معاناة عروس

  • بادئ الموضوع بادئ الموضوع إيقاع
  • تاريخ البدء تاريخ البدء
إ

إيقاع

New member
إنضم
2010/06/08
المشاركات
55
السلام عليكم

يابنات أنا لسة عروس لي 3 شهور
وقسم ما حسيت إني عروس
يابنات مارحت شهر العسل اللي يقولون عليه سفرني يوم واحد وكله لفلفة بالسيارة يقال إنه يمشيني وبعدها رجعنا
مطعم مارحت إلا 4 مرات من يوم تزوجنا
تمشية 3 مرات
يابنات المطبخ ماقضيناله إلا مرة وحدة وألحين فاضي
البيت لسة مو مكمل أثاثه يقولي مامعي فلوس
كل ماطلبت شيئ يقولي اقتصدي
دايم أسمعهم يقولون اللي توها معرسة زوجها مايرد لها طلب
اطلبي كل اللي نفسك فيه:8:
وربي إني أبجي كل شوي
حرام ماني حاسة إني عروس أبد
أحيان يجرحني وهو مايدري
تعبت نفسياً وقسم بالله
هو طيوب بس فيه عيوب وآآآجد
واللي يشهد علي إني أكتب هالحينة والعبرة خانقتني
ودي أحس إنو مدلعني
اللي حاز بنفسي إنو أخو تزوج وإيانا وماشاء سافر وكل شوي يتمشون
الحمد لله على كل حال
تكفون بنات شلون أغيره والله خاطري يصير حالي زي حال العرايس
 
من راقب الناس مات هما

لا تطالعين في فلانة وفلانة وتقارنين حياتك فيهم


وهو أكيد حالته المادية ما تسمح .. كأغلب العرسان في بداية حياتهم .. بسبب تكاليف العرس والزواج

ويمكن يكون هو طبعه كذا ما يحب الخرجات والتمشيات


الله يسخره لك ويوفقكم يارب
 

أول شيء مبروك ياعروسه والله يرزقك بالذرية الصالحة إن شاء الله

ثانيا زي ماقالت لك روعة حياتي لا تلتفتين للي حوولك لأنك بتتعبين

حبيبتي أكيد إن زوجك وده ينبسط معااك ويسااافر و يدلعك ويدلع نفسه معااااكي لكن ظروووفه ما تسمح

يا غاليــه الآن هو زوجك وانتِ زوجتــه انتم الإثنين صرتم شخص وااحد يعني لاتتكلمين بصيغة المفرد اتكلمي بصيغة الجمع

قولي انا وعريسي ما تمشينا ولا سافرنا و ظروفنا صعبـــه

كل ما فكرتِ انكم ثناائـــي كل ما تقبلتِ وضعك أكثـــر و ارتاحت نفسيتك اكثر لأن هذا الصـح..

حبيبتـــي راعــي ظروف زوجك وسانديه اوقفي جنبــه و حاولي تقتصدين مثل ما يطلب منك

عزيزتــي لا تزعلين نفسك يعني لو كان معاه فلوس ومرتاح ماديا وحرمك من السفر والدلع وقتها يحق لك تزعلين منه..

إن شاء الله إذا تحسنت ظروفه تقدرين تسافرين وتنبسطين

الآن فكــري كيف تسعدين زوجــك وتنسينه همــه وديونــه عززي ثقته بنفسه لا تحسسينه إنه مقصر معك بزياده

الله يآلف بين قلوبكم و يكتب لكم السعادة يارب

نــور عــيــونـــه


​
 
أحس معه فلوس بس مايبي يصرف
توه مشتري سيارة لو مامعه ماشترى
نفسي أصدقه يوم يقول مامعي بس يبان إنه معه
 
انتي فهميه باسلوب ودلع وغنج خاصتا انك عرووس انك تبين تتمشين ترى لا يغرك وتظنين كل العرايس تدلعو على حسب الرجال وهو مع الايام بيتعلم
 
قولى ماشالله على الى حولك ولا تجلسين تنقين وارضى بما كتب الله لك تعبنا من كثر التفكير عيشى يومك وربى يوفقك ان شاء الله​
 
أهم شيء لا تقارنين نفسك بفلانه
وأخوه وأخته وأختك ,صديقتك
كلن له طريقة تعامل وعيشه غيير
ولا بتتعبين اكثر إذا تميتي تقارنين بينك وبينهم
شوفي من هم دونك عشان تقتنعيين

وعلى مسئلة الفلووس
ممكن جد مامعه وتعرفين تكاليف الزواج تقص الظهر
وإذا مشتري سيااره اساليه هو عنده الجواب الشافي
قولي له كيف ماعندك ومشتري سياره

والله يسعدك دنيا وأخره ويرزقك الذرية الصالحة

موفقه​
 
تبين الديون تتراكم عليه !!
ترى السعاده موب بالسفريات والمطاعم ..
 
