مشكلتي وايد محيرتني

[جوري قطر]

بنات انا مشكلتي يمكن تكون تافهه بس وايد افكر فيها انا زوجي جنوبي غربي وامس جاه اتصال ومارد وعقبه جاته رساله وقراها وعلى طول مسحها المهم قلت له من قال واحد يبيني اروح معاه البحر وانا مابي اروح معاه المهم هذي الواحد اتصل له على تلفونه الثاني قام ريلي قاله انت متصل علي من رقمك الثاني قال له رفيجة لا المهم عقب ماسكر سالته منو الي داق لك وليش مسحت الرساله قال انا امسح الرسايل دايم لانه هالتلفون قديم وينترس بسرعه بالرسايل مع العلم في رسايل تافه مو ماسحه لويبي كان مسح رسايل البنك والاعلانات المهم سكت عنه وهو حس اني ماقتنعت وقلت له خلاص سكر على الموضوع قال لي انا احبج ومستحيل اسوي شي موزين ولاتفكرين تراج تعورين قلبي بسكوتج المهم طول اليوم يراضيني ويحاول يقنعني انه رقم رفيجه الثاني وانه مستحيل يسوي شي غلط ومع العلم ماعنده فرصة طول وقته معاي باختياره ويقولي انا دوم احب اقعد معاج واطلع معاج واذا طلعت عنج اكلمج يعني يبي يعطيني الثقه بكلامه بس انا مادري ليش وايد افكر بالي صار ومادري الي سويته صح اني سكت ولا شسوي شوروا على الي يوفقكم

 

[كوكيز17]

والله حبيبت يقريت قصتك بس ما حبيت اني ما ارد عليك
انشاء الله الخوات ما يقصرون معاك

 

[طرايف]

قلنا زوجته بس في مشكله انتي مو فاهمتنها لا تتدخلين في شؤؤنه الخاصه
يعني ما تلاحظين انك تسالينه وايد منوه مطرشلك وليش مسحته وليش وليش من منو يعني ادقققين وايد

هذا الشي راح يشرده منك وايد ولا خلي نفسك ما يهمك عادي له خصوصياته ولك خصوصياتك انتي بعد مب بس انتو صرتو ازواج معناته تدخلين في كل صغيره وكبيره خليه بنفسه يجي ويقولك ويصارحك وياخذ شورك

خلاص خليه لا تلحين ولا تحنين عليه تراك انتي الخسرانه في الاخر تعبين روحك ونفسك وتكتشفين ابواب انتي في غنا عنها

 

[ورد ابيض]

عزيزتي انشالله يكون ظنك مش في محله وشكله فعلا زوجك بحبك , لا تبينيله شي ولا تحسسيه انك مو واثقة فيه لانه ممكن فعلا ما يكون في شي . الله يهدي بالك , بس خليكي صاحية معه وشوفي اذا في تغيير بتصرفاته ,والله معك.

 

[جوري قطر]

انا ماتدخل بخصوصياته بس هالاتصال شككني حسيت انه في شي وحسيت انه كذب علي ماابي انصدم فيه وتهتز صورته بعيني ولاابي اشوف شي بعدين وانقهر لاني صدقته انا وايد محتاره بس مبينه له انه الامور عادية وماطولت السالفه معاه بس هو تم طول اليوم يراضيني ويبين محبتي بقلبه وشلون وانا اقوله خلاص سكر الموضوع ترى انتهى بالنسبة لي يقول لي صج انتهى

 

[ورد ابيض]

عزيزتي صدقيه وانشالله يكون كل الموضوع مو مستاهل.

 

[دلوعة عبودي]

صباح الخير00قبل كل شيء انا ابقول مافيه شيء اسمه خصوصيات بين الزوجين اوهاذا المفروض00حياته السابقه هي الخاص له فقط00بالنسبه للي صار انا مثل احساسك انه فيه شيء0بس مو معنى هاذا انك تتهمين رجلك لا00هل في العاده انه يكون مصر ولحوح في ابداء حبك ومكانتك عنده في اي سوء تفاهم000

 

[مسلمة مسالمة]

صباح الخير عزيزتي شكل خبرتك في القفص الذهبي ماتتجاوز 3 سنين عزيزتي أول شي أبقولك أنه أنا لي 14سنه متزوجه ولله الحمد ,وعندي خبرة لا يستهان فيها بهاالمجال ومريت في تجربه مريرة نوعاً ما بدت بشك بسيط مثل شكك دامت هاالمشكلة 4 سنوات والحمدلله قدرت أرجع زوجي بعد محاولات حاقدة للتفريق بيننا واللي أبغاك تستفيدين منه في هاالتجربه هو التالي:
-ممكن يكون شكك في محله وممكن يكون المتصل على زوجك إمرأه وممكن يكون أحد الأصدقاء متخالف معاه وماوده يرد عليه
-يجب عليكي وعلى جميع النساء توقع أي شي ممكن تتخيلونه ولا تقول وحده أخاف أنصدم في زوجي أو ماشابه لأنه كل شي متوقع خصوصاً في هاالزمن اللي التقنية متاحة للتواصل بين العالم والبنات قاطين بقوة على الرجال بدون مايحرك الواحد ساكن يلقاها داقة على موبايله وبكل جرأة.
حل المشكلة :
-أولا تصرفك مع زوجك في هاالموقف خاطئ 100% , المفروض أي وحدة تشك في زوجها أبداً ماتوضحله أثر بالعكس حسسيه بالأمان مهما شكيتي والمفروض إنك بعد ماسألتيه تعطينله الثقة وتصدقين جوابه طالما ماعندك أدله عشان ماتخسرين زوجك
-تراجعين نفسك وتشوفين في إيش مقصره في دينك وتأدين واجباتك الدينيه بإخلاص النيه والتوكل على الله عز وجل للحصول على حياة زوجية مستقرة.
-تتقربين من زوجك وتحتوينه حتى لو سمح الله إكتشفتي شي سيئ عنه أو لو كنتي مضايقة من سبب بسيط مثل سببك ولا يبين عليكي شي غير الحب والمودة والعاطفة.
-ممكن تراقبين زوجك من غير مايحس بشي من بعيد وبالأخص مثل ماقلتي طلعاته قليلة مثلاً تفتشين السجل بدون ماتتغير نافذة القائمة عشان مايحس, وأنتو في قطر عندكم حرية سياقة الحريم ممكن تطلعين وراه بسيارة صديقه وبدون مايحس....وهكذا
-إذا صدقت شكوكك لاتواجهين زوجك طالما كان معرفتك بخطأه بطريقة غير مشروعة مثل التجسس أكتمي في نفسك وأتحملي وأعرفي أنه المؤمن مبتلى وفكري أنه في غيرك كثير عندهم مشاكل أكبر ومتحملين وصابرين لين الله فرجها وتصرفي بحكمة ولا يعرف أحد من أهلك ولا تحاولين تبينين للزوج أي شي وأدعي الله يرد لك زوجك وتوكلي على الله وبتشوفين النتيجه لأن الحرام عمره ماينتصر على الحلال وأي إشارة بيدك لزوجك فيها أجر والعكس للي تأشرله بالحرام ماتكسب إلا الإثم والإثم ماينتصر على الأجر وأفضل النساء يوم القيامة عند الله الصابرة على زوج سيئ فما بالك بزوجك اللي مدحتيه وباين أنه طيب ولو طلعت منه زله بها الطريقة يرجعلك وينحل الموضوع ويصبح من الذكرى.
-أما إذا شكك طلع خاطئ لازم تحمدين ربك وتكسبين زوجك ولا تبينين شي من الشك مرة ثانيه .
مع تمنياتي لك وللجميع بحياة زوجية سعيدة ورائعة
أدعية مفيدة في مثل هالحالات:
الحمدلله والصلاة والسلام على رسول الله
ربنا هب لنا من أزواجنا وذرياتنا قرة أعينن وأجعلنا للمتقينا إماما,اللهم ألف بين قلوبنا وأصلح ذات بيننا وإهدنا سبل السلام ,الهم يامصرف السموات السبع والأراضين السبع ومن فيهن أصرف عن زوجي.....(تسمين حاجتك)بعزتك وقدرتك اللهم ياحفيظ ياعليم أحفظ زوجي بحفضك العظيم ,سبحانك يامن لا تضيع ودائعه أستودعك زوجي فأحفظ وديعتك سبحانك إصرف عنه السوء والفحشاء وأجعله من الراشدين...يقال خصوصاً بعد خروج الزوج من المنزل
اللهم إنك خولتني من خولتني من عبادك فأجعلني أحب ماله وولده إليه اللهم سخره لي وأجعله قرة عينن لي, وهذا الدعاء الأخير يفضل قوله منتصف الليل ودائما يفتتح أي دعاء بالصلاة على النبي ويختتم به صلى الله عليه وسلم0
=وأكثروا من الإستغفار والرجوع إلى الله وترك المعاصي لتفوزوا بحياة سعيدة وآخرة نعيمة=
(ومن يتق الله يجعل له مخرجا ويرزقه من حيث لايحتسب) 00صدق الله العظيم
أرجو أن أكون قد أفدت بمشاركتي المتواضعه , وتقبلوا جميعاً خالص مودتي

 

[جوري قطر]

اشكركم كلكم وماقصرتوا علي بردودكم واشكرج يالميس بس انا الي شككني فية الحاحه انه يبي يراضيني ومايبني افقد الثقه فية طول اليوم يراضيني حسيت بشي غريب طبعا فرحت انه مهتم فيني وبماشعري بس بعد مادري شلون اوصف لكم

 

[جوري قطر]

بنات الله يوفقكم ساعدوني الشك بيذبحني ماادري اصدق كلامه وحلفانه ووعوده والا شسوي افكر بعقلي اشوف انه مو مقصر معاي ابد ومدلعني واذا تضايقت يسمعني وايد تغير قبل ماكان جذي وانا مستانسه منه وايد بس خايفه انصدم فيه والقاه يخونني وتنعدم الثقه علما باني قبل ماكنت اثق فيه وهو الي رجع الثقة مره ثانيه المهم الحين طول الوقت يكون معاي بس وقت بسيط يكون برى البيت عاد انا خايفة ومنكده على عمري وهو يحاول يونسني وياكد حبي وانه الي افكر فيه اوهام

 

[جوري قطر]

شدعوه بنات ماتبون تردون علي

 

[دلـــوعـــة]

السلام عليكم

حبيبتي انا اشوف دام انه مدلعك ومو مقصر معاكي ومهتم لزعلك (( وتهمه ثقتك فيه )) لا تضيعي هالشي من ايدك

وحتى لو يخونك ,,, صدقيني دام انه مهتم يعني اكيد لك مكانه في قلبه وممكن تكسبينه اكثر

احمدي ربك

فيه رجال يخونون عيني عينك ولا بعد معاملتهم لزوجاتهم سييييييييئة

(( شين وقوي عين ))

انتي الحين بوضع حلو لا تضيعيه من ايدك ,,

بقول لك شي ,,, اعتبريه ولدك

واذا شفتي ولدك غلط او بعد عنك او سوى شي ماعجبك شو تسوين ؟؟؟

اكيد تلقين لك خطة او طريقه وتصبرين عليه وتدعين ربك لين يتعدل

سوي هالشي مع زوجك

ولا تخسري مكانتك اللي بقلبه

والله يسهل امورك

 

[قمرالكونFAS]

الله يكون في عونك

 

[مؤاسم الدهر]

الله يهديكم

 

[مسلمة مسالمة]

بلا دلع تهنيء بحياتك

السلام عليكم

حبيبتي انا اشوف دام انه مدلعك ومو مقصر معاكي ومهتم لزعلك (( وتهمه ثقتك فيه )) لا تضيعي هالشي من ايدك

وحتى لو يخونك ,,, صدقيني دام انه مهتم يعني اكيد لك مكانه في قلبه وممكن تكسبينه اكثر

احمدي ربك

فيه رجال يخونون عيني عينك ولا بعد معاملتهم لزوجاتهم سييييييييئة

(( شين وقوي عين ))

انتي الحين بوضع حلو لا تضيعيه من ايدك ,,

بقول لك شي ,,, اعتبريه ولدك

واذا شفتي ولدك غلط او بعد عنك او سوى شي ماعجبك شو تسوين ؟؟؟

اكيد تلقين لك خطة او طريقه وتصبرين عليه وتدعين ربك لين يتعدل

سوي هالشي مع زوجك

ولا تخسري مكانتك اللي بقلبه

والله يسهل امورك

بالضبط على هذا الرأي إمشي
وبعدين شكله شيطانك قوي ويبغى ينكد حياتك بقوة عشان كذا موقادرة تشيلين القلق من نفسك تغلبي عليه وتعوذي منه بالله وإستغلي حب زوجك وإستمتعي معاه بحياة سعيده............وبالتوفيق

 

[لحن الروح]

حبيبتي جوري قطر
عزيزتي المشكله لاتحتاج كل هالقلق اللي عند بلا مصيره ينكشف اليوم ولا بكره لاتبيني شكك عشان لايصير حذر اعطيييييييييييه الامان لاتسيئي النيه بس برضوه لاتعطيه الثقه كثير بينك وبين نفسك بس قدامه بيني انك واثقه فيه كثير وفعلا الاخت مسلمه كفت ووفت قالت كل الكلام اللي بخاطري

 

[خوااااطر]

انا مع الاخت مسلمه مسالمه
وفقك الله وهون عليك ابتلاءك
وجعلك قرة عين زوجك وسخره لك ربي انشاء الله

 

[ملكة ببلقيس]

حبيبتي
نصيحتي لك
لا ... تضيقين صدرك إلا على شيء انت متاكدة منه
والله يهديه ويبعده عن الحرام