معاناة صديقتي

[eyes only]

مرحبايابلقيسيات
هذي أولى مشاركاتي وأرجو أن لا تكون الأخيره
اريد حل لقصة أعز صديقاتي
هي متزوجة صارلها4اشهر وعايشة فالغربة بسبب ظروف زوجها المشكلة انة زوجها ابد مو رومنسي معها من ناحية انه يسويلها مفاجآت او يعطيها هدايا وكلمة أحبك تطلع منة بطلوع الروح تصدقوا حتى هدية لعيد ميلادها ماأهداهااياها
تعبت تبي حنانة بس مالاقتنه منه
هي دايما ترسله كلام غزل ع جهازة بس مايرد عليها ابد
وتسويلة احلى الطبخات بس ما تلقى كلمة شكرا
ومشكلتها اذا زعلت كلمة بسيطة منة ترضى يعني ضعيفة قدامه
كيف تتعامل مع زوجها
ارجووووووووووكم افيدوني:questionmark:
السموحه ع التقصير

 

[السر المكنون]

حبوبه، من نظرتي ماأشوفها معاناة والمعاناة الحقيقيه لصديقتج إهي الغربه بس الله يعينها ومثل ماذكرتي ظروف زوجها، وبالنسبه إنه مو رومانسي طبيعه الحال أغلب الرجال مايعرفون يوصلون مشاعر الحب وتقديم الهديه فبنظري الوضع طبيعي فخليها إهي تبادر بهدايا بسيطه خصوصا واهي بالغربه معروفين ببساطه الأشياء والشي الثاني اهي ضعيفه اتجاهه أتوقع لأنها توها صارلها بس 4 شهور معاه فشي طبيعي فبعد فتره اهو اللي يخاف منها :showoff: خخخخخخخخخخخ،
والله يوفقها ويتمم عليها يارب،وان شالله الله يسخر زوجها ويفرحها بهديه حلوه وااااااااااااااااااااااايد يارب

 

[the tigress]

حسبي الله على المسلسلات التركية وأخواتها
عيشوا البنات بجو خيال غزل ورومانسية وشعر وورد وهدايا
واذا تزوجت الوحدة وما شافت شي من هذا تحطمت واعتقدت ان زوجها جاف ومايحبها
الله يهديهم بس
اي هدية عيد ميلاد اي خرابيط
هالسوالف ما هي حقتنا
شوفي ياعمري
فهمي صديقتك انو مو كل مرة تسوي له اكل بيقعد يتشكر
وكلمة احبك ماهي علك كل شوي يقولها
المهم يخاف الله فيها ويراعي طلباتها وتشعر بحنانه وحبه
الزواج مو فلم سينما
الزواج ارتباط ومسؤولية ومشاركة ومواجهة لمصاعب الحياة

 

[>> غادة <<]

حبيبتي ,,

صديقتك من النوع اللي يبي كل شيء يجيه جاهز وهذا مستحيل

المرأة هي الرومنسية بطبيعتها واذا تبي زوجها يكون رومنسي خليها هي تعلمه الرومانسية

لكن لا تخطئ وتقوله بشكل مباشر انه لازم يكون رومانسي و0000

لانها بتجرحه ويصير يعاندها ومستحيل يسوي اللي تبيه

لكن تقدر تعلمه بطريقة حلوة ,,

بكلامها ,, هداياها ,, شوي شوي يقوم يقلدها


واعتقد ان المشكلة الكبيرة الحقيقية عند صديقتك هي الفراغ

فصار كل تركيزها على زوجها

وكذا بتطفشه لان الرجال بطبيعتهم مايتحملون الكم الكبير من العواطف

ويصيرون يهربون من هالجو

فأحسن شي انها تحاول تشغل وقتها بالمفيد

وتوسع معارفها بالمنطقة وتكون صداقات

وتمارس هوايات مفيدة توسع مداركها

لازم يكون لها عالمها الخاص بدل من ملاحقة عالم الرجل

الى ان يأذن الله ويرزقها بطفل يشغل فراغها


بالتوفيق

 

[يارب اغفر لي]

هذا ابدا ما تعتبر مشكله
اهم شي اخلاقه وصلاته
واذا هذا الشي مضايقها تصارحه

 

[eyes only]

حبوبه، من نظرتي ماأشوفها معاناة والمعاناة الحقيقيه لصديقتج إهي الغربه بس الله يعينها ومثل ماذكرتي ظروف زوجها، وبالنسبه إنه مو رومانسي طبيعه الحال أغلب الرجال مايعرفون يوصلون مشاعر الحب وتقديم الهديه فبنظري الوضع طبيعي فخليها إهي تبادر بهدايا بسيطه خصوصا واهي بالغربه معروفين ببساطه الأشياء والشي الثاني اهي ضعيفه اتجاهه أتوقع لأنها توها صارلها بس 4 شهور معاه فشي طبيعي فبعد فتره اهو اللي يخاف منها :showoff: خخخخخخخخخخخ،
والله يوفقها ويتمم عليها يارب،وان شالله الله يسخر زوجها ويفرحها بهديه حلوه وااااااااااااااااااااااايد يارب

شكرا عزيزتي
هي ماتشتغل هناك وزوجها متكلف بالأمور المالية يعني مايعطيها فلوس فيدها اذا تبي تشتري شي تخبرة وهو يجيبلها واذا طلبت منه فلوس يرد عليها انا مامقصرمعك بشي اذا تبي شي خبريني يعني ماتقدر تفاجأه بالهدايا
السموحة

 

[eyes only]

تسلمي ع الرد
مو مسلسلات تركية بس هي رومانسية وتتوقع زوجها بيكون مثلها

 

[نفسي اضحك]

المفروض هي تعوده انه يقولها كلام حلو بالتلميح