أميرة العرب
New member
- إنضم
- 2007/09/02
- المشاركات
- 26
السلام عليكم ورحمة الله وبركاته
ترددت كثيرا قبل ان اطرح مشكلتي .. تعودت ان اساعد في حل كثير من المشاكل بس حاولت كل اللي اقدر عليه في مشكلتي وما انحلت
خليني اعرضها عليكم..
تزوجت من 5 سنوات وعندي بنت وولد ..أم عاملة في شركة خاصة دوامي من 8 - 4 العصر .. نحب بعض انا وزوجي والحمدلله المشاكل كانت بسيطة في بداية الزواج ...
مشكلتي معاه اني وأولاده والبيت آخر اهتماماته .. يعني عنده ربعه أولا والبيت يفكر فيه آخر شي .. قلت يمكن الخلل من شي فيني بس الحمدلله ما اقصر بولا شي .. من ناحية اهتمام في نفسي او فيه او في البيت .. يعني بعد الدوام ارجع اجهز العشا اعشي اطفالي واتجهز وانتظره .. بس نتعشى حتى قبل لا يكمل العشا يكون متفق ويا احد من اصدقائه انه يمر عليه ويروحون القهوة ويظل هناك يوميا الى الساعة 1 أو 2 ويرجع بعد ما اكون نمت يسهر على ادارة احد المنتديات الى الساعة 3 الفجر بعدين يجي ينام هذا لأنها ليلة دوام .. ليلة الخميس اجازة يجي من عند ربعه الساعة 5 الفجر ويقعد على النت الى الساعة 7 وبعدين يرجع ينام ..
خلاصة اللي انا قلته اني اشوفه في اليوم بالكثير ساعة ويطلع بعدها ومااجوفه الا ثاني يوم ..
أنا يوميا اصحى الساعة 7 آخذ بنتي الحضانة واروح الدوام وهو ينام الى الساعة 10 بعدين يروح الدوام الساعة 11 .. حتىاذا الجنس يكون بسرعة بسرعة قبل لا يوصلون ربعه او الساعة 4 الفجر بعد ما يكمل من النت وبسرعة لأنه تعبان.. ما يهمه حتى لو اتجهزت اتمكيجت البس قمصان نوم وعطورات وبخور وشموع وأبدا يطفي الشموع وينام ..
هذا شي والشي الثاني طلعتنا مع بعض كنا مخصصين من اتزوجنا يوم الجمعة انسميه الفاميلي داي.. يعني المفروض نقضيه مع بعض نطلع او نسوي اي برنامج نستانس فيه .. بس من يوصل الجمعة الصبح يعطي اي اعذار عشان بس لا نطلع .. وصرنا نطلع مرة في الشهر وبعد طول ما احنا بره البيت يكون ساكت وما يتكلم .. واظل افتح مواضيع اعرف انها تهمه يقول يصير خير او ان شاء الله ويسد الموضوع .. شسوي ؟؟
أمس فتح لي موضوع قهرني فيه .. ( اهلي عندهم مارعة وبيت ثاني ) يسوي ليش اهلك ما يفكرون فينا ويعطونا مكان نسكن فيه بدل الايجار .. اهلك ما يفكرون فيك ولا يحبونك وبس يفكرون في آخر العنقود ( يقصد اختي اللي ما تزوجت ) واعرف اهم ينتظرونها تتزوج ويعطونها كل شي !!!
حاولت احل الموضوع بأكثر من طريقة لحل المواضيع بس ما نفع .. لمحت لأبوه انه يكلمه بطريقة غير مباشرة والله يحفظه عمي فهم وكلمه بطريقة حلوة عشان يرجع لأولاده والبيت بس مافي فايدة .. مو حاط اعتبار لأي شخص في العائلة لو كنت بخلي احد يكلمه ما يهمه لو من كان .. يسوي اللي هو يبغاه وبس ..
افيدوني شسوي ؟؟
ترددت كثيرا قبل ان اطرح مشكلتي .. تعودت ان اساعد في حل كثير من المشاكل بس حاولت كل اللي اقدر عليه في مشكلتي وما انحلت
خليني اعرضها عليكم..
تزوجت من 5 سنوات وعندي بنت وولد ..أم عاملة في شركة خاصة دوامي من 8 - 4 العصر .. نحب بعض انا وزوجي والحمدلله المشاكل كانت بسيطة في بداية الزواج ...
مشكلتي معاه اني وأولاده والبيت آخر اهتماماته .. يعني عنده ربعه أولا والبيت يفكر فيه آخر شي .. قلت يمكن الخلل من شي فيني بس الحمدلله ما اقصر بولا شي .. من ناحية اهتمام في نفسي او فيه او في البيت .. يعني بعد الدوام ارجع اجهز العشا اعشي اطفالي واتجهز وانتظره .. بس نتعشى حتى قبل لا يكمل العشا يكون متفق ويا احد من اصدقائه انه يمر عليه ويروحون القهوة ويظل هناك يوميا الى الساعة 1 أو 2 ويرجع بعد ما اكون نمت يسهر على ادارة احد المنتديات الى الساعة 3 الفجر بعدين يجي ينام هذا لأنها ليلة دوام .. ليلة الخميس اجازة يجي من عند ربعه الساعة 5 الفجر ويقعد على النت الى الساعة 7 وبعدين يرجع ينام ..
خلاصة اللي انا قلته اني اشوفه في اليوم بالكثير ساعة ويطلع بعدها ومااجوفه الا ثاني يوم ..
أنا يوميا اصحى الساعة 7 آخذ بنتي الحضانة واروح الدوام وهو ينام الى الساعة 10 بعدين يروح الدوام الساعة 11 .. حتىاذا الجنس يكون بسرعة بسرعة قبل لا يوصلون ربعه او الساعة 4 الفجر بعد ما يكمل من النت وبسرعة لأنه تعبان.. ما يهمه حتى لو اتجهزت اتمكيجت البس قمصان نوم وعطورات وبخور وشموع وأبدا يطفي الشموع وينام ..
هذا شي والشي الثاني طلعتنا مع بعض كنا مخصصين من اتزوجنا يوم الجمعة انسميه الفاميلي داي.. يعني المفروض نقضيه مع بعض نطلع او نسوي اي برنامج نستانس فيه .. بس من يوصل الجمعة الصبح يعطي اي اعذار عشان بس لا نطلع .. وصرنا نطلع مرة في الشهر وبعد طول ما احنا بره البيت يكون ساكت وما يتكلم .. واظل افتح مواضيع اعرف انها تهمه يقول يصير خير او ان شاء الله ويسد الموضوع .. شسوي ؟؟
أمس فتح لي موضوع قهرني فيه .. ( اهلي عندهم مارعة وبيت ثاني ) يسوي ليش اهلك ما يفكرون فينا ويعطونا مكان نسكن فيه بدل الايجار .. اهلك ما يفكرون فيك ولا يحبونك وبس يفكرون في آخر العنقود ( يقصد اختي اللي ما تزوجت ) واعرف اهم ينتظرونها تتزوج ويعطونها كل شي !!!
حاولت احل الموضوع بأكثر من طريقة لحل المواضيع بس ما نفع .. لمحت لأبوه انه يكلمه بطريقة غير مباشرة والله يحفظه عمي فهم وكلمه بطريقة حلوة عشان يرجع لأولاده والبيت بس مافي فايدة .. مو حاط اعتبار لأي شخص في العائلة لو كنت بخلي احد يكلمه ما يهمه لو من كان .. يسوي اللي هو يبغاه وبس ..
افيدوني شسوي ؟؟
