مصدومه اول لحظه صراحه بيني وبين زوجي شوفوا اش رايه فيني

[(اخت القمر)]

السلام عليكم
اتمنى تكونون بصحه وعافيه

اليوم ولاول من 5 سنين عمر زواجنا يتكلم زوجي معاي بصراحه مطلقه
طبعا كانت قبل نومه بلحظات واتوقع هنا السر يمكن على صراحته لانه كان تعبان مافي مجال يفكر


المهم قالي عن النظره الشرعيه واش توقع عني سواء بالشكل او الجوهر
بالرغم قد قالي اكثر من مره بس اثاريه كان يجاملل
اما اليوم قالها بصراحه قال من اول ماشفتك قلت هذي قاسييييييه ومتسلطه


قلت طيب وبعدين طلعت قاسيه صدق
قال ايه احيانا تصيرين قاسيه ومتسلطه

قلت متى تحديدا
قال اذا كنت متاخر ورجعت البيت الاقيك مبوزه واشيل هم
واذا تكلمت عن اهلي بانهم قالوا او سووا

والا احيانا تصيرين طييييييييبه زي الورقه رقييقه


المهم اني مصدومه من وقتها
يابنات احس اني احيانا ساذجه معاه وماني مشكلجيه
بس من جد الموقفين هذي تستفزني
يعني مايحتاج احكيكم عن مواقف اهل زوجي صح طيبين بس احيانا تطلع منهم تصرفات كل من يشوفنا يقول الله يعينك عليهم
وبالنسبه لتاخره غصب عني ماحبه يتعود على السهرات الى الفجر ماحب كذا ابدا



المهم ابغاكم تنصحوني كيف اتصرف معاه
طبعا من اول ماقالي وانا متضايقه لدرجه وجهي صاير احمررررررررر
بصراحه ماتوقعت تكون نظرته عني كذا
على تعبي وغربتي
وتركت وظيفتي واهلي
واخرتها رايه كذا

المهم اني ابغى اعرف كيف اتصرف ماودي اوضح اني متتضايقه عشان مايندم على صراحته وبنفس الوقت صعب اسكت ولاكانه قال شي


وزوجي شمالي غربي


ياليت ماتبخلون علي

 

[NIGHT QUEEN]

هلا أختي
مافيه مشكله اساسا
ليش تضايقين نفسك علشان كلمتين تافهه
وبعدين اعتبريها وجهه نظر
وخلي في بالك دائما مافيه حد كامل
ومستحيل كل واحده تكون كامله في نظر زوجها والعكس
كل واحد منا له عيوبه
وكل واحد له وجهة نظر
وكل واحد له حرية التعبير عنها

خلي زوجك يصارحك ويعبر
عطيه مطلق الحريه

لاتحبطينه في التعبير وتقفلينها معاه من البدايه
اسمعي له وهو يتكلم عن عيوبك
واضحكي واستانسي لما يقولها
وقولي بدلع عيوبي زي العسل وش رايك فيها
عطيه انطباع انك حلوه بمميزاتك وعيوبك
نظرتك وتعاملك تجاه عيوبك هيه الي رح تغير الفكره
ورح يغير وجههة نظر ويشوفها ميزه لك مو عيب
المفروض نتعلم كيف نخدع العقل اللاواعي
وتلقائيا الامور رح تكون زي ماتتمنين

أتمنى أكون افدتك


​

 

[امل الصالح]

وعلى الرغم من انه حس في الشوفة انك قاسية ومتسلطة الا انه تمم الموضوع

هذا وش يدل عليه ؟؟؟؟؟

يدل على انه ارتاح لك وحس انك مناسبة له

بس مو معنى كلامي انك ماتراجعين نفسك وتشوفين عيوبك و تعززين ايجابياتك

كونك تبوزين فهذا احساس عادي <<< وحدة متضايقة وش بتسوي يعني ؟؟

الغلط مو في الغضب والشرهة الغلط في كثرة النكد ويمكن بغى زوجك يوصل لك هالمضمون

بس ماعرف <<<<يمكن انك تبوزين كثير فصرتي نكدية << اقول يمكن مااجزم بشئ

عموماً الغضب والزعل اللي يصاحبه مدة بوز تراه شين ومايؤدي الى نتيجة <<< عن تجربه

ولكن الغضب اللي يصاحبه صمت بكبرياء وانشغال احس انه زعل راقي <<< عن تجربه