. ونتي لاتياسي استخيري مره وتنين وعشره
والله يكتب اللي فيه الخيره بس انتي حطي البيبي قدام عيونك وفكري كويس
الله يسخرلك زوجك يارب ..

.
.
قصتك تشبه قصتي الى حد كبير ... دمعت لمن قريتها لاني تذكرت زوجي .

الله يفرج علينا يارب ياحبيبيتي

 

[فتاة الأمل]

حياك الله اختي حزن الحجاز

والله حزن عليك من اسمك.. وحزن اكثر لما عرفت ان قصتك تشبه قصتي..
ربي يفرج كربتي وكربتك..
وأسأل الله العظيم رب العرش العظيم ان يختار لنا الخيرة
اذا في ازواجنا خير لنا يردهم لنا ردا جميلا
واذا فيهم شر لنا الله يصرفهم عنا ويصرفنا عنهم
ويعوضنا خير..

بس حبيبتي انصحك انك تعيشين حياتك ولا تسجنين نفسك بالحزن
عمر الدنيا ما وقفت عند الرجل..
وغيري اسمك الى فرح الحجاز او امل الحجاز..

انا الحمدلله احاول قدر الامكان ما احبس نفسي بمشكلتي
بالعكس عند اهلي ربي رزقني وجبر خاطري بوظيفة كويسة
والحمدلله تغيرت نفسيتي يوم صرت اطلع مع زميلاتي وعشت ايام حلوة بجو العمل معهم
والله يخلي لنا اهلنا..
ورب العباد موجود يبتلي المؤمنين ويجيب دعوة المضطر اذا دعاه..

والحمدلله على كل حال..
ودمتي اختي الغالية..

​

 

[فتاة الأمل]

ما حصل في اخر يوم عشته مع زوجي في بيتنا

يا اخواتي
انا اعيش صراع نفسي رهيب
علشان كذا راح اذكر لكم اخر مشكلة صارت بيني وبين زوجي في اخر يوم جمعنا مع بعض في بيتنا
واللي بسببها طلعني من بيتي ووداني عند اهلي


((الموقف هو: كانت العادة من اول ماتزوجنا انه بعد صلاة الجمعة يذهب للسلام على اهله وتناول القهوة.. ثم يأتي لتناول الغداء عندي في البيت حيث اكون انا مستعدة له.. واذا حب يتغدى مع اهله يتصل ويقول لي او يرسل رسالة.. وكنت انا اتقبل الموقف برحابة صدر حتى لو كنت طابخة الغداء ومستعده ومتزينه له.. ولكن الذي حصل في ذلك اليوم هو انه تأخر بعد صلاه الجمعة ولم يتصل فانشغل بالي على زوجي بس قلت ماراح ازعجه باتصالي يمكن عنده شغل مع اخوانه.. فارسلت له رسالة بأن الغداء جاهز.. ولم يرد.. فانشغل بالي اكثر وانتظرت الى ان قرب آذان العصر ((يعني شوفوا يا بنات كيف صبري واحترامي له وعدم ازعاجه مع اني كنت مستعده لزوجي ومتزينه له والغداء جاهز وجوعانة)) فاتصلت على جواله بنيه الاطمئنان على زوجي الذي تأخر فلم يرد.. فاعدت الاتصال فرد علي بلهجة حااادة وقلت له (( اهلين عسى ماشر وشفيك تأخرت؟؟)) قال ((عند امي فيها شي!!!!!)) وسكر الخط بوجهي!!! وهذه ليست اول مره يتعمد يقهرني فيها واعدت الاتصال فاقفل جواله... وهنا بدأت انهار ويفور دمي زيادة على جوعي والارهاق النفسي الذي اعانيه من قبل.. فاتصلت على جوال اخوه الصغير وقلت له اني اتصل على جوال زوجي بس شكل جواله خربان ((علشان ما يحس اخوه بالمشكله اللي صارت بيننا)) وطلبت منه يقول لزوجي ان ولدي تعبان ويحتاج المستشفى.. ((وفعلا انا ماكذبت ولدي كان تعبان بس انا تعبانة اكثر منه من القهر!! وكنت محتاجة زوجي يجي اللحين علشان اتلكم معه)).. يوم جاء زوجي للبيت كنت في قمه الجوع والانهيار من مسلسل التعذيب والضغوط وكنت متوترة وزعلانه على زوجي وقلت له ((وينك!! مو حرام عليك اللي سويته!! ليش تتعمد تخليني انتظر ولما اتصلت فيك ترد علي وتهاوشني وتسكرها بوجهي!! او مو انسانه تستحق الاحترام!! تستحق الاحساس!! هذا جزاي محترمتك ومستعده لك وجوعانه ولا اكلت علشانك!! أنـت وش تبي مني بالضبط!!!)) قال((تدرين وش ابي منك؟؟ اللي ابيه باوديك لاهلك واذا عقلتي تعالي!!)) وهنا فاااااااااار دمي وحسيت بانهيااااااار وقلت له: ((احسن ودني لأهلي اصلا الحياه عند اهلي احسن من الحياة معك على الاقل عند اهلي انا مرتاحة وسعيدة وحاسة بالامان والاحترام اكثر من احساسي معك... خلااااص من بكره تجيب ورقة طلاقي انا ماابيك مابيك ماابيك!!!!!انت تصرفاتك معي تثبت انك تعاني من عقد نفسيه وانا لست مجبورة اني اتحمل واحد مثلك طفح الكيل وانا غلطانه يوم رجعت لك بعد ما طلقتني والله يلعن الساعة اللي تزوجتك فيها ويا حسافة الحب اللي عطيتك وانت ماتستاهل وحده مثلي تحبك وتراعيك)) قال: ((انتي تلفظتي علي)).. قلت: ((انا ما تلفظت عليك هذا احساسي تجاهك بسبب تصرفاتك معي.. بعدين شف نفسك انت اول شلون تجرحني دائما بالكلام وتتلفظ على ابوي بابشع الالفاظ!!!!!!))
وهذه كانت المره الثانية التي انهار نفسيا امامه واوبخه بوابل من الكلمات (( المرة الاولى كانت يوم نطق بكلمه الطلاق وانهرت بنفس الطريقة وقلت نفس الكلام))
وكذلك هي المره الاولى التي افرح فيها بطرده لي من بيتي وارد عليه بان الحياة عند اهلي افضل... وقبل ذلك كان اذا هددني بالطرد اخاف وارتجف وابكي واترجاه يسامحني وما يفضحني وينشر غسيلنا عند اهلي حتى لو كان هو المخطيء علي..))
​

قولوا لي يا اخواتي..
هل انا غلطت؟؟ هل الموقف يستاهل انه يطرني من البيت؟؟ مع اني ما أرى ان فيه شي بالدنيا يبرر للرجل انه يطرد زوجته من بيتها ويعلقها عند اهلها مدة طويلة..
هو ينتظر مني اني اتصل واعتذر
وانا نفسيا بعد اللي شفته منه مستحيل اعتذر
ياما غلط علي وعلى اهلي بالقول وبالفعل

ارجوكم ردو علي وريحوني..
هل انا غلطانة ولازم اعتذر؟؟


​

​

 

[مظلومه28]

والله يا أختي انا صارلي سنه زعلانه ولحد الحين ما صار اي شي

 

[فتاة الأمل]

للرفع
نصائحكم ودعواتكم اخواتي​