مشكله ابي حل باسرع وقت

  • بادئ الموضوع بادئ الموضوع bth444
  • تاريخ البدء تاريخ البدء
B

bth444

New member
إنضم
2010/10/18
المشاركات
13
السلام عليكم ورحمة الله وبركاته...

شخباركم بدخل بالموضوع على طول

انا بقولكم مشكله صايره لاخو صديقتي احنا محتارين وش نسوي...

الله يسلمك اهو كان متزوج وماكتب الله له نصيب وطلق ماجلست معاه كثير وكان يحبها وطبعا بعد فتره تزوج وحده ثانيه وحالته الماديه متوسطه ويوم تزوجها كانت مريضه والله يهديهم اهلها ماوضحو لاهله نوعية مرضها وانه ممكن يتطور الله يعافيها قالولهم بس ماوضحو كانه شي عادي الله يعافيها المهم جابت منه طفلين وبعدها زاد المرض لدرجة المسكينه ماعادت تقدر تقوم بواجباتها واغلب وقتها عند اهلها وماتقدرتمشي زين واهي كانت احيانا تقول تزوج واحيانا لاتناقض وتتصل على اخوانه وناس من اهله وتصيح...
والولد صغير ووده يتزوج ويجيب عيال...
المهم ربي عانه وشراء بيت على قده بالتقسيط وقرر يتزوج.... وخطب وحده مايعرفونها زين لكن مدحتهم وحده واهي وخواتها شافوا امها والبنت وكانوا عادي
البنت موظفه كبيره ومرتبها كبير... وام الولد سالت ام البنت وقالتها عن عمر البنت وانها ماتبيها كبيره مرره لانها تبي تشوف عياله مثل اي ام وقالتلها انها توها داخله الثلاثين
ووافقو وتملكوا وبعدين البنت لمى عطوها المهر طلبت زياده لان خواتها كات مهورهم اكثر والولد وراه بيت ومصروف بيت ثاني ومع هاذا عطوها وزادوها بمقدار عشرين الف.... وبعدين قالت ابي اختار الطقم وقالو طيب... وبعدها راحت وشافوا البيت اللي شراه وقالت ان البيت مو مره كبير مع انه دورين وغرفه ماعليها ماتسمى شويه مع هاذا قالها مع الايام بنكثر عدد الغرف.....
اخر شي الولد راح يضيفها في الاحوال حصل ان عمرها اكبر بكثير من اللي قالوه اتصل على اخته اللي هي صديقتي وقالها ان عمرها 36 يعني كذبوا بكثير وبعدين صديقتي خايفه تقول اخاف انهاذي بدايتها تكذب ومحتاره شتسوي مدامهم توهم ولا عادي لان الولد يقول من مكالمتها معه انها حبوبه ودوده بس محتاره بعد هاللي صار شلون تتصرف خصوصا انه يبي عيال وصديقتي مايعرفون هالناس والبنت مرتبها كبير دبل مرتب الولد.... وخايفين ايذا جابت عيال بعدين مايهمها الزوج وتصير مستغنيه لان راتبها كبيررر واي مشكله تصير تطلع والولد طلق قبل كذا وماتوفق مع الثانيه وخايف يصير مشكله واهو وده بالاستقرار ويبون حل مدامهم على البررررر...........
 
الله يعينه
لا تكون زوجته الولى داعية عليه
على العموم خلي يستخير
 
يا اختي هذه شكلها والله اعلم ماديه يعني ادور فلوس و تبغى تعيش حياة الاثرياء يعني عمرها ماراح ترضى بالقليل او الي على قد الحال
يعني شكلها ماراح تقدر ظروف زوجها بعدين
وثم لازم يفكر مليون مرة كيف راتبها اعلى منه هل هو متقبل هذا الشي ولالا؟
اعرف رجال او الاغلبيه مايحبون انه زوجاتهم مرتباتهم اعلى منهم بشوي لا بالك اذا دبل

عموما عليه بالاستخارة و الله يكتبله الصلاح​
 
الأستخارة ... والحل النهائى بيد الولد هو ايش احساسة ورغبتة ؟؟
 
يالغاليه عليه بالاستخاره اولا لكن الي باين انها طمعانه ولا شايفته شي لان من الاول تتشرط وتحط شروط مره مهر زياده ومره بيت موب مناسب رغم انه لو بنت تبي الستر كان قبلت بالي جاها ووافقت بدون تردد حتى لو عطاها عشر الف دام مرتبها زين خلاص لكن هذي تتشرط من اولها شولون بعدين
الله اعلم ما ابي احكم عليها لكن هذا رائي
 
خلي الرجال يستخير كثيرر والله يوفقهم بس من كلامك لو هو صحيح احسها ماديه لما تطلب زيادة مهر والبيت بالنسبه لها صغير ووو مدري خليه يسخير كثير وربنا يوفق ويكتب مافيه خير
 
الله يكتب لهم الخير يارب ...

اذا فيها خير فالله يقربها له يارب
واذا فيها شر فالله يبعدها عنه يارب
 
الله يجزاكم اللة الف خير كل وحده ردة كان عذره يوم الجهاز ان كل خواتها جهازهم كذا وانها ماتبي اقل منهم
 
للمعلومية اختة خايفة من الكذبة العمر هل من حقها تكذب امها بالعمر تقول 30 ثم يصير 36 فرق كبير رغم ان ام الولد محلفتها بالعمر
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل