بادئ الموضوع تاريخ البدء
  • المشاهدات 17,957
  • الردود 50

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
معاناتي مع السمنه ...

اهلين فيكم صديقاتي بنات بلقيس هالمنتدى الرائع واللي من جد عجبني ...

وبعد ...

انا قرأت موضوع اختي امرأه ولكن .. اللي اسمه مذكرات امرأه سمينه
وعرفت منها انه لو مااطلع اللي في قلبي من آلم وحسره
ماراح اقدر اعيش ...

انا بنوته عمري 18 سنه
عازبه (والحمدلله) ومقيمه في الرياض
طولي 154 ووزني 81 كيلو

مشكلتي ياأخواتي ... اني مو قادره اعيش حياتي ..
مو قادره امشي في طريقي ..
مثل ماشفتوا انا عمري 18 سنه... يعني لسى مراهقه
الحياه لسى قدامي على قولتهم
بس احساسي مو اساس بنت مراهقه عمرها 18 سنه ..

احساسي احساس حرمه عمرها 40 سنه .. وماعاد بيهمها شكلها ولا مظهرها

انا معاناتي بدأت مع السمنه من ايام البلوغ....

لما بلغت. مررره مرره سمنت وكان الموضوع خارج عن سيطرتي ..

انا لما بلغت كان عمري 9 سنوات وكنت لسى ماافهم شي ..
كان المفروض اني في هذيك الفتره انتبه على نفسي ومااسمن.. بس للاسف سمنت ووصلت للي انا فيه الحين ...

لما صرت دبه .. بدأوا بنات المدرسه يتمسخروا ويقولوا كلام مررره يجرح ...
كنت اضحك معاهم واسوي نفسي ماخذه الموضوع بكل روح رياضه .. وجوا قلبي يتقطع اني مو زيهم
كنت (ولازلت) اشوف نفسي في المرايه واكره اللي اشوفه واتمنى اجيب سكينه اقطع كل اللي مو عاجبني في جسمي ..

مع الأيام حاولت اتأقلم مع التعلقيات الساخره اللي تعور القلب ..
لحد ماجا اليوم اللي كرهت نفسي فييييه وحسيت اني ابي الارض تنشق وتبلعني ..

كنت قاعده في الصف وكانت الاستاذه تشرح الدرس ..
الماده كانت علوم وكان الدرس عن الرئتين ...
كانت الاستاذه تحاول تفهمنا انه كلمها زاد وزن الشخص زاد الضغط على رئتيه وبالتالي اصبح التنفس صعبا مع القيام بالأنشطه ..

فجأه بدأت تدور عيونها بين البنات .. ووقفت عندي ..
قالت ايوه انتي ... الحين لما تمشين شوي بالساحه ماتحسين انك تعبانه؟؟؟
والبنات ضحكوا وانا استغربت انها سألتني هالسؤال ... قلت لها لا
قالت غريبه ... مع وزنك هذا .. المفروض انك تتعبين اسرع من اي بنت بالفصل ...

كلامها مو بس جرحني.. كلامها صدمني وقتل كل محاولات التأقلم اللي كنت اسويها..

بس لما أتلفت حووولي .. عرفت انها صح ...

انا كنت اسمن واحده بالفصل وبدون مبالغه ..

بعدها قعدت سنيييين متعقده من جسمي ومن شكلي ومن كل شي فيني ...
واخواتي كانوا يزيدون الطين بله بكل مره يعلقون على جسمي او يجرحوني بكلامهم

مع مرور السنوات قعد وزني يزيد بالتدرج
صرت مااقدر امشي زين بعد ماكسرت رجلي .. والسمنه زادت الموضوع سوووء وصرت حتى رياضه مااقدر اسوي بدون مااخلص وانا مو قادره احرك رجلي خييير شر....

صرت اشوف البنات اللي يقربوا لي ينحفون واحده واحده بالعمليات اللي يسوونها ..
وانا..
الله يعينني بس...

جاتني فتره سويت رجيم ونحفت 13 كيلو في شهرين ..
وماخلصت شهر ونص الا وانا مرجعتها ...

كم كرهت نفسي وكرهت حياتي ..

كم صرت اكره شكلي ....

انا انسانه .. ولي الحق اني استمتع بنفسي وبحياتي وبجسمي..

اشوف البنات اللي في عمري...والله العظيم ياخواتي انا قلبي ينزف دم لما اشوف البنات ..

البنات كلهم عايشين مراهقتهم ولا احلى ..

انا تعبت .. والله تعبت ..

انا جربت كل شي .. وكل ماانحف ارجع كل اللي نحفته..

سمنتي جرحت انوثتي وخربت لي حياتي..

وانا ماكتبت هالموضوع علشان احد يجي يقووللي سوي رجيم.. او سوي رياضه..
الرجيم انا سويته ومانفعني ... اخذت حبوب ومانفعتني ... والعمليه شي بعيد مااقدر حتى افكر فيه .. والرياضه مااقدر اسويها بسبب الآلام اللي في رجلي بسبب الكسر ..

انا تعبت وابي حل .. انا عمري 18 سنه وحالتي في كره نفسي مو طبيعيه وحاسه اني بانجن....

بليز ساعدوني.......
 
إنضم
5 أبريل 2008
المشاركات
150
مستوى التفاعل
0
النقاط
0
ااااااااااااااه يا حبيبتي

ها قد اتيت اليكي مسرعة.... فانا ادرى الناس بهمك...

تابعي و تكلمي فنصف العلاج لانقاص الوزن هو نفسي ايضا مع برنامج غذائي... و ليس كما هو حالنا في الدول العربية نتبع الحميات الغذائية ولا نعالج سلوكنا النفسي الذي بسببه اصبحنا سمينات :(
 
إنضم
12 يوليو 2007
المشاركات
58
مستوى التفاعل
0
النقاط
0
شوفي ياعمري اول حاجه لازم تعملين فحص للهرمونات ممكن سبب سمنتك تلخبط في الهرمونات هذا اولا وثانيا اذا كنت في الرياض فيه دكتور مره كويس نزل وحده اعرفها اكثر من 40 كيلو في 3 شهور ومازالت معه مستمره هذا الدكتور موجود في عيادة الورود واسمه د هاني الازهري مره كويس والله ينحفك ان شاء الله بالصحه والعافيه
 

المتمكنه

New member
إنضم
6 يوليو 2007
المشاركات
472
مستوى التفاعل
0
النقاط
0
حبيبتي عن تجربه لاتفكرين تسوين رجيم من نفسك

حتى لو ماكنتي تاكلين شي

لازم لازم لازم مع اخصائي تغذيه والاهم المتابعه المستمره

عن تجربه ماينفع الا الاخصائي والاستمرار معاه وحطي هدفك على المدى الطويل يعني قولي عندي 6 شهور بالنزل على مهلي لانك الهدف القريب يحبط بسرعه

عموما الزياده مو مستحيله تنقص

غيرك يوصلون الميه

احمدي ربك

وادعي واستغفري ان الله يسهل امرك وينقص وزنك ويقوي ارادتك

ياااااارب تتسهل امورك

وطمنينا عنك
 

المتمكنه

New member
إنضم
6 يوليو 2007
المشاركات
472
مستوى التفاعل
0
النقاط
0
نسيت اقول شي

جربت كل الاشياء للتنحيف ماااااااااتنفع صدقيني

بس في خطله اهني بالمنتدى ممتااازه

احسها تسد الشهيه

وتنظف البطن وتحسين نفسك خفيفه

ملعقه من كل هالمقادير

زنجبيل + شاي اخضر + نعناع+ كمون

جربي ودعيلي
 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
اختي امرأه ولكن ..

والله ثم والله ثم والله اني فرحت فرح كبيييييييييييير لما شفت ردك على موضوعي ....

ماتصدقين قد ايش موضوعك اثر فيني

وماتصدقين قد ايش قعدت ابكي وانا اقرى موضوعك لانه ذكرني كثييير بعيشتي الزفت مع سمنتي اللي لا حدووود لها

انا انسانه تعبت كثثييير من السمنه وقرآتي لموضوعك وعتني على الواقع اكثر واكثر ....