الله يعينك حبيبتي ما معك الا الصبر طبايع الناس تختلف لاتقارنين زوجك باخوه كلا له طريقته في الحياه راعيه شوي يمكن مامعه فلوس والاحسن انك تكتشفين اي صفه ثانيه زينه فيه ولاتحطمين حياتك بنفسك
 
اول شيء مبرروك ا احلى عروسة ~~

بعدين انتي ناظري مميزاااته وايجابياته مو بس سلبياته وانتي تقولين طيوب اكييد السبب حالته المادية وهذا الحال في بداية الزواج لان مصاريف الزواج اخذت منه وااجد وهو ع قده فلاااا تطالبينه بشيء ما يقدر عليه

اذا كان زوجك عنده ولا يعطيك هنا ماله عذررررر ابدااا

لكن الواضح عكس كذا

اطلبي منه باوقات مناااسبة وبدلع ووقت ما يكون مررروق

ونصيحة لا تناظرين حال غيرك ترى المُقارنااات تهدم البيوووت غيرك ممكن حالته المدية ممتازة


اتمنى افدتك.............
 
اول شي مبروك وثاني جاحه ياختي الحياه ماهي سفرات وطلعات الحياه حب وتفهم وصدقيني اذتفهمتم وحبيتو بعض تنزلي عن بعض الطلبات ماهو كل من سافر وتمشى سعيد بعضهم يتمشون من ثاني سبوع هم متهوشين فالا تنضرين الناس عيشي حياتك زي ماهي والله يوفقك ويسعدك
 

غيري من اسلوبك معاه
لان الشرع يطالب الزوج بالنفقه على زوجته
لازم تقرين عن حقوقج الشرعية واتعرفينها عدل
وبصراحة شباب هالوقت يبي زوجته تشتغل واتكد على البيت واهو يقعد زي المدام
!!!!!​
 
علشان تحسون فيني يباني أكمل أثاث الغرفة من مكافأتي حقت الجامعة
وتراني أصرف على نفسي بالجامعة ولارحت الصالون منها ولا هو مامعه ولابغى شيئ هو تطلع الفلوس
والله صدري ضايق حيييييييل
 
انا مع كلام الاخوات الله يسعدك ويسخر لك زوجك يارب ياكريم لا تشغلي بالك واكثري من الاستغفاررر
 
مبروك ياعروسة ما يمديك تشتكين منة المفروض إنك غرقانة تكتشفينة وتتعرفين علية مضبوط قد تكون حالتة المادية تعبانة الان بسبب الزواج لكن المفروض ما يكون حكمك علية بمقدار خروجك وسفرك معاة او قضى ولالا هذي كلها امور ما تسوى مقابل إذغ كان يحبك وهذا الاهم وإذاكان يدلعك ويحن عليك خلاص إذغ ربي يسرها بيسعدك اكثر ما اعتقد أي عريس ما وده يتونس ويسافر هو وعروسه لكل مكان
وقد يكون هو عامل كذا متعمد يشوفك تصبرين علية ولا تتمللين منة بسرعة والله أعرف رجال يعملون لزوجاتهم إختبار يشوفون طباعهم معهم وصبرهم وبعدها ينعمونهم
الله يوفقك ويسعدك ويهدي سرك انت وزوجك
 
إيقاع قال:
علشان تحسون فيني يباني أكمل أثاث الغرفة من مكافأتي حقت الجامعة
وتراني أصرف على نفسي بالجامعة ولارحت الصالون منها ولا هو مامعه ولابغى شيئ هو تطلع الفلوس
والله صدري ضايق حيييييييل
أنقر للتوسيع...


طيب لا تعودينه إنك تصرفين على نفسك لأن كذا بيقصر المصروف عنك لأنه متأكد إنك بتكملين اللي ناقصك بمكافئتك..

المكافأة لا اخذتيها خلي عندك ربعها والباقي خليه عند أمك و قولي له صديقتي تسلفتهم مني..

أكيد الآن خلصت الجامعة و مجبرة تعتمدين على المصروف اللي يعطيكي اياه..

طيب ماعندك فكرة كيف كان قبل لايتزوجك يعني كان يصرف على اهله و الا ماسك يده..

تقولين إنه الفلوس تطلع لابغى شيء لنفسه ياترى اللي يشتريه شيء ضروري و الا عادي ؟

يمكن هو محتفظ بالفلوس وخايف يضيعها و مايصرفها الا على الشيء المهم

بعض الرجال تفكيرهم إن الحرمة ما تعرف تتصرف في الفلوس و ماتجلس بيدها على طول تصرفها على اشياء فاضيه

اللي بوصله لكِ إنك تحاولين تفهمين طبع زوجك وتفكيره و تفهمين ليش هو مايبي يصرف عليكي

و بعد ماتفهمينه فكري بطريقة تساعدك انك تغيرين طبعه..

إذا عرفتي سبب تقصيره بتعرفين كيف تحلين الموضوع..

الله يوفقك و يآلف بين قلوبكم يارب

نــور عــيــونـــه


​
 
ياليت تسألي احد متخصص وانتبهي لاتحملي الا لما تشوفي اللي يسويه طبيعي والا لا....لانه في هالوقت الاغلبيه العظمى تدلع في اول الزواج والي مايدلع شاذ....الله يسخره لك يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل