مش قادره اساعد نفسي بلييييز ساعدوني

[MRs alkyeely]

مرحباااا خوااتي

هاي اول مشاركه لي و انا توني بديت اكتشف هذا العالم و متعرفه على ها المنتدى من فترة قصييرة و الحمدلله

المنتدى افادني في اشيا كثيرة جدا و اتمنى انكم تساعدوني في مشكلتي ... يمكن هي مب مشكله كبيرة و لا تعد اصلا مشكله بس انا بصراحه مش قادره اتعامل معاها

آسفة طولت عليكم بدخل في الموضوع ... انا عمري 19 سنة و مالكة صارلي 3 شهور زوجي عمره تقريبا 32 سنه انا بحكم دراستي و صديقاتي كنت سوي مختلفة عن جو البيت يعني طريقة الكلام و اللبس و هاي الأمور ما كنت اتكلم عربي غير لما احتاجه صدق يعني مع جدتي و الناس الكبار و عايشه الدنيا كلها على طريقتي الخاصه اسوي اللي يناسبني و بس و بما انه اهلي ناس طيبين و الحمدلله و انا بنتهم المدلله بماكنت مطره اتحمل اي مسؤولية و اعتمد في كل شي على امي بعد الملكه لاحظت انه زوجي مش مهتم في الموضوع يعني يوم الملكه ما رضى يدخل و يشوفني قال خلوها لحفة الحريم و هذا الشي صدمني لاني كنت لابسه و انتظره طبعا اهلي قدرو يخلونه يدخل بطريقتهم الخاصه << كله و لا بنتهم تزعل

بعدها ما اتصل و لا كلف على نفسه قلت يمكن الرجال كبير و الثقيل و هذا اللي الكل كان يقنعني فيه بديت انا بأول اتصال و انا اللي رتبت لأول زيارة بحجت اغراض جايبتها لأمه المهم اول فترة كانت صعبا جداا لانه كان يختفي و ما يرد علة مكالماتي و انا اللي كنت اتصل و اسأل و اعطيه اخباري و احاول اني احسسه بوجودي و بعدها بداا يحس فيني و الحمدلله و بدا هو اللي يطلب يشوفني و نطلع مع بعض كانت مره في الأسبوع و صار يحاول يختلق الأعذار علشان يشوفني و الحمدلله صار في تطور بس مشكلتي معااه الحين انه يكره اني اختلط بأي حد حتى بيت جدتي اللي جنب بيتها يتضايق لما اروحلهم انا حاولت قدر المستطاع اني أقلل طلعاتي مع صديقاتي و المكالماتي و العزايم اللي تصير عندي في البيت بس حتى لو اشوفهم مره في الشهر يزعل و يتجنب يكلمني لمدة يوم و لا يومين

ما ادري هل هاي غيره و لا شو بالظبط انا بنت اجتماعية و صديقاتي مهمات جدا لي و ما تعودت احد يرفض طلباتي الحين اتفاجأء بلا وبدون اسباب بعد

انا الصراحه تعبت من هاي المعامله و مش متعوده عليها مب عارفه كيف افهمه اني انسانه مستقله و انا تعودة على انه يعاملوني بهاي الطريقه في بيت ابويه كنت اظن لو اقتربنا من بعض حياتي بتكون اسهل بس الظاهر انها زادة صعوووبه

اتمنى انكم تساعدوني يمكن المشكله بسيطه و لها حل بس انا مش قادره احلها لانه خبرتي في هذا المجال 0%

و آآآآآآآآآآسفه جدا على الإطاله

 

[انديانا]

عادي كلنا يوم تزوجنا في البدايه كانت تتملكهم رغبه بان ننفصل عن حياتنا ونبقى لهم بس
لكن اذا طاوعتيه راح يجردك من كل شي لين تفقدين كل مميزاتك وبعدين راح يمل منك مثل ما حصل مع ام بسمه
اذا انتي قريت قصتها بدا معاها ان جردها كل مميزاتها بحجة الحب والغيرة والرغبه في التملك ثم ؟؟؟
انت خففي شوي لكن لا تقطعين ووصلي له ان هذا هو نمط حياتك وطبعك وانه لا يتعارض مع حبك الكبير له وانه مافي ا احد ينازعه على حبك وغلاته عندك ومثل هالكلام ولا تخلين الزوج كل همك صحيح بيكون عزيز وغالي لكن مو كل حياتك ظلي البنت الطموحه المدلله صاحبه الشخضيه الغيرررر
اجلسي فكري بهدوء ولا تقولين من الحين مااقدررررررر ترى يامالك من الخيرررر وبتشوفين العجب
ويقولون :-الدنيا بيغى لها صبر ومهارة والا.....حيله وعياااااااارة
الله يوفقج يارب

 

[تعلمت الغرام]

معظم الرجال جذى فى البداية وانا كنت مثلك واستغرب جدا من زعله وكنت اقول يا ربى ايش راح يسوى فينى بعد الزواج اذا من الحين بهذه الحالة وكل شئ ممنوع الحيييين الاخ صار عادى والحمدلله طريقته اختلفت كثير الظاهر يحبوا يورونا العين الحمرا ههه... فلا تقلقى ولو تريدى شئ اقنعيه بالهدوء والمسايسة ولو رفض خليه يشعر بالذنب سوى نفسك حزينة وقولى له ما اقدر على زعلك حتى يتاكد انك ما عندك نية للعناد ويلبى طلباتك ان شاء الله.

 

[MRs alkyeely]

ثااااانكس يا بنااااات

 

[مهجوله]

اول شي الله يوفقك بس صراحه مستغربه انك تاخذين واحد اكبر منك بكثير
والي يسويه عشان بكره مايعودك على الطلعاتوالروحات ترى بعض الرجال مايحبون الزيارات الكثيره

وشكله يبي يعودك من الحين بس شوفي حبيبتي انتي لسه صغيره كملي دراستك ترى ماينفعك الا الشهاده
وحتى اذا تزوجتى اخري الحمل على الاقل سنه لين تفهمينه