معقوله زوجي .. يبي يتزوج بشوال .. ابي حلولكم

[زوجه متفائله.]

السلام عليكم ورحمة الله ​

خواتي ...​

انا عمري 28 وعندي طفلين اصغرهم عمره 3 سنوات ​

وحملت من سنه وسويت عملية تنظيف بس معقده وتعبت بعده ..​

والحمدلله اللحين طيبه ومن زمان انتظر الحمل وزوجي منهبل يبين احمل ..​

وكان مررره متأمل اني هالشهر حامل .. فحوصاتي سليمه ..​

ولكن جتني الدوره يوم الثلاثاء .. وهو من يوم السبت راح لم ربعه
وهو متغير ومتنرفز .. وقال نبي نروح لمكه وتدعين الله يثبت حمله ..
لكن قلت انتظر حتى يتبين يمكن تجين الدوره ..​

وكأنه متأكد اني حامل ..
وانصدم ..
قال لي الفجر راحت علي العطله وانا ماتزوجت وانا مستأجر شقه تأكل علي فلوس (مسأجر شقه مفروشه ويدفع آجار شهري 1200 على كلامه له يمكن اربع شهور مستأجرها )
واستعدي واقلمي نفسك على الوضع الجديد بتزوج بشوال ..( هو على ماأعتقد ماخطب ولا شي وسالفة الشقه ماأدري هو صادق ولا بس يخوفن مع اني لقيت انه محول كل شهر 1200 لأحد اصدقائه وقايل له :هذا الاجار.. هل ممكن تكون خطه بينهم عشان يخوفن .. كأن الحمل على كيفي ..)​

المهم انا انهرت وقلت له الحمل مو بيدي ولا بيد الدكتوره الحمل من الله وش هالقنوط ..
يعني انا اللي استغفر واصلي بالليل وادعي وانت جالس متكتف ..
مكأن انت اللي نفسك بالعيال .. مو انا بس ..
يوم قال ابتزوج بشوال
قلت خلاص بعد شوال انت بطريق وانا بطريق .. جلست اصيييح ..
وماقدرت انام طلعت من الغرفه
وهو لبس ثوبه وطلع الساعه خمس ونص الفجر .,.
ورجع بعد ساعه ..​

انا غسلت المدخل ورحت احاول انام ..
وخلاص ماعاد نكلم بعض
امس الاربعاء العصر ..
ارسلت له ..
اني ماتخيلت منك هالتجريح ماكأني زوجتك وكأن الحمل بيدي ولا بيد الدكتوره
(دايم يقول اللي يتركن الحبوب يحملن على طول وصديقي وصديقي وحرمة صديقي اليوم تركة الحبوب وبكره حملت المشكله ان زوجة صديقه بعد بنته الاولى جلست خمس سنوات وبعدين جابت بنت وجلست اربع سنوات وبعدين جابت ولدين ورا بعض بينهم سنة يعني انه ماتحمل على طول اول ماتترك الحبوب ولا كان ماصارت المده طويله بين بناته وقصيره بين الاولاد )​

كتبت له: انا حملت مرتين اول شهر بعد الحبوب بس المره الثانيه سقطت .. وهذا من الله
يعني اللي يبون الحمل على كيفهم يحملون كان كل الحريم حمل ومافيه احد متأخر بالحمل ..
عاد رد علي وقال : اعتبرين اشتغل بالدفاع المدني يوم بالبيت ويوم بالدوام
واقلمي نفسك على الوضع الجديد ..وانتي ام عيالي وقدرك محفوظ وحكمي عقلك واتركي مشاعرك
يامانصحتك ان ماتاكلين حبوب بس ماتسمعين كلامي .. انا ابي عيال راح عمري (38 ) ..​

للمعلوميه انا ماأكلت حبوب الا بعلمه وهو يجيبهن .. واول ماأخليهن احمل بس سقطت مرتين مره بعد طفلي الاول والمره الثانيه بعد طفلي الثاني ..​

زوجي حسب معلوماتي شمالي غربي .. وحنا نمر بظروف ماليه وتوه آخذ قرض
بس شكله شاف الفلوس كثيره قال وراه ياولد ماأعرس وحط براسه العرس قال ابتعلث بالعيال ..​

اقولكم اصدقائه عنده دوريه يوم السبت شله كلهم شيبان اثنين منهم متزوجين اجنبيات على زوجاتهم ودايم زوجي يتطنز بهم اذا صار عليهم الدور مايتعشى من عشاهم يقول مطاريس (الله يديم النعمه ) يعني مايعرفن يطبخن ..
وهذولا شيباااان عيالهم معرسين اصغرهم رجلي مدري وش طيحه عليهم ماأبطى داخل معهم بالدوريه ..
شلته الثانيه بينهم دوريه كل ثلاثاء وهم بعمره بس برضو اكبر منه بسنتين ثلاث ..اثنين منهم تزوجو العام واحد يقول ماحبيت زوجتي اللي جابت له طفلين .. وتزوج عليه لهالسبب .. والثاني له بنت وعياله اثنين ماتو غرق وبعدهم زوجته ماحملت وتزوج يبي عيال على قولته ..​

هذي نبذه عن زوجي .. وعن حياتي واللحين لنا يومين مانكلم بعض ..
هل لأصدقائه دور في تفكيره .. مع انه يشوف انهم دايم بمشاكل وعليهم ديون ..​

او بس بيقهرني ويخوفني ..​

ابي اتناقش معه واتكلم وش اقول له .. ..
وكيف ابين له اني زعلانه وغير كذا ابي اروح اتقضى اغراض العيد قبل رمضان لأني مو من عادتي اطلع السوق برمضان ..​

وانا ابي استمر بزعلي ابي هالمره يحاول يراضين لكن كيف اقول له عطني فلوس اروح مع اخواني اتقضى .. وعندي موعد بالمستشفى متابعة تبويض ..
كيف اقول له هالكلام .. مرره متضايقه وماأبي اكلمه ..
ارسل له رساله ع جواله واطلب فلوس ..​

معليش طولت عليكم
ويمكن ذكرت تفاصيل ماتفيدكم ..
بس عطون حلولكم ..
مشكورييين​

 

[عذبهم شموخي]

الله يهديه الحمل موبيد احد يعني الحين الي حملة حملة بشطارتها لاياعمري حملة بارداة من يقول لشيء كن فيكون الله يصلحه ويرجعه لصوبه المهم من ناحية الفلوس وجهة نظري اطلبي منه حتى لوانك زعلانه هو ملزم بنفقتك ولاتنحرجي ولا شيء ماطلبتي غير حقك ويارب يارحمان يارحيم يرزقك بالذريه الصالحه ويجعل زوجك مايشوف غيرك

 

[الولهانه2006]

الله يكون بعونك يالغاليه يارب البنات مايتاخروا عليك وجعتى قلبى يارب تستر على وعليك ومايطلع كلامهم صح خاااااااااااااااااااااااااااااااايفه

 

[شجن جدة]

حبيبتي اتوقع ان زوجك بس يمزح عشان تحملين وانتي عليك بالاستغفار والصدقة واهم شي نفسيتك لان الحمل مايصير بعدالله الااذا النفسية تمام وادا تزوج حركاتة ماتخلي احديغار علية اصلا

 

[وهن~ْ]

أحقريه أنتي ماسويتي غلط ياقلبي
ولابيدك شي
وعادي دقي علي ه واطلبي فلوس ولاتبينين أنك زعلانه او حاجة
مشي الموضوع ولا كأن شيء صار وانا واثقة انه بس كلام ماراح يتزوج
ماعليك منه وادعي ربك

 

[الطائر الهادى]

الله يعييييييييينك

يااارب يصلح اممموركم

 

[مطعونه بخنجره]

يافلبي الحمل بيد ربي موبيدك ياليت تقولي لزوجك انه يمكن السبب منه مدامك سليمه خليه يتاكد من طبيب يمكن يكون سبب في الحيوانات المنويه عنده وانتي اقري الاذكار وسورة البقره باستمرار والدعا في وقت الاجابه وانتو بعد صغار العمر قدامكم وش فيه مستعجل الله يصلحه
اطلبي فلوس وكل شي ناقصك لاتقولي ماكلمه حت ولو لو مطلبتي الي ناقصك راح يتعود ولا يلبي طلباتك وانتي قولي لو ماحبك واخاف الله فيك مادوره العلاج بعد ايرادت الله وكمان وضحي انه نفسياً تتعبيناكثر منه والله ييسر امرك ​

 

[شكلاته]

قسم تخلف
ولدك صغير وانتم صغار توكم
وبعدين هذا بيد الرحمن موبيديكم
واتوقع بس تهديد مو صادق
بس خليك واثقه ماعليك منه
واللي على جريف ينهد

 

[زوجه متفائله.]

الله يهديه الحمل موبيد احد يعني الحين الي حملة حملة بشطارتها لاياعمري حملة بارداة من يقول لشيء كن فيكون الله يصلحه ويرجعه لصوبه المهم من ناحية الفلوس وجهة نظري اطلبي منه حتى لوانك زعلانه هو ملزم بنفقتك ولاتنحرجي ولا شيء ماطلبتي غير حقك ويارب يارحمان يارحيم يرزقك بالذريه الصالحه ويجعل زوجك مايشوف غيرك

شكرا لك أختي على ردك ودعائك الله يتقبل يارب ..
وانا عارفه انه بيد الله وراضيه باللي يكتبه لي .. لكن الله يعين ..

الولهانه2006
الله يكون بعونك يالغاليه يارب البنات مايتاخروا عليك وجعتى قلبى يارب تستر على وعليك ومايطلع كلامهم صح خاااااااااااااااااااااااااااااااايفه

مشكوره أختي على مشاركتك لي مشاعرك والله يستر علينا .. وباذن الله بس كلام <<<اتأمل وامني نفسي .. ..

شجن جده
حبيبتي اتوقع ان زوجك بس يمزح عشان تحملين وانتي عليك بالاستغفار والصدقة واهم شي نفسيتك لان الحمل مايصير بعدالله الااذا النفسية تمام وادا تزوج حركاتة ماتخلي احديغار علية اصلا

مشكوره يا شجن يارب انه مزح ورزح ماهو حقيقه .. والله يتقبل استغفاري ويعفو عني ..

 

[شماليه متطرفه]

عذر اقبح من ذنب
رجااالن تسذوب

 

[جناح فراشة]

ياعيوني إنتي

الحمدلله عنده أطفال وشو له هالقصة اللي طالع بها؟؟

أجل اللي ماعندهم أطفال شو يسوون؟؟ الحمدلله رب العالمين على النعمة

 

[شموع منطفئه]

تاكدي اذا الله كاتب له بيتزوج بيتزوج رفعت الاقلام وجفت الصحف و لو اجتمعت الانس والجن على ان يضروك بشي لم يكتبه الله لك لنيضروك ولا تشيلي هم وماعليك اذا تزوج احفظي بيتك وعيالك وبيجي الوقت اللي بيندم فيه

 

[الوردوالياسمن]

الله يفرج همك وتحملي ع طول ويكون كلام زوجك ما منه شي ويشوفك الدنياومافيها

 

[انوار المحبه]

وقسم بــ الله يقهر الله يهديه

بس على قولتك مدام المشكله متركزه على امرين

الاول اصدقائه

والثاني الفلوس الزايده


اشغليه عن اصحابه باي شئ سفريات عزومات عند اخوانك عياله خلهم يبلشونه يمشيهم

والفوس اسهل من صرفها مافيه روحي اغلى المستشفيات واشتري هدايا له ولا اهله


وربنا يهدي

وربي رجال ماينعرف لهم اذا انشغلنا بالاطفال قالوا نبي وحده تتفرغ لنا واذا تفرغنا لهم قالو نبي اطفال

​

 

[أنوار الزهراء]

هذا وين عقله طار الله يهديه
قولي له ليش فيوز مخك ضربت انت انسان مؤمن وتعرف الله
وهذه ارزاق بيد الله مو بيدي ويدك
انا يالغلا عندي ولد وبنت وجلست خمس سنوات حاولت احمل وكنت اصيح لما تجيني الدوره
وبعدها طلعت عندي مشكله نزول في الرحم قالوا روحي الى وحده تفهم في امور الحريم وعملت لي مساج بالبطن ورفعت الرحم بيدها وفعلا 3 مرات رحت لها كل اسبوع مره والمره الرابعه قلت بستنى الدوره بعدها اروح لها يمكن يصير حمل وفعلاً استنيت وماجت الدوره وبعدها تاخرت اسبوعين ورحت وطلعت حامل والحمد لله رب العالمين كل شيء تمام

ويالغلا وبما انه الدكتوره قالت مافي شيء فهذا التأخير

من خيرة رب العالمين هو الذي يقول كن فيكون

والله خليك قويه لما يهددك قولي له انت شكلك ياحبي كفرت بسبب الي معاك هذا واانا اضرب في المثل عند هلي والناس زوجي زينة العقل والركاده
انت يطلع منك هالكلام سكوتك والزعل وبدون اي تفاهم او رد انتي ساكته وناس تعبي مخه حكي تزوج جيب عيال وحكي وحكي خلاص الرجال يروح بوادي ثاني ويتغير مخه


اقول امسكيه تحتك واغسلي من دورتك
واذا طهرتي استعدي كسري ظهره لين يصير حمل

كل شوي قولي له تعال الغرفه خليه بعد ينهد حيله

واذا تكلم ردي عليه مو انت تبي عيال يالله حنا نحاول والباقي على الله

وخذي منه لين يقول تبت

علميه ان الله حق و العيال ماتجي بالساهل وتركك من السالفه زعل وخصام انتم كبار مو بزارين يالغلا

بالكلام كل شيء يجي اذا قال ابي عيال قولي قوم الغرفه ليين تستكفين انتي

واذا قالماصار شيء قولي له شغلك مو عدل ولا انا وعاء لحفظ ماتضعه فيني اكيد ماحطيته بالوعاء زيين

يالحرمه والله السالفه مو مستاهله الزعل وخليه يكبر عقل وانتي بيدك تخليه يكبر عقل وبيدك تخليه يستمر في قراره
واذا شاف الزواج كسرت ظهر في المنام خليه يحس ان الزواج مو شيء سهل خليك انتي بمثابة حرمته الاولى والثانية والثالثة والرابعه ومايفكر في الزواج من غيرك

ردي عليه حنا الحين بفترة ممكن تكون راحه لنا والعيال ماراح تطير راح يجون وكل هالامور بيد الله


ادري كلامي مو متناسق بس اتمنى وصلت الفكره

الله يسعدك و يرزقك الذرية الصالحه

 

[روتـــانا]

هذا وين عقله طار الله يهديه
قولي له ليش فيوز مخك ضربت انت انسان مؤمن وتعرف الله
وهذه ارزاق بيد الله مو بيدي ويدك
انا يالغلا عندي ولد وبنت وجلست خمس سنوات حاولت احمل وكنت اصيح لما تجيني الدوره
وبعدها طلعت عندي مشكله نزول في الرحم قالوا روحي الى وحده تفهم في امور الحريم وعملت لي مساج بالبطن ورفعت الرحم بيدها وفعلا 3 مرات رحت لها كل اسبوع مره والمره الرابعه قلت بستنى الدوره بعدها اروح لها يمكن يصير حمل وفعلاً استنيت وماجت الدوره وبعدها تاخرت اسبوعين ورحت وطلعت حامل والحمد لله رب العالمين كل شيء تمام

ويالغلا وبما انه الدكتوره قالت مافي شيء فهذا التأخير

من خيرة رب العالمين هو الذي يقول كن فيكون

والله خليك قويه لما يهددك قولي له انت شكلك ياحبي كفرت بسبب الي معاك هذا واانا اضرب في المثل عند هلي والناس زوجي زينة العقل والركاده
انت يطلع منك هالكلام سكوتك والزعل وبدون اي تفاهم او رد انتي ساكته وناس تعبي مخه حكي تزوج جيب عيال وحكي وحكي خلاص الرجال يروح بوادي ثاني ويتغير مخه


اقول امسكيه تحتك واغسلي من دورتك
واذا طهرتي استعدي كسري ظهره لين يصير حمل

كل شوي قولي له تعال الغرفه خليه بعد ينهد حيله

واذا تكلم ردي عليه مو انت تبي عيال يالله حنا نحاول والباقي على الله

وخذي منه لين يقول تبت

علميه ان الله حق و العيال ماتجي بالساهل وتركك من السالفه زعل وخصام انتم كبار مو بزارين يالغلا

بالكلام كل شيء يجي اذا قال ابي عيال قولي قوم الغرفه ليين تستكفين انتي

واذا قالماصار شيء قولي له شغلك مو عدل ولا انا وعاء لحفظ ماتضعه فيني اكيد ماحطيته بالوعاء زيين

يالحرمه والله السالفه مو مستاهله الزعل وخليه يكبر عقل وانتي بيدك تخليه يكبر عقل وبيدك تخليه يستمر في قراره
واذا شاف الزواج كسرت ظهر في المنام خليه يحس ان الزواج مو شيء سهل خليك انتي بمثابة حرمته الاولى والثانية والثالثة والرابعه ومايفكر في الزواج من غيرك

ردي عليه حنا الحين بفترة ممكن تكون راحه لنا والعيال ماراح تطير راح يجون وكل هالامور بيد الله


ادري كلامي مو متناسق بس اتمنى وصلت الفكره

الله يسعدك و يرزقك الذرية الصالحه

عين العقل ..


اضغطي على نفسك واهلكيه في اليوم 4 مرات ..

تتعبي معاه دحين ولا تتعبي من الضرة بعجين ..

 

[روتـــانا]

بعجين = بعدين

 

[زوجه متفائله.]

أحقريه أنتي ماسويتي غلط ياقلبي
ولابيدك شي
وعادي دقي علي ه واطلبي فلوس ولاتبينين أنك زعلانه او حاجة
مشي الموضوع ولا كأن شيء صار وانا واثقة انه بس كلام ماراح يتزوج
ماعليك منه وادعي ربك

أختي وهن ماأقدر احقره هو قهرن وجرحن ابي ابين له اني زعلانه وجروحه ..
خليه يحس على نفسه شوي
والله يتقبل الدعاء ويرحم ضعفنا ..

مطعونه بخنجره
يافلبي الحمل بيد ربي موبيدك ياليت تقولي لزوجك انه يمكن السبب منه مدامك سليمه خليه يتاكد من طبيب يمكن يكون سبب في الحيوانات المنويه عنده وانتي اقري الاذكار وسورة البقره باستمرار والدعا في وقت الاجابه وانتو بعد صغار العمر قدامكم وش فيه مستعجل الله يصلحه
اطلبي فلوس وكل شي ناقصك لاتقولي ماكلمه حت ولو لو مطلبتي الي ناقصك راح يتعود ولا يلبي طلباتك وانتي قولي لو ماحبك واخاف الله فيك مادوره العلاج بعد ايرادت الله وكمان وضحي انه نفسياً تتعبيناكثر منه والله ييسر امرك

والله يا اختي قلت له حلل خاصتن انه مرره جته حراره
وجاء الاسعاف واخذوه من البيت واتنوم يومين بالمستشفى والحراره موراضيه تنزل ..

واكيد ان شاء الله ابطلب اللي أبي .. وش اسوي منب مدرسه ولا موظفه .. الله يغنينا ..

شكرا لأختي ..الطائر الهادئ وشكلاته على دعواتكم ..

 

[زوجه متفائله.]

اختي شماليه متطرفه .. يارب يصير رجالن تسذوب ومايعملهاش ..<<<اظربت الفيوز .

جناح الفراشه ... صحيح ياليته يشوف اللي ماعندهم اطفال تخيلي اقولله عن اللي حوله كيف متأخرين وماعندهم اطفال وكأني اتكلم على جدار .. والله يقهرررن ..
حسبي الله وكفى ..

شموع منطفئه ..
تاكدي اذا الله كاتب له بيتزوج بيتزوج رفعت الاقلام وجفت الصحف و لو اجتمعت الانس والجن على ان يضروك بشي لم يكتبه الله لك لنيضروك ولا تشيلي هم وماعليك اذا تزوج احفظي بيتك وعيالك وبيجي الوقت اللي بيندم فيه

كلامك ميه بالميه .. وماعليه غبار الله يحفظنا .. ومايتزوج .. يارب ..

الورد والياسمين ..
الله يفرج همك وتحملي ع طول ويكون كلام زوجك ما منه شي ويشوفك الدنياومافيها

يارب اللهم آمين الله يسمع منك ويتقبل دعائك ولك بمثل ..

 

[زوجه متفائله.]

وقسم بــ الله يقهر الله يهديه​

بس على قولتك مدام المشكله متركزه على امرين ​

الاول اصدقائه ​

والثاني الفلوس الزايده​

اشغليه عن اصحابه باي شئ سفريات عزومات عند اخوانك عياله خلهم يبلشونه يمشيهم ​

والفوس اسهل من صرفها مافيه روحي اغلى المستشفيات واشتري هدايا له ولا اهله ​

وربنا يهدي ​

وربي رجال ماينعرف لهم اذا انشغلنا بالاطفال قالوا نبي وحده تتفرغ لنا واذا تفرغنا لهم قالو نبي اطفال​

والله احاول اشغله عن اصحابه الله يعينن عليه ... والفلوس ماأعرف اطيرها .. اخاف يكشف خطتي ..
وصادقه ماينعرف لهم ان بغو عيال تزوجو واذا كثرو تزوجو ..
الله يكفينا شرهم ..