مشكله بيني انا وزوجي

[روح الطبيعه]

السلام عليكم ------ تقبل الله صيامكم عندي موضوع انا زوجي طلبني للجماع قبل اذان الفجر بعشر دقايق ورفضت وقلت مايمدي خايفه ياذن وعصب وزعل وقال الله لايسامحك مدري انا عليه اثم ----وبعد صلات الفجر قعد على النت ولقيته داخل نت لوق ويدردش مع بنت وزعلت وقال انتي الي حديتيني على الدردشه وانا والله شاكه فيه من قبل كم مره وانا القيته داخل نت لوق وانا زعلانه وهو زعلان ولا جاني اليوم ثالث يوم وحنا زعلانين بس هو مدمن نت الله يعين واحس انه داخله بنت قلبه ولا يفكر فيني انا ويش اسوي معه الان

 

[أنا كدا]

والله مدري بس ع قولتك مايمدي وكدا بيفطرك يعني..وحكايه النتلوق يختي دا تبع مراهقين استغرب واحد متزوج يخشه *_*

 

[الحنونة 1]

ياحبيبتي لا تسكيتين على هذا الشي قوليلة مو إسلوب أنا رفضت كنت خايفة يأذن وإحنا جنب لكن إذا رفضت لك طلب بتخونني وبعدين أنا ملاحظتك من زمان يعني إنت ترضى لو ترفض لي طلب إني أتكلم مع واحد بحجة إنك زعلتني لا ولو شفتك مسويها والله لاأقلب الدنيا فوق راسك وإن كان بينكم عيال قوليله والله لأرميهم لك وأرح بيت أهلي
حبيبتي لو أنا في مكانك والله أروح بيت أهلي وأدبه بس أنا أنصحك إنك تبقين في بيتك وتشوفين عنه وإذا ماإعتذر لك إفتحي أنت الموضوع المهم لاتسكتين عليه ولاتتوقعين صفر في الميه إنها بتدخل قلبة عن طريق الشات لأن مستحيل بيحب وحده خانت أهلها تراه بس يتسلى وأنا مثلك ملاحظة على زوجي بس الي قاهرني إني مو قادرة أكشفة وإدعي الله بس إنتبهي لاتعتذرين وخليك واثقة من نفسك تر الرجال يخاف من الحرمة القوية خاصة إذا كان مسوي غلط وقوليلي إش صار معاك أسأل أن يهديه هو وزوجي ويسخرة لك ويسخر زوجي لي

 

[الحنونة 1]

حبيبتي خذي هذي القاعدة خذي حقك وأنت في بيتك

 

[حلمي صعب]

عشر دقايق تكفي
وشو لو بتصنعون صاروخ عاد يمديك ياحبيبتي قبل الاذان

 

[ورود حائره]

الله يهديه لج شي يعور القلب بس شنو النتلوق

 

[روح الطبيعه]

الله يعطيكم العافيه---- وانا عندي بنت ولدين ومااقدر اروح الاهلي بيني وبينهم 600 مائت كيلو اذا طلعت مشكلتتي الاهلي مستحيل ارجعله وهو شكله جته المراهقه المتاخره وهو مايحافظ على الصلاه ولا فيه دين ونت لوق دردشه مدري وش غيره دايم القيه باحث عنه واكاليوم لقيته يدردش هو الي صارت مشكله

 

[ترياق القلوب]

ليش وينه من بعد المغرب
والي تقول يكفي 10 دقايق
لا ياحبيبتي لازم تاخذ احتياطها
لانه لو يأذن وهم في وقت الجماع
لازم ايوقفون بس اتحدا ايوافق ويقوم
وهي ادراء فيه يكفيه او لالا
اما على زعلان عادي ردة فعل طبيعيه
بس حاولي تكوني جاهزه عللى طول
في الليل
واذا حسيتي انو يبغا شي الليله
لا تنتضري الين يقول يالله انت بادريه
عشان ماتتعرضي لهذا الموقف
مره ثانيه

تحيات لك

 

[هند بنت عتبة]

حبيبتي قبل الاذان ب 10 يمدي تخلصون ولو اذن وانتو جنب عادي تغتسلون فهمتي علي

ماعرف اذا عليج اثم او لا

بس برأيي اعتذري له وبيني له موقفج

وحاولي تشغلينه دايم عن لا يدخل الدردشة​

 

[^أختهم^]

يزعل والغلط منه لاحووووووووووول منهم رجال

النت لوق مصيبة لاتسكتين
الله يهديه ويسخره لك ياقلبي انتي بشهر فضيل ادعي ربي كريم مايرد لك دعوة ..

 

[امنتك قلبي]

الله يهديك الرجال اذا جاته شهوته ما يفكر كيف وليش الله المستعان
طيب الحين انتي تشتكين من تصروفه هذا السبب الي خلاه يروح النت انتي السبب
لو انتي اعطيتيه ما كان راح لي هذا الشي حاولي تعتذري له وتراضيه قبل السالفه ماتكبر
والله يسوي الي فيه الخير

 

[عاليه الصيت]

الله يصلح مابينكم

 

[أميــرة الــورد]

قولي حسبي الله لا اله الا هو عليه توكلت وهو رب العرش العظيم .. 7 مرات صباح ومساء ..

وادعي ان الله يبعده عن بنات الحرام ويهديه للصلاه واستودعيه الله ..

 

[وحيده في دنياي]

كان خليتيه
ترى يمدي
بصراحه انا امس كذا
وقلت له بس بسرعه عشان الاذان
والحمج لله بسرعه تروش
وبس

 

[روح الطبيعه]

الله يعطيكم العافيه -------- ويبعد ازواجكن عن بنات الحرام والله انهن دمرن بيوت

 

[ام رجوجي]

وش النت لوق الله المستعان الله يعقل هالرجال حتى برمضان الله يسخر لك زوجك

 

[بردوود الثلج]

هذا جنوبي لاحوووووووووووووول

دايم كذا يعاااند حتى بالصيااام يظن انه الاذان بيحتريه ليما يخلص

ولا يستانس ولا يحس بالاثاره الا بها الوضع يوم يحس انه بينحرم منه او بتروحين او كذا مثل الاطفااااااال

لاحووووووووووووووووووووووووول بس