مشكلتي مع ( زوجي وعمته )

[ام ميمي الحلوه]

السلام عليكم

انا مشكلتي مختلـــفه ..

عمـــة زوجي ( يعني اخت ابوه )

تحــب زوجـــي وتراسله رسائل غراميه ورسائل فيها كلام خااص مايقال الا بين الأزواج


وش الحــل !!!

انا ناقشت زوجي من فتره تقريبآ سنه وخليته يكلمها قدامي وقال لها ماعاد ابي رسائل ولاغيره انسيني وقالت اوكي

ألحين رجعت وبقوووه كل يوم 10 الى 18 رساله

وهو كذلك يراسلها

وش الحل انا ما ابيها تدري اني اغار منها او حتى اني حاطتها في بالي

لأنها استغفر الله تعاكس وغيره اخاف توزع رقمي وتتبلاني واصير في مشكله

واصلآ هي تكرهني والي قال لي هالكلام زوجي لأنها قالت له من فتره

ساعدوووووووني ابــي حل ....

( ملاحظه : عمته مو متزوجه وعمرها مقاارب لعمر زوجي )​

 

[روح الضباب]

عسى ما شر

المشكله مو برااسها

المشكله براس زوجك

حلوه ذي ادبيه

اجل لو انتي تراسلين ولد اخوك وهو يراسلك وش بتكون ردة فعله؟؟

احزمي الموضوع وشوفي لك صرفه مع زوجك

هي ل تقربين ناحيتها تكبرين راسها سوي ولا كأنك معبرتها

 

[لصبري حدود]

اللهم استرنا فوق الارض وتحت الارض ويوم العرض
ياناس وش هالمصايب كيف تتجرى تراسل عمها والله اني كنت اتلعثم اذا سلمت على عمي الله يرحمه وهو كان اطيب منه مافي ومع هاذا والله اني انحرج منه
والله ياقلبي مالك الاالدعاء وربك قادر يفرجها
وكلامك عين العقل لاتبينين لها شي يمكن تبي تستفزك فاتطنيشها احسن ويجي يوم وتمل ولاتراسله خصوصا انك قلتي قد قالها قبل كذا مايبي رسايل اكيد بتطفش وتبطل
اسئل الله ان يهديها لمايحبه ويرضاه
الله يسخره لك ياقلبي

 

[رمش هيمانة]

تدرين وش مشكلتك بالضبط

زوجك... مو عمته


وبعدين خلهم يتراسلون ... ولد اخ وعمته ......ترى بتطيح براسك لو تدري عمته ...خليك ريلاكس وتفاهمي معاهقولي( انها سوالف عيب تعرفها بنت مو متزوجه المفروض تنبهها ماتراسلك هالسوالف ) <<< خلك كآنك ناصحة

توكلي على الله وطنشي لاتجيبي المشاكل لبيتك ترى مجرد مسجات ّّّ!!!

 

[ام ميمي الحلوه]

المشكله من يومين كلمت زوجي وقال خليها ترسل انتي وش لك فيها !!!!

قمــــت البـــرووود

احس هو عاجبه الوضع .. انا ذبحتني الغيره لأنها مسجات رومانسيه جدآآآآآآ