معاناتي مع الشمالي المتطرف

[أحتاجك أنا]

بسم الله الرحمن الرحيم



السلام عليكم ورحمة الله وبركاته



كيفكم اخواتي البلقيسيات


هذي اول مشاكه لي مع اني من سنه وشوي اتابعكم اول باول

عندي مشكله اللي هي زوجي الشمالي واتوقع انه متطرف بعد


تعبت معاه جربت كل شي ومانفع ياناس انا بشر من لحم ودم ابيه يحس فيني ابيه يهتم تخيلوا حتى لما اتعب مايسئل عني ولاايفكر يوديني مستشفى
واذا طلت منه يقول عندي شغل موفاضي ولاا راح الصيدليه وجاب لي حبوب وقال خذيها

ولااتقولون فيه بينكم شي بالعكس مافي واشي بيننا الا كل خير بس هذا طبعه من يوم مااخذته مهمل لابعد درجه فيني مع اني شايلته من الارض شيل
مااابغى شي بس ابي احس انه يحبني ويهتم فيني وبمشاعري

ابي احد يشور علي بس مابي اسمع كلاام كل مره اللي اشوفه وربي ماخليت شي الاوسويته
احيان اقول امكن مايحبني عشان كذا موحاس فيني ولاايهتم فيا ؟؟
واحيان اقول طبيعته الشماليه بس حتى لو طبيعته شماليه مايحس فيني وانا تعبانه ومطلوب اني اقوم بكل واجباتي يعني مايقول تعبانه اجيب اكل جاهز اللي فيها يكفيها لاااااا وهذا مو منّه تراه واجب عليك لاتفكرين انك تتمنين علي

اللي بعرفه كل الشماليين كذا حتى روحت المستشفى بطلوع الروح ؟؟ومايهتم وانتم تعبانين ولايسئل ويقول سلاامات ولاا قدامك العافيه

اذا انسان مايهتم فيني حتى وانا تعبانه بالله ايش ابغى من حياتي معاه ؟؟


ابغى اسمع شي يريحني

 

[فرزانة]

ولااتقولون فيه بينكم شي بالعكس مافي واشي بيننا الا كل خير بس هذا طبعه من يوم مااخذته مهمل لابعد درجه فيني مع اني شايلته من الارض شيل

هنا الخطأ حبيبتى
انك شلتيه من الارض شيل..... مو بقولك لاسمح الله انك تتجاهلى طلباته و لكن لا تيجى على حساب نفسك
الخطأ انك تتضحى باحتياجاتك و اهتماماتك من اجله ... لازم يكون اهتمامك لنفسك اولا ثم هو ..
حاولى ان تغيرى من نفسك و اهتماماتك و ستكون النتيجة مرضية لك ان شاء الله

 

[عبير210]

انتى تعانين نفس معاناتى بس لا تغلطين غلطتى وتخلينه هو كل شئ فى حياتك

 

[بريق الحب]

اعانك الله هدا طبعه اختى المهم انك لاتكلفي نفسك فوق طقتها وترجي تتندمي حاولي تسعدي نفسك لاتفكري فيه اجعلي لك اهتمامات خاصه وعليك بالدعاء خصوصا في اخر الليل

 

[عنقود عنب]

راح اعطيك يا عزيزتي خلاصة تجربتي مع الشمالي اللي عندي...اكثر من 25 سنة زواج

زوجي طبق الاصل من زوجك

لي شهر ميته من معدتي ... الام فظيعة ...انا اللي اروح الصيدلية اشتري لي علاج

ولما عجزت و هلكت ...استأجر سيارة ورحت مع ولدي الصغير المستوصف

رجعت البيت و كان وقت صلاة والصيدلية مسكرة

كتبت له مسج باسم العلاج ...واتصلت عليه ...وكالعادة مشغول في محلة ما عندة وقت يكلمني

وهو قال لي ((الووووووووووووو نعم )) قلت له بدون مقدمات ارسلت لك اسم علاج جيبة معك ضروري يالله مع السلامة ...وكنت بسكر ... الا قال لي لية وش فيه ...قلت له هذا عشان معدتني و سكر الخط

رجع البيت وعطاني العلاج و ما سأل ...كالعادة ينتظرني انا اللي اجي اقول له وش فيني

عطيته المخترص المفيد ....

ولعلمك يا قلبي ...لي شهر اعاني وانا ما قلت له ... قايمة بواجباتي على اكمل وجه مع اني ما عندي شغالة والبيت كبير جدا

لاني اعرف انه ما راح يبين اهتمام ... مو لانه ما يحبني ... لا ...ولكن هذا طبعة

هذا كلة صار امس ... اخر الليل لما رحنا ننام ... كانت نفسيتي تعبانة من شدة الالم ...قلت له ودي ابكي من الام ...طفشت ...شهر كامل وانا اتألم ...قال لي خذي العلاج الجديد وان شاء الله تستفيدين

تبغينه يسألني اليوم كيفك ؟؟؟ ابدا مستحيل

مع اني كنت مودية ولدي الصغير معي لانه عنده التهاب في اذنه

تبغينه سأل عن الولد ؟؟؟ ابدا

هذا طبعة من تزوجته ...

انا كنت اول ابين اهتمام كبير له اذا كان تعبان

الان صرت مثلة ... ما ابين له اهتمام الزايد ... تبغينه يتأثر ؟؟؟ ابدا لان هذا طبعة

هذا مو معناته انه ما يحبني ... لا ...ولكن هذا طبع وعشان ترتاحين ...تأقلمي على طبعة ولا تزعلي منه


ويفضل انك تعاملية بالمثل عشان ترتاحي نفسيا ....هههههههه

فوزية الدريع دائما تكرر حديث للامام جعفر الصادق عليه السلام و يقول فيه (( لا تعطي كثيرا حتى لا تندم كثيرا))

اعطي بمقدار ما سوف تحصلين عليه

وربي يسعدكم

 

[لؤلؤة بقلبه]

أتوقع في ملف للشمالي أكيد بتستفيدي فيه

أسأل الله أن يجنن قلب زوجك عليك