معقوله في زوجه كذاا

وردةالغلا

وردةالغلا

New member
إنضم
2007/08/07
المشاركات
118
حبيباتي حبيت استشيركم في موضوع جدااااااااا يهمني واتمنى انكم تعطوني ارائكم
خالي توه متزوج ماله الا اربع شهور وهو من قبل وبعد الزواج كله في مشاكل ماتهنى
هو: ملتزم،طيب,حنون،كريم,وسيم,تزوج يبقى الحب والحنان والاستقرار
هي:مش ملتزمه عاديه ,طويلة لسان ,لها وجهين ,كذابه مع مرتبة الشرف ,وجماله جيد لاباس به
دايم تدخل اهلها بمشاكلهم على اقل القليل ،ماتهتم فيه ،ولاتبيه يزور اهله ولا يعزمهم عنده
ولايوصل رحمه ولايشتري شي لاهله,انانيه ,ماتطبخ الاوجبه وحده ,
المهم صارت مشكله قصدي سوت مشكله من لاشيء
يوم الخميس رسمي بيت اهلها قالها خالي
امس اهلك جاوا اليوم لاتروحين نطلع مع بعض و...........
هي :قلبتها مناحه ليه وليه.........
هو:وداها بيت جدتي العصر والمغرب ناموااا(فهمتوااا):blush-anim-cl: وبعد ماخلصوا طيبا منه وداها بيت اهله
(طبعا متراضين)
هي: لما دخلت بيت اهله سوت نفسها اغمى عليها حركاااااااااات علشان تكسر خاطر اهلها:icon1366:
اخوها:الوووو فلان انت وش مسوي بأختي تعااال نتفاهم
خالي:قولها تترك التمثيل عنها وانا ماسويت فيها شي وبجي الساعه....علشان نتفاهم:icon28:
(خالي وصلت عنده مش اول مره تكذب ,مش اول مره تمثل،دايم تخبر اهلها بكل شي غير التزويد,ولايبين في عينها شي سواه لها تبالغ بالامور كثير وكم مره كانت بتوصل الامور بينهم للطلاق بس الله يستروهي مش خايفه علما عندها اختين اكبر منها ماتزوجوا)
المهم راح خالي مع ابوه وحاولوا يتفاهمون ولكنهم اتفقوا الا يتفقوا
بيخليها بيت اهله اسبوع وبشوف بعده وش يصير ولهم الحين ثلاث ايام لا اتصلت ولا ارسلت
ونسيت ماقلت لكم طبعا ابوها يوم الجمعه جابها الشقه علشان يتفاهمون
ودخلت هي وياه الغرفه
هي:اصلا انت متغير وتسمع كلام نسوان وفلانه الطيبه ماتت(اي طيبه اي بطيخ) وانا مابي الزيارات العائليه ولا ابيك تجبرني على شي اروح المكان اللي انا ابيه تبيني كان بها والابكيفك
هو: انتي اللي كذا مش انا ومش انا اللي تمشيني مره اذا تبيني سمعي كلامي والا كل واحد بطريق
هي على راحتك
طلعوا من الغرفه والكل يفكرهم متراضيين قال ابوها هي بتروح معاي وانت تعال اخذها بالليل
خالي:ماراح كلموه قالوله احنا نجيبه مارضى قال لتأدبت خلوها تجي
واعتذر اني طولت عليكم منتظره ارائكم(وعلى فكره تراني مابالغت في اي كلمه قلتها عنها والخافي اعظم)
 
انا مااشوف انك طرف في الموضوع ...

الله يهدي سرهم ويوفقهم....ويسعدهم ..
 
عذرا بعض الكلمات ينقصها حرف الالف مثل(اهلها ,)
طبعا هو كم مره هددها اذا ماتعدلت بتزوج عليك وهي ولاااا يحزنون
 
صحيح ياقلبي ياخذ رايك بالموضوع لكن اسمحيلي احس انك عارفه كل شي عن حياتهم حتى لدرجه انه نام معها ولا لا احسها امور خاصه وهو زوجته لهم طريقتهم بالتفاهم تبغين نصيحتي خليهم بحالهم لانهم اذا كانوا راضين ماتدرين عن انهم مبسوطين واذا كانوا متزاعلين علطول ندري بهمومهم واحزانهم انتي حاولي تهدين الموضوع من ناحيه خالك وحاولي تسوين عمل ماراح تاخذين من وراه الا الاجر كلمي مرت خالك وليني راسها وحاولي تقنعينها بالرجعه كذا بترضين كل الاطراف اللي بالمشكله بس حاولي المره الثانيه تتركينهم بحالهم والله نصيحه من اخت محبه لك بالله والله يوفقك
 
جد غريبه ؟

كيف تعرفي كل هـــــذا!!

الله يهديك ويصلحك ..

ونصيحه لاتحملي نفسك ذنوب الواحد مو ناقص

دعي الخلق للخالق وربك كريم ..

تشكراات
 
الله يهديهم
الحياة الزوجية تحتاج الي طولة بال وصبر خاصة في بدايتها لاختلاف طباع الطرفين
 
انتي كيف تعرفين انه طلب منها ترقد معاه وهي كيف انهم تراضو ورقدو مع بعض تراقبينهم انتي ولا هو قالك

صدق ما يستوي عيب الامور الخاصه

هم كيفهم كيف يتصرفون مع بعض ما يخصك لا تدخلين خليه يحلها بنفسه هو

اذا يبغيها بيرضيها وبيردها اما هي تباه بترد لكن لا تخلونه بعيد ولا تكوكون راسه

واذا مافي نصيب يفترقون بلمعروف
 
نصيحة خليكي بعيد
مستحيل احد يقدر يحكم بين اثنين ينامو على مخدة وحدة عمرك ما تعرفي ايش سبب المشكلة
 
يااختي ابقولك كلمة بس لاتزعلين مني هي في صالحك قبلهم كلهم .. ابعدي لأنة من افسد او بين زوجين ظلمهم وظلم نفسة لأن بيجي يوم ويكون مكانهم .. يعني انتي تدخلك واضح اساسا لما يسئلك ان كنتي فعلا تحبينة وتبغين له التوفيق ردي عليه برد واحد : هذي الأمور المفروض تحلها انت وزوجتك ولا تدخلنا فيها روح اتفاهم معاها واجلس وش وتبي وقلها الي انت تبيه واتفقوا والمفروض انه اسرار ماتطلع لأي احد ..........................
وبعدين وش دراكم ممكن فعلا انصرعت او اغمي عليها من القهر واضح ان زوجها مايخبي عن اهله شئ وحتى النومة!!! وهذا شئ يقهر الزوجة وممكن انها باحساسها عرفت الي قالك عن نومتة اكيد مايكتم سر وهذا عيب والله عيب ويمكن هالشئ وغيرة قهرها واغمي عليها .. ابعدي عشان ماتظلمينها وتتوفقين بحياتك وقربيهم لبعض ولاتكبرين الموضوع في راس خالك مدام يستشيرك تقدرين ترجعينه لها ان كنتي فعلا تحبينه وتخلينهم يتصالحون
 
نصيحه لاتدخلي ..........واتركي عنك وجع الراس ...........كل واحد عقله في راسه يعرف خلاصه
 
حبيبتى

خالك نظر للجمال ...ولم ينظر الى الالتزام

الرسول صلى الله عليه وسلم قال (فاظفر بذات الدين تربت يداك )
 
ما بزيد على كلام الاخوات الله يهديك اتركي الزوجين في حالهم هل انتي متزوجه؟؟؟؟؟؟


اذا متزوجه عليج بزوجك وبيتك واذا مب متزوجه الله يرزقج زوج وعيب تدخلين في تفاصيل زوجيه خاصه جداااا الله يعينها زوجته لان خالك يخبرك بانه نام معاها وغيره من الامور الخاصه .....
 
خليكى بحالك وبمشاكلك واتركيهم يحلوا مشاكلهم لوحدهم يعنى ناقصك وجع راس
 
مشكورين جميعااااااااا على اهتمامكم بي ونصيحتكم لكن هذا الكلام قايله لامه الاهي جدتي
هو طلب مني رايي في انه يتزوج عليها والا يهدي الوضع فقط
والله يوفقكم جميعا ويجزاااااااااكم الجنه
 
هو يحكي لاهله عاااااااادي
هي تقول لاهلها مشكله وتصير ما تربت!!!!!!
بعد اهلها ما قصروا جابوها تتفاهم معاه
انصحي خالك يهدي الوضع ويكتم اسراره
والمرأه ما يبي لها غير كلمه حلوه وتصير خاتم بيده
ومن حقها تختار المكان اللي تبي تروح له مو من حقه يجبرها ويسويها مشكله.
وانتي لا تزيدي النار حطب.
الله يهدي الجميع
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل