مشكلتي مع زوجي ارجو الحل....

[ريبنسل]

السلام عليكم ورحمة الله وبركاته ...
بدون مقدمات راح ادخل في الموضوع بدون امر عليكم...
انا مشكلتي مع زوجي من بدايه زواجنا لحد الان وهوه متعلق في ولد اخوه الصغير جنني لدرجه اني انجبت طفل قلت امكن يتغير لكن الولد اخذ عقله لدرجه انه سميه بابا انا ما امنعه يحبه بس مو على حساب ولده وربي تعبت معاه كل ما كلمته زاد عناده وتعلقه بولد اخوه واذا طنشته مت قهر اذا طلع اخذه معاه واذا سافرنا اكثر الاوقات ياخذه معانا وينام معانا وربي حاله والمشكله الولد شقي ويطفش ولا يبغاني ويغار مني مع اني طيبه معاه ولاقد اذيته وربي يشهد بس وربي تعبت من هذي الحاله وحتى ولدي اللي جبته وربي ما احسه يهتم فيه زي ذاك تخيلو انه كان يغيرله الحفاظ وانتم بكرامه ويروشه ويلبسه وياكله وينام معاه وولدي اتشكمه يغسله يتقرف ويقول وينك انتي عنه شفتوا القهر ابي حل ارجوكم

 

[*ملكة الحب*]

من جدك !!!!!!!!!!!!

اذا أمه حبيبه كلميها وخليها تضف ولدها

وانت معطيته وجه ليه تخلينه ياخذه بالسفر معاكم ارفضي وكل شي له حده​

 

[خلآص...!]

امااا يغير له وتسافرو معاه > وناسه ههههههه
قولي له اذا تبيني اسكت وما ازن عليك عطني كل يوم ساعه تهتم فيها بولدك وانا في هذي الساعه
بدخل غرفتي ارتاح فيها
صراحه قهرررر يدلل ولد اخوه ويترك ولده ع الاقل عشان يسكتك يساعدك فيه​

 

[ام اليتيم]

انتى كل ماابديتى زعلك كل ماتعلق فى الولد اكثر . بالعكس خلية مصيرة. بيمل . وانتى ماذكرتى كم عمر ابنك؟ لأنة لو رضيع غالبا الرجال مابيهتموا بس بمجرد مايتكلم ويمشى يبدأيتعلق فية . ولا تدققى كثير وتعطى للموضوع اكبر من حجمة

 

[ندى العشق]

حبيبتي ولدك بيكبر شوي شوي ويتعلق فية وتشكي لامه قلي ولدك شقي وما اتحمل شقاوته والبيت وولدي يكفوني ماخلفته ونسيته...هي بتفهمها ...وزوجك بيحس ان امه هي اللي تبية ومايفكر ان السالفه من وراك .....

 

[توتونجد]

تعلق زوجك بولد اخوه طبيعي لانه حركي ويمكن عايش معاهم ببت العائله

اذ ولدك صغير رح يكبر ويختلف الوضع كثير

 

[نســـرين]

ولدك ان شاءالله بيكبر وبحركاته ابوة بيتعلق فيه بس انتي لا تزنين عليه وتقولين لا تحط له وتسوي له طنشيه لانه اذا قلتي له اي شي عنه بتلفتين الانتباه لزوجك ويصعب انه يتركه
موفقه حبيبتي​

 

[روحي واو]

كآن زوجي كذا ., بس كبر ولدي وصار يروج ويجي .,

وبدأ يتكلمـ .,

وربي أبوه صأير يموت عليه ., ومتعلق فيه بششكل مو طبيعي .,

ونسسى من ولد أخته ., عآدي ., شوي شوي يتعلق بولدي ومن جهه يبعد عن ولد اخته وعادي

مسالة وقت بسس

 

[wa7da co0ol]

انا زوجي مثلك متعلق باولاد اخته ومايمشي ابنه الا مع اولاد اخته واذا اخده قال لو كانوا معاه كان تفاعل اكثر انا تعبت وانا تعبت لكن مع اولاد اخته لو ايش مايقول تعبت قتله يعني الولد ينحبس لما يجوا سكت ولا مو حرام صغير يجلس في البيت

 

[الدنياعلمتني]

انا مثلك كان زوجي يموت على ولد اخوه بشكل مو طبيعي حتى في شهر العسل والله طول الوقت يسولف فيه لدرجه انا بديت اغار يوم جبت ولد وكبر تعلق بولده ونسى ولد اخوه حتى الولد لاحظ يقول لامه عمي تغير مو مثل اول صدقيني بيتغير والولد بيكبر لا تخلين هذي مشكله وتضيقين صدرك علشانها

 

[الجواااان]

هل ابو الولد وامه منفصلين عن بعض ....

 

[انثى صادقه]

بصراحه زوجك مزودها شوي وخصوصآ موضوع السفر!!!
مثل ماقالو الاخوات اذا ولدك كبر صدقييييني رح ينساه شوي شوي وبيتعلق في ولده...
غريبه امه مخليته يسافر معكم دايم المفروض تمسك ولدها شوي... لازم تكلمينها اذا استمر الحال على ها الوضع !

 

[ღ اُمـ رامي ღ]

طيب وين امه؟

 

[ريبنسل]

مشكورين على تفاعلكم جميعا..
هل ابو الولد وامه منفصلين عن بعض ....؟؟؟
لا موجودين وساكنيين في الشقه اللي قدامي علشان كذا الولد لازق اربعه وعشرين ساعه حتى اذا بكى عند امه وسمعه زوجي قام يدق جرسهم يناديه وامه ما تصدق بالفكه منه ..امه ما علبالها منه تصدقون انها بعض الاحيان تدق تسال عن زوجي وتقول وينه خليه ياخذ الولد اذا بيطلع طفشني شوفوا كيف الجرأه وحتى اهل زوجي ملزقين الولد في زوجي بالقوة هذا الولد سيرته دايم على اللسان من اهل زوجي وزوجي مع انه شيطون وانا الله يعطيني على قد نيتي طيبه وما احب اجرح احد حتى لو على حساب نفسي وعلشان كذا تعبت واحيانا اصارح زوجي وابكي بس مافيه فايدة كاني اكلم جدار
الله يعطيني الصبر انشاء الله وتنحل على قولتكم واتهنى