مش كفايه أني متحمله خياناته ..

[هبت ريح]

ما زال لا يكلمني و المصيبه يا بنات أنا لا أعرف سبب زعله المفروض أنني أنا الزعلانه ،، و حتى تكون الصوره واضحه لكن سأحكي ما حصل بالضبط : صباح كل يوم جرت العاده بيننا أن أتصل به أو هو يتصل بي في حدود الساعه الثامنه لنصبح على بعض(طبعا من العمل) ،، صباح ذلك اليوم لم يرد على إتصالي فقلت في نفسي ربما مشغول حاولت مره أخرى بعد حوالي ساعتين و ايضا لم يرد فنشغل بالي ورسلت له رساله نصها :"وينك حبيبي؟عسى ما شر" و بعد ساعتين حاولت الأتصال مره أخرى فرد أخيرا,
أنا : ألو حبيبي وينك .. هو بعصبيه : أيش في؟ أنا :وين كنت وليش ما رديت علي؟ هو بجفاء : أيش في؟ أنا بزعل : مافي شي ،وانا غلطانه أني قلقت عليك على العموم انا اسفه ،،هو : أيوه ويالله باي و ترررراخ

يابنات لا تقولي لي أكيد كان متضايق من العمل أو شئ ولازم أنا أخذه في حضني و أسأله عن سبب زعله!! أنا 100% متأكده أنه لا يوجد شئ بس هو حس أنني زعلانه فبيقلبها علي و يكون هو الزعلان و يطلعني أنا الغلطانه.. أنا خابزه و عاجنه زين و أعرف تفكيره ،،هذا أسلوبه يدافع عن نفسه بالهجوم علي ,انا دائما مثل القطه الخائفه أتراجع بسرعه و أتنازل و أعتذر على أشياء لم أعملها ،،
بنات ، أنا فعلا تعبت من هذه الحاله ،أرجوكن أنصحوني كيف أتصرف ،، أتوقع أنه سينفجر في أي لحضه و سيتهمني بأشياء كثيره و سيقول لي أنه يفكر في الطلاق !! ماذا أرد ساعتها ؟؟؟

 

[ليل الشتا]

اود أن أسألك ..
هل عندك أطفال؟
عزيزتي زوجك يعرف نقطة ضعك وهو ضعفك أم شخصيته الصارمهلماذا لا تتخذي معه أسلوب التطنيش
ترى الريال مايحب المرأة اللي شخصيتها ضعيفه لها الدرجه يحب الكبرياء
أنتي حاطه في بالك أن حياتك ماتسوى بدونه وأن إذا زعل قلبك يعورك والواضح من كلامك أنك خايفة من الطلاق صدقيني أنتي محسسته أنك خايفه من أي قرار قد يتخذه فأي لحظة

قوي شخصيتك ومسكي ورقه وقلم بعد ما تردي البيت شغلي نفسك بأي شي بالنت أو القراءة أو اي شي تميليه لا تخلي زوجك همك الاول والاخير وشوفي لو ماجاك غيري من شخصيتك
نحن ماراح نقولك أن هو مضغوط في العمل أبدا هو الاكيد يبي يجلبها عليك
دائما أستغفري الله
يقول الله تعالى (وما كان الله معذبهم وأنت فيهم وما كان معذبهم وهم يستغفرون)

وطمنينا عليك

 

[هبت ريح]

ِشكرا لكي حبيبتي ليل الشتا أحسست برغبه في البكاء وأنا أقراء ردك أحسست بالغصه ،أنت معك حق أنا فعلا خائفه جدا من الطلاق أو من أي قرار قد يتخذه وهو أكيد يعرف ذلك و يستغل عصمته ،، عزيزتي نحن متزوجون منذ 12 سنه ولدينا بنت 10 سنوات وولد 4 سنوات و حالتنا الاجتماعيه جيده ،أنا إنسانه متعلمه بشهاده عليا و مركز قيادي في العمل و لدي تجارتي الخاصه (صالون) يعني أنا أساسا مشغوله و لا أعاني من فراغ الوقت ،ن أقسم وقتي بين العمل و البيت و الصالون و الحمدلله لا أشعر أبدا أنني قصرت في بيتي لا مع الاولاد و لا معه و لا حتى زيارات الأهل لم أقصر و طبعا لم أنسى نفسي محافضه جدا على جمالي و رشاقتي (طبعا أسهل كوني أملك الصالون:bigsmile: ) ،، أما هو رغم أنه لديه شهاده عاليه لكنه مهمل في عمله ، مهمل في أمر البيت ، لديه هوايه ركب الرمول بسيارة الجيب وهذا هو همه الوحيد في الحياة كل وقته و ماله في هذه الهوايه (ياريته يهتم بي كما يهتم بالسياره) لن أنكر أنه لا يسهر كثيرا و يقضي بعض الوقت في البيت معي و مع العيال و لكن وجوده زي عدمه ،،

 

[نسمة الربيع]

والله يااختي انه حالك مثل حالي وكمان ابتديت الاحظ انه صار يفرح بالزعل بيننا ويتمناه يطول عشان يفتك مني ونكون مع بعض عايشين زي الاغراب لدرجة انه قالهاا مره انتي اصلا وقت الزعل مااعتبرك موجوده اصلا وبالتالي هو مستفيد عشان كده اشور عليكي يااختي مثل مااشور على نفسي وعلى كل اخت تعاني مثلنا بان نطننننننننننننننننش على الاخر وطريقة التطنيش تكون ان تشغلي نفسك باي شي تحبيه بالنت مثلا تحاولي انك تاخدي دورات او تتعلمي شي ينفعك هدا حيساعدك على التطنيش والنسيان وخصوصا الوقت اللي يكون هو متواجد فيه في نفس الوقت خليكي مبتسمه وفرحانه وكلميه في اي شي انتي تبغي تكلميه متجاهله سبب زعله وكانك منتي حاسه انه اهو زعلان اولا عشان لايفرح بالزعل ويعتبره فرصه للتحرر منك بالعكس كلميه في كل الحالات في الكلام العادي يعني لاتوددولا جفاف بس كلام عادي يدرك من وراه انه علاقتكم مستمره وما يفرح بالبعد في البدايه حتتعبي لانك مو متعوده على دا الشي وبعدين حتتعودي يعني مسالة تدريب نفسك على تجاهله مثل مااهو يسوي يعني على قولة المثل وداويها باللتي هي الداء طيب وقبل هدا كله تكوني مستعينه بالله ومتيقنه انه الله هو الوحيد القادر على تغييرهبالاضافه الى الاستغفار ليل نهار ولا تعتدري ابدا من اي شي انتي واثقه انك ماغلطتي فيه وداءما حسسيه انه الطلاق ما يهمك وانك واثقه من نفسك انه بمجرد الطلاق ربي حيعوضني بخير منك جزاء صبري عليك والخيانه نصيحه يااختي لا تواجههيه الا ادا كنتي متمكنه منه يعني ضامنه حبه وتمسكه فيكي والا الافضل سكوتك واتظاهر بعدم معرفة شي ومحاولة التاقلم مع الوضع وتناسيه
والله يااختي اني اكلمك وانا حاسه تماما بمشكلتك لاني زيك وامكن اكثر بس انصحك وانصح نفسي قبلك بكل هدا الكلام والله يفرج عليا وعليكي وعلى كل من يعاني معنا اللهم اميييييييييييييييييييييييييييييييييييييييييييييييين وطمنينا عنك انشاء الله قريب

 

[هبت ريح]

وينكم يا بنات ، ساعدوني ولو بالدعاء ،، تعبانه و نفسيتي منهاره و لكن الغريبه هلمره أنني لا أبكي حتى مع نفسي ،، هل يعني أنني لم أعد أحبه و نفسي عافت؟؟؟ لا أعرف لكنني فعلا غير مشتاقه له أبدا فقط تتعبني فكرة الطلاق
قولولي يا بنات أنصحوني كيف أتصرف لا أريد أن أكون غبيه و أضعف مثل كل مره ،، أريد أن ألقنه درسا

 

[om nor]

الله يفرج همك ويفرج همي لاني زوجي زي زوجك
وحاليااا انا وضعي اخص منك
لاكن الحمد الله
ربنا يفرج همك والجميع ان شاء الله

نسمة ربيع كلامها مشجع لينا والله الحريم مساكين والرجال يقهرو
مع السلامة

 

[ذايب فيني ذوب]

انتي يطنشك صح انا مايوافق اني اطنشة خخخخخخخخخ يقوم الدنيا على راسي ويهددني بالضرب والطلاق لو ماترجعت عن التطنيش وللاسف اعتذر في نفس الوقت لانه يكون مثل الاسد بدون مبالغة يهدد بالضرب لانه له سوابق بس مرة هددته انا قلت له لو تفكر تفكير تضرب والله لااجيب الشرطة بينك واخليك فرجه للي يوى والي مايسوى ومنها يهدد فقط من غير تنفيذ وقبل كم يوم رفع صوته علي قدام العيال وزعلت وكتمت وكالعادة زمجر الاسد صارخا ساضرب وساطلق خخخخخخخ قلت له طلاقني ولا تضربتي تعرفين وش قال ؟











قال اضرب واطلق بعد خخخخخخخخخخ واللنه حالة المهم انا رحت عادي انظف واكمل شغلي قام يلحقني ولاكانه سسسسسوى شئ !!!!!!!!!!!!!!!!!!!!!!!!!!!!!!!!!!!!!!!!!!!!! لاوطلعني بعد مع العيال نتمشى !!!!!!!!!




ابي احد يساعدني كيف اقنعه اني ماني خايفه من الطلاق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[هبت ريح]

أنا اليوم مفكره اروح بيت أمي أقعدلي كم يوم أخليله البيت و العيال ،،طبعا أنا بروح على أساس أنه أمي كانت مسافره و انا ولهانه عليها وايد ،، و في نفس الوقت بقوله أعطيك فرصه تفكر شو نهاية ا لزعل ،، و أنا ما برجع البيت الا لما نضع النقاط على الاحرف ... أيش رايكم يا بنات هل خطوه صحيحه أم لا؟؟؟ ردو علي بسرعه أرجوكم

 

[نسمة الربيع]

لالالا انتبهي يااختي تتركي بيتك عشان موضوع زي كدا انتي تقدري تحطي معاه النقط على الحروف وانتي جالسه في بيتك لانه الموضوع لو وصل الى انك تتركي بيتك صدقيني هدا اللي يبغاه عشان يرتاح منك وانتي لاتتركيله هدي الفرصه انا سويتها ومااستفدت شي بالعكس جنيت على نفسي واعطيته فرصه انه يتعود على بعدي و هوامكن ترا يخليكي وما يرجعك لانه شكله من النوع المكابراللي ما يتنازل بسهوله عشان كده حاولي انك تناقشيه بهدوء امكن توصلوا لحل وادا ما نفع زي ما قلتلك طنشيه بس بحكمهوكونيه وسطيه يعني لا افراط ولا تفريط على قولة الشاعر لاتلزقي به فيقلاكي ولا تبعدي عنه فينساكي وبعدين يااختي انا مستغربه من شغله انتي انسانه ما شاء الله عليكي عندك كل المقومات الي تشغلك عن كل الناس ومع كدا حاطاه في بالك ترا اهو كل ما يشوفك تفكري فيه ومهمومه بسببه كل ما يزيد صدقيني حاولي انك تتجاهليه زي ما قلتلك بس بحكمه يعني تكلميه من غير تودد ولا جفاف خليكي طبيعيه واشغلي نفسك بطاعة الله وبعملك وانشاء الله تشوفي نتيجه لانه كدا حيلاحظ انك اتغيرتي وحيستغرب تغيرك ودا الشي فيه مصلحتك والله يفرج علينا وعليكي امييين

 

[هبت ريح]

شكرا لك عزيزتي نصيحتك قيمه فعلا ،،كنت على وشك ترك البيت ولكنني سأبقى .. و لكن عزيزتي صار لنا ثلاث أيام بلا كلام ولا سلام ،، كيف ممكن أرجع أكلمه بدون ما يحس أني تنازلت أو ضعفت ،،و كيف ممكن اواجهه بقوه لو بدء بالهجوم ؟ هل أواجهه بخيانته لو اتهمني بأمور ،،فأنا أتوقع منه أنه حيطلع عيوب الدنيا فيا ،،

 

[نسمة الربيع]

ممكن تبداي معاه بالكلام بالسلام لما تشوفيه تقولي له السلام عليكم وهو اكيد بيرد السلام وبعد كده اتعاملي معاه على ما جرت عادتك معاه يعني الاشياء اللي انتي متعوده تقوليله هي مثلا تبغى غدا تبغا عشى سويت كدا رديت على كدا يعني شغلات عاديه تحتمل انه يجاوب عليها من غير اذلال ليكي وفي برضه طريقه وهي انك تكتبيله رساله تقوليله فيها عن مشاعرك تكون باسلوب حلو وما فيها تجريح عشان يتقبلها وموضوع الخيانه مع كل التوتر اللي بينكم ماينفع دحين خليه قلتلك الى ان تملكيه وتتاكدي انه متمسك فيكي لانك ادا ناقشتيه فيه وانتو على دا الحال النتيجه حتكون سيءه وبعدين ياعزيزتي الزواج لازم يكون فيه تنازل يعني لما انتي تكلميه لاتحسي ابدا بالمهانه واتتذكري انك افضل منه لان الرسول عليه الصلاة والسلام يقول خيركما الذي يبدا بالسلام واتاكدي انك ماجوره ولما تكتبي الرساله ادكري انك ماتبغي الزعل يطول لانك خايفه من ربنا والقطيعه حرام وما تجوز يعني عشان لاتحسي بالمهانه مع انه والله كل هدا يعلي قدرك ما ينقصه وصدقيني هو حيدرك في قرارة نفسه انك افضل منه على الاقل بادرتي ولو حصل واتناقشتوا وطلع عيوبك لاتنفعلي خليكي هادءه وقوليله عادي مافي انسان يخلو من عيوب ودكريه بحديث الرسول عليه السلام (لايفرك مؤمن مؤمنه ادا كره منها خلق رضي منها اخر)وادا مااقتنع قوليله طيب خلاص هدا رايك فيني هده مشكلتك انا راضيه عن نفسي وخليكي واثقه من نفسك وانا افضل مع هده النوعيه الرسايل عشان الكلام المباشر يصير فيه صياح وعناد وتجريح وما نطلع منه بنتيجه انتي اختاري اللي يناسبك وقبل كل شي استعيني بالله ورددي هدا الدعاء(ياعظيم انت العظيم قد اهمني امر عظيم وكل امر همني يهون بامرك ياعظيم وانت العظيم) واالله يساعدك من عنده بالله طمنينا عنك

 

[@حضنه يكفيني@]

الله يعينك عليه يااااااااارب

 

[مؤاسم الدهر]

الله يهديكم

 

[لقيت روحي معك]

طنشيييييييييييييييييييييييييه هذا علاجه اذا عطيتيه وجهه زاد فيها

 

[هبت ريح]

عزيزتي نسمة الربيع ،صدقيني أنني تنازلت كثيرا في أشياء كثيره و دون أن أحس بالمهانه، لأنني بباساطه أحبه ولأنني مدركه أن الحياة الزوجيه تنازلات بلا نهايه ،، ولكن ماذا كانت النتيجه ؟ أعتبرني ضعيفه و استغلني أكثر و تكابر أكثر ولم يقدرني و أصبح لا يحترمني..
صدقيني،مع أن سبب الزعل تافه، ولكنها الشعره التي ستقسم ضهر البعير، لم أعد أتحمل أكثر ،على الرغم من حبي الشديد له إلا أنني م أعد أتحمل أسلوبه المدمر نفسيا ،،
نعم سأبدء بالسلام فقط لأنال الأجر من الله و لكني لن أكتب له اية رساله فرسائلي أصبحت كثيره و مبعثره،،

 

[كتكوتة زوجي]

واللة رجال محد يعرفلهم احسن شي اهتكي بنفك وبس وطنشييييييييييييييية

 

[البحر غدار]

والله عيونى جربنا الطناش مامشى الحال جربنا الدلع والدلال مامشى الحال جربنا الحب والكره واللبس والمكياج مامشى الحال هالرجال راح ينقطونا ويموتونا ناقصيين عمر

 

[شـــــوشـــــو]

اهلين شوفي يا اختي الرجل اذا الوحده تحب زوجها لا تبين له غلاه لانه راح يذلها بس اذا كانت مطنشته والله انه يركض وراها حاولي انتي تطنشينه وشوفي وش يسوي لك والله ان يجي يركض لك اسال مجرب (لاتبينين له غلاااه) وشوفي وش يسوي

 

[نسمة الربيع]

ياعزيزتي كلنا نعاني من نفس الوضع لاننا من البدايه عاملناهم بنيتنا الطيبه بكل ود وطيبه واتنازلنا عن كتير من حقوقنا من اجل اسعادهم حطينا في بالنا من البدايه اهم شي سعادتهم وراحتهم على حساب راحتنا وسعادتنا وهده هي النتيجه عشان كده الان لا زم نتوقف عن دا الشي لانه في نوعيه من الرجال امثال هؤلاء يستضعفوا المراه اللي تعطي بلا حدود ويسعى للمراه المتعاليه اللي تتعبه وتدله واحنا الي صاير معنا مننا لكن على قولة القايل (كلمة ياريت ماتعمر بيت)الحل الان اننا نحاول نستعيد انفسنا اللي دمرناها خلال السنين الماضيه في ناس ما قدروها حق قدرها حاولي يااختي تتلهي بنفسك وبعيالك متناسيته لاتفكري فيه اعتبريه قدرك وقسمتك ونصيبك وبما انه ما ياديكي بشكل مباشر يعني كافي خيره شره استمري معاه عشان عيالك وحاولي تنسجمي في عملك وتتعمقي فيه اسعدي نفسك وعيالك قد ماتقدري متناسيه هدا الانسان اللي اتعسك في نفس الوقت قومي بكل حقوقه عشان لا تكوني غلطانه يعني العلاج ياعزيزي بالنسيان والاهتمام بسعادتك يعني حبي نفسك فكري كيف تسعدي نفسك والله اني اقولك هدا الكلام واقوله لنفسي قبلك ونحاول نطبقه مع اللجوء الى الله وطلب المعونه منه صدقيني يااختي انه الانفصال ابدا ما هو حل بالعكس هو امكن امر من الوضع دا واالله يعينك ويفرج عليكي

 

[هبت ريح]

ارجوكم ردو علي بصراحة ، هل الموضوع يستاهل كل ده؟؟ سبب تافه جدا لا وهو الي غلط علي بس هو الي زعلان !!! طب ليه و الله اني مش فاهمه !!!! أنا بدءت أكلمه و أسلم طبعا كلام في حدود الاشياء اليوميه فقط ،، أما هو ردوده كلها بجفاء ولا حتى يشوف علي .. أنا تعبانه يا بنات بدءت أنهار ودا طبعا الي هو عاوزه ،، خبروني ايش أسوي مهما شغلت نفسي بس يجي الليل وهو ينام معطيني ضهره ،، الى متى الحاله ده أعرف أنه مستحيل يتنازل و بيكابر زياده وبيطنش حتى لو بقية عمرنا ،،،
أعتقد أنه حان الأوان أني أدخل الأهل ،،قولولي شو رايكم ؟؟؟