انا حبيت اكلمك لاني عرفت انه ماحد بيفهمني كثرك

ويسررني كثييير انك شرفتي موضوعي بمرورك ..

اختي نجلاء العيون...

اختي ياليت تقوليلي اكثر عن طريقته ورجيماته وكيف نحفت صديقتك معاه... وياليت تقوليلي وين هالعياده لاني مااعرفها
وياليت كم تسأليلي بكم في الشهر ومشكوره....

اختي السنيرويتا ..
انا سويت رجيم لحالي ونحفت 13 كيلو بس للاسف رجعت لاني مااقدر احافظ.....
مااقدر اكمل هنا المشكله ... ا

والخلطه اللي قلتي لي اياها؟؟ .. اشلون؟؟ مع مويا حاره ولا كيف؟؟

ياليت تحكيني اكثر عن هالخلطه ووش تسوي...

مشكوره
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
حبيبتي ياحياتي أنتي متا جاتك الدوره أول مره

حبيبتي رتاحي نفسياااااااااااااااااااااااااااااا هاذا ضروري

أنا مابلغت الا وأنا في صف ثالث ثانوي متأخره معي بس سمنت سمن الله لايوريك كنت نكته عن أهلي وأقاربي
كان نفسيتي متعبه جدااااااااااااااااااااااااا
بس سارلي موقف هينها كنا مجتمعين في مناسبه جلست وحده من أقاربي كانت دمدح بناتها كل وحده فيهم وبنت أخوها كذالك بس جاء دوري كنت مبتسمه قالت ياليتها ماتكلمت قالت بحرف واحد أنتي يارموش كنك أم بربعه عيال
والله أنصدمت صدمه موطبيعي كرهتها كره طبعا طلعنا من مناسبه قلت لسائق أوقفلي عن صيدليه وذهبت شريت دواء لتخفيف كنت أكل في اليوم 5حبات عشان أنحف وستمريت عليها أربع أيام بس أبوي وامي لاحضو فيني شيء أني دائما ساكته ضيوقه زهقانه هاذي الأمور موعوايدي بعده ذهبت لأصلي وتأخرت ماطلعت لأهلي في صاله طبعا امي كانت تقول لأبوي أن( رموشه نمله)تعبانه راحت امي تناديني عشان توديني للمستوصف فوجدتني مغما علي علا الأرض فأخذوني للمستشفا وكان صدمه عندما قال دكتور أن (رموشه نمله ) ماتغذت من 3 أيام وكثر طبعا نومت في المستشفا وقال دكتور أن البنت ماكله حبوب ياليتكم تخبروني أش هو طبعا أمي فتشت الغرفتي فوجدت الحبوب في الدرج وخبرت الدكتور وجلست نايمه يومان بسبب الحبوب
زكلها بسبب الحرمه الي فشلتني عن خلق الله


طبعا والدي الله يحفضه حقق معي وخبرته وعطاني من المحاضره وقال الناس مايحبون شخص من شكله أهم شيء الأخلاق
حبيبتي ريحي نفسك وحاولي تقرئين الكتب وانتي تمشين كثري العمل في البيت كثري الحركه تمشي أبحثي
وسعي سدرع


الله يوفقك ويسعدك وينحفك ويكون جسمك أحلا مني
 

شهد الحلوه

New member
إنضم
15 ديسمبر 2007
المشاركات
112
مستوى التفاعل
0
النقاط
0
حبيبتي الله ينحفك ونشوفك غزاله
شوفي انتي لاتحطين ببالك ابي انحف عشرين كيلو
انتي خلي بالك طويل وتنحفين كل اسيوع كيلو ولا يرجع احسن من اربعه كيلو اذا تركتي النظام تدبلوا صح والا لا!!
بقولك شي انتي هالفتره سوي لك زمزمية شاهي اخضر مع زنجبيل رطب بدون سكر واشربي منها طول اليوم الى الليل خصوصا بعد الوجبات
اتركي الخبز والحلويات كبدايه وشوفي كم بتنحفين بس ترى على المدى البعيد ولاراح يرجع اهم شي
اذا تقدرين تسوين لك اكلك خاص بدون زيوت افضل زي مثلا الرز وتاكلين بالكميه اللي تبين ...
واهمممممممممممممممم شي الاراده خلي ارادتك قوووووووووووووويه
وادعي ربك دااااااااااااااائم ينحفك بصحه وعافيه
 

المتمكنه

New member
إنضم
6 يوليو 2007
المشاركات
472
مستوى التفاعل
0
النقاط
0
عدناااااااا

تغلي الماي اول عقب تحطين هالاعشاب وتسكرين النار

تساعد على التنحيف مع الرجيم

واعيد وكرر سوي رجيم مع اخصائي ومتابعه وانسي تسوين شي من نفسك

وحااااااسه فيك كلنا بالهوى سوا

ومايجي الشي بالساهل

ههههههههههههههههه
 

فاطمه محمد

New member
إنضم
13 أبريل 2008
المشاركات
487
مستوى التفاعل
0
النقاط
0
آآآآآآه يا اختي آآآآآآآآآه



تعبت من نفسي و تعبت من الدنيا


انا اكبر منك بسنتين او ممكن بسنه



و انا انسانه سمينه من الصف الثالث او الرابع الابتدائي و الى اليوم سمينه و الحين صحيت من الغفله الي كنت عايشه فيها طووووووول هالسنين



تعبانه نفسيا تعبانه من الناس و من اخواتي الي كلامهم ما يرحم و تعبانه من نظره الشفقه الي اتعرض لها من الكل



و الله احيانا ادعي على نفسي لأني ما اشبع


كرهت نفسي و انزويت ماقمت اطلع من البيت لأن اختي الكبيره الله يهديها نظراتها كلها انقراف على شفقه
و كلما اتشجع اشوف وجهها و اكره الدنيا



اختي مو انتي بروحك الي تعرضتي لهالمواقف , انا تعرررررررررضت لها كثييييييييير في المدرسه ثم الجامعه ثم البيت ثم السوق ثم الشارع ثم الاهل


في كل مكان تقريبا





الامل في الله باااقي و كبيــــــــــــــــــــــــــــــــــــر و ماراح يروح ابدا ابدا

و نعم بالله




الله يضعفا و يضعفك بصحه اللهم آمين
 
إنضم
5 أبريل 2008
المشاركات
150
مستوى التفاعل
0
النقاط
0
حبيبتي Rugi : أرأيت بنفسك كم نحبك :icon26:.... الجميع اتى ليساندك و يشجعك... لست وحدك في الدنيا...

اللهم نحفنا انا و اخواتي بصحة و عافية بدون هم ولا مرض و لا حزن و لا غم ... اللهم امين :sadwalk:

نجلاء العيون: نصيحتك في محلها... و فحص الهرمونات ضروري... انا عملته عند طبيبة نسائية بسبب تأخر في الانجاب (الى يومنا هذا) و الفحص مكلف... المهم ان تفحصي هرمون الغدة الدرقية و هرمون المبايض هما المسببان الرئيسيان للسمنة... انا عندما فحصت و الف الحمد لله لا يوجد لدي خربطة في الهرمونات... لذلك طالبتني الطبيبة ان انحف لان الحل الوحيد لي هو ان انزل الوزن الزائد حتى احمل... فلا يوجد سبب معروف لتأخري في الانجاب الى الان :icon1366:

احببت ان اضيف شيء: طبيب التغذية ليس هو المفتاح السحري لنزول الوزن... الارادة هي الحل... مهما كان الطبيب شاطر و الكل يمدح فيه اذا مافي ارادة ما في نزول في الوزن.... :showoff:

سنيوريتا: شكرا شكرا على الوصفة... ساجربها من الغد... اتوقع انها على الريق صباحا :nosweat:

لكن لم تخبرينا هل لك تجربة ناجحة في انزال الوزن... خبرينا :cupidarrow:


رموش نملة: الف الف الحمد لله على سلامتك.. الله نجاكي من ادوية التنحيف... تصدقي انا حتى ادوية التنحيف جربتها وما لي حظ معها :dunno: مرضتني ولا نفعتني و قطعتها لوحدي و الحمد لله ما كملت اسبوعين و توقفت ولا حتى كيلو واحد نزلت:nosweat:... يعني على الفاضي ههههههههه


شهد الحلوة: فكرة مغلي الشاهي الاخضر مع الزنجبيل حلوة اني اشربها طول اليوم... ساجربها... و نصيحتك في محلها... المهم ان نقطع الخبز و الحلويات... و لكن الارز لالا... لانه ضروري يوميا...لكن نطبخه بدون زيت و لا يسمن خصوصا اذا كان رز بني كامل :icon30:


بنوته طموحه: هلا هلا هلا بالطموحة.... :cupidarrow: خبرينا تجربتك حتى نشجعك اكثر و نساند بعضنا:flex:
 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
اهلين اختي رموش نمله ...

موقفك جدا ذكرني بموقفي مع واحده من اخواتي ...

كان قبل كم يوم وانا كنت لابسه بيجامه من بيجاماتي اللي صارت ضيييقه علي بعد ماسمنت ...

ولما اختي شافتني اعطتني نظرة اشمئزاز وقالت شوفي بالله جسمك... انا وهو انا بعد ماجابت اثنين جسمي احسن من جسمك....

انا مسكت نفسي ولا قلت ولا كلمه لين رحت من عندها..

ورحت البيت ودخلت غرفتي وانا دمعتي في عيوني

مسكت مخدتي ... وضميتها وقعدت ابكي ابكي ابكي...
لاني عرفت ساعتها .. انه ماحد بيهون علي غير وسادتي...

اختي انا نفسيتي جدا جدا جدا تعبت .... وماعاد صرت اقدر اتحمل

اللي انتي سويتيه انا قد سويت اعظم منه ...

ماخليت حبوب مااستعملتها ... ضيعت فلوسي في الحبوب وضيعت وقتي في رجيمات مالها داعي ...

آآآه بس آآه
النفسيه مابترتاح لين انزل اقل شي 10 كيلو ...

اختي شهد الحلوه ..
ياأختي انا جاتني فتره سويت رجيم كان 500 كالوري...
البال الطويل صدقيني انا بالي طويل ...

بس انا والله تعبت والله تعبت والله تعبت من اني ارجع لنفس المشكله اللي انا فيها ....

انا بحاول اسوي الخلطه اللي قلتيها حق الزنجبيل والشاهي الاخضر ..

وبالنسبه للحلويات والخبز انا من زمان تركتهم بس مافي فايده لانه في اشياء ثانيه بتحل محلهم...

اختي السنيوريتا ..

شفتي الخلطه اللي قالت لي عنها اختي شهد الحلوه؟
هي نفسها؟؟
انا بحاول بكره اسويها واصير اشربها كل يوم

اما من ناحية مافي شي يجي بالساهل هو مافي شي يجي بالساهل ابد هههههههههههههههه

اختي بنوته طموحه...
نظرات الشفقه والتقزز والاشمئزاز تجي من كل الناس مو بس بالنسبه لك حتى بالنسبه لي

اتذكر مره رحت عند واحده من البنات ...

ولما فسخت العبايه بالغلط كانت بطني طالعه ...

وتعرفي المنظر المقرف لما البطن تكون طاايحه من فوق البنطلوووون؟؟؟؟

كذا كان المنظر..

وبالصدفه كانت واحده من صديقاتي جالسه قدامي ..

اول ماشافتني قالت ووووووووووووععععععععععععع

وبعدين دقت اختها قالت شوووووفي
وضحكوا كلهم
اناااااااااااااااااااااااااااااااااااااا بغيت انهبل من الصدمه والقهر ...

رجعت عبايتي وقلت خلاااص ماعاد باشيلها لو على جثتي

هي تقوووول لاااااااااااا شيليها انا امزح معاك

وانا حلفت ماعاد اشيلها خلاص

... مو علشان شي ... بس لأني شفت نظرة القرف في وجهها وهذيك النظره ماكانت مزح او اصطناع...

من يومها وانا احس اني جسمي مقرف وشكلي مقرف وكل شي فيني مقرف ..

صرت اكره اشوف نفسي في المرايه
صرت اكره البس ... دايما البس نفس البلوزه ونفس البنطلون ..

لانها الوحيده اللي تدخل ...

اليوم رحت السوق.. واشتريت فستان مرررره عجبني

ولما لبسته ... اوكي اتقفل .. بس كان منظري...........:no:

والله اني كنت شوووي وابكي ... من المنظر اللي شفته

انا خلاااااااص طفشت وزهقت وتعبت من هالوزن اللي مو راضي ينزل ولا راضي يثبت على حاله :(
 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
اهليييييييييييييييين فيكي اختي امرأه ولكن ..

نووووور موضوعي مررره ثانيه بمروووورك

اختي ماادري ليش انا من جد حبيتك....

وانتي بالذااات انا محتاجه دعمك بالاضافه لدعم الباقيين علشان انحف...

والله بدون دعمكم ياأخواتي بنات مملكة بلقيس ماكنت باعرف وش اسوي
 

رموش نمله

New member
إنضم
22 مارس 2008
المشاركات
1,782
مستوى التفاعل
0
النقاط
0
حبيبتي أنا قلتلك أنا عانيت مثلك بس أبعدي عن الهم والغم وخليكي متأمله متفائله للمستقبل
ليه ماتسوين تقويم أسنان حق الرجيم الي يثبت أسنانك عشان ماتاكلين فقط السوائل
بعدها سوي رياضه
لاتفكرين كثير علا فكره أنتي عندك شيء موعند غيرك باين عليك أنك حبوبه متسامحه طيبه حبيبيتي وسعي سدرك أنسي انك سمينه عشان ترتاحين نفسياااااا
 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
آآآآآه ياقلبي آآآآآآآآآآآآآآه
يابناااات انا تعبت...........

حرااام والله حرااام

واحده من صديقاتي جابت لي فستان ومااتقفل

باقي له شوي ويتقفل والزواج بعد اسبوعين!!!

والله قهر والله العظيم والله العظيم قهررررر

والله اني مقهوووووره والله اني مقهوووووووووووووووووووووره

حراااااااااااام والله حرااااااااااااااااااااااااااااااااااااام:icon1366:

 

المتمكنه

New member
إنضم
6 يوليو 2007
المشاركات
472
مستوى التفاعل
0
النقاط
0
عدناااااااا

على الريج وبكل وقت اشربها اسوي مطاره وشرب طول اليوم

مع الرجيم تحسين بالفرق ان شاء الله

ودعي لاتنسين
 
إنضم
18 يناير 2007
المشاركات
1,591
مستوى التفاعل
0
النقاط
0
الإقامة
اماراتيه في امريكا


غاليتي

قرأت موضوعك

اهم نقطه عندج غاليتي واللي انتي مفتقدتها

حب النفس

اذا انتي نفسج تكرهين نفسج
وتشمئزين منها وتحتقرينها
تنتظرين من الاخرين يحبون جسدج !!!!

لا يالغاليه

قبل ما تفكرين بالريجيم وغيره
فكري بروجي

روجي من الداخل

اللي فيها اشياء كثيره حلوه

الطيبه
والقلب الابيض
الدم الخفيف

انتي تمتلكين مميزات كثيره


في برنامج هني في امريكا

ناسيه اسمه

لكن برنامج يعيد الثقه للناس اللي يكرهون اجسادهم

يوصلون لمرحله
يشاركون بتصوير اعلانات باجسامهم للمجلات

يعني يوصلون لمرحله يكشفون جسمهم للجميع

انا ادعوج اولا انج تتقبلين نفسج من الداخل ومن الخارج

لا تسمحين لحد بجرحج ابدا

نفسج غاليه عليج وارقى واعلى من انج تسمحين لحد يحقره
واولهم انتي

وبعدها يا قلبي
بعدها بقولج اهتمي بالرجيم وغيره
لانه مهما خفيتي وظليتي تشوفين نفسج بهالدونيه
بتتعبين بامور اخرى في المستقبل



 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
اهلن فيكي دكتورتنا .. دكتوره نبضة القلب ...

دكتوره انا عارفه انه انا المفروض احب شكلي...

بس والله انا مو قادره .. انا اكره شكلي واكره منظري في المرايه..

حتى لو كشخت وكل شي ..

منظري بيقعد هو هو نفس المنظر المقرف اللي وصلت له بسبب سمنتي المفرطه ...

انا ابي انحف ..

لو ماكان علشان شكلي اللي انا متقززه منه ... علشان صحتي.. علشان شبابي
انا عمري 18 سنه .!!!!
عمري 18 سنه ولا قادره اعيش حياتي..!!!

عمري ماحسيت انه انا انسانه حلوه او جميله بأي طريقه من الطرق ...

قسما بالله اني اكتب لك ودموعي في عيوني وانا ماسكتها ماابيها تطلع..

انا عارفه انه الموضوع سخيف انه ينبكي علشانه..
بس لما اتعرض للمواقف اللي اتعرض لها بسبب سمنتي ...
الموضوع يخرج عن ارادتي ..

انا مااتوقعت اني في يوم من الايام حاوصل للي وصلته الحين من القباحه والسمنه اللي انا فيها الحين...

انا كتبت الموضوع هذا .. لاني ابي اطلع الهم اللي في قلبي...
ابي اطلع من اللي انا فيه لاني تعبت والله تعبت..

خليني اقولك موقف صار لي ...

انا عندي اخت اكبر مني بـ13 سنه ...

لما كان عمري 17 .. هي كان عمرها 30 سنه......!!!!

ومره طلعت معاها عند واحده من صديقاتها
سلمت عليها وبعدين جات سلمت علي قالت لي ماشالله انتي امها؟؟؟؟!!!!!

مايحتاج اقولك وش احساسي هذيك اللحظه ... لما ينقال لي اني شكل ام واحده اكبر مني بـ13 سنه...

القصه مو اني اكره نفسي لاني ابي اكره نفسي... القصه اني اكره نفسي لانه شكلي ومظهري مو معطيني فرصه احب نفسي او حتى اعجب بنفسي....
 
إنضم
18 يناير 2007
المشاركات
1,591
مستوى التفاعل
0
النقاط
0
الإقامة
اماراتيه في امريكا



يس يس

فاهمه عليج يا قلبي

انتي كارهه الجسد من الخارج

وصدقيني

ابصملج 100%
انج متى ما حبيتي الداخل
بينعكس على الخارج


انا مب قصدي انج ترضين بوضعج الحالي

لا

انج تبدين اول خطوه بشكل صحيح

اول خطوه

انا متقبله نفسي
واحب نفسي

وبما اني احب نفسي وما ارضا لها الاهانه والاحتقار
ببدأ التغيي

ابدئي من نقطه ايجابيه

ولا تبدين من نقطه سلبيه
بانج تقولين
نا بغير علشان الناس ما تقول علشان ما تحتقرني

لا تفكرين بالناس

في جمله قلتيها صح وهي البدايه
انتي حابه تغيرين عشان نفسج وشبابج

هذا هو الصح


وتأكدي

انه نحن كلنا نحبج

مهما كنتي

لانه من كلامج واضح انج حبووووبه
 

Rugi

New member
إنضم
4 يوليو 2008
المشاركات
18
مستوى التفاعل
0
النقاط
0
مااقدر من مره واحده اقلب حياتي وطريقة تفكيري ونظرتي لنفسي...

يمكن انتوا كلكم لما تشوفون كلامي انتو بس تشوفون كلام بدون شكل

يمكن لو تشوفون الشكل تغيرون طريقة تفكيركم ...

مو يمكن اكيييييد ...
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى