مشكلتي و ابي لها حل تكفوووووووووون

[جوليـن]

السلام عليكم جميعا

كيفكم ان شاء الله طيبين و احسن من حالي:8:


حبوبات ماعندي غيركم يشوف لي حل او حتى يدردش معي ويساعدني انا البنت الوحيده و متملكه

وخطيبي احبه موووووت بس شكاك بقوه وغيوووووور بقوه
التلفزيون مايبيني اشوفه النت لا اشوف صور رجال ولا حتى في مجلات اغطي عيوني لا احد يشوفها ولا اشوف رجال ولا اتكلم مع حتى اللي يبيع بالمحل لا اسأله شي
سؤالف مع البنات في شي مايرضيني مافي
ولو صار اي شي منها ابيك تقولين لي
واذا ماقلتي الله يجعلك بامراض الدنيا الله يجعل هالليله اخر ليله لنا الله لا يسعدك و لا يوفقك ان صار شي وماقلتي لي عليه

ويوميا لازم ادعي هالادعيه عشان يرتاح

اذا تأخرت عليه وماكلمته شك اني على التلفزيون ان تأخرت ما ارسلت له بعد نفس الشي ويكذبني دايم حتى اذا جاء يزورني يحلفني اني ما اتزوج غيره حتى لو يصير له من الدنيا شي

ودائم مشاكل معه و اخرها اليوم جوالي مايرسل الا اذا قفلت الجوال ورجعت ارسله يطلع لي اغلق بعض التطبيقات

حتى الرسايل اللي تيجي ما تيجي الا اذا قفلت الجوال ورجعت اشغله المهم طلعت اليوم مشوار الصباح وتاخرت كثيييير و مانمت زين من اللدوره الله يكرمكم جاتني اليوم وتاعبتني

بعد مارجعت نمت بعد ماقلت له اني وصلت للبيت برساله
نمت الى الساعه 6 المغرب قمت واتصلت عليه ما يرد حاولت حتى رد كان زعلان طول هالوقت نوم

ماشفتي رسايلي قلت لا ماجاني شي قال انا جاي الحين خلي اخوك الصغير ينزله علي قلت بطفيه يمكن تيجي
قمت امسح باقي الرسايل حقت البنات مو كثيره وقلت له البارح اني امسح مافي الجوال لان مو راضي تيجي رسايل ابدا الا اذا قفلت مسحت البارح كل شي و كمان ايوم عشان تيجي رسايله
عطيت اخوي ينزله له نزله بعدها رجعه وارسل لي انتي كذابه مسحتي كل شي حتى السجل مسحتيه معليه يالوافيه

هنا ماقدرت امسك نفسي ليش يشك فيني ليش يجي يشوف الجوال انا مو بنت شوارع يتكلم علي كذا المهم قلت لاابوي اللي صار

وقلت له خله يجي ننهي كل شي و ابوي مو راضي لانه شافني معصبه بس اتصل عليه مقفل و كمان اتصل على رقمه الثاني مايرد بالاخير رد على ابوي وقال له تعال بكرا قال ابشر

انا الحين مررررره نفسيتي تعبانه من الحبوب اللي اخذها تسبب اكتئاب شديد وفوقها الدوره ومدري اللي صلحته صح او غلط قولوا لي الله يخليكم على فكره المفروض هو يجي بكرا لانه كلم ابوي على اساسا يجي يتعشى ويسهر وشوفوا وش صار الحين

وزواجي بعد في عيد الفطر لو عدت هالمشكله

بس ابي مشورتكم تكفون

وعذروني لو خربطت في الكلام بس من اللي فيني و ربي

ادعوا لي الله يخليكم محتاجه دعاكم ..
​

 

[رياحين فهد]

ووكلي امرك لله وكثري من الاستغفار وان شاء الله الي سويته صح

زين حلووو انك حطيت ابوك بالصوره
بس ان شاء الله الله يسرها ولا يصير شي يصير كل خير ان شاء الله

 

[[ الملكه ]]

ما عليك دام اهلك عندهم خبر هم بيحلونها
وسهله يجيب لك جوال المزيون (جديد) ويشيك عليه لين يشبع ..

 

[خلآص...!]

الحياه بالشك ماتستمر ... ليش ماحاولتي تفهمي منه ليش الشك والكتمه ليش يكتمك لا تلفزيون ولا نت ولا مجلات وش الموضوع وش اللي خايفه عليك منه ؟
لما يجي افتحي معه كل اللي مضايقك منه قوووليه لاتخبي بقلبك شي واللي فيه خير يقدمه ربك ..
حاولي تعدلي فيه بعض القيود اللي ممنوعه وافهميه ولاتتركيه الا لما تتفقون ... الله يوفقك ويعينك

 

[مدمنة صبر]

وانتي ليه تمسحين السجل كان تركتي ؟! وقلتي ارسل لي جوالك بعد ؟!

 

[ماني من ناس]

والله
مشكله.
المفروض نحط حدود مش نجريهم بخيالهم المريض ونخليهم يتجرءون بلعكس ابوك يتفاهم معه معني الشك انه بيتعدل لانه طبع الله يعينك عليه ​

 

[نحمدة ونشكره]

يا اختي اول مرة اسمع هيك شي مافي مجلات ولا نت ولا تلفزيون ولازم تقولين كلشي عن صاحباتك وتدعين على نفسك بالموت والفراق اا ماقلتي شو هذا مجنون تتوقعين انتي بتقدرين تعيشين طول عمرك كذا يعني اذا انتي هلا راضيه بكرا لما توقع الفاس بالراس مراح ترضين وراح تتعبين ليش يعني مواضيعك مع اهلك لازم تقوليها له وتكونين كتاب مفتوح اختي هذا مريض نفسي وعندة حب السيطرة انصحك استخيري والحمد لله واضح انك واعيه وعاقله انك دخلتي ابوكي بالموضوع اختي تفاهمي معا وقوليله انا مش بهيمه تمنعني من كل حقوقي واحنا ماتزوجنا اجل بكرا تقولي لا تنامي ولا تاكلي وتخليني احلف وادعي على نفسي اا سويت شي من وراك شو مجانين انا

 

[ناني الشاميه]

نصيحتي شوطيه
هذا مريض وراح يتعبك
بس
واستخيري

 

[جوليـن]

والله ياحبوبات يقول انه يغااااار علي موت حتى من اهلي

اطلع للسوق مثل اكمل جهازي يزعل ليشش اطلع واتركه ما اكلمه

ويرسل لي رسايل ترفع الضغط استانسي و اعصي

على كلامه و طريقه رسايله

حتى يحلفني اني ما اتزوج غيره حتى لو ما صار نصيب بيننا

نفسيتي تعبت منه ومن الدواء مرررررره

والمشكله ان قلبي متعلق فيه بقوووه مع اللي صلحه فيني احبه
​

 

[أسطورة خرآفية ~]

يآ حيآتي شوفي تقدرين تعيشين معهـ بعدين !

إذآ مآ تقدرين أحسن لك تنفصلي و إنتي مخطوبة مو وإنتي متزوجة , إذآ هالشي مآريحك
تر’آ بيتعبك كثيييييير في حيآتك معهـ , أحسهـ تعرض لموقف و خلآه يشك في اللي حولهـ ..

الله يكتب لك اللي فيه الخير =)

 

[غلا الوجدان]

هذي تصرفاته وانتي مابعد تزوجتيه وعشتي معاه كيف بعدين ؟؟؟

فكري زين وخلي الحب على جنب

اسالي نفسك اقدر اعيش معاه او لا ؟

اذا قادره تتحملين كملي

 

[شموخ البنات]

الله يكون بالعون 0000
بس انتي تقدرين تقيرينه وتعرفين ليه يشك فيس ويمكن متعقد من شي حصل قبل مايعرفك0000
يعني حاولي معاه والله معاك 00000000000000

 

[وضحـــى]

الله يكون في عونك بس لازم تحسمين الأمر قبل تدخلين عليه وما فيه حد كامل غير الله سبحانه إذا بتقدرين تغيرين فية بس يبيلها طولة بال وصبر

 

[نشضن]

إستخيري ربك ترا ( كلا يرا الناس بعين طبعه ) مايشك بالشكل هذ الا واحد مر بمواقف الله وأعلم ولو ما كان كذا نحط إحتمال كيف بتصير حيااااااه بالقيود هذه بكره كل دقيقه مين كلمتي ومين قابلتي وإيش تكلمتي ................. إستخيري وأمك لها رد حكيم إستشيريها

 

[هم و غم]

اعتقد انه من صالحك بس اصبري وهو ترى حماس وبيخف بالتدرج وبعده يكون ع كيفك
المشكله لو انفلت
نصيحه وربي من صالحك بس يحتاج وزنه بسيطه الوقت راح يازنه لك
بس شويت صبر وربك بيفرجه​

 

[مهستره فله]

استخيرى نصييحة تبتلشين فية كلة شك

 

[ام صبا الاموره]

اختي توكم علي البر وتعبتي
بعد الزواج وش راح يصير لتاخذي كلامه الا اذا اقتنعتي
وفهميه الكلام
وهاذي اخذ المثل دقه بدقه لو زدت لزاد السقاء
وهاذي الي ينخاف منه يكون مسوي شئ وخيف يرد بيته
اللهم ارشدها لما فيه خير لها وله

 

[مهستره فله]

خلى عنك القلب ماضيعنا يالحريم الا القلب فكرى بعقلك هو يشك من اللحين اجل لاعرستى وش بيسوى فيك والله امرة عجيب هذا اكيد فية شى عشان يشك ومتقعد اللى فية ماجاء من فراغ فية ادرسى شخصيتة لالاتتورطين

 

[قمر بعيونه]

الله يعينك على ما بلاك ويفرج همك

 

[الاميــره]

استخيري ،، الله يصلح حاله غيررة مجنوونة ،،
والله يووفقك وييسر امرك
لا تشيلي هم الزمي الاستغفاار والدعااء
اهم شي الاستخاارة قبل لا يطيح الفاس بالراس