مشكله ومالها حل

[الكراويه]

شلونكم أميرات وملكات بلقيس
حبيت اعرف منكم شغله محتاره فيها أنا زوجه أولى وعرضت مشكلتي عليكم قبل سنه
زوجي يبكي كثير هو يحبني ادري انه يحبني لكن أنا مو حاسه فيه
احس اني منفصله عنه وجدانيا مو قادره اتفهمه يعني مثل البارحه يقولي أسمعيني وهو يبكي
انا اقوله تعبانه بروح انام بكره يصير خير ونتكلم لما تروح الحاله عنك لاني بصراحه مليت
هو على طول يبكي شسويله هو مو فاهمني وانا مو فاهمته من تزوج علي صار حاجز كبير بيني وبينه ودي يطلقها ويفكنا من شرها لكن هو مو راضي يفهمني
طيب الحل شنو يبيني غصب احبه وأتفهمه أنا مو قادره صدقوني مو قادره
انا اعطف عليه واشفق على حالته لكن احبه او اسامحه شي مو بيدي
يا ليت الاستاذه ناعمه ترد علي لاني من سنوات انا وزوجي هالمشكله مو عارفين لها حل​

 

[الكراويه]

وينكم

 

[نوررررري]

ماشاء الله على قوتك ياليت لي مثل قوتك الله يحفظك

 

[الكراويه]

أختي نورررري أي قوة لو عندي قوة ما تزوج علي ولا كسرني
شاكره لك على الرد

 

[جفنشي بنت غوتشي]

اختي والله اعلم امكن فيكم عين اواحد حاسدكم
او سحر والعياذ باللله لان والله تصرفك انتي مع زوجك ماهي طبيعيه
سؤال هاذي الحاله من متى وانتي ماتحسي بشعور لزوجك ؟علشان نحكم على الحاله

 

[جفنشي بنت غوتشي]

تعديل(والعياذ بالله) اسفه على الخطاء

 

[رقه الاحساس]

هو ليش يبكي بعدين سامحيه واكسبيه دامك تبغين تفتكين منها

 

[الكراويه]

اختي والله اعلم امكن فيكم عين اواحد حاسدكم
او سحر والعياذ باللله لان والله تصرفك انتي مع زوجك ماهي طبيعيه
سؤال هاذي الحاله من متى وانتي ماتحسي بشعور لزوجك ؟علشان نحكم على الحاله

من عرفت أنه متزوج علي بدت الحاله بأول الأشهر كنت أعصب عليه وأثور من أتفه الأشياء
وطلبت الطلاق وقمت أخرج كثير ومو راضي يطلقني وبعدها هديت شوي قمت ألتفت لحالي وأحاول اني أداري
على صحتي ولا اعصب لكن من وقتها وأنا مو قادره أحبه أو أتفهمه والله العظيم ما قصر معاي
ورايته بيضه بس المشكله فيني أنا أستغفر الله يعني مرات أحس أني ودي أنتقم منه ومن المجتمع ومن كل شي
ومرات أقول لا هذا امتحان لي ولازم أتحمل غثا الدنيا وبلاويها

 

[الكراويه]

هو ليش يبكي بعدين سامحيه واكسبيه دامك تبغين تفتكين منها

ما أعرف ليش يبكي مرات أقول لأنه يمكن حاس أني ما أبيه أو لأنه يبي يعدل بينا وأنا رافضه
وأنا ما قصرت معاه كافي أني عايشه معاه ومعطيته كل حقوقه ومتحمله نار الشريكه
شسوي بعد
وشاكره لك على الرد

 

[^عطرالندى^]

فرج الله همك

 

[جفنشي بنت غوتشي]

حبيتي روحوا لشيخ معروف وخلوه يقرا عليكم الرقيه الشرعيه وكل يوم شغلي سورة البقره في بيتك تطرد الشياطين
اللله يحميك ويعافيك يارب انتي وزوجك

 

[قمر بلامنازع]

الله يعينك ’’

وفرج الله همك ’’

 

[روائع]

والله يااختي مافيه بالدنيا مشكله مالها حل اولا عليك بالرقيه والايمان بالقضاء والقدر وان مااصابك لم يكن ليخطئك ومااخطاك لم يكن ليصيبك و عسى ان تكرهوا شيئا ويجعل الله فيه خيرا كثيرا والزواج ولا الخيانه الحلال ولا الحرام خافي الله فيه وفي نفسك والله يصلح امورك

 

[دموعي شي معتاده]

الله يفرج همك

 

[خاله سوسو]

أستغفري الله ياا أختي .. الواحد منا يعيش ويرضا بحيااتة .,. وانتي الله قسم لك رزقك مع زوج وشريكة , عيشي حيااااااتك مع الله وفقط .. وانتبهي لبيتك ولزوجك لانه حتى لو تزوج 4 رضااه يدخلك الجنة حتى لو وانتي مسؤوله عن بيت واطفال وزوج التفتي للجوانب الحلوة بزوجك واكسبيه في صفك بحسن تبعلك , وحسن خلقك وحسن قولك .. عشان تكسبي رضا الله وحدة و اطلبي الله دااااااائما وابدا في سجودك ان يجعل همك الآخرة فمن جعل همه الآخرة من كانت الآخرة همه ، جعل الله غناه في قلبه وجمع له شمله ، وأتته الدنيا وهى راغمة .. وانتبهي لها الحديث ,, وزوجك طيب وحنون واحمدي الله متزوج بالحلال ولا جايب لك مصيبه بخيانة ولا غيرها ,, وامريه بالعدل بينك وبينها حتى لا يحاسبك الله بتقصيره في حقها لاجلك ,,

فرج الله همك ..

 

[lЗèЯOo]

مع روائع
والله يفرج همك وهم كل مسلم

 

[رازيا]

مع خاله سوسو
تقبلي الموضوع
واعطيه حقوقه
وارضي بما كتب الله عليك
ووصيه بالعدل ما يجوز تطلبين منه يطلق الثانية

 

[hadifa]

تسامحينه أم لا زوجك ما عمل حاجة غلط هو تزوج بالحلال وأنت منكدة عليه وعلى نفسك

حابة تحسين بطمأنينة أطيعي زوجك فيما يرضي الله ولا تحرضيه أن يطلق زوجته الثانية

​

 

[استغفرالله@]

وكلي امرك لله مادامه طيب معاك اكسبيه ماتشوفين بعض الازواج اذا تزوجوا على حريمهم مايعدلون وينسون الزوجه الاولى احمدي ربك واصبري وانا عارفه ان زواجه عليك صعب بس امر الله وصار تعوذي من ابليس واكسبي زوجك وعامليه بما يرضي الله وربي يسخره لك يارب

 

[همسة حزينة]

الله يفرج لك