معاناتي مع الشمالي.....!

[اعشق ترابه]

السلام عليكم و رحمة الله و بركاته..

كيفكم يا حــلوات..؟

انا مخطوبه و زواجي بعد 3 أشهر بإذن الله

خطيبي شمالي تصرفاته تنرفز مو عارفه كيف اتعامل معــاهـ

ما يهتم فيني بشكل ملحوووظ و كل أهــلي يسألون و الحين صار له

شهرين ما زارني و لما أسأله يقول امهليني كم يوم و اجيك و هكـــذا

و الله عذبني صرت اهوجس و اوسوس

اليوم عيد ملكتنا و ارسلت له مسج ابيه يجي نحتفل سوا و اعتـــذر ...! بجد ينرفز

و لما يتصل فيني اغلب المكالمه تروح بالصمت اقول له سولف يقول تعبان من الدوام

هو بالهــــدايا و العطايا و الفلوس ما يقصر فيها و يبالغ فيها احيانآ بس انا مو عارفه اتعامل مع شخصيته

فكرت انسحب احس الحيـــاهـ مع الشمالي صعبـــه..

ابي مشورتكم مو قادرهـ اشتكي لأحد من خواتي مابي اغير نظرتهم فيه...

 

[اعشق ترابه]

...............................

 

[طموح لم يتحقق]

ياعسل لازم تفهمين تركيبة الشماليين عشان تعرفين كيف يفكر .. بالتالي تعذريه ولا تزعلي منه
الشمالي عملي ومحدد
يعبر عن حبه بالمال والهدايا وانه ما يقصر عليك ..
طالما انه مو مقصر معاك معناه يحبك وبالتالي يكفيك حتى لا تغضبي منه
فكل انسان له طريقته في التعبير
عليك ان تقبلي طريقة تفكيره وتعبيره وتتقبليها وتؤقلمي نفسك عليها ...
انا ما اقولك استسلمي للسلبيه..
بس اعذريه واقبلي اليسير منه لا تحسسيه انه مهما سوى مو عاجبك فيمل
انت سويلك جو معاه ... لا تقوليله يالله سولف ....
انت سولفي وفي اهتماماته عشان يحس انك فاهمته وبالتالي تبنين بينكم جسور .......
عموما انا عني احب الشمالي اكثرمن الجنوبي المتعب
هم كلهم يتعبون بس انا لشخصيتي احب اتعامل مع الشماليين لأنهم واضحين عمليين طموحين
جادين مبادرين ...
اهم شي لا تطفشييينه
ادعو الله يوفقك ويسخره لك ويسعدكم يارب

 

[همس موج البحر]

الله المستعاااااااااااان

 

[ملاك جذاب]

اخذيها قاعده
اذا ظليتي تلاحقي ورا الشمالي وتسألي عنه وتحني عليه اعرفي انه بيطير منك >>وانا مجربه هالشي
اخذي لك فتره لاتسألي عنه وانشغلي عنه حتى تفكير قللي منه (اذا انشغلتي بأشياء غيره بتتحسن نفسيتك وهذا اهم شي لأن فكرك مابينشغل بأنسان مشغول عنك)
واذا كلمتيه لاتعاتبيه وتقولي له انت ماتسأل وانت وانت ترى بيطفش بقوووووه وبيتهرب منك
خليك مستانسه دايما حتى لو كلمك وانتي زهقانه قولي له انا مرررره مبسوطه وانك سويتي اشياء حلووه وانجازات
واذا حسيتي بملل بالمكالمه وكثرة صمته اسأليه عن اعماله وخليه يعلمك على اشياء هو يعرفها او اختلقي مشكله من عندك وخليه يحلها لك بتشوفيه يتفنن بحل المشاكل (اهم شي لايعرف ان المشكله مو حقيقه)
او حتى اذا انتي عندك مشكله خليه يحلها بس لاتتضايقي لو طلعك بالمشكله انتي الغلطانه لأن نظرته بتكون ابعد من نظرتك للأشياء
وانا الاحظ كثير على الشماليين انهم اذكياء وعندهم قوة حجه مو طبيعيه يعني امتدحيه وشجعيه
وغالبا بيني له انك مشغوله ومو فاضيه ​

وبث...
اذا عندك استفسار ثاني او سؤال آآمري وتدللي
والله يوفقك
والشمالي والله كشخه بس يبقاله مره تفهمه وانصحك تقري كتاب الرجال من المريخ والنساء من الزهره بيفيدك حق هالاشياء ​

 

[أعشـق حياتي]

شوفي انا زوجي شمالي وانا جنوبيه

كنت كل شوي اسال عنه واذا سافر كل يوم ادق عليه واعطيه تقرير يومي واساله متى بترجع

بعد فتره كل ما ادق عليه يتنفخ ويقول مدري اذا سالته متى بتجي

بعدها تغيرت معاها ماصرت ادق عليه واذا دق ما ارد الا اذا حسيت في شي ووقت موهو يحتاجني اكون معاها اذا عنده مشكله والا شي بس

والله الحين اقوم واشوف جوالي دايم الاقي اتصال منه ورسايل احيانا ارد واحيانا لا اقوله اني مشغوله

والحين لو دقيت على طول يرد واذا شاف اتصالي على طول يدق

انتي اشغلي نفسك وحسسيه انك مبسوووطه ولاتقولي له على كل شي يصير معاك

واذا سالك عن شي ردي باقل جواب

 

[اعشق ترابه]

مشكـــــوراااات ما قصـــرتــــوا ...

و الباقيات دخلوا قرأو الموضوع و طلعـــوا ...