مشكله التبول الااردادي

  • بادئ الموضوع بادئ الموضوع هيلدا
  • تاريخ البدء تاريخ البدء
ه

هيلدا

New member
إنضم
2009/07/09
المشاركات
9
بنات انا بقولكم مشكلة اختي المخطوبه

اختي مشاءالله ملكة جمال وغشمرجيه وضحوكه

اهي انخطبت حق واحد لكنها جدا متردده بسبب انها تعاني من التبول الليلي الاارادي

يعني تبلل فراشها بالليل بس مو دايما لا مرات تمر شهور ما تبلل فراشها

اكثر شي بايام الشتاء واذا نامت نوم عميق
يابنات اهي قاعده تتعذب ورافضه تروح الطبيب تقول اخاف يسويلي عمليه

يابنات الرجال متقدم لها زين ولد ناس لكن تبي ترفضه لسبب التبول علما بان عمرها 21
شنو تنصحوني اسوي لها تكفون ابي حل يحل المشكله
 
خليها تروح لطبيب
أعرف ناس كانوا يعانون من هالمشكله وتعالجوا واختفت مشكلتهم
وقبل كل شيء المفروض إذا هي بتوافق تشرح مشكلتها لشخص المتقدم لها
​
 
هـــــــــــلا اختي اخواني كانوا كذا بس صارت امي تطبخ لهم حق الخروف مادري شقولك فيه ناس تسميه بيض الخروف اتمنى فهمتي تطبخه وتاكله وحده بوحده ان شاءالله وممكن تزور الطبيب ماراح يسويلها شي مجرد دواء يوكل او فيتامينات لاتتركين اختك كذا ابد مايصلح تبقى طول عمرها كذا والله حرااااااااام ترا المشكله مرررره سهله.....دعــــــــــــــــواتك لي تكفين بتيسير اموري.
 
مو مشكله تروح لصيدلي وتقول له انه كذا وكذا ةكذا وبيعطيها حبوب وتاكلهم والله يشفيها يارب
ويوفقها



استغفر الله استغفر الله استغفر الله
تحياتي
حرم شيخ
 
الله يتمم لها على خير
من وجهة نظري تروح للطبيب افضل لها لان المشكلة يمنك صغيرة وبعدين لاسمح الله تكبر
 
الله يشفيها ولااااااااازم تتعاااالج سواء بتوافق ع العريس آو لا آهم شي صحتهااااااا....



بتوفيق خيتوو....
 
تروح تتعالج .. المسألة بسييييييييييييطة جداً أكثر من ما هي متصورة ..
خذوها لطبيبة نسائية .. على الأقل استشارة فقط .. و بعدين قرروا .. و طمنيها أن محد يقدر يجبرها على شي هي ما تريده .. لكن لازم تعرف شو العلاجات المتوفرة ..
 
الله يوفقه التبول الاردي ان سمعت ان سببه صغر حجم المثانه او الخوف اى تكون قد خافت وهي صغيره علا جه لزم ترجع طبيب والعسل مقري فيه قران ملعقه قبل النوم وملعقه الصباح وباذن الله يروح وخليه في النهار تمرن المثانه بحيث تحبس البول لمده دقاق لانهو يساعد على توسع المثانه اسال الله العظيم ان يشفيه ويوفقه وكل بنات السلمين
 
رهف 2009 قال:
الله يوفقه التبول الاردي ان سمعت ان سببه صغر حجم المثانه او الخوف اى تكون قد خافت وهي صغيره علا جه لزم ترجع طبيب والعسل مقري فيه قران ملعقه قبل النوم وملعقه الصباح وباذن الله يروح وخليه في النهار تمرن المثانه بحيث تحبس البول لمده دقاق لانهو يساعد على توسع المثانه اسال الله العظيم ان يشفيه ويوفقه وكل بنات السلمين
أنقر للتوسيع...

ماراح أضيف أكثر لكن بحكم إني سويت بحث وأنا طالبه بالكليه فالأسباب إما تكون نفسيه أوبتركيب الأعضاء للشخص المعاني من هذه المشكله فزيارتك لطبيب أو طبيبه سوف تجدين الحل بإذن الله من الممكن أن تعطيك تمارين سهله جدا سوف تحمدين العاقبه بإذن الله عزيزتي لاتتردي لزيارة الطبيب فهي لاتعتبر مشكله تعرقل مسيرتك بتكوين لبنه من لبنات المجتمع التي أسأل الله أن يوفقك ويبارك لك بزواجك ويرزقك الذريه الصالحه
أتمنى أكون أفدتك:32:
 
عادي عيوني
لااازم تقنعونها واذا وصل الامر خلي الوالد تسوي نفسها زعلت عليها
عشان ترووح
لاتخلي نفسها وقولي لها ترا مررره المسأله بسيطه
حرام تخلي نفسها
الى متى...؟؟؟

ماعليكم منها خافو على مصلحتها قبل مشاعرها

الله يوفقها يارب ويسهل امورها...
 
الله يشفي اختك ياارب ويااريت ترااجع عند دكتووره وبتعطيها الحل المنااسب
 
مثلي يعني ):

عمري 22 وأشتكي من التبول اللإرادي عادي رحت للدكاترة وقالوا يروح مع الزمن ولاعملية ولاشيء..

بس عطاني حبوب خيالللللللللللللللللللللللللللللللللللللللللللللللللللللللللللللللللللل

تاكلينها قبل النوم ..خليها تروح أي دكتور مسالك وبيعطيها لها..

وصح تحسنت كثير الحمدلله

بس في الشتاء والبرد ددددددددددددد أحيانا أتورط...

خليها تروح تاخذ الحبوب من الدكتور وصراحة ناسية إسمها

بكرة نظرة من الرجال تطرحها وتموتها موت ...

وبعدين أنا كل اللي راجعتهم إستشاريين وكذا وكلهم يقولون يمكن توصلين 30 وأنتي على وضعك؟

يعني نقعد انا وياها من دون زواج؟

هذا مو حل ...

خليها تسوي اللي عليها وتتوكل على الله وتدعيه وماراح يخيبها سبحانه
 
حراام تضيع نصيبها
اجبريها تروح للدكتور الله يشفيها :)
 
وجدتُ ذاتي قال:
مثلي يعني ):

عمري 22 وأشتكي من التبول اللإرادي عادي رحت للدكاترة وقالوا يروح مع الزمن ولاعملية ولاشيء..

بس عطاني حبوب خيالللللللللللللللللللللللللللللللللللللللللللللللللللللللللللللللللللل

تاكلينها قبل النوم ..خليها تروح أي دكتور مسالك وبيعطيها لها..

وصح تحسنت كثير الحمدلله

بس في الشتاء والبرد ددددددددددددد أحيانا أتورط...

خليها تروح تاخذ الحبوب من الدكتور وصراحة ناسية إسمها

بكرة نظرة من الرجال تطرحها وتموتها موت ...

وبعدين أنا كل اللي راجعتهم إستشاريين وكذا وكلهم يقولون يمكن توصلين 30 وأنتي على وضعك؟

يعني نقعد انا وياها من دون زواج؟

هذا مو حل ...

خليها تسوي اللي عليها وتتوكل على الله وتدعيه وماراح يخيبها سبحانه
أنقر للتوسيع...

السلام عليكن حبيباتي انا ولله لما شفت وقريت هاد المشكل قررت اني نسجل في هاد المنتدى وربي يشفي كل مريض يااختي وجدت ارجوك اعطيني اسم الحبوب التي اخذتيها حاولي تفتكري انا بنتي 22 سنة والخطاب عليها لاكن هي عندها نفس المشكل وراحت لداكترة واخذت اعشاب لاكن بدون فايدة ارجوكم اريد مساعدة وهي ولله نفسيتها تعبت
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل